ခရီးသည်တင် ယာဉ်ဟောင်းများအတွက် CNG လိုင်စင်သက်တမ်း လျှော့ချ

ခရီးသည်တင်ယာဉ် ဟောင်းများအတွက် ခွင့်ပြုထားသည့် သဘာဝဓာတ်ငွေ့လိုင်စင်သက်တမ်း လျှော့ချခြင်းသည် ကားဟောင်းများ ပြေးဆွဲနေခြင်းကို ကန့်သတ်လိုခြင်းကြောင့်ဖြစ်ကြောင်း ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ အတွင်းရေးမှူး ဒေါက်တာမောင်အောင်က ပြောသည်။

ယာဉ်အိုယာဉ်ဟောင်း အ ဖြစ် အပ်နှံခွင့်ပြုထားသော ခရီး သည်တင် ယာဉ်ဟောင်းများအ တွက် သဘာဝဓာတ်ငွေ့လိုင်စင် သက်တမ်းကို ယခင်က တစ်နှစ် သတ်မှတ်ထားခဲ့သော်လည်း အောက်တိုဘာ ၉ ရက်ကစ၍ နှစ်လသက်တမ်းသို့ ပြောင်းလဲခြင်းဖြစ်သည်။

‘‘သူတို့ကို လဲခိုင်းထားပြီး၊ အပ်ခိုင်းထားပြီးသားပါ။ သူတို့ကို အပ်ခိုင်းတာ တစ်လကျော်နေပြီ။ အပ်ပြီးရင်ကားအသစ်တွေနဲ့ ဒီ နေရာမှာ အစားထိုးမှာပါ။ မအပ် ဘဲဆွဲနေမှာစိုးလို့ပါ’’ဟု ဒေါက် တာမောင်အောင်က ပြောသည်။

      ယခုခွင့်ပြုပေးသည့် သဘာဝဓာတ်ငွေ့လိုင်စင်သက်တမ်း နှစ်လသည် ကုန်လမ်းပို့ဆောင်ရေးညွှန်ကြားမှုဦးစီးဌာနသို့ မအပ်နှံမီ အသုံးပြုရန် ခွင့်ပြုပေးခြင်းဖြစ်သည် ဟု အထက်ပါပုဂ္ဂိုလ်က ပြော သည်။ သဘာဝဓာတ်ငွေ့လိုင်စင် သက်တမ်းကန့်သတ်ရခြင်းသည် ရန်ကုန်တိုင်းအစိုးရက တောင်းဆို ခြင်းကြောင့် လျှပ်စစ်နှင့် စွမ်းအင် ၀န်ကြီးဌာနက စီစဉ်ခြင်းဖြစ်ပြီး တိုင်းဒေသကြီးနှင့် ပြည်နယ်အစိုး ရများ၏ တောင်းဆိုမှုအပေါ် မူ တည်၍ သဘာဝဓာတ်ငွေ့ကို ခွင့် ပြုချထားပေးနေခြင်းဖြစ်သည်ဟု လျှပ်စစ်နှင့် စွမ်းအင်ဝန်ကြီးဌာန ဒုတိယ အမြဲတမ်းအတွင်းဝန် ဦးဌေးအောင်က ပြောသည်။

သဘာဝဓာတ်ငွေ့လိုင်စင် သက်တမ်း ကန့်သတ်ချက်တွင် ၁၉၉၆ မှ ၁၉၉၈ အထိ ထုတ်လုပ် သည့် ခရီးသည်တင်ယာဉ်များပါ ၀င်ပြီး မော်ဒယ်နှစ်အလိုက် အပ်နှံ ရမည်ဖြစ်သည်။

 ရန်ကုန်ဘတ်စ်ကားစနစ် (YBS) ကို စတင်ပြောင်းလဲပြီး နောက် ပထမဦးဆုံး ၁၉၉၅ ထုတ် လုပ်သည့် ခရီးသည်တင်ယာဉ် များ အပ်နှံခွင့်ပြုခဲ့ပြီးဖြစ်သည်။

Top News