ထိုးဖောက်လာသော မိုဘိုင်းအခြေပြု ငွေလွှဲဝန်ဆောင်မှု

Wave Money ဖေ့စ်ဘွတ်ခ်စာမျက်နှာကို လေ့လာကြည့်ရှုနေသူတစ်ဦး (ဓာတ်ပုံ-စိုင်းဇော်)

Wave Money အမှတ်တံဆိပ်ဆိုင်းဘုတ်ရှိသည့် ‘အောင်’ဟန်းဆက်နှင့် ငွေဖြည့်ကတ်ဖြန့်ချိရေးဆိုင်သို့ ကိုနေမင်းဦးတစ်ယောက် ငွေသားထုတ်ယူရန် ရောက်ရှိလာသည်။

လုပ်ငန်းတူစီးပွားရေးမိတ်ဖက်တစ်ဦးက ပျော်ဘွယ်မြို့မှတစ်ဆင့် လွှဲပြောင်းသည့်  ကျပ် ၂၉၀,၀၀၀ ကို ကိုနေမင်းဦးက တောင်ကြီးမြို့ရှိ ‘အောင်’ Wave Money ကိုယ်စားလှယ်ထံမှ ငွေ သားလာရောက်ထုတ်ယူခြင်းဖြစ် သည်။

‘‘ဘဏ်တွေက လွှဲရထုတ်ရတာကြာတယ်။ ဒါကြောင့် Wave Money နဲ့လွှဲတာပါ။ အကြိမ်အရေ အတွက် ၄၀ လောက် ထုတ်ဖူးတယ်။ တစ်သိန်းကနေ ၁၀ သိန်းအထိ ထုတ်ဖူးတယ်’’ဟု ကိုနေမင်းဦးက ပြောသည်။ ပုံမှန်အား ဖြင့် အခြားသောမြို့များမှ ငွေလွှဲများကို ပျော်ဘွယ်မြို့တွင် အများ ဆုံးထုတ်ယူဖူးပြီး ယခုအခါ တောင်ကြီးမြို့သို့ ရောက်ရှိနေသဖြင့် ပျော်ဘွယ်မြို့မှတစ်ဆင့် ပြန်လည်လွှဲအပ်သည်ကို ထုတ်ယူခြင်းဖြစ်သည်။

ငွေကြေး လွှဲပြောင်းမှုနှင့် ပတ်သက်၍ ကိုနေမင်းဦးအသုံးပြုနေသည့် Wave Money ဆိုသည်မှာ ဆက်သွယ်ရေးအော်ပရေတာ တယ်လီနောနှင့် ရိုးမဘဏ်တို့ ပူးပေါင်းထားသော ငွေကြေးလွှဲပြောင်းမှု ကွန်ရက်တစ်ခုဖြစ်သည်။

ကန်ဒေါ်လာ ၁၇ ဒသမ ၂ သန်း ရင်းနှီးမြှုပ်နှံထားသည့် အကျိုးတူ ငွေကြေးလွှဲပြောင်းမှု ကွန်ရက်တစ်ခုဖြစ်ပြီး တယ်လီနောက ၅၁ ရာခိုင်နှုန်းနှင့် ရိုးမဘဏ်က ၄၉ ရာခိုင်နှုန်းအသီးသီး ခွဲဝေပိုင်ဆိုင်ထားသည်။ ဗဟိုဘဏ်သည် Wave Money ဝန် ဆောင်မှုလုပ်ငန်းကို Digital Money မြန်မာလီမိတက်အမည်ဖြင့် ငွေကြေးဆိုင်ရာဝန်ဆောင်မှု ပြုလုပ်ရန် ၂၀၁၆ စက်တင်ဘာအတွင်းက ခွင့်ပြုခဲ့ခြင်းဖြစ်သည်။

‘‘Wave Money စကတည်းက လုပ်လာတာ။ အရင်ဆိုရင် လူမသိဘူး။ အရင်နှစ်ကဆိုရင် သုံးလေးရက်ကြာမှ တစ်ခါလောက် လာထုတ်ကြတာ။ အခုဆိုရင် လူသိလာပါပြီ။ ပိတ်ရက်ဆိုရင် ၁၀ ယောက်လောက်အထိ ငွေလာထုတ်တာရှိပါတယ်’’ဟု Wave Money ကိုယ်စားလှယ် ဒေါ်ခင်မြင့်အေး (Mobile AGE) ကပြောသည်။

Wave Money အနေဖြင့်တစ်နှစ်အတွင်း လျင်လျင်မြန်မြန် အောင်မြင်လာသည်မှာ တယ်လီနော၏ ဖြန့်ချိရေးကွန်ရက်ကို အခြေခံ၍ ထပ်ဆင့်လုပ်ဆောင်ခြင်းကြောင့် ဖြစ်သည်။

တယ်လီနော၏ Wave Money ဝန်ဆောင်မှုအောင်မြင်လာသည့်နောက်ပိုင်း အူရီးဒူး၏ M-Pitesan ဝန်ဆောင်မှုထွက်ပေါ်လာသည်။

‘‘ဈေးကွက်အနေအထားက မိုဘိ်ုင်းငွေကြေးရဲ့ နောက်တစ်ဆင့် ထွန်းကားလာမှုအတွက် အသင့်ဖြစ်နေပြီလို့ ယုံကြည်ပါ တယ်’’ဟု အူရီးဒူး စီးအီးအိုMr.Vikram Sinha ကပြောသည်။ အူရီးဒူးအနေဖြင့် CB ဘဏ်နှင့် ပူးပေါင်း၍ မိုဘိုင်းအခြေပြု ငွေကြေးလွှဲပြောင်းခြင်း ဝန်ဆောင်မှုကို လုပ်ကိုင်သော်လည်း ရင်းနှီးမြှုပ်နှံမှုပမာဏနှင့် အချိုးကျပိုင်ဆိုင်မှုကို ထုတ်ပြန်ပြောဆိုခြင်း မရှိပေ။

လုပ်ငန်းလည်ပတ်ခွင့်လိုင်စင်ကို M-Pitesan က Ooredoo Myanmar Fintech လီမိတက်အမည်ဖြင့် ဇူလိုင်အတွင်းက ဗဟိုဘဏ်မှ ခွင့်ပြုချက်ရရှိခဲ့ပြီး လက်ရှိတွင် အေးဂျင့် တစ်ထောင်ကျော် ဖြင့် ချိတ်ဆက်လည်ပတ်နေသည်။

တယ်လီနောနှင့် အူရီးဒူးက ငွေကြေးလွှဲပြောင်းခြင်းနှင့် ဝန်ဆောင်မှုလုပ်ငန်းကို အေးဂျင့်ချဲ့ထွင်ခြင်းနှင့် ဈေးနှုန်းပြိုင်ဆိုင်ခြင်း အပါအဝင် ဈေးကွက်ဝေစုခွဲ ပိုမို ရရှိရန် လုပ်ဆောင်လာသည့်အခါ တယ်လီကွန်းဈေးကွက်ကို လက် ဦးမှုရယူထားသည့် မြန်မာ့ဆက်သွယ်ရေးလုပ်ငန်းက အလားတူဝန်ဆောင်မှုလုပ်ငန်းကို မိတ်ဆက်မည်ဟု ကြေညာခဲ့သည်။

အခြားသော ဆက်သွယ်ရေး အော်ပရေတာနှစ်ခုကဲ့သို့ အကျိုးတူပူးပေါင်းသည့်ဘဏ်အရေအတွက်ကို တစ်ခုထက်မက သုံးခုခန့်ဖြင့် လက်တွဲမည်ဖြစ်ကြောင်း မြန်မာ့ဆက်သွယ်ရေး လုပ်ငန်း ပြောရေးဆိုခွင့်ရှိသူ ဦးသိန်းဟုတ် က ပြောသည်။ သို့သော် မြန်မာ့ဆက်သွယ်ရေးလုပ်ငန်းသည် အစိုးရပိုင် အော်ပရေတာဖြစ်သဖြင့် အကောင်အထည်ဖော်ဆောင်ရန် အဆင့်ဆင့်တင်ပြရခြင်းကြောင့် အချိန်လိုအပ်နေသည်။

ဗဟိုဘဏ်က ချမှတ်ထားသည့် စည်းမျဉ်းစည်းကမ်းအရ အော်ပရေတာအနေဖြင့် မိုဘိုင်းအခြေပြု ငွေကြေးလွှဲပြောင်းခြင်း ဝန်ဆောင်မှုလုပ်ကိုင်လိုပါက သီးခြားကုမ္ပဏီတစ်ခုကို ဘဏ်လုပ်ငန်းတစ်ခုခုနှင့် ပူးပေါင်းထူထောင်ရမည်ဖြစ်သော်လည်း မြန်မာ့ဆက်သွယ်ရေးလုပ်ငန်းက ယနေ့အထိ သီးခြားကုမ္ပဏီ ထူထောင်နိုင်ခြင်း မရှိခဲ့ပေ။

မြန်မာနိုင်ငံတွင် ATM စက်အရေအတွက် သုံးထောင်ခန့်သာရှိပြီး ဘဏ်ခွဲအရေအတွက် နှစ်ထောင်ခန့်သာရှိသဖြင့် မိုဘိုင်းငွေကြေးဝန်ဆောင်မှုသည် ဘဏ်နှင့်ချိတ်ဆက်နိုင်ခြင်း မရှိသည့် ကျေးလက်နေပြည်သူများ အ တွက် ငွေကြေးလွှဲပြောင်းရာတွင် အဆင်ပြေသည့် ရွေးချယ်စရာတစ်ခုဖြစ်လာသည်။

‘‘ဒီမှာက လွှဲတဲ့လူတော့ရှားတယ်။ ထုတ်တဲ့လူပိုများတာပေါ့။ တခြားမြို့တွေမှာ အလုပ်သွားလုပ်ကြတယ်။ ပြီးတော့ ဒီကိုပြန် လွှဲကြတယ်ပေါ့။ ထုတ်တဲ့လူနဲ့ လွှဲတဲ့လူက သုံးချိုးတစ်ချိုးလောက် ကွာပါတယ်။ အခက်အခဲက ဘာရှိလဲဆိုတော့ တစ်ခါတလေ ဖုန်းလိုင်းကျခဲ့ရင် မရောက်တာ (ကုတ်နံပါတ်) တို့ ဘာတို့တော့ ရှိတာပေါ့’’ဟု တောင်ကြီးမြို့ခံ ဒေါ်ခင်မြင့်အေးက ပြောသည်။

မိုဘိုင်းအခြေပြု ငွေကြေးလွှဲ ပြောင်းခြင်း ဝန်ဆောင်မှုဖြင့် ငွေ ကြေးလွှဲပြောင်းရခြင်းသည် အစစ အရာရာ အဆင်ပြေသည်ဆိုသော်လည်း ငွေလွှဲဝန်ဆောင်ခသည်  အနည်းငယ်များပြားနေသည်ဟု အသုံးပြုသူများက ပြန်လည်ဝေဖန်ကြောင်း၊ ဝန်ဆောင်မှုကုမ္ပဏီအနေဖြင့် ဝန်ဆောင်ခဈေးနှုန်းကို ယခုထက်လျှော့ချပေးနိုင်ပါက လုပ်ငန်းပိုမိုအောင်မြင်လာနိုင်ကြောင်း ဒေါ်ခင်မြင့်အေး က အကြံပြုသည်။ လက်ရှိ၌ Wave Money သည် မိုဘိုင်းအခြေပြု ငွေကြေး ဝန်ဆောင်မှုကို တစ်ဦးတည်းအနေဖြင့် လုပ်ကိုင်နေရာမှ M-Pitesan မိတ်ဆက်လာသဖြင့် ၎င်းတို့ကောက်ခံနေသည့် ဈေးနှုန်းများကို စက်တင်ဘာအတွင်း လျှော့ချကောက်ခံခဲ့သည်။

Wave Money ၏ ငွေကြေး လွှဲပြောင်းမှုဈေးနှုန်းသည် နှစ်သိန်းကျပ်အထိ ၂,၅၀၀ ကျပ်ဖြစ်သည်။ တစ်ကြိမ်အများဆုံး လွှဲပြောင်းနိုင်သည့်ပမာဏသည် နှစ်သိန်းကျပ်ဖြစ်သည်။ ငွေသားကို ကြားခံအနေဖြင့် ထုတ်ပေးသည့် ကိုယ်စားလှယ်အတွက် နှစ်သိန်း ကျပ်လျှင် ကော်မရှင်ခ ကျပ် ၅၀၀ ရရှိသည်။

‘‘ကျွန်တော်တို့အတွက် အကျိုးအမြတ်ကတော့ အများကြီးမဟုတ်ပါဘူး။ စီးပွားရေးအရတွက်မယ်ဆိုရင်တော့ တွက်လို့မရဘူး။ ဒါပေမဲ့ လုပ်ငန်းလည်ပတ်တယ်လေ’’ဟု ‘အောင်’ငွေဖြည့် ကတ်ဖြန့်ချိရေးဆိုင်မှ Wave Money အေးဂျင့်ကပြောသည်။

ပိတ်ရက်ဖွင့်ရက်မရှိခြင်းနှင့် ကျေးလက်ဒေသအထိ အေးဂျင့်ဆိုင်များတည်ရှိခြင်းက ဘဏ်များထက် ပိုမိုအားသာချက်ရှိသည်ဟု Wave Money ကိုယ်စားလှယ် အချို့ကပြောသည်။

စီးပွားရေးလုပ်ငန်းရှင်ကြီးများ အတွက် တစ်ကြိမ်လျှင် နှစ်သိန်း ကျပ်အထိသာ လွှဲပြောင်းနိုင်သည့် မိုဘိုင်းအခြေပြု  ငွေကြေးဝန် ဆောင်မှုကို အသုံးပြုရန် အခက် အခဲရှိနေသော်လည်း မြို့ပြနှင့် ကျေးလက်အကြား သာမန် အ သေးစား စီးပွားရေးလုပ်ငန်းများ နှင့် ရွှေ့ပြောင်းလုပ်သားများ အ တွက် မိုဘိုင်းအခြေပြု ငွေကြေး လွှဲပြောင်းခြင်း ဝန်ဆောင်မှုက လတ်တလောတွင် အဆင်ပြေဆုံး ဖြစ်နေသည်။

မိုဘိုင်းအခြေပြုဝန်ဆောင်မှုလုပ်ငန်းသည် ငွေကြေးလွှဲပြောင်းခြင်းအပြင် အစိုးရထံ အခွန်အခပေးဆောင်ခြင်း၊ ဝန်ထမ်းလစာ ပေးချေခြင်းအထိ လုပ်ကိုင်ရန် ရည်ရွယ်ခြင်း ဖြစ်သည်။ သို့သော် လက်ရှိအချိန်၌ ဖုန်းဘီလ် ဖြည့် သွင်းခြင်းကိုသာ အောင်မြင်စွာ လုပ်ကိုင်နိုင်ခဲ့သည်။

‘‘လူတော်တော်များများက နယ်ကနေ မြို့ပေါ်ကို ရွှေ့လာကြတာပါ။ အဲဒီလူတွေ နယ်ကို ငွေပြန်လွှဲတာ အရမ်းကိုဖြစ်ထွန်းလာမယ်လို့ မျှော်လင့်ထားပါတယ်’’ဟု

Wave Money စီအီးအို Mr.Brad Jones ကပြောသည်။

ဈေးကွက်ပိုမိုအောင်မြင်လာရန် မိုဘိုင်းဂိမ်းတစ်ခုကို ကန်ဒေါ်လာငါးသိန်းကျော် အသုံးပြု၍ ဆွဲဆောင်မည်ဟု Wave Money က ကြေညာသည်။

အဆိုပါပရောဂျက်သည် အချိန် ၂နှစ်ကြာမြင့်မည်ဟု ခန့်မှန်းထားပြီး အမျိုးသမီးလူဦးရေ ၂၆၀,၀၀၀ ကို အသိပညာဖြန့်ဝေ နိုင်မည်ဟု ခန့်မှန်းထားသည်။ မြန်မာနိုင်ငံ၌ အမျိုးသမီးလူဦးရေ ၁ ဒသမ ၄ သန်းကျော် မိုဘိုင်းအင် တာနက်ကို အသုံးပြုနေပြီး အမျိုး သမီးအားလုံး၏ ၃၄ ရာခိုင်နှုန်းသည် တရားမဝင်သော ငွေကြေးဆိုင်ရာဝန်ဆောင်မှုကို အသုံးပြုနေသည်ဟု Wave Money က သတင်းထုတ်ပြန်သည်။

အမျိုးသမီးများ၏ ၂၉ ရာခိုင်နှုန်းကသာ တရားဝင်ငွေကြေးဝန်ဆောင်မှုကို အသုံးပြုနေပြီး အသက် (၁၈)နှစ်မှ (၃၄)နှစ်ကြား အမျိုးသမီး ၇ ရာခိုင်နှုန်းကသာ ဘဏ်အကောင့် ပိုင်ဆိုင်ထားသဖြင့်မိုဘိုင်းအခြေပြု ငွေကြေး လွှဲပြောင်းခြင်း ဝန်ဆောင်မှုလုပ်ငန်းသည် မျှော်လင့်စရာများ ဖြစ်နေခဲ့သည်။

ငွေကြေးအနည်းငယ်သာ လွှဲပြောင်းလိုသူများနှင့် ငွေကြေးလွှဲပြောင်းခြင်းဝန်ဆောင်မှုကို လက်လှမ်းမမီသူများသည် ကားဂိတ်များမှတစ်ဆင့် အများစုက ငွေကြေးလွှဲပြောင်းကြသဖြင့် အချိန်နှင့် ဝန်ဆောင်ခငွေကြေး ပိုမိုကုန် ကျနေသည်ဟု Mr.Brad Jones က ပြောသည်။ ဒစ်ဂျစ်တယ်ငွေကြေးလွှဲပြောင်းခြင်း ဝန်ဆောင်မှုလုပ်ငန်းကို ဆက်သွယ်ရေးအော်ပရေတာများကသာ လုပ်ကိုင်နေခြင်းမဟုတ်ဘဲ Myanmar Mobile Money ကလည်း မြန်မာ့ဆက် သွယ်ရေးလုပ်ငန်းနှင့် ပူးပေါင်း၍ ဝန်ထမ်းများ ပင်စင်လစာပေးခြင်းကို လုပ်ကိုင်နေသည်။

အလားတူ OK$ ကဲ့သို့သော ငွေကြေးလွှဲပြောင်းမှု ဝန်ဆောင်မှုလုပ်ငန်းများလည်း ဈေးကွက်အတွင်း ဝင်ရောက်နေရာယူလာသည်။ ထို့ကြောင့် ကျေးလက်ဒေသအတွက် ငွေကြေးလွှဲပြောင်း ခြင်း ဝန်ဆောင်မှုလုပ်ငန်းသည် ပြိုင်ဘက်စီးပွားရေးလုပ်ငန်းများအကြား မည်မျှအထိ အဆင်ပြေပြေ အောင်မြင်လာမည်ကို စောင့်ကြည့်ရမည်ဖြစ်သည်။