ပြည်ထောင်စုဝန်ကြီး၏ ဂျပန်ခရီးစဉ်တွင် ခရီးသွားလုပ်ငန်းမြှင့်တင်ရေးဆောင်ရွက်

ဂျပန်ခရီးသွားများ မြန်မာနိုင်ငံသို့ ပိုမိုလာရောက်လည်ပတ်ရန် ဟိုတယ်နှင့် ခရီးသွားလာရေးဝန် ကြီးဌာန ပြည်ထောင်စုဝန်ကြီး ဦးအုန်းမောင်ကိုယ်တိုင် တိုကျိုမြို့ သို့ သွားရောက်၍ ဈေးကွက်မြှင့် တင်ဆောင်ရွက်မှုများ ပြုလုပ်ခဲ့ ကြောင်း ယင်းဝန်ကြီးဌာန ဒုတိယ ညွှန်ကြားရေးမှူးချုပ် ဦးမြင့်ထွေးက ပြောသည်။


ဟိုတယ်နှင့် ခရီးသွားလာရေးဝန်ကြီးဌာနအနေဖြင့် တိုင်းဒေသကြီးနှင့် ပြည်နယ်များတွင် ခရီးသွားမြှင့်တင်ရေးအစီအစဉ်များ ပြုလုပ်ခဲ့သော်လည်း ပြည်ပနိုင်ငံသို့ ပြည်ထောင်စုဝန်ကြီး ကိုယ်တိုင်သွားရောက်၍ ၀န်ဆောင်မှု မြှင့်တင်ခြင်းလုပ်ငန်းများ ဆောင်ရွက်ခြင်းသည် အစိုးရသစ်လက်ထက်၌ ပထမဆုံးအကြိမ် ဖြစ်သည်။

ဂျပန်နိုင်ငံမှ ခရီးသွားဝင် ရောက်မှုနှုန်းသည် တတိယအဆင့် တွင်တည်ရှိနေပြီး အရေအတွက် အရ နှစ်စဉ်တိုးတက်မှုများရှိခဲ့ သည်။ ဂျပန်နိုင်ငံမှ ခရီးသွားဝင် ရောက်မှုသည် ၂၀၁၅ တွင် ခုနစ် သောင်းကျော်ရှိပြီး ၂၀၁၇ တွင် ခရီးသွား တစ်သိန်းကျော် ၀င်ရောက်ခဲ့သည်။

‘‘ဒီနှစ်ခရီးသွားရာသီမှာ ပိုပြီး ၀င်လာမယ်လို့ ခန့်မှန်းထားတယ်’’ ဟု ဦးမြင့်ထွေးက ပြောသည်။ ဟို တယ်နှင့် ခရီးသွားလာရေးဝန်ကြီး ဌာန ပြည်ထောင်စုဝန်ကြီး ဦးအုန်း မောင်သည် စက်တင်ဘာ ၂၅ ရက် တွင်  တိုကျိုမြို့၌ ပြုလုပ်သည့် ကမ္ဘာလုံးဆိုင်ရာ ခရီးသွားလုပ်ငန်းဖိုရမ်သို့ တက်ရောက်ခဲ့သည့်အပြင် မြန်မာနိုင်ငံခရီးသွားလုပ်ငန်း မြှင့်တင်ရေးဆိုင်ရာဆွေးနွေးပွဲ၌ အမှာစကားပြောကြားခဲ့သည်။

တိုကျိုမြို့တွင် ပြုလုပ်သည့် သည့်  JATA Tourism Expo 2017 ၌ Mystical Myanmar အမည်ဖြင့် ချင်း၊ ရခိုင်၊ ကယားပြည်နယ်နှင့် တနင်္သာရီတိုင်းဒေသကြီး မြိတ် ကျွန်းစုဒေသများအပါအ၀င် မြန်မာ နိုင်ငံရှိ ခရီးသွားဆွဲဆောင်သည့် နေရာဒေသများမှ အလှအပများ ကို ဓာတ်ပုံများဖြင့် ခင်းကျင်းပြသ ခဲ့သည်။

မြန်မာနိုင်ငံသို့ နိုင်ငံခြားခရီး သွားအဖြစ် ထိုင်းနိုင်ငံမှ အများဆုံး လာရောက်လည်ပတ်ပြီး ဒုတိယအနေဖြင့် တရုတ်နိုင်ငံမှ အများဆုံးလာရောက် လည်ပတ်သည်။ တတိယအနေဖြင့် ဂျပန်နိုင်ငံမှ ခရီးသွားများ မြန်မာနိုင်ငံသို့ လာရောက်လည်ပတ်သည်။