မိုဘိုင်းငွေကြေးဝန်ဆောင်မှုများသည် ဗဟိုဘဏ်ခွင့်ပြုချက်ဖြင့် ဆောင်ရွက်သော လုပ်ငန်းများဖြစ်ဟု တိုင်းစီမံဘဏ္ဍာဝန်ကြီးပြော

ရန်ကုန်တိုင်းဒေသကြီး အတွင်း ဆောင်ရွက်နေသည့် Ok Dollor, WaveMoney တို့သည် မို ဘိုင်းငွေရေးကြေးရေးဝန်ဆောင် မှုလုပ်ငန်းကို ဆောင်ရွက်ခွင့်ရ သည့် လုပ်ငန်းများဖြစ်ကြောင်း ရန်ကုန်တိုင်းဒေသကြီး အစိုးရ အဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ပြောကြားသည်။

Mobile Platform ကို အသုံး ပြုပြီး ငွေရေးကြေးရေးဝန်ဆောင် မှုပေးသည့် လုပ်ငန်းများသည် ပုံစံ အားဖြင့် နှစ်မျိုးရှိကြောင်း၊ ပထမ ပုံစံသည် ဘဏ်ဦးဆောင်မှုပုံစံဖြင့် ဆောင်ရွက်ခွင့်ပြုသော မိုဘိုင်း ဘဏ်လုပ်ငန်းဖြစ်ပြီး ဒုတိယပုံစံ သည် ငွေရေးကြေးရေးဝန်ဆောင်မှုလုပ်ငန်းဖြစ်ကြောင်း ၀န်ကြီးက ပြောသည်။

‘‘မိုဘိုင်းဘဏ် လုပ်ငန်းက တော့ မြန်မာနိုင်ငံ ဗဟိုဘဏ်က နေပြီးတော့ ဘဏ်များကနေ ဦးဆောင်တဲ့ပုံစံနဲ့ ဆောင်ရွက်ခွင့် ပြုတဲ့လုပ်ငန်းဖြစ်ပါတယ်။ လုပ် ငန်းကို ဘဏ်များရဲ့ ၀န်ဆောင်မှု လုပ်ငန်းတစ်ရပ်အနေနဲ့ မြန်မာ နိုင်ငံတော် ဗဟိုဘဏ်ကနေပြီးတော့ ဆောင်ရွက်ခွင့်ပြုခဲ့ပါ တယ်။ မိုဘိုင်းငွေရေးကြေးရေးဝန် ဆောင်မှုလုပ်ငန်းကို မြန်မာနိုင်ငံ တော်ဗဟိုဘဏ်က ထုတ်ပြန်ခဲ့တဲ့ မိုဘိုင်းငွေရေးကြေးရေးဆိုင်ရာ စည်းမျဉ်းအရ မိုဘိုင်းကွန်ရက် ဆောင်ရွက်သူရဲ့ ဘဏ်မဟုတ် သော ငွေရေးကြေးရေးအဖွဲ့အ စည်းများအား ခွင့်ပြုတဲ့လုပ်ငန်း ဖြစ်ပါတယ်’’ဟု ၀န်ကြီးက ပြော ကြားသည်။

အောက်တိုဘာ ၃ ရက်က ပြုလုပ်သည့် တိုင်းဒေသကြီးလွှတ် တော်အစည်းအဝေးတွင် ဆိပ်ကြီး ခနောင်တိုမြို့နယ်၊ မဲဆန္ဒနယ် အမှတ်(၁) လွှတ်တော်ကိုယ်စား လှယ် ဒေါ်စန္ဒာမင်း၏ ‘‘ရန်ကုန် တိုင်းဒေသကြီးအတွင်း ကျယ်ပြန့် စွာဆောင်ရွက်နေသော ငွေရေး၊ ကြေးရေး အဖွဲ့အစည်းများဖြစ် သော Ok Pay, WaveMoney, Ongo စသည့် လုပ်ငန်းများသည် တရားဝင်လုပ်ပိုင်ခွင့်ရရှိထားခြင်း ရှိ၊ မရှိ၊ တရားဝင်လုပ်ပိုင်ခွင့်လိုင် စင်မရှိသေးဘဲ လုပ်ကိုင်နေသော ငွေရေးကြေးရေး အဖွဲ့အစည်း များကို မည်သည့်ဥပဒေနှင့် အရေးယူဆောင်ရွက်ခွင့် ရှိပါသနည်း၊ မည်သည့်ငွေရေး၊ ကြေးရေးအဖွဲ့အစည်းများသည် မည်သည့်လုပ်ငန်းသဘောသဘာဝ၏အောက်တွင် ရှိပါသနည်း’’ ကို သိရှိလို ကြောင်း မေးခွန်းမေးမြန်းမှုအပေါ် အထက်ပါအတိုင်း ဖြေကြားခဲ့ သည်။

‘‘ကမ္ဘာမှာ ခေတ်စားနေတဲ့ Mobile Banking စနစ်ဟာ ပြည် သူတွေအတွက် လွယ်ကူသက် သာစေတဲ့ စနစ်တစ်ခုအဖြစ် တစ် ချိန်မှာ အသုံးပြုသင့်တာမှန်ပါ တယ်။ ဒါပေမဲ့ လိုင်စင်ချထားပေ မယ့် Customer ရဲ့ သမိုင်း ကြောင်း လုပ်ထုံးလုပ်နည်း နည်း စနစ်ကျမှုတွေကိုတော့ ဗဟိုဘဏ်က စီစဉ်ဆောင်ရွက်မှသာ ပြည်သူလူထု ယုံကြည်စိတ်ချစွာ အသုံးပြုနိုင်ကြောင်း အသိပေးပြီးမှ စတင်အသုံးပြုစေလိုကြောင်း ထောက်ပြလို၍ ယခုလို မေးမြန်းရခြင်းဖြစ်ပါတယ်’’ဟု ဒေါ်စန္ဒာမင်းက ပြောသည်။

ထို့အပြင် မေးခွန်းနှင့်စပ် လျဉ်း၍ စီမံကိန်းနှင့် ဘဏ္ဍာရေး ၀န်ကြီး ဦးမြင့်သောင်းက တရား ၀င်လုပ်ပိုင်ခွင့်လိုင်စင်မရှိသေးဘဲ လုပ်ကိုင်နေသော ငွေရေးကြေး ရေးအဖွဲ့အစည်းများအား ငွေရေးကြေးရေးအဖွဲ့အစည်းများဆိုင်ရာဥပဒေနှင့် နိုင်ငံခြားသုံးငွေ စီမံခန့်ခွဲရေးဥပဒေတို့နှင့်အညီ အရေးယူဆောင်ရွက်မည်ဖြစ်ကြောင်း ပြောသည်။

ဗဟိုဘဏ်က ထုတ်ပေးသော မှတ်ပုံတင်လက်မှတ်မရှိဘဲ ဘဏ်မဟုတ်သော ငွေရေးကြေးရေးအဖွဲ့အစည်းများအဖြစ် ထူထောင်လုပ်ကိုင်ခြင်း၊ လိုင်စင်မရှိဘဲ အပ်ငွေလက်ခံသည့် လုပ်ငန်းကို ဆောင်ရွက်ကြောင်း ပြစ်မှုထင် ရှားပေါ်ပေါက်လျှင် ထိုသူကို အနည်းဆုံး ထောင်ဒဏ် ၂ နှစ်မှ ငါးနှစ်ထက် မပိုသော ထောင်ဒဏ် ချမှတ်မည့်အပြင် ကျပ်သန်း ငါးရာထက် မပိုသော ငွေဒဏ်ကို ချမှတ်ခံရမည်ဟူ၍လည်းကောင်း၊ နိုင်ငံခြားသုံးငွေ စီမံခန့်ခွဲမှုဥပဒေအရ ပြစ်မှုကျူးလွန်ကြောင်းထင်ရှားပါက ထိုသူကို သုံးနှစ်ထက်မပိုသည့် ငွေဒဏ်ဖြစ်စေ၊ ထောင်ဒဏ်ဖြစ်စေ ချမှတ်ရမည့် အပြင် သက်သေခံပစ္စည်းများကိုလည်း ပြည်သူ့ဘဏ္ဍာအဖြစ် သိမ်းဆည်းမည်ဟူ၍ လည်းကောင်း ပြဋ္ဌာန်းထားကြောင်း ၀န်ကြီးက ပြောသည်။