ရခိုင်ပြည်နယ်အရေး အပြစ်တင်ခြင်းအစား အမှန်သိအောင်ကြည့်မြင်ရန် UNHCR အစည်းအဝေးတွင် ဒေါက်တာဝင်းမြတ်အေး တိုက်တွန်း

 ရခိုင်ပြည်နယ်အရေးနှင့် ပတ်သက်ပြီး မြန်မာအစိုးရကို ပြစ်တင်ဝေဖန်မှုအစား အမှန်ကိုသိအောင်ကြည့်မြင်ပြီး မျှတမှုကိုအခြေခံသည့် ပူးပေါင်းဆောင်ရွက်ရေး လုပ်ဆောင်ရန် ပြည်ထောင်စုဝန်ကြီး ဒေါက်တာဝင်းမြတ်အေးက ကုလအဖွဲ့အစည်း များနှင့် ကမ္ဘာ့နိုင်ငံအသီးသီးမှ ခေါင်းဆောင်များအား ပြောကြား ခဲ့သည်။

ဆွစ်ဇာလန်နိုင်ငံ ဂျီနီဗာမြို့ တွင် အောက်တိုဘာ ၂ ရက်မှ ၆ ရက်အထိ ကျင်းပသည့် (၆၈) ကြိမ်မြောက် ကုလသမဂ္ဂဒုက္ခသည် များဆိုင်ရာ မဟာမင်းကြီးရုံး (UNHCR)၏ အမှုဆောင်ကော်မတီအစည်းအဝေးသို့ ရခိုင်ပြည်နယ်ဆိုင်ရာ အကြံပြုချက်များအ ပေါ် အကောင်အထည်ဖော် ဆောင်ရွက်ရေး ကော်မတီဥက္ကဋ္ဌ ဒေါက်တာဝင်းမြတ်အေး ဦးဆောင်သည့် မြန်မာကိုယ်စား လှယ်အဖွဲ့ တက်ရောက်ဆွေးနွေးမှုများနှင့်ပတ်သက်ပြီး လူမှုဝန်ထမ်း၊ ကယ်ဆယ်ရေးနှင့် ပြန် လည်နေရာချထားရေး ဝန်ကြီး ဌာနက သတင်းထုတ်ပြန်ခဲ့သည်။


ဒေါက်တာဝင်းမြတ်အေးက မြန်မာနိုင်ငံသည် ဒီမိုကရေစီ အ သွင်ကူးပြောင်းရေး ဆောင်ရွက် နေသော နိုင်ငံဖြစ်ပြီး အစိုးရသစ် အနေဖြင့် ငြိမ်းချမ်းရေးနှင့် ဖွံ့ဖြိုး တိုးတက်ရေးအတွက် အားသွန် ခွန်စိုက် ဆောင်ရွက်နေကြောင်း ဦးစွာရှင်းပြခဲ့သည်။

ထို့နောက် ကမ္ဘာ့နိုင်ငံများက စိတ်ဝင်စားနေသော ရခိုင်ပြည် နယ် အခြေအနေများကို ဒေါက် တာ ဝင်းမြတ်အေးက ဆွေးနွေးခဲ့ရာ ဩဂုတ် ၂၅ ရက်က တစ်ကျော့ပြန်ဖြစ်ပွားခဲ့သည့် အကြမ်းဖက် ဖြစ်စဉ် မဖြစ်ပွားမီကတည်းကပင် ရခိုင်ပြည်နယ် ငြိမ်းချမ်းရေးနှင့် ဖွံ့ဖြိုးရေး လုပ်ငန်းများအတွက်ဆောင်ရွက်နေမှုများကို ရှင်းပြ သည်။

ယင်းအနက် ကုလအတွင်း ရေးမှူးချုပ်ဟောင်း မစ္စတာကိုဖီ အာနန် ဦးဆောင်သော ရခိုင်ပြည် နယ်ဆိုင်ရာ အကြံပေးကော်မရှင် ကို ဖွဲ့စည်းခဲ့ပြီး ဒေသတွင်း ရခိုင်တိုင်းရင်းသားများနှင့် မွတ်စလင် ဘာသာဝင်များ ကာလရှည်ကြာခဲ့ သည့် ပဋိပက္ခများကို အဖြေရှာ ဆောင်ရွက်နေစဉ် ARSA အဖွဲ့ကအကြမ်းဖက်တိုက်ခိုက်၍ လုံခြုံရေးတပ်ဖွဲ့ဝင်များစွာ သေဆုံး ဒဏ်ရာရရှိခဲ့ခြင်းများနှင့် ဒေသတွင်းနေထိုင်နေသည့် ဟိန္ဒူများ၊အခြားလူဦးရေ နည်းပါးသော ရခိုင်တိုင်းရင်းသားလူနည်းစုများ အသတ်ခံရခြင်း၊ နေရပ်စွန့်ခွာ ထွက်ပြေးရခြင်းများကို ဒေါက်တာဝင်းမြတ်အေးက ရှင်းပြသည်။

ရခိုင်ပြည်နယ်တွင် လက်ရှိ ဖြစ်ပွားနေသော ပဋိပက္ခများသည် ကာလကြာမြင့်ပြီး အကြောင်းအရာပေါင်းစုံလည်း ပါဝင်ပတ်သက်နေကြောင်း၊ လူသားချင်းစာနာ သော အထောက်အပံ့များပေးရာ တွင် လုံခြုံမှုနှင့်လွတ်လပ်မှုကို ချိန်ဆထည့်သွင်း စဉ်းစားရမည်ဖြစ်ပြီး ထိရောက်သောအထောက်အပံ့များ မျှမျှတတ ပေးအပ်နိုင်ရေး နိုင်ငံတကာ မိတ်ဖက်အဖွဲ့အစည်းများနှင့် ညှိနှိုင်းဆွေးနွေးမှု များ လုပ်ဆောင်ခဲ့ကြောင်း ပြည် ထောင်စုဝန်ကြီးကဆိုသည်။ လူ သားချင်း စာနာမှုအကူအညီများ ပေးရာတွင် မည်သည့်ခွဲခြားမှုမျှ မရှိကြောင်း ၎င်းကရှင်းပြသည်။

ရခိုင်ပြည်နယ်နှင့်ပတ်သက် ၍ အကြံပေးကော်မရှင်နှင့် စုံစမ်း ရေးကော်မရှင်တို့က အကြံပြုချက် များကို အကောင်အထည်ဖော်ရန် ၎င်းကိုယ်တိုင် ဥက္ကဋ္ဌအဖြစ် တာဝန်ယူထားသော ကော်မတီတစ်ရပ် ဖွဲ့စည်းဆောင်ရွက်နေကြောင်း ဒေါက်တာဝင်းမြတ်အေးက ဆို သည်။

ထို့နောက် ပြည်ထောင်စုဝန် ကြီးက ဘင်္ဂလားဒေ့ရ်ှနိုင်ငံသို့ ထွက်ပြေးသွားသော ဒုက္ခသည် များအား စနစ်တကျ ပြန်လည် လက်ခံရေးကို ၁၉၉၃ တွင် မြန်မာ -ဘင်္ဂလားဒေ့ရှ် နှစ်နိုင်ငံသဘော တူညီခဲ့သော ဒုက္ခသည်များ စိစစ် လက်ခံရေး မူဘောင်ကို အခြေခံ၍ လုပ်ငန်းများ ဆောင်ရွက်မည်ဖြစ်ကြောင်း ပြောကြားသည်။

 ဒေါက်တာဝင်းမြတ်အေး သည် အစည်းအဝေးတက်ရောက် နေစဉ်အတွင်း မစ္စတာ ကိုဖီအာနန်နှင့်လည်းကောင်း၊ ကုလသမဂ္ဂဒုက္ခသည်များဆိုင်ရာ မဟာမင်းကြီးနှင့်လည်းကောင်း၊ အမေရိကန်နိုင်ငံ Bureau of Population Refugees and Migration မှ ကိုယ်စားလှယ်အဖွဲ့နှင့်လည်းကောင်း၊ UNHCR မှ ညွှန်ကြားရေးမှူး ဦးဆောင်သည့် ကိုယ်စားလှယ်အဖွဲ့နှင့်လည်းကောင်း၊ ICRC အဖွဲ့မှ ညွှန်ကြားရေးမှူး ဦးဆောင်သည့် အဖွဲ့နှင့်လည်းကောင်း အသီးသီး တွေ့ဆုံခဲ့သည်။

အဆိုပါ ခရီးစဉ်အတွင်း ပြည်ထောင်စုဝန်ကြီးသည် ရခိုင် ပြည်နယ်တွင် ဖြစ်ပွားခဲ့သော ကိစ္စရပ်များနှင့်ပတ်သက်၍ ခိုင်လုံ သော အထောက်အထားအချက် အလက်များ၊ ဗီဒီယိုဖိုင်များ ရှင်းလင်းခြင်း၊ ဖြန့်ဝေခြင်းများ ပြုလုပ်ခဲ့ကြောင်း ထုတ်ပြန်ချက်၌ ဖော်ပြ ထားသည်။

More in News Section