ဆီးချိုရောဂါရှိသူများ တုပ်ကွေး ကာကွယ်ဆေးထိုးရန် အရေးကြီး

ဆီးချိုရောဂါရှိသူများသည် တုပ်ကွေးရောဂါနှင့် ဆက်စပ်သော ရှုပ်ထွေးမှုများ ဖြစ်နိုင်သည့် အန္တရာယ်မြင့်မားခြင်းကြောင့် တုပ်ကွေး ရောဂါ ကာကွယ်ဆေးထိုးရန် အရေးကြီးကြောင်း အမေရိကန်ကျန်းမာရေးပညာရှင်များကပြောသည်။

နှစ်တစ်နှစ်၏ တုပ်ကွေးရာသီသည် ဒေသအလိုက်၊ နိုင်ငံအ လိုက် အပြောင်းအလဲရှိနိုင်ပြီး အအေးပိုင်းဒေသများတွင် တုပ်ကွေး ရာသီသည် အစဉ်သဖြင့် ဆောင်းရာသီလများ၌ ဖြစ်ပေါ်လေ့ရှိပြီး အရှေ့တောင်အာရှကဲ့သို့ ဒေသများတွင် တစ်နှစ်ပတ်လုံး တုပ်ကွေး ဖြစ်ပွားနိုင်ခြေရှိသဖြင့် တုပ်ကွေးရောဂါဖြစ်ပွားမှုအများဆုံး ရာသီ တွင် ကာကွယ်ဆေးထိုးသင့်သည်။


ဆီးချိုရောဂါသည်အချို့သည် တုပ်ကွေးနှင့် ဆက်စပ်သည့် ရှုပ်ထွေးမှုများ ဖြစ်နိုင်သော အန္တရာယ်ကျရောက်နေသည်ကို သတိ မထားမိဖြစ်နေသည်။ အခြားလူများက ကာကွယ်ဆေးကြောင့် ၎င်းတို့၏ ဆီးချိုရောဂါအခြေအနေ ဆိုးလာနိုင်ကြောင်း လွဲမှားစွာ စိုးရိမ်နေသည်။

သို့သော် ဆီးချိုရောဂါသည်များ တုပ်ကွေးဖြစ်ပါက တုပ်ကွေး ဆက်စပ်ကျန်းမာရေးပြဿနာများ ဖြစ်လာနိုင်ခြေ ပိုများသည်။ တုပ်ကွေးရောဂါ ကာကွယ်ဆေးသည် ယင်းရှုပ်ထွေးမှုများကို ကာ ကွယ်ရန် (သို့မဟုတ်) လျှော့ချရန် ဘေးကင်းထိရောက်သော နည်း လမ်းဖြစ်ကြောင်း ပညာရှင်များကပြောသည်။

ယင်းကြောင့် နှစ်တစ်နှစ်၏ တုပ်ကွေးရာသီရောက်တိုင်း တုပ် ကွေးရောဂါ ကာကွယ်ဆေးထိုးခြင်းသည် ဆီးချိုရောဂါသည်များအတွက် တုပ်ကွေးဆက်စပ်ရှုပ်ထွေးမှုများကို ကာကွယ်ရန် အကောင်းဆုံးနည်းလမ်းဖြစ်သည်။

ခြေလက်များကို သန့်ရှင်းစင်ကြယ်စွာထားခြင်းသည် ကျန်း မာနေစေရန်နှင့် တုပ်ကွေးရောဂါကို ရှောင်ရှားရန် အထောက်အကူ ပြုနိုင်သည်။

တုပ်ကွေးနှင့် အခြားရောဂါများက သွေးထဲရှိ သကြားဓာတ်ပမာဏကို မြင့်မားစေနိုင်ပြီး ဆီးချိုရောဂါ ထိန်းချုပ်ရေးအစီအစဉ်ကို နှောင့်ယှက်နိုင်သည်။

ဆီးချိုရောဂါသည်များသည် နမိုးနီးယားကဲ့သို့ တုပ်ကွေးရောဂါနှင့် ဆက်စပ်သော ရှုပ်ထွေးမှုများကို ပိုမိုဖြစ်ပွားနိုင်ပြီး တုပ်ကွေးရောဂါကြောင့် သေဆုံးနိုင်ခြေ ပိုများသည်။ လူတို့သည် အသက်အရွယ်ကြီးရင့်လာစဉ် ကိုယ်ခံအားစနစ် အားနည်းသွားသည်။ ကိုယ်ခံအားနည်းချိန်တွင် တုပ်ကွေးရောဂါ ဖြစ်ပွားနိုင်သည့် အန္တရာယ်များသဖြင့် ဆိုးရွားသော ရှုပ်ထွေးမှုများ ဖြစ်ပေါ်နိုင်သည်။ အသက်(၆၅)နှင့်အထက်အရွယ်များ တုပ်ကွေးရောဂါကာကွယ်ဆေးမထိုးမီ ဆရာဝန်နှင့်တိုင်ပင်သင့်သည်။

—Ref: UPI

Top News