စင်ကာပူတွင် မြန်မာအိမ်အကူတစ်ဦး ၁၈ ထပ်အမြင့်ရှိ ကွန်ဒိုတိုက်ခန်းပေါ်မှ ခုန်ချသေဆုံးဟုဆို

စင်ကာပူနိုင်ငံတွင် အိမ်အကူ လုပ်ကိုင်နေသော အသက် (၁၈) နှစ် အရွယ် မြန်မာအမျိုးသမီးတစ်ဦး ၁၈ ထပ်အမြင့်ရှိ ကွန်ဒိုတိုက်ခန်းတစ်ခု ပေါ်မှ ခုန်ချသေဆုံးမှု ဖြစ်ပွားခဲ့သည်။

မြန်မာအမျိုးသမီး မဝိုင်းဝိုင်းလည်သည် စင်ကာပူနိုင်ငံ 1-Leicester Road ရှိ ကွန်ဒိုတိုက်ခန်းတစ်ခုတွင် အိမ်အကူအလုပ် လုပ်ကိုင်နေပြီး အောက်တိုဘာ ၈ ရက် နေ့လယ်က ခုန်ချ သေဆုံးသွားခြင်းဖြစ်ကြောင်းစင်ကာပူအခြေစိုက် ရွှေ့ပြောင်းနေ ထိုင်မှု စီးပွားရေးဆိုင်ရာ လူသားချင်းစာနာထောက်ထားရေး အဖွဲ့ (HOME) သို့ မြန်မာ အိမ်အကူ အမျိုးသမီးများနှင့် ပတ်သက်၍ ကူညီပေးနေသော အမည်မဖော် လိုသူတစ်ဦးက ပြောသည်။

‘‘စင်ကာပူ ရဲတပ်ဖွဲ့ရဲ့ အ ကြောင်းကြားချက်အရ ဆိုရင် တော့ တိုက်ပေါ်က ပြုတ်ကျတဲ့အ ချိန်မှာ ဘေးနားက မျက်မြင်သက် သေ တစ်ယောက်မှ မရှိဘူးပေါ့ နော်။ ခုန်ချသေဆုံးတာလား၊ တိုက် ပေါ်က ပြုတ်ကျတာလားဆိုတာ ရဲကစစ်ဆေးနေဆဲပဲ ရှိသေးတယ် ပေါ့။ ၁၈ ထပ်ပေါ်က ပြုတ်ကျ တယ်။ အဲဒီအချိန်မှာ အိမ်ရှင်တွေ လည်း တစ်ယောက်မှ မရှိဘူးပေါ့။ မျက်မြင်မရှိဘဲ ဖြစ်သွားတယ်’’ ဟုစင်ကာပူနိုင်ငံဆိုင်ရာ မြန်မာသံရုံး မှ ပထမအတွင်းဝန် ဒေါ်ဆန်းစန္ဒာ ဝင်းက အဆိုပါအိမ်အကူသေဆုံး မှုနှင့် ပတ်သက်၍ ပြောသည်။

သေဆုံးသည့် အကြောင်း ရင်းကို စင်ကာပူရဲတပ်ဖွဲ့က စစ် ဆေးနေပြီး မြန်မာသံရုံးကလည်း ကူညီပူးပေါင်း ဆောင်ရွက်ပေးနေ ကြောင်း ၎င်းကဆက်ပြောသည်။

ခုန်ချသေဆုံးသည့် မဝိုင်းဝိုင်းလည်သည် အိမ်ရှင်များ နေ့လယ်စာ စားသောက်ရန် အပြင်သို့ သွားရောက်ချိန်တွင် ခုန်ချ သေဆုံးခြင်း ဖြစ်သည်ဟု သိရကြောင်း HOME ကို ကူညီပေးနေသော အထက်ပါအမည်မဖော်လိုသူက ပြောသည်။

‘‘သေဆုံးသူ ကောင်မလေး ရဲ့ အစ်မအရင်းရော၊ တစ်ဝမ်းကွဲ အစ်မရော ဒီမှာရှိနေတယ်။ နောက်ပြီး ကောင်မလေးက ဒီရောက်လာတာ တစ်လလောက်ပဲ ရှိသေးတယ်။ အိမ်ရှင်က သူ့ကိုဆိုပြောတာတွေ ရှိတယ်ကြားတယ်။ သူရောက်ပြီး တစ်ပတ်အတွင်းမှာ တစ်ခါ ထွက်ပြေးလာဖူးတယ်။ အေးဂျင့်နဲ့ ပူးပေါင်းပြီး ပြန်ပို့တာလက်ခံတယ်။ နောက်နှစ်လ လောက်နေရင် ပြောင်းလို့ ပြော ထားတာ ဒီကြားထဲမှာ ဖြစ်သွား တာ’’ ဟု ၎င်းကပြောသည်။

မဝိုင်းဝိုင်းလည်၏ အသက် သည် (၁၈) နှစ်ခန့်ဖြစ်သော်လည်း ပတ်စပို့တွင် (၂၃) နှစ်ဟု ရေးထား ကြောင်း ၎င်းကဆက်လက် ပြောသည်။ ၎င်းသည် ရမည်းသင်းမြို့နယ် ဇာတိဖြစ်သည်။

  သြဂုတ် အတွင်းပိုင်းကလည်း စင်ကာပူနိုင်ငံတွင် အသက်မပြည့်ဘဲ အိမ်ဖော်လုပ်ကိုင်နေသော မြန်မာအိမ်အကူလုပ်သား ၂၈ ဦးကို စင်ကာပူရဲတပ်ဖွဲ့က ဖမ်းဆီးစစ်ဆေးခဲ့ကြောင်း HOME အဖွဲ့ဝင် ဒေါ်ခင်လေးက ပြောကြားသည်။

ထို့အပြင် အောက်တိုဘာ ၈ ရက်ကလည်း HOME ရုံးသို့ မြန်မာ အိမ်အကူလုပ်သား သုံးဦးထွက် ပြေးလာခဲ့ကြောင်း ၎င်းက ပြော သည်။

ဇွန်လ ၁၂ ရက်ကလည်း စင်ကာပူနိုင်ငံတွင် အိမ်အကူလုပ် ကိုင်နေသော အသက် (၂၀) ခန့် အရွယ် မြန်မာအမျိုးသမီး တစ်ဦး ၁၈ လွှာအမြင့်ရှိ ကွန်ဒိုတိုက်ခန်းတစ်ခုပေါ်မှ ခုန်ချသေဆုံးခဲ့ သည်။

စင်ကာပူနိုင်ငံတွင် လက်ရှိ ခန့်မှန်းတွက်ချက်မှု စာရင်းများ အရ နိုင်ငံခြားသား အိမ်အကူလုပ် သားနှစ်သိန်းကျော်ရှိသည့်အနက်  အင်ဒိုနီးရှားလုပ်သား တစ်သိန်း ကျော်၊ ဖိလစ်ပိုင်လုပ်သား ခုနစ် သောင်းကျော်နှင့် မြန်မာအိမ်အ ကူလုပ်သား လေးသောင်းကျော်ရှိ ကြောင်း ဆိုသည်။

စင်ကာပူနိုင်ငံရှိ အေဂျင်စီ အချို့က မြန်မာအိမ်အကူလုပ် သားများကို ရောင်းကုန်ကဲ့သို့ဈေး နှုန်းများဖြင့် ပြသကာ ငှားရမ်းခဲ့ ခြင်းနှင့် စင်ကာပူရောက် မြန်မာအိမ်အကူများ အကြောင်းကို အယ်လ်ဂျားဇီးယား သတင်းဌာန အထူးသတင်း ပေးပို့ချက်ဖြင့် ဖော် ပြခဲ့ပြီးနောက် မြန်မာနိုင်ငံတွင် အိမ်အကူ လုပ်သားစေလွှတ်မှုအ ပေါ် ဝေဖန်မှုများ အပြင်းအထန် ထွက် ပေါ်ခဲ့သည်။

ထိုသို့ ဝေဖန်မှုများရှိလာခဲ့ ပြီးနောက် မြန်မာအစိုးရက ၂၀၁၄မတ်လကစ၍ ပြည်ပသို့အိမ်အကူ လုပ်သားစေလွှတ်မှုကို ရပ်ဆိုင်းခဲ့ သည်။

သို့သော် ပြည်ပသို့တရားဝင် အိမ်အကူလုပ်သားသွားရောက်မှု ကို ရပ်ဆိုင်းခဲ့သော်လည်း တရား မဝင် သွားရောက်မှု ရပ်တန့်မသွား ဘဲပို၍ပင် များပြားလာခဲ့သည်။

အိမ်အကူ  လုပ်ငန်းသည် တစ်လလျှင် လစာကျပ်ငါးသိန်း ခန့်ရရှိပြီး နေထိုင်စားသောက်စ ရိတ် ထပ်မံကုန်ကျစရာ မလိုသော လုပ်ငန်းဖြစ်ခြင်းကြောင့်  ရွှေ့ ပြောင်းမြန်မာလုပ်သားများအပေါ်ဆွဲဆောင်မှုများစွာ ပေးနိုင်သော လုပ်ငန်းဖြစ်နေသည်။

Top News