ကမ္ဘာဖလားဝင်ခွင့်ရရေး အာဂျင်တီးနား တိုက်ပွဲဝင်ရမည်

 တောင်အမေရိ ကကမ္ဘာ့ဖလားခြေစစ်ပွဲများတွင် ဘရာဇီးအသင်းက ခြေစစ်ပွဲအောင်မြင်ထားပြီး အောက်တိုဘာ ၆ ရက် နှင့် ၁၁ ရက်တို့တွင် ကစားသော ခြေစစ်ပွဲရလဒ်များအပေါ် မူတည် ၍ ဘရာဇီးနှင့်အတူ ကမ္ဘာ့ဖလား ဝင်ရောက်ခွင့်ရ အသင်းသုံးသင်း ကို အဆုံးအဖြတ်ပေးမည်ဖြစ် သည်။

နှစ်ပွဲသာ ကစားရန် ကျန်ရှိတော့သည့်အချိန်တွင် ဥရုဂွေးနှင့် ကိုလံဘီယာသည် ခြေစစ်ပွဲအောင်ရန် အကောင်းဆုံးအနေအထား ရှိနေသည်။ ထိတ်လန့်စရာအကောင်းဆုံးမှာ ကမ္ဘာ့ဖလားနှစ်ကြိမ်ရ အာဂျင်တီးနား က ခြေစစ်ပွဲအောင်ရန် ပီရူး၊ ချီလီ၊ ပါရာဂွေး၊ အီကွေဒေါတို့နှင့် တိုက်ပွဲဝင်ရမည့် အခြေအနေဖြစ်သည်။

အာဂျင်တီးနားသည် ရမှတ် ၂၄ မှတ်တူညီပြီး ၎င်း၏ အထက် နံပါတ် (၄)နေရာရှိ ပီရူးကို အိမ် ကွင်းတွင် လက်ခံကစားရမည် ဖြစ်ကာ အနိုင်ရပါက ခြေစစ်ပွဲ အောင်ရန် ကြီးမားသော ခြေလှမ်းဖြစ်ပြီး ခြေချော်ပါက ပေပေါင်း ၉၃၅၀ မြင့်သော ကွီတိုမြို့တွင် ကစားရမည့် အီကွေဒေါနှင့် ပွဲ၌ အနိုင်ကန်ရမည်ဖြစ်သည်။ ပီရူး က နောက်ဆုံးပွဲတွင် ကိုလံဘီယာ ကို လက်ခံကစားရမည်ဖြစ်သည်။

အာဂျင်တီးနားတိုက်စစ်မှူး အဂူရိုသည် ကားမတော်တဆမှု ကြောင့် နံရိုးအက်ဒဏ်ရာများရရှိ ထားသဖြင့် ယင်းခြေစစ်ပွဲနှစ်ပွဲ တွင် ပါဝင်နိုင်မည်မဟုတ်ပေ။

ဥရုဂွေးသည် ၂၇ မှတ်ရထား ပြီး အုပ်စုဒုတိယနေရာရပ်တည် နေကာ နောက်ဆုံးနှစ်ပွဲတွင် မျှော် လင့်ချက်မရှိတော့သော ဗင်နီဇွဲ လား၊ ဘိုလီဗီးယားတို့နှင့် ကစား ရမည်ဖြစ်၍ ခြေစစ်ပွဲအောင်ရန် အလွန်အလားအလာကောင်းနေ သည်။

ကိုလံဘီယာက ၂၆ မှတ်ရ ထားပြီး အိမ်ကွင်းတွင် ပါရာဂွေး ကို အနိုင်ရရှိပါက ခြေစစ်ပွဲ အောင်ရန် လုံလောက်သလောက် ဖြစ်သည်။

၂၃ မှတ်ရထားသော ချီလီ သည် ကြိုးတန်းလန်းလျှောက်နေ ရပြီး ပထမဦးစွာ အီကွေဒေါကို အိမ်ကွင်း၌ အနိုင်ကစားရမည် ဖြစ်ကာ လာမည့်သီတင်းပတ် တွင် ဘရာဇီးကို အနိုင်ကစားရ မည်ဖြစ်သည်။

ပီရူးက ၂၄ မှတ်ရထားပြီး အာဂျင်တီးနားသို့ သွားရောက် ကစားပြီးပါက ကိုလံဘီယာကို လက်ခံကစားရမည်ဖြစ်၍ နှစ်ပွဲစလုံးပွဲကျပ်ဖြစ်နေပြီး ခက်ခဲနိုင် သည်။

တောင်အမေရိကဇုန်မှ ပဉ္စ မရသော အသင်းက နယူးဇီလန် နှင့် ရှုံးထွက်ပွဲကစားရမည်ဖြစ် သည်။

—Ref:AP