နော်ဝေးတွင်ကျင်းပမည့် လူငယ်ဖိုရမ်သို့ တက်ရောက်ရန် မြန်မာလူငယ်နှစ်ဦးကို တယ်လီနောရွေးချယ်

 နိုဗယ်ငြိမ်းချမ်းရေးစင် တာနှင့် ပူးပေါင်းကျင်းပသည့် လူငယ်ဖိုရမ်သို့ တက်ရောက်ရန် မြန်မာနိုင်ငံ ကိုယ်စားပြု လူငယ် နှစ်ဦးကို တယ်လီနောက ရွေးချယ်ခဲ့သည်။

နော်ဝေးနိုင်ငံတွင် ကျင်းပ မည့် လူငယ်ဖိုရမ်သို့ တက်ရောက် ခွင့်ရရှိရန် မြန်မာနိုင်ငံမှ လူငယ် (အသက်(၂၀- ၂၈)အတွင်း) ၁၅၀ ခန့် ၀င်ရောက်လျှောက်ထားခဲ့ပြီး နန်းကံ့ကော်ယွက်ဆိုင်နှင့် ရာ သူ(လ်) ပရာဆက်ကို နိုင်ငံကိုယ် စားပြုအနေဖြင့် အပြီးသတ် ရွေး ချယ်လိုက်ကြောင်း တယ်လီနော က အောက်တိုဘာ ၉ ရက်တွင် ကြေညာသည်။


ရွေးချယ်ခံ နန်းကံ့ကော် ယွက်ဆိုင်နှင့် ရာသူ(လ်) ပရာ ဆက်တို့သည် နော်ဝေးနိုင်ငံတွင် ဒီဇင်ဘာ ၈ ရက်မှ ၁၁ ရက်အထိ ကျင်းပမည့် လူငယ်ဖိုရမ်သို့ သုံး ရက်ကြာ တက်ရောက်ခွင့်ရရှိမည် ဖြစ်သည်။

မြန်မာကိုယ်စားပြု လူငယ် နှစ်ဦးသည် နိုင်ငံပေါင်း ၁၂ နိုင်ငံ မှ ကိုယ်စားလှယ်များနှင့်အတူ လူ မှုရေးဆိုင်ရာစိန်ခေါ်မှုများကို ဖြေ ရှင်းရန် ဒစ်ဂျစ်တယ်ဝန်ဆောင်မှု ဖန်တီးရေးအစီအစဉ်တွင် ပါဝင် ဆောင်ရွက်ရမည်ဖြစ်သည်။

အလားတူ ဒစ်ဂျစ်တယ် နည်း ပညာနှင့် ငြိမ်းချမ်းရေးကို ဆက် စပ်လေ့လာခွင့် ရရှိမည်ဖြစ်ပြီး နိုဗယ်ဆုပေးပွဲသို့လည်း တက်ရောက်ခွင့်ရမည်ဖြစ်သည်။ မြန်မာနိုင်ငံမှ ကိုယ်စားလှယ်နှစ်ဦးသည် ၂၀၁၈ တစ်နှစ်တာလုံး နိုဗယ်ငြိမ်းချမ်းရေးစင်တာနှင့် ပူးပေါင်း၍ လူမှုရေးစိန်ခေါ်မှုတစ်ခုခုကို ဖြေရှင်းရန် ဒစ်ဂျစ်တယ်ဝန်ဆောင်မှုတစ်ခုခုကို အကောင်အထည်ဖော်ရမည်ဖြစ်သည်။

တယ်လီနောသည် နော်ဝေး နိုင်ငံတွင် ကျင်းပသည့် လူငယ်ဖို ရမ်သို့ ၎င်း၏ ဈေးကွက်တည်ရှိရာ နိုင်ငံများမှ ကိုယ်စားလှယ် နှစ်ဦး စီကို ရွေးချယ်စေလွှတ်ခြင်းဖြစ်ပြီး ရွေးချယ်ခံကိုယ်စားလှယ်များ သည် နှစ်စဉ်အလိုက် သတ်မှတ် ပေးထားသည့် ခေါင်းစဉ်များ အောက်တွင် တစ်နှစ်တာလုံး ပရောဂျက်တစ်ခုကို လုပ်ကိုင် ဆောင်ရွက်ရသည်။

လူငယ်ဖိုရမ်အတွက် တယ်လီနောက၂၀၁၄ မှစတင်၍ နိုင်ငံကိုယ်စားပြုလူငယ်နှစ်ဦး ရွေးချယ် စေလွှတ်ခြင်းဖြစ်သည်။