အိတ်ခ်ျအိုင်ဗီလူနာများ မြို့နယ်အဆင့် ဆေးရုံကြီးများတွင် ဆေးကုသမှုခံယူနိုင်

အိတ်ခ်ျအိုင်ဗီ ဝေဒနာ ရှင်များကို မြို့နယ်အဆင့် ဆေး ရုံကြီးများတွင်ပါ ဆေးကုသပေး မည်ဖြစ်ကြောင်း ကျန်းမာရေးနှင့် အားကစားဝန်ကြီးဌာန၊ အမျိုး သားခုခံအားကျကာလသား ရောဂါတိုက်ဖျက်ရေးစီမံချက်မန်နေ ဂျာ ဒေါက်တာထွန်းညွန့်ဦးက ပြောသည်။ အမျိုးသားမဟာဗျူဟာ ၂၀၁၆-၂၀၂၀ ငါးနှစ်တာစီမံကိန်းအရ ယင်းအစီအစဉ်ကို ထည့်သွင်းဆောင်ရွက်ခြင်းဖြစ်ပြီး ထိုကဲ့သို့ဆောင်ရွက်ခြင်းဖြင့်  လူနာများ ဆေးကုသမှု လက်လှမ်းမီလာ သည့် အကျိုးကျေးဇူးရရှိမည်ဖြစ်သည်။

‘‘ အရင်တုန်းကဆိုရင် Specialist ဆေးရုံလို့ခေါ်တဲ့ အ ထူးကုဆေးရုံတွေရှိတဲ့ တိုင်းနဲ့ ပြည်နယ်ဆေးရုံတွေမှာပဲ ရနိုင် တယ်။ ဒါပေမဲ့အခု မြို့နယ်အဆင့် ဆေးရုံတွေပါ ရနိုင်ပြီ။ မန္တလေး တို့၊ မကွေးတို့ဆိုရင် RHC  ဆိုတဲ့ ကျေးလက် ကျန်းမာရေးဌာန တချို့မှာ တင်ရနေပြီ’’ဟု ၎င်းက ပြောသည်။

လူနာ အခြေအနေပေါ်မူ တည်၍ စောစီးစွာဆေးကုသမှု ခံ ယူသင့်သည့် လူနာဖြစ်ပါက မြို့ နယ်အဆင့် ဆေးရုံများတွင်ပင် ကုသမှုပေးမည်ဖြစ်ပြီး ရောဂါ ဆိုးရွားသည့် လူနာများကိုမူ အ ထူးကုဆေးရုံများ၌ ဆေးကုသ ပေးမည်ဖြစ်သည်။

မြန်မာနိုင်ငံတွင် ၂၀၀၀ ပြည့်နှစ်က အိတ်ခ်ျအိုင်ဗီရောဂါ ဖြစ်ပွားမှု ၀ ဒသမ ၉၄ ရာခိုင်နှုန်းရှိခဲ့ရာမှ ၂၀၁၆ တွင် ၀ ဒသမ ၆ ရာခိုင်နှုန်းအထိ ကျဆင်းလာကြောင်း၊ လူနာအသစ်ကူးစက်ခံရမှုမှာ ၂၀၀၀ ပြည့်နှစ်တွင် လူဦးရေသုံးသောင်းခွဲရှိခဲ့ရာမှ ၂၀၁၆ တွင် တစ်သောင်းကျော်ထိ ကျဆင်းလာပြီး ယင်းရောဂါကြောင့် သေဆုံးနှုန်း၅၀ ရာခိုင်နှုန်းထိ ကျဆင်းကြောင်း ကျန်းမာရေးနှင့် အားကစားဝန်ကြီးဌာနစာရင်းများတွင် ဖော်ပြသည်။ လက်ရှိတွင် တစ်နိုင်ငံလုံးအတိုင်းအတာဖြင့် အိတ်ခ်ျအိုင်ဗီ ရောဂါဖြစ်ပွားမှုမှာ လူဦးရေနှစ်သိန်းနှစ်သောင်းလေးထောင်ကျော်ရှိသည်ဟု ကျန်းမာရေးနှင့် အားကစားဝန်ကြီးဌာနက ခန့်မှန်းတွက်ချက်ထားပြီး ယင်းလူနာများအနက် ၂၀၁၆ ကုန်အထိ လူနာ တစ်သိန်းနှစ်သောင်း ခုနစ်ထောင်ကျော်ကို အေအာရ်တီတစ်သက်တာ သောက်ဆေးဖြင့် ကုသမှုပေးနိုင်ခဲ့သည်။