ရန်ကုန်တွင် ဘာသာပေါင်းစုံ ငြိမ်းချမ်းရေးဆုတောင်းပွဲပြုလုပ်

အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေး အမြန်ဆုံးရရှိရန် ဆုတောင်း
အောင်ဆန်းကွင်းတွင် အောက်တိုဘာ ၁၀ ရက်က ပြုလုပ်သော ဘာသာပေါင်းစုံငြိမ်းချမ်းရေးဆုတောင်းပွဲသို့ တက်ရောက်လာသူများကို တွေ့ရစဉ် (ဓာတ်ပုံ − ဂျေမောင်မောင်(အမရပူရ))

ရန်ကုန်မြို့တွင် အမျိုးသားဒီမိုကရေစီ အဖွဲ့ချုပ်ပါတီက ကြီးမှူးကျင်းပသည့် ဘာသာ ပေါင်းစုံငြိမ်းချမ်းရေးဆုတောင်းပွဲ၌ ရခိုင်ပြည် နယ်မြောက်ပိုင်းရှိ ဒုက္ခရောက်နေသော ပြည်သူ များအတွက် ဝမ်းနည်းကြေကွဲကြောင်းထည့် သွင်းပြောကြားခဲ့ပြီး အမျိုးသားပြန်လည်သင့် မြတ်ရေးနှင့် ပြည်တွင်းငြိမ်းချမ်းရေး အမြန်ဆုံး ရရှိရန် ဘာသာအသီးသီးမှ ခေါင်းဆောင်များက ဆန္ဒပြုဆုတောင်းခဲ့ကြသည်။

ဆုတောင်းပွဲသို့ ဗုဒ္ဓဘာသာ၊ ခရစ်ယာန် ဘာသာ၊ အစ္စလာမ်ဘာသာနှင့် ဟိန္ဒူဘာသာတို့မှ ဘာသာရေးခေါင်းဆောင်များတက်ရောက်၍ ငြိမ်းချမ်းရေး စကား များ အသီးသီးပြောကြားခဲ့ပြီး နိုင်ငံတကာသံ တမန်အချို့လည်း တက်ရောက်သည်ကို  တွေ့ရသည်။ ဗုဒ္ဓဘာသာကိုယ်စား ရန် ကုန်တိုင်းဒေသကြီး သံဃ နာယကဥက္ကဋ္ဌဆရာတော်က ငြိမ်းချမ်းရေးအတွက် ဆောင်ရန်၊ ရှောင်ရန် မေတ္တာလွှာကို ၁၅ မိနစ်ခန့် မိန့်ကြားခဲ့ပြီး ရခိုင်ပြည်နယ်မြောက်ပိုင်းမှ ပြည်သူများနှင့်အတူ နိုင်ငံတစ်ဝန်းရှိ ပြည်သူများအနေဖြင့် သက်ရှည်၊ ကျန်းမာ၍ ငြိမ်းချမ်းစေရန် ဆုတောင်းပေးခဲ့သည်။

အစ္စလာမ်ဘာသာကိုယ်စား ပြု ဘာသာရေးခေါင်းဆောင်က လည်း လက်ရှိဖြစ်ပွားနေသော ပဋိပက္ခများ အမြန်ချုပ်ငြိမ်းရန်နှင့် ပြည်တွင်းငြိမ်းချမ်းရေး အမြန်ဆုံး ရရှိရန် ဆန္ဒပြုပြောကြားခဲ့သည်။ ၎င်း၏နောက်တွင် ဟိန္ဒူဘာသာ၊ မဟာယာနဗုဒ္ဓဘာသာနှင့် ခရစ် ယာန်ဘာသာရေးခေါင်းဆောင် များက ငြိမ်းချမ်းရေးမေတ္တာစကား များ အသီးသီးပြောကြားခဲ့သည်။

ယမန်နေ့က ရန်ကုန်မြို့ရှိ အောင်ဆန်းအားကစားကွင်း၌ ပြုလုပ်သော ဘာသာပေါင်းစုံဆု တောင်းပွဲသို့ ပြည်သူသောင်းနှင့် ချီ၍ တက်ရောက်ဆုတောင်းခဲ့ကြ သည်။ အဆိုပါ ဘာသာပေါင်းစုံ ငြိမ်းချမ်းရေးဆုတောင်းပွဲကို လက်ရှိအာဏာရပါတီ အမျိုးသားဒီမိုကရေစီ အဖွဲ့ချုပ်က ကြီးမှူးပြီး ပထမဆုံးအကြိမ် ပြုလုပ်ခြင်းဖြစ်ပြီး ဒီချုပ်က လူသုံးသောင်းခန့် တက်ရောက်ရန် လျာထားသည်။

ဆုတောင်းပွဲကို ညနေ ၅ နာရီ ၁၅ မိနစ်ခန့်တွင် စတင်မည် ဖြစ်သော်လည်း မွန်းလွဲ ၂ နာရီခန့်မှ စတင်ကာ ရန်ကုန်တိုင်းဒေသကြီး အတွင်းမှ အမျိုးသားဒီမိုကရေစီ အဖွဲ့ချုပ်ပါတီဝင်များအပါအဝင် ပြည်သူများ ရောက်ရှိနေပြီး အောင် ဆန်း အားကစားကွင်း၏ လေး ဘက်လေးတန်  ပွဲကြည့်စင်များ ပြည့်လုနီးပါး  တက်ရောက်ခဲ့ သည်။

ရန်ကုန်တိုင်းဒေသကြီး ဝန် ကြီးချုပ် ဦးဖြိုးမင်းသိန်းက ငြိမ်း ချမ်းရေးဖယောင်းတိုင်ကို ထွန်း ညှိကာ ဘာသာပေါင်းစုံဆုတောင်း ပွဲကို ဖွင့်လှစ်ပေးခဲ့ပြီး အောင်ဆန်း အားကစားကွင်း လေးဘက်လေးတန်ရှိ တက်ရောက်လာသည့် ပြည်သူများကလည်း ငြိမ်းချမ်း ရေးအတွက် ဖယောင်းတိုင်များ ထွန်းညှိခဲ့ကြသည်။

More in News Section

Top News