သမ္မတကတော်ဆိုသော အသုံးအနှုန်းနှင့် ပတ်သက်ပြီး ထရမ့်၏ လက်ရှိဇနီးက ဇနီးဟောင်းကိုဝေဖန်

သမ္မတကတော်ဆိုသော အသုံးအနှုန်းနှင့် ပတ်သက်ပြီး ဒေါ်နယ်လ်ထရမ့်၏ လက်ရှိဇနီးက ဇနီးဟောင်းကို ဝေဖန် ပြောကြားလိုက်သည်။


အမေရိကန် သမ္မတထရမ့်၏ ဇနီးဟောင်းဖြစ်သူ အိုင်ဗန်နာထရမ့်က အင်တာဗျူး တစ်ခုတွင် သူမကိုယ်ကို သမ္မတကတော် (First Lady)ဟု ရည်ညွှန်း သုံးနှုန်းသွားခဲ့သည်။ သူမ၏ ကိုယ်တွေ့မှတ်တမ်းစာအုပ်ဖြစ်သည့် Raising Trumpကို ထုတ်ဝေ ဖြန့်ချိမည့် အစီအစဉ် မတိုင်မီ အိုင်ဗန်နာက ABCနှင့် အင်တာဗျူးတွင် ထိုသို့ သုံးနှုန်းခဲ့ခြင်း ဖြစ်သည်။

အိုင်ဗန်နာက “ကျွန်မမှာ အိမ်ဖြူတော်ကို တိုက်ရိုက် ဆက်သွယ်နိုင်တဲ့ ဖုန်းနံပါတ် ရှိသားပဲ။ ဒါပေမဲ့ ကျွန်မ သူ့(ထရမ့်)ကို ဖုန်းမခေါ်ချင်ပါဘူး။ ဘာဖြစ်လို့လဲဆိုတော့ မယ်လာနီယာ(ထရမ့်)က အဲဒီမှာ ရှိနေတယ်လေ။ သူမနာလိုဖြစ်တဲ့ ကိစ္စမျိုးတွေ ကျွန်မ မကြုံချင်ဘူး။ တကယ်တော့ ကျွန်မက ထရမ့်ရဲ့ ပထမဇနီးပဲ။ ဟုတ်တယ်နော်။ တကယ်ဆို ကျွန်မက First Ladyပဲပေါ့”ဟု မှတ်ချက်ပေးခဲ့သည်။

ထိုစကားသည် လက်ရှိ သမ္မတကတော် မယ်လာနီယာကို ယမ်းပုံမီးကျ ဖြစ်သွားစေသည်။ လက်ရှိ သမ္မတကတော်က သူမ၏ ပြန်ကြားရေးတာဝန်ခံ စတက်ဖနီ ဂရီရှမ်ထံမှတဆင့် CNN သတင်းဌာနသို့ သဘောထား ထုတ်ပြန်ချက်တစ်ရပ် ပေးပို့ခဲ့သည်။

အဆိုပါ ထုတ်ပြန်ချက်တွင် ဂရီရှမ်က “မစ္စထရမ့် (မယ်လာနီယာ)ဟာ အိမ်ဖြူတော်မှာ နေသားတကျ ဖြစ်နေပါပြီ။ သူဟာ သမ္မတကြီးရဲ့သား ဘာရွန်နဲ့ သမ္မတကြီးကိုလည်း အိမ်ဖြူတော်မှာ အဆင်ပြေပြေဖြစ်အောင် ကူညီနေတယ်။ ဝါရှင်တန်မှာ နေရတာကိုလည်း သဘောကျနေပါတယ်။ သူက သမ္မတကတော်ဆိုတဲ့ ဂုဏ်ပုဒ်ကို ကလေးတွေအတွက် စံပြအနေနဲ့ ရပ်တည် ကူညီဖို့ပဲ အသုံးပြုမှာပါ။ စာအုပ်ရောင်းဖို့ သုံးမှာ မဟုတ်ပါဘူး”ဟု ပြောကြားထားသည်။

၎င်းက ဆက်လက်၍ ထိုအသုံးအနှုန်းသည် ကွာရှင်းထားပြီးသား ဇနီးဟောင်း တစ်ဦးနှင့် မည်သို့မျှ မအပ်စပ်ကြောင်း၊ သို့သော် ကံအကြောင်း မလှစွာဖြင့် လူအများ စိတ်ဝင်စားမှု ခံလိုသူ တစ်ဦးက မဆီမဆိုင် အသုံးချနေကြောင်းလည်း အိုင်ဗန်နာကို ဝေဖန် ထိုးနှက်သွားခဲ့သည်။

အိုင်ဗန်နာသည် လက်ရှိ အစိုးရ အဖွဲ့တွင် ထရမ့် အားထားနေရသည့် သမီးဖြစ်သူ အိုင်ဗန်ကာ ထရမ့်၏ မိခင်ဖြစ်သည်။ သူမနှင့် ထရမ့်သည် ၁၉၉၂ ခုနှစ်က ကွာရှင်းခဲ့ကြသည်။ လက်ရှိ သမ္မတကတော် မယ်လာနီယာမှာမူ 

Ref: CNN