နိုင်ငံတကာ သံတမန်များ မောင်တောဒေသသို့ သွားရောက်လေ့လာ

စုံစမ်းစစ်ဆေးရေး ခရီးမဟုတ်ဟု သံတမန် ၂၀ ဦး ကြေညာချက် ထုတ်ပြန်
နိုင်ငံတကာ သံတမန်များ မောင်တောဒေသသို့သွားရောက်ရန် စစ်တွေလေဆိပ်တွင် တပ်မတော်ရဟတ်ယာဉ်ပေါ်သို့ တက်ရောက်နေစဉ် (ဓာတ်ပုံ − ညွန့်ဝင်း/အီးပီအေ)

အကြမ်းဖက်တိုက်ခိုက်မှု များ ဖြစ်ပွားခဲ့သည့် ရခိုင်ပြည်နယ် မြောက်ပိုင်းဒေသသို့ သွားရောက် လေ့လာရန် နိုင်ငံတော်၏အတိုင် ပင်ခံပုဂ္ဂိုလ် ဒေါ်အောင်ဆန်းစု ကြည်က ဖိတ်ခေါ်ပြီးနောက် အောက်တိုဘာ ၂ ရက်တွင် နိုင်ငံ တကာသံတမန် ၅၀ ခန့်သည် ရ သေ့တောင်နှင့် မောင်တောမြို့ နယ်များသို့ ပထမဆုံးအကြိမ်သွား ရောက်ခဲ့သည်။

အဆိုပါခရီးစဉ်အတွင်းနိုင်ငံ တကာ သံတမန်များကဒေသခံများ ကို လွတ်လပ်ပွင့်လင်းစွာ မေးမြန်း ခွင့်ရကြောင်း နိုင်ငံပိုင်မီဒီယာများ က သတင်းထုတ်ပြန်သော်လည်း  ယခုခရီးစဉ်သည် စုံစမ်းစစ်ဆေး ရေးခရီးစဉ် မဟုတ်ဘဲ စုံစမ်းစစ် ဆေးရန် အခြေအနေ  မပေး ကြောင်း ခရီးစဉ်တွင်ပါဝင်ခဲ့သည့် သံတမန် ၂၀ ဦး၏ စုပေါင်းကြေညာချက်၌ ဖော်ပြသည်။

ခရီးစဉ်နှင့် ပတ်သက်၍ သံ တမန် ၂၀ ဦးက သဘောထား ထုတ်ပြန်ရာတွင် အီးယူသံအမတ် အပါအဝင် ဥရောပနိုင်ငံအများစု၊ အမေရိကန် သံအမတ်နှင့် အင်ဒို နီးရှား သံအမတ်တို့ပါဝင်သည်။

အဆိုပါ သံအမတ်များက ကုလသမဂ္ဂ အချက်အလက်ရှာ ဖွေရေးအဖွဲ့အား ရခိုင်သို့သွား ရောက်ခွင့်ပြုရန် တိုက်တွန်းထား ပြီး လုံခြုံရေးတပ်ဖွဲ့များအနေဖြင့် ရခိုင်ပြည်နယ်တွင် နေထိုင်သူ အားလုံးကို ခွဲခြားမှုမရှိဘဲ အကာ အကွယ်ပေးရန် တာဝန်ရှိကြောင်း ဆိုသည်။

ထို့အပြင် ရခိုင်ဒေသအတွင်း လူ့အခွင့်အရေးချိုးဖောက်မှုနှင့် ပတ်သက်သော စွပ်စွဲချက်များကို အပြည့်အဝ စုံစမ်းစစ်ဆေးရန်နှင့် လူ့အခွင့်အရေး ချိုးဖောက်သူများ ကို အရေးယူဆောင်ရွက်ရန် မြန် မာအာဏာပိုင်များကို တောင်းဆို ကြောင်း သံတမန် ၂၀ ဦး၏ ထုတ် ပြန်ချက်၌ ဖော်ပြထားသည်။

အကြမ်းဖက် တိုက်ခိုက်မှု များဖြစ်ပွားခဲ့ရာ ဒေသများတွင်လူ သားချင်း စာနာထောက်ထားရေး ဆိုင်ရာ အကူအညီများ အလွန်အ မင်း လိုအပ်နေကြောင်း တွေ့ရှိရ သည်ဟု နိုင်ငံတကာ သံတမန်များ က ဆိုသည်။ ထို့အပြင် သံတမန် များက ၎င်းတို့ ခရီးစဉ်အတွင်း တွေ့ဆုံခဲ့သော ဒေသခံများကို ကိုယ်ထိလက်ရောက် တိုက်ခိုက်မှု (သို့မဟုတ်) မတရားဖမ်းဆီးမှုကဲ့ သို့သော ကလဲ့စားချေမှုများ မဖြစ် စေရေး အကာအကွယ်ပေးရန် ပြည်ထောင်စုအစိုးရ၊ ပြည်နယ် အစိုးရနှင့် သက်ဆိုင်ရာအာဏာ ပိုင်များကို တိုက်တွန်းခဲ့ကြောင်း ထုတ်ဖော်ပြောဆိုသည်။

ခရီးစဉ်အတွင်း နိုင်ငံတကာ သံတမန်များက အကြမ်းဖက်မှု ဖြစ်ပွားခဲ့သည့် အခြေအနေများ၊ ကျေးရွာများ မီးလောင်ပျက်စီးခဲ့ သည့်အခြေအနေများ၊ တစ်ဖက် နိုင်ငံသို့ ထွက်ပြေးသွားသည့် အ ခြေအနေများ၊ လတ်တလောစား ဝတ်နေရေး အခြေအနေများကို မေးမြန်းခဲ့ကြောင်း နိုင်ငံပိုင် မီဒီ ယာများက သတင်းထုတ်ပြန် သည်။

ခရီးစဉ်အတွင်း မောင်တော မြို့နယ်ရှိ မြို့ပေါ်ရပ်ကွက်အချို့ အပြင် ရွှေဇား၊ နူရူလာ၊ ပန်တော ပြင်၊ ခုံတိုင်၊ ခမောင်းဆိပ်မြို့ရှိ ရဲဘော်ကျ၊ ငါးခူရကျေးရွာများနှင့် ရသေ့တောင်မြို့နယ်ရှိ အနောက် ပြင်ကျေးရွာနှင့် ရွှေလောင်းပြင် ကျေးရွာစသည့် တိုင်းရင်းသား ကျေးရွာများနှင့် ဘင်္ဂါလီများ နေထိုင်ရာ ကျေးရွာများသို့ သွား ရောက်ခဲ့သည်။

ထို့အပြင် နိုင်ငံတကာ သံတ မန်များသည် အကြမ်းဖက်မှုဖြစ် စဉ်ကို ကိုယ်တိုင်ကြုံခဲ့ရသူများ၊ အကြမ်းဖက်မှုကြောင့် သေဆုံးခဲ့သူများ၏ မိသားစုဝင်များကို တွေ့ဆုံမေးမြန်းခဲ့သည်။ ထို့အ ပြင် တစ်ဖက်နိုင်ငံသို့ ထွက်ပြေး ခြင်းမရှိဘဲ ဆက်လက် နေထိုင် နေသည့် ဘင်္ဂါလီများနှင့်လည်း တွေ့ဆုံခဲ့ကြောင်း အစိုးရ ထုတ် ပြန်ချက်တွင် ဖော်ပြထားသည်။

 ‘‘သူတို့က ထူးထူးခြားခြား မှတ်ချက်ပေးခဲ့ကြတာ မရှိဘူး။ အဖြစ်မှန်တွေကို မျက်ဝါးထင် ထင် တွေ့မြင်ရတဲ့အခါ သူတို့ ထင်တာထက်ပိုပြီးတော့ အံ့သြကြတာပေါ့’’ ဟု ရခိုင်ပြည်နယ်အစိုးရ အဖွဲ့ အတွင်းရေးမှူး ဦးတင်မောင်ဆွေက နိုင်ငံတကာသံတမန်များ ၏ ခရီးစဉ်နှင့်ပတ်သက်၍ ပြော သည်။

ရခိုင်ပြည်နယ် မြောက်ပိုင်း ဒေသခရီးစဉ်သို့ နိုင်ငံတကာ သံ တမန်အဖွဲ့နှင့်အတူ နယ်စပ်ရေး ရာ ဝန်ကြီးဌာန ဝန်ကြီးဗိုလ်ချုပ် ကြီးရဲအောင်၊ ဆောက်လုပ်ရေး ဝန်ကြီးဌာန ဝန်ကြီး ဦးဝင်းခိုင်၊ ကျန်းမာရေးနှင့် အားကစားဝန် ကြီး ဒေါက်တာမြင့်ထွေး၊ နိုင်ငံ တော်အတိုင်ပင်ခံရုံးဝန်ကြီးဌာန ဒုတိယဝန်ကြီး ဦးခင်မောင်တင်၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီး ဌာန ဒုတိယဝန်ကြီး ဦးစိုးအောင် နှင့် ရခိုင်ပြည်နယ်အစိုးရအဖွဲ့ဝန် ကြီးများ လိုက်ပါခဲ့သည်။

နိုင်ငံတကာ သံတမန်များ သည် ရခိုင်ပြည်နယ်မြောက်ပိုင်း ဒေသသို့ စက်တင်ဘာ ၂၈ ရက်က သွားရောက်ရန် စီစဉ်ခဲ့သော် လည်း ရာသီဥတု အခြေအနေ ကြောင့် ခရီးစဉ်ကို အောက်တိုဘာ ၂ ရက်သို့ ရွှေ့ဆိုင်းခဲ့ရသည်။ ရသေ့တောင်နှင့်  မောင်တောမြို့ ခရီးစဉ်များတွင် UNHCR, UNRC, WFP, UNODC, ဥရောပ သမဂ္ဂ၊ ကမ္ဘာ့ဘဏ်စသည့် အဖွဲ့ အစည်းများမှ သံတမန်များအပါ အဝင် စုစုပေါင်း ၄၉ ဦး လိုက်ပါ ခဲ့သည်။

ထို့အပြင် အမေရိကန်၊ ပြင် သစ်၊ ချက်၊ ဆော်ဒီ၊ အီဂျစ်၊ သြ စတြေးလျ၊ ဆွစ်ဇာလန်၊ ဂျာမနီ၊ တူရကီနှင့် ဂျပန်၊ တရုတ်၊ အိန္ဒိယ၊ပါကစ္စတန်၊ ဘင်္ဂလားဒေ့ရှ် စသည့်နိုင်ငံများ အပါအဝင် ဥရောပ၊ အာ ရှနှင့် အရှေ့တောင်အာရှ နိုင်ငံ များမှ သံတမန်များ ပါဝင်သည်။

More in News Section

Top News