အော်ပရေတာများ ပူးပေါင်းပြီး မိုဘိုင်းငွေကြေး လွှဲပြောင်းမှုပြဿနာများ ဖြေရှင်းမည်

 မိုဘိုင်းဖုန်းအခြေပြု ငွေကြေးလွှဲပြောင်းခြင်း ၀န်ဆောင်မှု ပြဿနာများကို ဖြေရှင်းရန် အော်ပရေတာအချင်းချင်း ပူးပေါင်းဆောင်ရွက်မည်ဖြစ်ကြောင်း M-Pitesan ၀န်ဆောင်မှုအကြီးအကဲ Mr. Jacques က ပြောသည်။

 ထို့အပြင် မတူညီသော ငွေကြေးလွှဲပြောင်းမှု Brand များအ ချင်းချင်း အပြန်အလှန် လွှဲပြောင်းလက်ခံမှုပြုလုပ်နိုင်ရန် ပူးပေါင်းမည်ဖြစ်ကြောင်း ၎င်းကပြောသည်။

မိုဘိုင်းဖုန်းကို အခြေပြု၍ ငွေကြေးလွှဲပြောင်းရာတွင် နည်း ပညာအရ လုံခြုံမှုအပြည့်အ၀ရှိရန် အော်ပရေတာများက လုပ် ဆောင်ထားသော်လည်း လိမ်လည်မှုများသည် နည်းလမ်းမျိုးစုံဖြင့် ပေါ်ပေါက်လာနိုင်သဖြင့် ပြဿနာကို ပြန်လည်မျှဝေခြင်းဖြင့် အတူတကွဖြေရှင်းရန် အော်ပရေတာများ အချင်းချင်း ပူးပေါင်းခြင်းဖြစ်သည်။


ငွေကြေးလွှဲပြောင်းဝန်ဆောင်မှုကိုပထမဦးဆုံးမိတ်ဆက်သည့် Wave Money သည် ငွေသားလုံခြုံမှုကိစ္စရပ်အတွက် လိမ်လည်ခြင်းမခံရစေရန် အသိပညာပေးဗီဒီယိုဖိုင်ကို ဆိုရှယ်မီဒီယာမှတစ်ဆင့် စက်တင်ဘာအတွင်း ထုတ်လွှင့်ခဲ့သည်။

လက်ရှိတွင် တယ်လီနောက Wave Money အမည်ဖြင့် ငွေကြေးလွှဲပြောင်းခြင်းဝန်ဆောင်မှုကို လုပ်ကိုင်နေပြီး အူရီးဒူးက M-Pitesan အမည်ဖြင့် ၀န်ဆောင်မှုပေးအပ်နေသည်။ ငွေကြေးလွှဲပြောင်းမှုနှင့် ပတ်သက်၍ ပြဿနာကို ဖြေရှင်းရန် ပူးပေါင်းဆောင်ရွက်မှုတွင် လက်ရှိဝန်ဆောင်မှုပေးအပ်နေသည့် အော်ပရေတာများသာမက ၀န်ဆောင်မှုပေးအပ်နိုင်ခြင်းမရှိသေးသည့် မြန်မာ့ဆက်သွယ်ရေးလုပ်ငန်း၊ MyTel တို့နှင့်လည်း လက်တွဲထားကြောင်း Mr.Jacques က ပြောသည်။