ရန်ကုန်မှ မိသားစုလိုက်ဘုရားဖူးသွားသည့်ကား ရှမ်းပြည်နယ်တွင်တိမ်းမှောက် ငါးဦးသေ၊ နှစ်ဦး ဒဏ်ရာရ

လူမှုကူညီရေးအသင်းသားများနှင့် ဒေသခံအချို့က ကူညီကယ်ဆယ်နေစဉ် (ဓာတ်ပုံ − Dar Kole FB)

ရန်ကုန်မြို့မှ ရှမ်းပြည် နယ်သို့ ဘုရားဖူးသွားရောက် သော မိသားစုမှန်လုံကားတစ်စီး သည် နောင်ချိုမြို့နယ် ဒုဋ္ဌ၀တီတံတားအနီးတွင် တိမ်းမှောက်ရာ လူငါးဦးသေဆုံးပြီး နှစ်ဦးဒဏ်ရာရရှိခဲ့သည်။

အောက်တိုဘာ ၈ ရက် နံနက် ၁၁ နာရီခန့်တွင် တောင်ကြီးမြို့မှ ရပ်စောက်-နောင်ချို ကားလမ်းအတိုင်း ထွက်ခွာလာသည့် မိသားစု ခုနစ်ဦးပါ မှန်လုံကားတစ်စီးသည် ဒုဋ္ဌ၀တီ တံတားအဆင်းတွင် တိမ်းမှောက်မှုဖြစ်ပွားခဲ့သည်။

အသက် (၁၂)နှစ်အရွယ် ကလေးတစ်ဦးအပါအ၀င် အမျိုး သမီးတစ်ဦး၊ အမျိုးသား သုံးဦး စုစုပေါင်း ငါးဦးသေဆုံးခဲ့ကြောင်း ကံကြီးရွာ မေတ္တာရောင်ခြည်နာရေးကူညီမှုအသင်းမှ ကိုပြူးက ပြောသည်။

‘‘ကားမှောက်တဲ့နေရာမှာ ကားသမားဆုံးတယ်။ သုံးယောက်ကတော့ တောင်းခမ်းဆေးရုံမှာ ဆုံးတယ်။ တစ်ယောက်က ပြင်ဦးလွင်ဆေးရုံမှာ ဆုံးသွားတယ်။ အခု ပြင်ဦးလွင်ဆေးရုံမှာ နှစ်ယောက်တင်ထားပါတယ်’’ဟု ကိုပြူးက ပြောသည်။တိမ်းမှောက်မှုဖြစ်ပွား သော ဟိုက်ဂျက်မှန်လုံကားသည် ရန်ကုန်မြို့မှ မိသားစုလိုက် ဘုရား ဖူးထွက်လာခြင်းဖြစ်ကြောင်း ၎င်း က ပြောသည်။

‘‘ကားက တံတားအကွေ့ ပေါ့လေ။ လမ်းမကျွမ်းတော့ ချောက်ထဲကို ခေါင်းစိုက်ကျတာ။ ဆေးရုံမှာရှိတဲ့ အမျိုးသားတစ်ဦး က နည်းနည်းစိုးရိမ်ရတယ်။ သူတို့က ရန်ကုန်မြို့ လှိုင်သာယာကလို့ ပြောပါတယ်’’ဟု နောင်ချိုမြို့ စေတနာမွန် လူမှုကူညီရေးအ သင်းမှ ဦးတင်ဝင်းနိုင်က ပြော သည်။