ဥရောပအတွက် မက်ကရွန်၏ စိန်ခေါ်မှု

ပြင်သစ်သမ္မတ အီမယ်နျူရယ်မက်ကရွန် (GUILLAUME HORCAJUELO / EPA)

ယခုသီတင်းပတ် ပါရီမြို့ တွင် ပြောကြားခဲ့သော ရည်မှန်း ချက်ကြီး၊ မျှော်မှန်းချက်ကြီးသော မိန့်ခွန်း၌ ဥရောပတွင် နိုင်ငံခြား သားကြောက်ရွံ့သော အမျိုးသား ရေးဝါဒလှိုင်းလုံး တန်ပြန်ရေး အစီအစဉ်ကို ပြင်သစ် သမ္မတအီမယ်နျူ ရယ်မက်ကရွန်က တင်ပြခဲ့သည်။ တစုတစည်းတည်း ဥရောပဆိုသော စိတ်ကူးကို ဥရောပနိုင်ငံသားတိုင်း ပြန်လည်ခံစားနိုင်သော  စည်းလုံးညီညွတ်ပြီး အချုပ်အခြာပိုင် ဒီမိုကရက်တစ် ဥရောပကို မက်က ရွန်က တည်ဆောက်လိုသည်။

မက်ကရွန်၏ မိန့်ခွန်းသည် ပြဿနာပေါင်းစုံ၊ ခြိမ်းခြောက်မှု ပေါင်းစုံနှင့် ရင်ဆိုင်နေရသော ဥရောပသမဂ္ဂအတွက် ကြိုဆိုရ မည့် တိုက်ပွဲခေါ်သံဖြစ်သည်။ သို့ သော် ယူရိုဇုန်ကို ပြုပြင်ပြောင်းလဲ ရေးဆိုသော အရေးကြီးပြီး အငြင်း ပွားဖွယ်ကိစ္စတွင်မူ ၎င်း၏ အဆို ပြုချက်များသည် စိတ်ပျက်စရာ ကောင်းသည်။ ထို့အပြင် ၎င်းထက်ပို၍ သတိဖြင့် လုပ်ကိုင်ဆောင် ရွက်သည့် ဥရောပခေါင်းဆောင် များကို စည်းရုံးသိမ်းသွင်းနိုင်ရေး ခက်ခက်ခဲခဲ ကြိုးပမ်းရမည်ဖြစ် သည်။

ဂျာမနီခေါင်းဆောင် အန်ဂျ လာမာကယ်သည်လည်း ပြီးခဲ့ သည့် သီတင်းပတ်ဖက်ဒရယ်ရွေး ကောက်ပွဲတွင် မျှော်လင့်ထားသ လောက် ရလဒ်မကောင်းခဲ့သောကြောင့် လှုပ်သာလှည့်သာ အနေ အထားကျဉ်းမြောင်းလာခဲ့သည်။

မည်သို့ပင်ဆိုစေ ဥရောပ သမဂ္ဂပြန်လည်ဆန်းသစ်ရေးအ တွက် အပြုသဘောဆောင်သော၊ အင်အားကောင်းသော အရာတစ် ခုကို ချပြခဲ့သည်။ ဥရောပအနေ ဖြင့် မိမိတို့ နိုင်ငံသားများကို အ ကာအကွယ်ပေးရင်းကပင် ဂလို ဘယ်လိုက်ဇေးရှင်းနှင့် တီထွင်ကြံ ဆမှုများကို လှိုက်လှဲစွာ ကြိုဆိုကြ ရင်း ပြောင်းလဲလာသော ကမ္ဘာ ကြီးရှင်သန်ရေး ပိုမိုကူညီရန် ဖြစ်သည်။ အမေရိကန်နှင့် တရုတ် တို့ လွှမ်းမိုးထားသော ကမ္ဘာကြီး တွင် ဥရောပ၏ အကျိုးစီးပွားနှင့် တန်ဖိုးများ တိုးတက်စေရေးဖြစ် သည်။ ရုရှားက ကြွက်သားများ ထုတ်ပြပြီး ဒေါ်နယ်ထရန့်သမ္မတ လက်ထက်အမေရိကန်က လက် တွဲဖြုတ်နေကာ အစ္စလာမ်မစ် အ ကြမ်းဖက်ဝါဒခြိမ်းခြောက်မှုများ ကြား ဥရောပ၏ လုံခြုံရေးတိုးမြှင့်  မည်ဖြစ်သည်။

မက်ကရွန်သည် ၎င်း၏ ကြီး မားသော စိတ်ကူးစိတ်သန်းများ ကြား ကာကွယ်ရေး၊ လူဝင်မှုကြီး ကြပ်ရေး၊ သဘာဝပတ်ဝန်းကျင် တီထွင်ကြံဆမှု၊ ပညာရေးစသော ကဏ္ဍများတွင် အနီးကပ်ပူးပေါင်း ဆောင်ရွက်နိုင်ရေး ခိုင်မာသော အဆိုပြုချက်များဖြင့် ပေါင်းစပ် တင်ပြခဲ့သည်။ ထို့အပြင် ၎င်း၏ အဆိုပြုချက်များ အကောင်အ ထည်ဖော်နိုင်ရေး နိုင်ငံရေး မဟာဗျူဟာကိုပါ ချပြခဲ့သည်။ အကယ် ၍ မိမိ၏ အစီအစဉ်အောင်မြင်ခဲ့ ပါက အီးယူမှ ထွက်ခွာမည့် ဗြိတိန်နှင့်အတူ ဘော်လကန်ဒေသ အနောက်ပိုင်းမှ အဖွဲ့ဝင်သစ်များ သည် ပြုပြင်ပြောင်းလဲထားသော ဥရောပသမဂ္ဂတွင် နေရာရမည်ဟု မက်ကရွန်က ဆိုသည်။

မက်ကရွန်၏ အစီအစဉ်အရ  အီးယူအဖွဲ့ဝင် နိုင်ငံတစ်နိုင်ငံချင်း ဆီက ၎င်းတို့နိုင်ငံသားများ၏ ဦး စားပေးကိစ္စများကို အချေအတင် ငြင်းခုံရန် ဒီမိုကရက်တစ်ညီလာခံ များ ကျင်းပရမည်ဖြစ်သည်။ ၎င်း တို့၏ စိတ်ကူးစိတ်သန်းများကို ဥရောပကို ပြုပြင်ပြောင်းလဲရေး လိုလားသော အစိုးရအဖွဲ့များနှင့် အီးယူ၏ အဖွဲ့အစည်းများပါဝင် သည့် ပိုမိုကျယ်ပြန့်သော လုပ်ငန်းစဉ်တွင် ထည့်သွင်းမည်ဖြစ်သည်။ ယင်းနောက် စိတ်တူကိုယ်တူရှိ သော မဟာမိတ်အဖွဲ့များ အလျင်အမြန်ပေါင်းစည်းသွားကာ ပြန် လည်အားသစ်လောင်းထားသည့် ပြင်သစ်-ဂျာမန်အင်ဂျင်က ရှေ့သို့ ဦးဆောင်ဆွဲခေါ်မည်ဖြစ်သည်။

ယခုအခါဘောလုံးက ဂျာမနီ ကွင်းထဲရောက်နေပါသည်။ မက် ကရွန်၏ စီမံကိန်းသာ မအောင်မြင်ခဲ့ပါက ဥရောပသည် အမျိုးသား ရေးဝါဒအောက် ရောက်သွားနိုင် ပါသည်။ ယင်းမှာ ဂျာမနီအတွက် ကြီးမားသော ထိုးနှက်ချက်ဖြစ်နိုင် ပါသည်။ အကြောင်းသည် ဂျာမနီ ၏ စီးပွားရေးအောင်မြင်မှု၊ ထူးခြား သော နိုင်ငံရေးရပ်တည်မှုနှင့် လုံခြုံရေးတို့မှာ အခိုင်အမာလည်ပတ် နေသော အီးယူအဖွဲ့အပေါ် အခြေတည်ထားသောကြောင့်ဖြစ်သည်။

မက်ကရွန်သည် ဂျာမနီကို အလိုလားဆုံး ပြင်သစ်သမ္မတ ဖြစ်ပြီး ပြည်တွင်းတွင် ခေတ်အ ဆက်ဆက်မပြုပြင်နိုင်ခဲ့သော အလုပ်သမားဈေးကွက် ပြုပြင် ပြောင်းလဲမှုနှင့် ဆင်ဆင်ခြင်ခြင်ရှိ လှသော ဘတ်ဂျက်သတ်မှတ် ချက်များနှင့် ၎င်း၏ အရည်အချင်း ကို ပြသခဲ့သည်။ မက်ကရွန်၏ တင်ပြချက်များကို လေးလေးနက်နက်၊ ထဲထဲဝင်ဝင် ပါဝင်လုပ်ဆောင်ခြင်းမရှိခဲ့ပါက ဂျာမနီအတွက် ကြီးမားသော နစ်နာမှုဖြစ်နိုင် သည်။

ကံမကောင်းသော အ ကြောင်းသည် ဂျာမနီ၏ ပြည်တွင်း နိုင်ငံရေးအလှည့်အပြောင်းဖြစ် လာခြင်းဖြစ်သည်။ ဂျာမနီတွင် ရွေးကောက်ပွဲအပြီး မဟာမိတ်ဖွဲ့ စည်းရေး ဆွေးနွေးညှိနှိုင်းမှုများကို သြဇာလွှမ်းမိုးရန် မက်ကရွန်က ၎င်း၏ မိန့်ခွန်းကို အချိန်ကိုက်ပြော ကြားခြင်းဖြစ်သည်။ တစ်ဖက်တွင် လည်း မစ္စစ်မာကယ်အနေဖြင့် ၎င်း၏ စတုတ္ထမြောက်နှင့် နောက်ဆုံး ဖြစ်နိုင်သော သက်တမ်းကို အခွင့် ကောင်းယူ၍ ရဲရင့်ပြတ်သားသော ဥရောပပြုပြင်ပြောင်လဲရေး လုပ် ဆောင်ရန် မျှော်လင့်ချက်လည်း ပါရှိသည်။ ထို့အပြင် မစ္စစ်မာကယ် ၏ ခရစ်ယာန်ဒီမိုကရက်သမဂ္ဂ (CDU) က ဆိုရှယ်ဒီမိုကရက် (SPD)နှင့် အတိုက်အခံ၊ အာဏာ ရပေါင်းစည်းထားသည့် Grand Coalition ဆက်လက်တည်မြဲရေး လည်း မျှော်မှန်းခဲ့သည်။

သို့သော် ဂျာမနီမဲဆန္ဒရှင်များ တွင် အခြားစိတ်ကူးစိတ်သန်းများ ရှိနေသည်။ မစ္စစ်မာကယ်၏ CDU နှင့် ဆာဘေးရီးယားညီအစ်မ ပါတီ CSU တို့သည် ရွေးကောက်ပွဲတွင် ထောက်ခံမှုဆုံးရှုံးခဲ့သည်။ ဆိုရှယ် ဒီမိုကရက် SPD အဖွဲ့သည် ထောက်ခံမှု အလွန်နည်းပါးသဖြင့် အတိုက်အခံအဖြစ် ပြန်နေရန် ဆုံးဖြတ်ခဲ့သည်။ အီးယူကို ဆန့်ကျင်သော ဂျာမနီအတွက် တခြားရွေး ချယ်စရာ (AFD) ပါတီက ထောက်ခံမဲ ၁၃ ရာခိုင်နှုန်းဖြင့် ဂျာမနီပါလီမန်ထဲ ပါဝင်လာခဲ့ပြီး မစ္စစ်မာကယ်ကို ပြုတ်ကျအောင် လုပ်မည်ဟု ကြုံးဝါးထားသည်။

ထို့အတွက် ယခုအခါနိုင်ငံ ရေးအရ အားနည်းသွားသော မစ္စစ်မာကယ်သည် ထိန်းမနိုင် သိမ်းမရဖြစ်နိုင်သော မဟာမိတ် အဖွဲ့ကို ဖွဲ့စည်းရမည်ဖြစ်ကာ ယင်းအတွက် မက်ကရွန်၏ မိန့် ခွန်းကို ကြိုဆိုခဲ့သော Greens များနှင့် မက်ကရွန်ကို သံသယရှိသော လွတ်လပ်သော ဒီမိုကရက် (FDP) များ ပါဝင်နိုင်သည်။

ထိုအတောအတွင်း AFD ပါတီက ၎င်းကို လက်ယာစွန်းမှ တိုက်ခိုက်မည်ဖြစ်ကာ CDU ပါတီ တွင်းမှ ပြိုင်ဘက်များက မစ္စစ် မာကယ်နေရာရယူရန် ကြိုးစားကြ မည်ဖြစ်သည်။ ထိုသို့သော နိုင်ငံ ရေးနောက်ခံအခြေအနေတွင် သေးငယ်သော အပေးအယူကိစ္စ များသည်ပင် နိုင်ငံရေးဆူးငြောင့် ခလုတ်များနှင့် ကြုံတွေ့ရနိုင် သည်။

မက်ကရွန်၏ တင်ပြမှုများ တွင် ယူရိုဇုန်ပြုပြင်ပြောင်းလဲရေး အစီအစဉ်များသည် အကဲဆတ် ဆုံးကိစ္စဖြစ်နိုင်သည်။ ယူရိုဇုန်ဘတ်ဂျက်ထားရှိရေးကို သူက အလိုရှိပြီး ယင်းဘတ်ဂျက်ကို ကော်ပိုရေးရှင်းများ၏ အခွန်ဝင်ငွေများ ဖြင့် ဖြည့်တင်းမည်ဖြစ်သည်။ ယင်းစုပေါင်းဘတ်ဂျက်ဖြင့် ရင်းနှီးမြှုပ်နှံမည်ဖြစ်ကာ စီးပွားရေးအကျပ် အတည်းကာလတွင် ကယ်ဆယ် ရေးအတွက် အသုံးပြုနိုင်မည်ဖြစ် ပြီး ယူရိုဇုန်ဘဏ္ဍာရေးဝန်ကြီး တစ်ဦးက ကြီးကြပ်မည်ဖြစ်သည်။ ထိုဝန်ကြီးက ဥရောပပါလီမန်တွင်ယူရိုဇုန်နိုင်ငံမှ ကိုယ်စားလှယ်အ မတ်များကို တာဝန်ခံဖြေကြားရ မည်ဖြစ်သည်။

သို့သော် ထိုသို့သော ဘတ် ဂျက်ထားရှိခြင်းကို ချမ်းသာကြွယ် ဝသော ဂျာမနီက မယုံသင်္ကာရှိနိုင် ပြီး မိမိတို့ အခွန်ထမ်းများ၏ ငွေ ကြေးများကို ဖောဖောသီသီသုံးစွဲ တတ်သော နိုင်ငံများထံ လွှဲပြောင်းပေးအပ်မည်ကို လိုလားမည် မဟုတ်ပေ။ အဖွဲ့ဝင်နိုင်ငံအစိုးရ များကို ခက်ခဲသော ပြုပြင်ပြောင်းလဲမှုများ ကူညီဖော်ဆောင်ရေး ဘုံရန်ပုံငွေတစ်ရပ်ထားရှိရေးကိုသာမစ္စစ်မာကယ်က ပိုမိုလိုလားမည် ဖြစ်သည်။ ဥရောပဗဟိုဘဏ် ဥက္ကဋ္ဌနှင့် တန်းတူရည်တူအာဏာ ပါဝါရှိသော ဘဏ္ဍာရေးဝန်ကြီး ထားရှိရေး မက်ကရွန်က အလိုရှိ သော်လည်း အစိုးရများက ဘတ် ဂျက်များကို စနစ်တကျသုံးစွဲရေး ကြီးကြပ်ရန် မစ္စစ်မာကယ်က ပိုမိုလိုလားမည်ဖြစ်သည်။

အီးယူအဖွဲ့၏ ဗျူရိုကရက် များသည် လူထုနှင့် ဝေးကွာပြီး အားကျစရာမကောင်းဘဲရှိကာ ထိရောက်စွာ ကွပ်ကဲသူနည်းသည် ဟု မက်ကရွန်က မှန်ကန်စွာ ထောက်ပြသည်။

ထို့အပြင် ၂၀၁၈ ပထမနှစ် ဝက်တွင် ကျင်းပရန် မက်ကရွန် အဆိုပြုထားသော ကြီးမားကျယ် ပြန့်သည့် ဒီမိုကရက်တစ်ညီလာခံ များမှနေ၍ အီးယူအကြောင်းဆွေး နွေးငြင်းခုံမှုအပေါ် စိတ်ကူးသစ် များ ထွက်ပေါ်စေမည်ဖြစ်ကာ ခိုင် မာရဲရင့်သော ပြုပြင်ပြောင်းလဲရေး ကို လက်သင့်ခံရေး အထောက်အ ကူဖြစ်စေကာ တာဝန်ပျက်ကွက် သော အစိုးရအဖွဲ့များကိုလည်း ဖိအားပေးနိုင်မည်ဖြစ်သည်။

ထို့အပြင် ညီလာခံများမှနေ ၍ မက်ကရွန်၏ La Republique En Marche! ကဲ့သို့ နိုင်ငံရေးလှုပ် ရှားမှုအသစ်များ ပေါ်ထွက်နိုင်ပြီး နိုင်ငံရေးတွင် မျက်နှာသစ်များ ခေါ်သွင်းလာနိုင်ကာ အကျင့်ပျက်ပါ တီစနစ်ဟောင်းများကို ကူညီဖွင့် ထုတ်ပြီး နိုင်ငံရေးသမားများကို ပြည်သူလူထုက ပြန်လည်၍ ယုံ ကြည်မှုရှိလာရန် ကူညီနိုင်မည်ဖြစ် သည်။

မက်ကရွန်၏ ရည်မှန်းချက် သည် ကြီးမားကျယ်ပြန့်သည်။ ထို့အတူ ဥရောပ၏ စိန်ခေါ်မှုများ လည်း ကြီးမားသည်။ တစ်ကြိမ် တည်းနှင့် အောင်မြင်မှုအများအ ပြားရရှိရန် မက်ကရွန်က ကြိုးစား နေခြင်းဖြစ်ကောင်းဖြစ်နိုင်သည်။ သို့သော် ပို၍ ဒီမိုကရက်တစ်ဆန် သော၊ တက်ကြွသော၊ ညီညွတ် သော ဥရောပဖြစ်ရေးအတွက် တိုက်ပွဲဝင်သင့်သော အကြောင်း အရာဖြစ်သည်။

Ref:Macron’s Challenge for Europe

Top News