မန္တလေးတိုင်းတွင် ဘဏ္ဍာနှစ်ငါးလအတွင်း စားသောက်ဆိုင်နှင့် ဟိုတယ်လုပ်ငန်းများမှ ကုန်သွယ်ခွန် ကျပ်သန်း ၁,၅၀၀ ကျော်ရရှိ

မန္တလေးတိုင်းအတွင်း ၂၀၁၇-၁၈ ဘဏ္ဍာနှစ်(ဧပြီမှ ဩဂုတ်) ငါးလအတွင်း စား သောက်ဆိုင်နှင့်ဟိုတယ်လုပ်ငန်း များမှ ကုန်သွယ်လုပ်ငန်းခွန်ကျပ် သန်း ၁,၅၀၀ ကျော်ရရှိခဲ့ကြောင်း ပြည်တွင်းအခွန်များဦးစီးဌာန (မန္တလေး) ဒုညွှန်ကြားရေးမှူးဦး အောင်မိုးက ပြောသည်။

အခွန်အမှတ်တံဆိပ်မကပ် သည့်စားသောက်ဆိုင်နှင့် ဟို တယ်လုပ်ငန်းများ အရေးယူမှုကို ကျယ်ပြန့်စွာ ပြုလုပ်လာနိုင်သ ဖြင့် ယခုကဲ့သို့စားသောက်ဆိုင် များမှ ကုန်သွယ်လုပ်ငန်းခွန်ရရှိမှု နှုန်းမြင့်တက်လာကြောင်း ၎င်းက ဆိုသည်။

‘‘အခွန်အမှတ်တံဆိပ်မကပ် တဲ့ဆိုင်တွေကို အရင်နှစ်တွေက ထက်ပိုပြီး အရေးယူမှုတွေလုပ် လာနိုင်တဲ့အတွက် စားသောက် ဆိုင်တွေကနေ အခွန်ရရှိမှုဟာ လည်း ပိုပြီးမြင့်တက်လာပါတယ်။ အရင်ကဆို ဆိုင်တစ်ဆိုင်ကို ငါး သိန်း၊ဆယ်သိန်းရရင်ကို တော် တော်ဟုတ်နေပြီ၊ အခုတော့ သိန်းရှစ်ဆယ်၊ ကိုးဆယ်လောက် ထိကိုရလာတဲ့ဆိုင်တွေရှိလာပါ တယ်’’ ဟု ဦးအောင်မိုးက ပြော သည်။

မန္တလေးတိုင်းအတွင်းရှိ စား သောက်ဆိုင်များနှင့် ဟိုတယ်များ မှ ကုန်သွယ်လုပ်ငန်းခွန်ကောက်ခံ ရန် ယခု ၂၀၁၇-၁၈ ဘဏ္ဍာနှစ် အတွက် ကျပ်သန်း ၄,၄၀၀ ကျော် ပမာဏရှိသည့်အခွန်အမှတ်တံ ဆိပ်များကို ပြည်တွင်းအခွန်များဦး စီးဌာနက ထုတ်ပေးထားပြီး အခွနငွေအဖြစ် ငါးလအတွင်းကျပ်သန်း၁,၅၀၀ ကျော် ပြန်လည်ရရှိခဲ့ သည်။

အခွန်အမှတ်တံဆိပ်မကပ် သော ဆိုင်များကို အရေးယူမှု အဖြစ် ပြီးခဲ့သည့် ၂၀၁၆-၁၇ ဘဏ္ဍာနှစ်အတွင်း စားသောက် ဆိုင်နှစ်ရာကို အရေးယူခဲ့ပြီး ယခု ၂၀၁၇-၁၈ ဘဏ္ဍာနှစ်ငါးလအ တွင်း စားသောက်ဆိုင် ၁၈၀ ခန့် ကို အရေးယူခဲ့သဖြင့် ယမန်နှစ်က ထက် နှစ်ဆခန့်အရေးယူနိုင်ခဲ့ ကြောင်း ပြည်တွင်းအခွန်များဦးစီး ဌာန(မန္တလေး)၏ စာရင်းများတွင် ဖော်ပြထားသည်။

အခွန်အမှတ်တံဆိပ်များ ကပ်ရန်ပျက်ကွက်ပါက ပထမ အကြိမ် ကျပ်နှစ်သိန်း၊ ဒုတိယ အကြိမ် ကျပ်ငါးသိန်း၊ တတိယ အကြိမ် ကျပ်ခုနစ်သိန်းနှင့်စတုတ္ထ အကြိမ် ကျပ် ၁၀ သိန်းဒဏ်ရိုက် မည်ဖြစ်ပြီး ထပ်မံကျူးလွန်ပါက လုပ်ငန်းပိတ်သိမ်းသည်အထိ  အ ရေးယူမည်ဖြစ်သည်။

More in Regional Section