အိုင်စီတီနည်းပညာများ မျှဝေပေးနိုင်မည့် ကုမ္ပဏီတစ်ခုကို ပို့ဆက်ဝန်ကြီးဌာန ရွေးချယ်မည်

အစိုးရ၀န်ကြီးဌာနအသီးသီးရှိ အကြီးအကဲများကို e Government အပါအ၀င် အိုင်စီတီနည်းပညာဆိုင်ရာ အသိပညာများ မျှဝေပေးနိုင်မည့် ပြည်တွင်း၊ ပြည်ပ ကုမ္ပဏီတစ်ခုကို ပို့ဆောင်ရေးနှင့် ဆက်သွယ်ရေးဝန်ကြီး ဌာနက ရွေးချယ်မည်ဖြစ်သည်။

လုပ်ငန်းကျွမ်းကျင်မှု ၁၀ နှစ်သက်တမ်းအနည်းဆုံးရှိသည့် ကုမ္ပဏီအဖွဲ့အစည်းများသည် ပရောဂျက်တစ်ခုအနေဖြင့် ၀င်ရောက်ရွေးချယ်ခံနိုင်ကြောင်း ယင်းဝန်ကြီးဌာနက ဖိတ်ခေါ်ထား သည်။

‘‘သင်တန်းပေးတာမဟုတ်ဘူး။ အလုပ်ရုံဆွေးနွေးပွဲတွေလုပ် ပေးနိုင်တာမျိုးပါ။ ဌာနဆိုင်ရာအ ကြီးအကဲတွေကို အိုင်စီတီနဲ့ပတ်သက်ပြီး ပိုမိုသိရှိလာဖို့ ဖြစ်ပါတယ်’’ဟု အမျိုးသားဆိုက်ဘာလုံခြုံရေးဌာန အကြီးအကဲ ဦးရဲနိုင်မိုး က ပြောသည်။

ဝင်ရောက်ရွေးချယ်ခံမည့် ကုမ္ပဏီအဖွဲ့အစည်းများသည် အောက်တိုဘာ ၉ ရက် နောက်ဆုံးထားကာ ပို့ဆောင်ရေးနှင့် ဆက်သွယ်ရေးဝန်ကြီးဌာန လက်အောက်ရှိ ဆက်သွယ်ရေးညွှန် ကြားမှုဦးစီးဌာနသို့ ဆက်သွယ်ရ မည်ဖြစ်သည်။

ပရောဂျက်အနေဖြင့် ၀န်ကြီးဌာနအသီးသီးရှိ အကြီးအကဲများကို အိုင်စီတီနည်းပညာအကြောင်း ပိုမိုသိရှိနားလည်အောင် ဆောင်ရွက်ရာတွင် ခြောက်လခန့်ကြာမြင့်မည်ဖြစ်သော်လည်း လုပ်ငန်းစတင်နိုင်မည့်အချိန်ကို ရွေးချယ်ခံရသည့် ကုမ္ပဏီနှင့် ပြန်လည်ညှိနှိုင်းရမည်ဟု ဦးရဲနိုင်မိုးက ပြောသည်။ အစိုးရဌာနရှိအကြီးအကဲများကို အိုင်စီတီနည်းပညာနှင့် ပတ်သက်၍ ပိုမိုသိရှိနားလည်ရန် လုပ်ဆောင်ခြင်းသည် အစိုးရသစ် လက်ထက်၌ ပထမဦးဆုံးအကြိမ် ယခင်တိုင်းဒေသကြီးနှင့် ပြည် နယ်အစိုးရအဖွဲ့များ၊ လွှတ်တော်များတွင် ကွန်ပျူတာနည်းပညာအသင်းများနှင့် ချိတ်ဆက်၍ အိုင်စီတီသင်တန်းများ ပို့ချခဲ့သည်။

ပရောဂျက်အတွင်း ပါဝင်၍ အိုင်စီတီနည်းပညာအကြောင်း ပိုမိုသိရှိနားလည်အောင် လုပ်ဆောင်မည့် ဌာနဆိုင်ရာအသီးသီးရှိ အကြီးအကဲစာရင်းကို မသိရသော်လည်း ၀င်ရောက်ယှဉ်ပြိုင်ကြမည့် ကုမ္ပဏီအဖွဲ့အစည်းအ သီးသီးကို နောက်ခံသမိုင်း ကြောင်း၊ အကောင်အထည်ဖော်ဆောင်မည့် အစီအစဉ်အဆင့်ဆင့်အပေါ်မူတည်ကာ ရွေးချယ်မည်ဖြစ်သည်။