ဒီချုပ်ပါတီ မြို့နယ်ရုံးမြေနေရာများ ဝယ်ယူရန် တစ်မြို့နယ်လျှင် ကျပ်သိန်း ၁၅၀ ပေးမည်

အမျိုးသားဒီမိုကရေစီ အဖွဲ့ချုပ် မြို့နယ်ပါတီရုံး မြေနေ ရာများ ဝယ်ယူနိုင်ရန် တစ်မြို့ နယ်လျှင် ကျပ်သိန်း ၁၅၀ နှုန်းဖြင့် ပါတီဗဟိုက ချထားပေးမည်ဖြစ် ကြောင်း မကွေးတိုင်းအမျိုးသား ဒီမိုကရေစီအဖွဲ့ချုပ် တိုင်းအလုပ် အမှုဆောင်အဖွဲ့ဥက္ကဋ္ဌ ဦးသိန်း ဇော်က ပြောသည်။


မကွေးတိုင်းအတွင်း မင်း တုန်းမြို့နယ်တစ်မြို့နယ်သာ မြေ နေရာဝယ်ယူပြီးဖြစ်ပြီး ကံမမြို့ နယ်နှင့် နတ်မောက်မြို့နယ်များ မှာ တိုင်းအလုပ်အမှုဆောင်အဖွဲ့ ထံသို့ ဝယ်ယူမည့်မြေနေရာတင်ပြ ထားပြီးဖြစ်ကြောင်း ၎င်းက ပြော ကြားသည်။

‘‘ပါတီက မြို့နယ်ပါတီရုံး တွေ ကိုယ်ပိုင်မြေမှာ ဖွင့်လှစ်နိုင် ဖို့ ဝယ်ယူတာဖြစ်ပါတယ်။ အစိုး ရနဲ့ပတ်သက်တဲ့ မြေမဟုတ်ဘဲ ပုဂ္ဂလိကပိုင်မြေတွေကို ဝယ်ယူ မှာ။ မြေဝယ်တော့မယ်ဆိုရင် သက်ဆိုင်ရာမြို့နယ်က တိုင်းကို တင်ရတယ်။ တိုင်းက အစိုးရနဲ့ ပတ်သက်တဲ့မြေ ဟုတ်၊ မဟုတ် လယ်ယာမြေတွေ ဟုတ်၊ မဟုတ် ပေါ့ စိစစ်ရတယ်။ ပြီးရင် တိုင်း အလုပ်အမှုဆောင် ဆုံးဖြတ်ချက် နဲ့ ဗဟိုကို တင်ပြပေးတယ်’’ဟု ဦးသိန်းဇော်က ပြောသည်။

မင်းတုန်းမြို့နယ်ရုံး မြေ နေရာကို မင်းတုန်းမြို့ အား ကစားကွင်းအနီးတွင် ဝယ်ယူပြီး ဖြစ်ပြီး မြေနေရာသီးသန့် ကျပ် သိန်း ၁၄၀ ကျသင့်ကြောင်း လွှတ် တော်ကိုယ်စားလှယ် ဦးအေးလှိုင် ဦးက ပြောသည်။

အောင်လံမြို့နယ်တွင် မြို့ နယ်ပါတီရုံး မြေနေရာဝယ်ယူရေး မှာ မြေဈေးကြီးမြင့်မှုကြောင့် ချထားပေးသည့် ငွေဖြင့် မလုံ လောက်၍ ရန်ပုံငွေလိုအပ်မှုရှိနေ ကြောင်း အောင်လံ မြို့နယ် ပြည် သူ့လွှတ်တော် ကိုယ်စားလှယ် ဦးအောင်ထူးမြင့်က ပြောသည်။

ထို့ကြောင့် အောက်တိုဘာ ၇ ရက်က အောင်လံမြို့နယ်ရှိ မြို့မိမြို့ဖများ၊ ပါတီဝင်များကို ဖိတ်ကြားကာ မြို့နယ်ပါတီရုံးမြေ နေရာ အောင်မြင်စွာ ဝယ်ယူနိုင် ရေး ညှိနှိုင်းဆွေးနွေးခဲ့ကြောင်း ၎င်းကပြောသည်။

‘‘ပါတီရုံးမြေနေရာအတွက် ချထားပေးတဲ့ငွေနဲ့က မလောက် တော့ ပြည်သူလူထုထည့်ဝင်ငွေ တွေနဲ့ ထပ်မံဖြည့်တင်းဝယ်ယူမှာ ဖြစ်ပါတယ်။ ကျွန်တော်က မတည်အလှူငွေအဖြစ် ကျပ် ၁၀ သိန်း ထည့်ဝင်ပြီးတော့ မြို့မိမြို့ဖတွေ နဲ့ မြေနေရာရရှိရေး ဘယ်လို ဆောင်ရွက်ကြမယ်ဆိုတာ တိုင် ပင်တာဖြစ်ပါတယ်။ ပြည်သူတွေ ရဲ့ ပူးပေါင်းထည့်ဝင်မှုနဲ့ ဝယ်ယူ ဖို့ ပဏာမဆုံးဖြတ်ထားတယ်’’ဟု ဦးအောင်ထူးမြင့်က ဆိုသည်။

ပါတီရုံးမြေနေရာဝယ်ယူနိုင် ရေး အမျိုးသားဒီမိုကရေစီအဖွဲ့ ချုပ်ပါတီ၏ ရွေးကောက်ပွဲအနိုင်ရ လွှတ်တော်ကိုယ်စားလှယ်များ၏ နိုင်ငံတော်ကရရှိသည့် လစဉ်ချီး မြှင့်ငွေများထဲမှ ရာခိုင်နှုန်းတစ်ခု ဖြင့် လှူဒါန်းထည့်ဝင်ရခြင်းဖြစ် ပြီး ပါတီဝင်များ၏ တစ်လလျှင် ၁၀၀ ကျပ်နှုန်းထည့်ဝင်သည့် ငွေများလည်း ပါဝင်ကြောင်း လွှတ်တော် ကိုယ်စားလှယ်များက ဆိုသည်။

More in Politics Section