မြန်မာ့ခရီးသွားလာရေးလုပ်ငန်းဥပဒေမူကြမ်း ပြင်ဆင်ဖြည့်စွက်ရန် အကြံပြုချက်များကို လွှတ်တော်သို့ ပေးပို့မည်ဟုဆို

နှစ်ပေါင်း ၁၀၀ ကျော်သက်တမ်းရှိ ဦးပိန်တံတားနှင့် တောင်သမန်အင်းဝန်းကျင်သည် နိုင်ငံခြားဧည့်သည်များ လည်ပတ်ရာနေရာတစ်ခုဖြစ်သည်။ ဓာတ်ပုံ − စိုင်းဇော်

သြဂုတ်အတွင်းက ထုတ် ပြန်ကြေညာသည့် မြန်မာနိုင်ငံ ခရီးသွားလာရေးလုပ်ငန်းဥပဒေ မူကြမ်းအပေါ် အကြံပြုချက်များ စုစည်းနေရာ ပေးပို့လာသည့် အ ကြံပြုချက်များကို ပြည်ထောင်စု လွှတ်တော်သို့ ပေးပို့မည်ဖြစ်ကြောင်း မြန်မာနိုင်ငံ ခရီးသွားလုပ်ငန်းရှင်များအသင်းဥက္ကဋ္ဌ ဦးသက်လွင်တိုးက ပြောသည်။


 မြန်မာနိုင်ငံ ခရီးသွားလုပ် ငန်းရှင်များအသင်းသည် အသင်း မှ ခန့်အပ်ထားသည့် ဥပဒေအကြံ ပေးအပါအဝင် အသင်းဝင်များ၊ ခရီးသွား လုပ်ငန်းရှင်များ၊ ခရီး သွားလုပ်ငန်းနှင့် အသက်မွေးဝမ်း ကျောင်းပြုသူများပါဝင်သည့် ဥပ ဒေမူကြမ်းအပေါ် အကြံပြုဆွေး နွေးပွဲကို စက်တင်ဘာ ၂၁ ရက် တွင် ရန်ကုန်မြို့ရှိ ကုန်သည်များနှင့် စက်မှုလက်မှု လုပ်ငန်းရှင်များ အသင်းရုံး၌ ပြုလုပ်ခဲ့သည်။

ဥပဒေကြမ်းအမည်မှ အစပြု ၍ ဥပဒေတွင်ပါသော စကားရပ် တိုင်းကို ပြင်ဆင်ရန်နှင့် အသစ် ပြန်လည်ဖြည့်သွင်းရန် အပြန် အလှန် ဆွေးနွေးခဲ့သည်။ ခရီးသွား လုပ်ငန်းဖွံ့ဖြိုးတိုးတက်မှုကို အဓိကထား၍ အကြံပြုဆွေးနွေးပြီး ဆွေးနွေးချက်များကို အတည်ပြု၍ အောက်တိုဘာ ပထမပတ်အတွင်း လွှတ်တော်သို့ ပြန်လည်တင်ပြမည်ဟု ဦးသက်လွင်တိုးက ပြောကြား သည်။

မြန်မာနိုင်ငံ ခရီးသွားလာရေး လုပ်ငန်း ဥပဒေမူကြမ်းတွင်ပုဒ်မ ၄၄ ခုပါဝင်ပြီး အခန်း (၃) ၌ ဒုတိယ သမ္မတဦးဆောင်သော အမျိုးသား ခရီးသွားလာရေး လုပ်ငန်း ဖွံ့ဖြိုး တိုးတက်ရေး ဗဟိုကော်မတီကို ပြည်ထောင်စု အစိုးရအဖွဲ့က ဖွဲ့စည်းပေးရမည်ဟု ပါရှိသည်။ ဥပဒေကြမ်းတွင် ခရီးသွားကဏ္ဍ အတွက် လုပ်ပိုင်ခွင့်အာဏာများ ကို တိုင်းဒေသကြီးနှင့် ပြည်နယ် အလိုက် ခွဲဝေထားမှု ပါရှိသည်။

၁၉၉၃ တွင် ပြဋ္ဌာန်းခဲ့သည့် မြန်မာနိုင်ငံ ဟိုတယ်နှင့်ခရီးသွား လာရေးဥပဒေသည် ယနေ့ကာလ တွင် ခေတ်နှင့်လျော်ညီမှုမရှိတော့ သဖြင့် မြန်မာနိုင်ငံ ခရီးသွားလာ ရေးလုပ်ငန်း ဥပဒေအသစ်ကို ပြန်လည်ပြဋ္ဌာန်းရန် ပြင်ဆင်နေ သော်လည်း ဥပဒေပါစကားရပ် များကို ပြင်ဆင်ဖြည့်စွက်ရန် လို အပ်ကြောင်း ခရီးသွားလုပ်ငန်းရှင် အချို့က ပြောသည်။

ဥပဒေကြမ်းနှင့်ပတ်သက်၍ အကြံပြုချက်များကို မြန်မာနိုင်ငံ ခရီးသွားလုပ်ငန်းရှင်များအသင်း သို့ စာဖြင့်ပေးပို့နိုင်ကြောင်း ၎င်း က ပြောသည်။

More in Tourism Section

Top News