မော်ဒယ်နိမ့် ဘတ်စ်ကားများ အပ်နှံမှု စတင်လက်ခံ

အပ်နှံရမည့် ဘတ်စ်ကားစီးရေ ၄၀၀ ခန့်ရှိပြီး ယခုလအတွင်း ကားအသစ်များဖြင့် အစားထိုးမည်ဟုဆို
၁၉၉၆ မှ ၉၈ အတွင်း ဘတ်စ်ကားများအပ်နှံမှု စတင်လက်ခံနေပြီဲဖြစ်သည်။ (ဓာတ်ပုံ − နစ်ကီ)

၁၉၉၆၊ ၁၉၉၇၊ ၁၉၉၈ မော်ဒယ်ဘတ်စ်ကားများအပ်နှံမှု ကို စတင်လက်ခံနေပြီး ယခုလအ တွင်း အဆိုပါကားများနေရာ၌ ကားအသစ်များဖြင့် အစားထိုး မည်ဟု ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ (YRTA) အတွင်းရေးမှူး ဒေါက် တာမောင်အောင်က ပြောကြားသည်။

အဆိုပါဘတ်စ်ကားများ၏ စာရင်း အချက်အလက် ကောက်ယူထားပြီး အပ်နှံမှုကိုလည်း ရန်ကုန်တိုင်းဒေသကြီး အစိုးရအဖွဲ့ အစည်းအဝေး ဆုံးဖြတ်ချက်ဖြင့် လက်ခံနေသည်ဟု ဒေါက်တာမောင်အောင်က ဆိုသည်။

‘‘စာရင်းရှိသလောက်ဆိုရင် အဲဒီမော်ဒယ်သုံးခုမှာ ဘတ်စ်ကား စီးရေက ၄၀၀ လောက်ရှိတယ်။ အကုန်လုံးကို ကားအသစ်တွေနဲ့ လဲသွားဖို့အတွက် အဆင်သင့်ဖြစ်နေပါပြီ။ အပ်တဲ့ကားတွေက CNG နဲ့ GPS တွေကိုပါ အပ်သွား ကြရမှာဖြစ်ပါတယ်’’ဟု ၎င်းကဆို သည်။

 ရန်ကုန်တိုင်းဒေသကြီး အစိုးရအဖွဲ့သည် မတ်လကစ၍ ယင်းမော်ဒယ်ကားများကို အပ်နှံ စေခဲ့သည်။ ၁၉၉၅ မော်ဒယ် အောက်ဘတ်စ်ကားများကို ပြေး ဆွဲခွင့်ရပ်ဆိုင်းပြီးနောက် ၁၉၉၆ မှ ၁၉၉၈ အထိ မော်ဒယ်ဘတ်စ်ကားများကို ဒုတိယအကြိမ် အပ်နှံစေခဲ့ခြင်းဖြစ်သည်။

ထိုသို့ အပ်နှံသော ဘတ်စ် ကားများအတွက် အစိုးရက အိမ် စီးကား စလစ်များ ထုတ်ပေး ခြင်းဖြင့် ယာဉ်ပိုင်ရှင်များ နစ်နာ မှုမရှိအောင် ဆောင်ရွက်ပေးမည် ဟု ရန်ကုန်တိုင်းဒေသကြီး အစိုးရ အဖွဲ့က သတင်းထုတ်ပြန်ထားသည်။

အဆိုပါ ၁၉၉၆ မှ ၁၉၉၈ အထိ မော်ဒယ်ဘတ်စ်ကားများကို စာရင်းကောက်ခံထားပြီး အပ်နှံ ခွင့်ပြုသည့်အစီအစဉ်နှင့် ပတ် သက်၍ တရားဝင်စာထုတ်၍ ကြေညာခြင်းမရှိသေးကြောင်း ယာဉ်ပိုင်ရှင်အချို့က ပြောသည်။

‘‘အပ်ခွင့်ပေးမယ်လို့တော့ ပြောထားတာရှိတယ်။ ဒီလဆန်း ပိုင်းမှာက ပိတ်ရက်တွေခံနေ တော့ တရားဝင်စာထွက်တာ မတွေ့ရသေးဘူး။ ရုံးဖွင့်ရက်ကျမှ ယာဉ်ပိုင်ရှင်တွေကို အစည်းအ ဝေးခေါ်ပြီး တရားဝင်ပြောမယ် ထင်ပါတယ်။ အပ်ခွင့်ပေးရင် ယာဉ်ပိုင်ရှင်တွေအတွက် ၀မ်း သာစရာပေါ့။ အဲဒီယာဉ်တွေက တော်တော်စုတ်နေပြီဆိုတော့ ပြေးဆွဲရတာလည်း သိပ်အလုပ်မ ဖြစ်တော့ဘူး။ တော်တော်များ များက အပ်ချင်နေကြပြီ’’ဟု YBS (၂၁) ယာဉ်လိုင်းပြေးဆွဲနေသည့် Power Eleven အများပိုင်ဘတ်စ် ကားကုမ္ပဏီ မန်နေဂျင်းဒါရိုက် တာ ကိုတရုတ်လေးက ဆိုသည်။

 ရန်ကုန်တိုင်းဒေသကြီး အစိုးရနှင့် OMNI FOCUS ကုမ္ပဏီတို့သည် တရုတ်နိုင်ငံမှ ဘတ်စ်ကားစီးရေနှစ်ထောင်ဝယ် ယူထားပြီး လက်ရှိအချိန်အထိ အစီးရေတစ်ထောင်ခန့်သည် လမ်းကြောင်းပေါ် ပြေးဆွဲနိုင်ခြင်းမရှိသေးသောကြောင့် အပ်နှံမည့်ဘတ်စ်ကားများနေရာတွင် အစားထိုးရန် အလုံအလောက်ရှိသည်ဟု YRTA မှ တာဝန်ရှိသူက ဆိုသည်။

ထို့အပြင် YRTA သည် လက်ရှိ ပြေးဆွဲနေသော ဘတ်စ်ကားများကို အောက်တိုဘာ ၁၅ ရက် နောက်ဆုံးထား၍ GPS တပ်ဆင်ရန် ညွှန်ကြားထားသည်။

လက်ရှိအချိန်အထိ GPS တပ်ဆင်ထားသည့် ဘတ်စ်ကား စီးရေ သုံးထောင်ခန့်ရှိပြီး အစီးရေ ၈၀၀ ခန့် မတပ်ဆင်ရသေး ကြောင်း ဒေါက်တာမောင်အောင် က ဆိုသည်။

အဆိုပါဘတ်စ်ကားများအ နေဖြင့် သတ်မှတ်ရက်အထိ တပ် ဆင်ထားခြင်းမရှိပါက ယာဉ်လိုင်း ပြေးဆွဲမှု ရပ်ဆိုင်းမည်ဟု ၎င်းက ပြောသည်။