ထမင်းအသိုးကျွေးသည်ဆိုကာ ဓားဖြင့် လိုက်ခုတ်သူ သေဆုံး

ဆင်ပေါင်ဝဲတွင် အ ရက်မူးနေသည့် ဖခင်က ထမင်းအသိုးများကျွေးသည်ဆိုပြီး သားဖြစ်သူကို ဓားဖြင့်လိုက်ခုတ်ရာ မိမိကိုယ်ကိုယ် ပြန်ထိမိ၍ သေဆုံးခဲ့ကြောင်း ဆင်ပေါင်ဝဲမြို့နယ် ရဲတပ်ဖွဲ့မှ  တာဝန်ရှိသူတစ်ဦးက ပြောသည်။ 

ဆင်ပေါင်ဝဲမြို့နယ် စာရပေ ကျေးရွာ(အရှေ့စု)တွင် အောက် တိုဘာ ၇ ရက်ညက အရက်မူးနေ သော အသက် (၅၈)နှစ်အရွယ် အမျိုးသားကြီးတစ်ဦးသည် မိမိအား မိသားစုက  ထမင်းအသိုးများ ကျွေးသည်ဆိုပြီး သားဖြစ်သူကို ဓားဖြင့်လိုက်ခုတ်ရာ အိမ်အပေါ်ထပ်တွင် အရှိန်လွန်လဲကျသဖြင့်

၎င်းကိုင်ထားသည့်ဓားဖြင့်ပင် မိမိကိုယ်ကိုယ်ခုတ်မိ၍  သေဆုံးခဲ့ကြောင်း ရဲတပ်ဖွဲ့စစ်ဆေးချက်မှတ်တမ်းတွင် ဖော်ပြထား သည်။

‘‘သူက အရက်အမြဲသောက် တတ်တဲ့အကျင့်ရှိတယ်။ အဲဒီနေ့ ညက သူ့မိသားစုကလာခေါ်တော့ လိုက်သွားတာ။ ဓားကဗိုက်ကိုထိ ပြီး အူထွက်သေနေတာ တွေ့ခဲ့ရတယ်။ အဲမှာက ဧည့်သည်လေးယောက်လောက်လည်း ရှိနေတော့ သူတို့ကအစအဆုံးမြင်ကြတယ်။ ဒါနဲ့စခန်းကိုအကြောင်း ကြားခဲ့တာ’’ ဟု  စာရပေကျေးရွာ အုပ်စု အုပ်ချုပ်ရေးမှူး ဦးရဲညွန့်က ပြောသည်။

ယင်းဖြစ်စဉ်အား ပေါ့လျော့ ခြင်းဖြင့် လူသေစေမှုပုဒ်မ ၃၀၄(က)ဖြင့် သေဆုံးသူကို ဆင်ပေါင်ဝဲမြို့နယ် ရဲတပ်ဖွဲ့စခန်းက အမှု ဖွင့်ထားသည်။