ရုပ်ရှင် အကြိုခံစားခြင်း

JUDWAA 2

ဒီနေ့ ရုပ်ရှင်အကြိုကဏ္ဍမှာတော့ ရယ်လည်းရယ်ရ အက်ရှင်ဇာတ်ကွက်တွေလည်း ကြည့်ရမယ့်ဘောလိဝုဒ် ဟာသအက်ရှင်ဇာတ် ကားလေး ပရိသတ်တွေအတွက် ဖော်ပြလိုက်ပါတယ်။ 


Judwaa နာမည်နဲ့ ရုပ်ရှင် ထွက်ရှိခဲ့ဖူးပြီး အခုဇာတ်ကားကတော့ ဆန်းသစ်မှုတွေနဲ့ထပ်မံတင် ဆက်ထားတာပါ။ ဇာတ်လမ်းကတော့ ကွဲကွာနေတဲ့ အမြွှာညီအစ် ကို ရာဂျာနဲ့ ပရမ်တို့အကြောင်း ဖြစ်ပြီး မွမ်ဘိုင်းနဲ့လန်ဒန်က ဇာတ်ကွက်အလှအပတွေနဲ့အတူ ရှုစား ကြရမှာပါ။

ရာဂျာနဲ့ပရမ်ဟာ စီးပွားရေးလုပ်ငန်းရှင်ကြီးတစ်ယောက်ရဲ့အမြွှာသားနှစ်ယောက်အဖြစ် မွေးဖွားလာပေမယ့် ချားလ်စ်ဆိုတဲ့မှောင်ခိုသမားက ကလေးတစ်ယောက်ကို ပြန်ပေးဆွဲသွားတဲ့အတွက် ကွဲကွာခဲ့ရပါတယ်။ 

အမြွှာညီအစ်ကိုဟာတစ် ယောက်က မွမ်ဘိုင်းမှာ၊ တစ် ယောက်က လန်ဒန်မှာကြီးပြင်း ခဲ့ပြီး မိသားစုတွေကတော့ အမြွှာ ထဲကတစ်ယောက်က သေသွားပြီ လို့ထင်ထားခဲ့တာပါ။

လန်ဒန်မှာ ကြီးပြင်းတဲ့ ပရမ်ကတော့ ခပ်အေးအေးနဲ့ရိုးအတဲ့အတွက် သူများနှိပ်စက်ခံဖြစ်ပေ မယ့်လို့ မွမ်ဘိုင်းက ရာဂျာကတော့ ရန်ဖြစ်သတ်ပုတ်တဲ့နေရာမှာ ဆရာကျတဲ့ဖိုက်တာ တစ်ယောက် ပါ။ ဒီလိုနဲ့ တစ်ရက်မှာတော့ရာဂျာတစ်ယောက် လန်ဒန်ကို သွားဖို့ ဖြစ်လာခဲ့ပြီး မွမ်ဘိုင်းမှာနေ နေကျ ဆံပင်အရှည်ပုံစံမဟုတ်ဘဲ ဆံပင်တွေ ဘာတွေသပြီးသွား တာမို့ ပရမ်နဲ့ပိုလို့တောင်တူပါ တယ်။ 

တစ်ရက်မှာတော့ ညီအစ်ကိုနှစ်ယောက် ထိပ်တိုက်ဆုံမိခဲ့ကြ ပြီး အမြွှာညီအစ်ကိုမှန်းသိသွားခဲ့ ကြပါတယ်။ နှစ်ယောက်တွေ့ပြီး နောက်မှာ ထူးခြားတာတစ်ခုက  တစ်ယောက်ယောက်ထိခိုက်ဒဏ် ရာရရင်ပဲဖြစ်ဖြစ်၊ တစ်ခုခုဖြစ် ရင်နောက်တစ်ယောက်မှာအတူတူ လာပြီးဖြစ်တာလည်း ရယ်မောရ စေမှာပါ။

ပရမ်နဲ့ ရာဂျာကို လူတွေမှားကြတဲ့ ဇာတ်ကွက်တွေထဲမှာ အရယ်ရဆုံးကတော့ အမြွှာနှစ် ယောက်ရဲ့ ချစ်သူတွေ လူမှားကြတာပါ။ ဘောလိဝုဒ်ဇာတ်ကား တွေရဲ့ ထုံးစံအတိုင်း မြူးမြူးကြွကြွအကတွေနဲ့ ကြည်နူးစရာဇာတ် ကွက်လေးတွေကိုလည်း အကြိုက်တွေ့ကြမှာပါ။ 

အမြွှာညီအစ်ကိုနှစ်ယောက် ပြန်ဆုံပြီးနောက်မှာတော့ မိသားစု ကို အန္တရာယ်ပေးမယ့်သူတွေကို  အတူရင်ဆိုင်ကြတာကိုလည်း အက်ရှင်ရသအပြည့်နဲ့ တင်ဆက် ထားတာမို့ အကြိုခံစားကြပါဦး လို့။

Top News