နောက်ကွယ်က ကြိုးကိုင်နေသူတွေကို တကယ်ဖော်ထုတ်မလား

စက်တင်ဘာ ၁၃ ရက်ညက စစ်တွေမြို့တွင် လူစုလူဝေး ဖြစ်ပေါ်နေစဉ် (ဓာတ်ပုံ − အီးပီအေ)

ရခိုင်ပြည်နယ် မြောက်ပိုင်း အကြမ်းဖက်ခံရသည့် ဖြစ်စဉ် နောက်ပိုင်းတွင် နိုင်ငံတစ်ဝန်း၌ မတည်မငြိမ်ဖြစ်စေရန် ရည်ရွယ် ချက်ရှိရှိဖြင့် လုပ်ဆောင်နေသူများ ပေါ်ထွက်လာပြီး ၎င်းတို့အနက် ပါဝင်သူအချို့ကိုလည်း ရခိုင်ပြည် နယ်နှင့်မကွေးတိုင်းဒေသကြီးတို့၌ အမှုဖွင့် တရားစွဲဆိုမှုများရှိလာ သည်။

အမ်းမြို့နယ်တွင် ဆူပူမှုများ ဖြစ်ပွားစေရန် လှုံ့ဆော်ပေးပါက လူတစ်ဦးလျှင် ကျပ်ငါးသိန်းပေး မည်ဆိုကာ စည်းရုံးသူတစ်ဦးကို မကွေးခရိုင် တရားရုံး၌ ဦး တိုက်လျှောက်ထား၍ တရားစွဲဆို ထားပြီး တောင်တွင်းကြီးနှင့် စစ် တွေမြို့တို့တွင် လူစုလူဝေးဖြင့် မတည်မငြိမ် ဖြစ်စေရန် လုပ် ဆောင်ရာ၌ ပါဝင်သူအချို့ကို လည်း ရဲတပ်ဖွဲ့က ဖမ်းဆီးစစ်ဆေး နေသည်။

အမျိုးသားဒီမိုကရေစီအဖွဲ့ ချုပ်ပါတီ အာဏာရပြီးနောက် ပြည်တွင်းငြိမ်းချမ်းရေးကို ပထမ ဦးစားပေးလုပ်ငန်းစဉ်အဖြစ် လုပ် ဆောင်နေချိန်တွင် ရခိုင်ပြည်နယ် မြောက်ပိုင်း အကြမ်းဖက်ခံရမှုက နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ခေါင်း ဆောင်သည့် ဒီချုပ်အစိုးရအတွက် အကြီးဆုံးစိန်ခေါ်မှုဖြစ်နေသည်။

ယင်းအခြေအနေတွင် လူမျိုး ရေး၊ ဘာသာရေးအကြောင်းပြု သွေးထိုးလှုံ့ဆော်မှုများ၊ လူစု လူဝေးဖြင့်ဆူပူမှုများဖန်တီးကာ နိုင်ငံအတွင်း မတည်ငြိမ်စေရန် လုပ်ဆောင်သူများ အလျှိုအလျှို ပေါ်ထွက်လာသည်။

ရာနှင့်ချီသော ပြည်သူများ လမ်းပေါ်ရောက်ရှိလာစေရန် ဖန် တီးခဲ့သော ဖြစ်စဉ်နှစ်ရပ်မှာ စက် တင်ဘာအတွင်း ဖြစ်ပွားခဲ့သည်။ အဆိုပါဖြစ်စဉ်များ၏ နောက် ကွယ်တွင် လက်ရှိ ဒီချုပ်အစိုးရ အကျပ်တွေ့စေရန် ရည်ရွယ် ချက်ရှိရှိဖြင့် ကြိုးကိုင်လှုံ့ဆော် နေသူများရှိသည်ဟု လုံခြုံရေးတာ ၀န်ယူထားသူများက ထုတ်ဖော် ပြောကြားခဲ့သလို ပြည်သူအများ စုကလည်း ထိုသို့ပင်မှတ်ယူထား ကြသည်။

ပြီးခဲ့သည့် စက်တင်ဘာ ၁၀ ရက်တွင် တောင်တွင်းကြီးမြို့၌ မျက်နှာဖုံးစွပ်များ တပ်ဆင်ထား သော လူငယ်တစ်စုက အစ္စလာမ် ဘာသာဝင်များ၏ နေအိမ်နှင့် ဈေး ဆိုင်ခန်းများကို လိုက်လံဖျက်ဆီးခဲ့ သည်။ ထို့အပြင် ၎င်းတို့က ဒေသ ခံပြည်သူများပါဝင်လာစေရန်လှုံ့ ဆော်ခဲ့သော်လည်း ပြည်သူများ က နိုင်ငံရေးအသိရေချိန်မြင့်မား စွာဖြင့် လှုံ့ဆော်မှုတွင် မပါဝင်ခဲ့ ပေ။

ယင်းဖြစ်စဉ်တွင် လုံခြုံရေး တပ်ဖွဲ့ဝင်များနှင့်တာဝန်ရှိသူများ က နာရီပိုင်းအတွင်း အချိန်မီထိန်း သိမ်းခဲ့သည့်အတွက် လှုံ့ဆော်သူ များလိုလားသည့် လူမျိုးရေး၊ ဘာ သာရေးပဋိပက္ခဆီသို့ ဦးတည် မဖြစ်ပွားခဲ့ခြင်းဖြစ်သည်။

တောင်တွင်းကြီးဆူပူမှုတွင်  ပါဝင်သူ ၁၄ ဦးကို အမှုဖွင့်ထား သော်လည်း ခုနစ်ဦးကိုသာ ဖမ်း ဆီးနိုင်သေးပြီး ကျန်သူများမှာ လွတ်မြောက်နေဆဲပင်ဖြစ်သည်။

မကွေးတိုင်းဒေသကြီးဝန် ကြီးချုပ် ဒေါက်တာအောင်မိုးညို က တောင်တွင်းကြီးဆူပူမှုဖြစ်စဉ် တွင် နောက်ကွယ်မှ ပါဝင်ပတ် သက်သူများရှိပါက ဖော်ထုတ်ရန် တိုင်းဒေသကြီးနယ်လုံဝန်ကြီးကို ညွှန်ကြားထားသည်။

ရခိုင်ပြည်နယ် မြောက်ပိုင်း အကြမ်းဖက်ခံရမှုဖြစ်စဉ်အပေါ် မူ တည်၍ အမျိုးသားရေး၊ ဘာသာ ရေးကို အကြောင်းပြုကာ နိုင်ငံ ရေးအမြတ်ထုတ်ရန် ကြိုးစားနေ သည့် လူပုဂ္ဂိုလ်များရှိနေသည်ဟု တိုင်းရင်းသားအရေးလေ့လာသူ ဦးမောင်မောင်စိုးက သုံးသပ် သည်။

‘‘နိုင်ငံရေးအရ NLD အစိုးရ ကို ထိုးနှက်ဖို့ဆိုလို့ရှိရင်တော့ ဒါ ဟာ တော်တော်ဆိုးရွားတဲ့ အကြံ အစည်ဖြစ်လိမ့်မယ်။ ဒါတိုင်း ပြည်အတွက် မကောင်းဘူးပေါ့။ ပိုရှုပ်ထွေးမှုတွေဖြစ်မယ်’’ ဟု ဦးမောင်မောင်စိုးက မှတ်ချက်ပြု သည်။

စက်တင်ဘာ ၂၀ ရက်ည တွင်လည်း ရခိုင်ပြည်နယ် စစ်တွေ မြို့ ဆတ်ရိုးကျကယ်ဆယ်ရေး စခန်းအနီး ဘင်္ဂါလီရွာသို့ သွား ရောက်၍ အကူအညီပေးမယ့် နိုင်ငံတကာ ကြက်ခြေနီအသင်း (ICRC)၏ ကုန်ပစ္စည်းများ တင် ဆောင်လာသည့် စက်လှေကို အ ရပ်သား ၃၀၀ ခန့်က စစ်ဆေးလို သည်ဆိုကာ လူစုလူဝေး ဖြစ် ပွားခဲ့သည်။

အဆိုပါလူအုပ်က ယင်းအ ခြေအနေကို ထိန်းသိမ်းရန် ကြိုး စားသော ရဲတပ်ဖွဲ့ကိုပင် ဂျင်က လိ၊ လေးခွတို့ဖြင့် ပစ်ခတ်ခဲ့ပြီး မီး တို့ထားသည့် ဓာတ်ဆီပုလင်းများ ဖြင့် ပစ်၍လည်း မီးရှို့ရန် ကြိုးစား ခဲ့သဖြင့် ရဲတပ်ဖွဲ့က သေနတ်မိုး ပေါ်ထောင်ပစ်ကာ လူစုခွဲခဲ့ရ သည်။

ယင်းဖြစ်စဉ်တွင် ပါဝင်သူ  ကိုးဦးကို ဖမ်းဆီးထားပြီး ပါဝင်သူ အများစုသည် စစ်တွေဒေသခံ တိုင်းရင်းသားမဟုတ်ဘဲ လူမှန်းမသိအောင် (အရက်)မူးနေသူများဖြစ်ကြောင်း ရခိုင်ပြည်နယ်အစိုးရ အဖွဲ့အတွင်းရေးမှူး ဦးတင်မောင် ဆွေကပြောကြားသည်။

ထိုအခြေအနေများကြောင့် စစ်တွေမြို့ လူစုလူဝေးဖြစ်စဉ် တွင် ပါဝင်သူများသည် ရခိုင်ပြည် နယ် တည်ငြိမ်အေးချမ်းမှု ပျက် ပြားအောင် ရည်ရွယ်ချက်ရှိရှိ လုပ်ဆောင်ခြင်းဖြစ်၍ နောက် ကွယ်မှ ကြိုးကိုင်နေသည့်အဖွဲ့အ စည်းကို ဖော်ထုတ်အရေးယူမည် ဟု ပြည်နယ်အစိုးရအဖွဲ့ အတွင်း ရေးမှူး ဦးတင်မောင်ဆွေနှင့် ပြည် နယ်ရဲတပ်ဖွဲ့မှူး ရဲမှူးကြီး အောင် မြတ်မိုးတို့က ထုတ်ဖော်ပြောကြား ထားသည်။

ယင်းဆူပူမှုဖြစ်စဉ်၌ ပါဝင် သူများကို လူတစ်စု(သို့မဟုတ်) အဖွဲ့အစည်းတစ်ခုက ငွေပေး ကာ ခိုင်းစေသည်ဟု သံသယရှိ ကြောင်း ရဲမှူးကြီးအောင်မြတ်မိုး က သုံးသပ်သည်။

စစ်တွေမြို့တွင် ရာနှင့်ချီ သော လူစုလူဝေးဆူပူမှုမဖြစ်ခင် ရက်ပိုင်းအလိုတွင် ပြည်နယ်အ တွင်း လှုံ့ဆော်သူများရှိနေသည် ကို အောက်ပါသာဓကသုံးခုက သက်သေခံနေသည်။

စက်တင်ဘာ ၁၃ ရက်တွင် စစ်တွေမြို့ မန်မိုရီဟိုတယ်ရှေ့၌ လူစုလူဝေးဖြစ်မှု၊ စက်တင်ဘာ ၁၆ ရက်တွင် ဘင်္ဂါလီရွာသို့ သွားမည့် မြန်မာနိုင်ငံ ကြက်ခြေနီအသင်းမှ ကားကို လူစုလူဝေးဖြင့် တားဆီးခဲ့မှု၊ စက်တင်ဘာ ၁၈ ရက်တွင် မင်းပြားနှင့် အမ်းမြို့နယ် ကြားလမ်းပိုင်းတွင် ကယ်ဆယ်ရေးယာဉ်အချို့ ဖြတ်သန်းစဉ် မိုင်း ဖောက်ခွဲမှု စသည်တို့ပင်ဖြစ် သည်။ ထို့ပြင် ဆူပူလှုံ့ဆော်လိုသူ များက ရခိုင်ဒေသကို ပစ်မှတ်ထား ကာ လှုပ်ရှားမှုများ ဆက်တိုက်ပြု လုပ်ခဲ့သည်။ စက်တင်ဘာ ၁ ရက် နံနက်တွင် ကျောက်တော်မြို့နယ် ပိုက်သည်ရပ်ကွက် သင်္ချိုင်း ဟောင်းရှိ ဇရပ်ဟောင်း ဖျက်ဆီး ခံနေရကြောင်း ကောလာဟလ များ ထုတ်လွှင့်၍ ဆူပူမှုဖြစ်ပေါ်စေ လိုသူအချို့က သွေးထိုးလှုံ့ဆော်ခဲ့သည်။ ယင်းနေ့ညနေတွင် ကျောက်ဖြူမြို့နယ် စေတီတောင်ရပ်ကွက်၌ ရုံးခန်းဖွင့်လှစ်ထား သော လူငယ်အားမာန်အဖွဲ့ (Youth Strength Association- YSA) ရုံးကို ကျောက်ဖြူခရိုင် လူငယ်အဖွဲ့ဝင်အချို့ လာရောက် စုရုံးဝိုင်းဝန်းမှုဖြစ်ပေါ်ခဲ့သည်။ ဖြစ်ရပ်နှစ်ခုစလုံးကို တာဝန်ရှိသူများက အချိန်မီသွားရောက်တားဆီးနိုင်ခဲ့၍ ပြဿနာတစ်စုံတစ်ရာမဖြစ်ခဲ့ပေ။

အလားတူ ဖြစ်စဉ်များမှာ ရခိုင်ပြည်နယ်သာမက ရန်ကုန်မြို့ အပါအ၀င် ဒေသအချို့တွင်လည်း မတည်မငြိမ်ဖြစ်စေရန် ရည်ရွယ် ချက်ဖြင့် လှုံ့ဆော်မှုများရှိခဲ့သည်။

‘ပြည်မြို့ ရွှေတံခါးစာသင် ကျောင်းသို့ လူမျိုးခြားများ လာ ရောက်နှောင့်ယှက်’ ဟူသော လူမှု ကွန်ရက်ပေါ်မှ ကောလာဟလ ကြောင့် မိဘများ စိုးရိမ်ပြီး ကျောင်းဆင်းချိန်မတိုင်မီ ကျောင်းသားများကို လာခေါ်သဖြင့် ပြည်မြို့နှင့် ရွှေတောင်မြို့ရှိ စာသင်ကျောင်းအချို့တွင် လူစုလူဝေးဖြစ်ပေါ်ခဲ့သည်။

ဘာသာရေး၊ လူမျိုးရေးပဋိပက္ခ ဖန်တီးသူများရှိနေကြောင်း အစိုးရက သတိပေးနေချိန်တွင် ‘‘ကုလားတွေ ဒီလမ်းထဲမှာရှိရင် ထွက်ခဲ့။ ကုလားဆို ဘယ် ကုလားမှ ဂရုမစိုက်ဘူး။ ဒါငါတုိ့ အမိမြေ မြန်မာနိုင်ငံကွ’’ဟူသော စကားလုံးများဖြင့် စမ်းချောင်းမြို့နယ်တွင် ဆဲဆိုခဲ့သည်။ သို့သော် ဆူပူအောင် လှုံ့ဆော်သူကို ရပ်ကွက်နေ ပြည်သူများက ၀ိုင်းဖမ်း၍ ရဲလက်အပ်ခဲ့သည်။ ကရင်ပြည်နယ် မြ၀တီမြို့နယ် ရေပူစမ်းကျေးရွာအနောက်ရှိ တောထဲ၌ ဘာသာခြားခြောက်ဦး ဓားကိုင်ဆောင် ရောက်ရှိနေကြောင်း ကောလာဟလ သတင်းများကြောင့် လူစုလူဝေးဖြစ်ပေါ်ခဲ့ပြန်သည်။

ယင်းကဲ့သို့ ကောလာဟလ များနှင့် ဖေ့စ်ဘွတ်ခ်လူမှုကွန်ရက် တွင် သတင်းအမှားများ ဖြန့်ချိရေး သားမှုများကြောင့် လူမျိုးရေး၊ ဘာသာရေးပဋိပက္ခများ၊ အဓိကရုဏ်းများဖြစ်ပေါ်စေရန် သွေးထိုးလှုံ့ဆော်မှုများကို အထူးသတိပြုရန် အစိုးရက သတိပေးနှိုးဆော်ခဲ့ရ သည်။

‘နိုင်ငံတော် တည်ငြိမ်အေး ချမ်းရေးအတွက် တိုင်းရင်းသား ပြည်သူတစ်ရပ်လုံးက ၀ိုင်းဝန်းကူ ညီပူးပေါင်းဆောင်ရွက်ကြပါရန် အသိပေးတိုက်တွန်းအပ်ပါသည်’ ဟု ရှင်းရှင်းလင်းလင်း ရေးသား ထုတ်ပြန်ခဲ့သည်။

သွေးထိုးလှုံ့ဆော်မှုများကို အထူးသတိပြုရန် အစိုးရသတင်း ထုတ်ပြန်ပြီးနောက်ပိုင်းတွင် နိုင်ငံ ရေးတောကြောင်များက ရပ်တန့်မှု မရှိဘဲလှုံ့ဆော်မှုများ၊ နိုင်ငံအတွင်း မတည်မငြိမ်ဖြစ်စေရန် သိသိသာ သာတစ်မျိုး၊ မထင်မရှားတစ်ဖုံ လှုပ်ရှားလုပ်ဆောင်ခဲ့သည်။

ထို့ကြောင့်လည်း ရခိုင်ပြည် နယ် အမ်းမြို့နယ်အတွင်းဆူပူမှု ဖြစ်စေရန် စည်းရုံးခဲ့သူကို မကွေး ခရိုင်တရားရုံးသို့ ဦးတိုက်လျှောက် ထားကာ တိုင်းဒေသကြီးအထွေ ထွေအုပ်ချုပ်ရေး ဦးစီးဌာန ညွှန် ကြားရေးမှူးက တရားစွဲဆိုနိုင်ခဲ့ ခြင်းဖြစ်သည်။

ထိုသို့ တရားစွဲဆိုရာတွင်ဆူ ပူရန် လူစုစည်းရုံးသည်ဆိုသော ပုဂ္ဂိုလ်၏ အမည်ကို ထုတ်ဖော်ပြောကြားခြင်းမရှိဘဲ အသက် (၆၀) အရွယ် မကွေးမြို့ခံတစ်ဦးဟုသာ တိုင်းဒေသကြီးအစိုးရအဖွဲ့ တာ ဝန်ရှိသူတစ်ဦးက ပြောသည်။

ပြည်သူများအကြားသွေးထိုး လှုံ့ဆော်သူများကို ဖမ်းဆီးရုံတင်မ ကဘဲ ၎င်းတို့နောက်ကွယ်ရင်းမြစ် အဆုံးအထိ ဖော်ထုတ်ရန်လိုအပ် ကြောင်း လေ့လာသုံးသပ်သူများ ကအကြံပြုသည်။

 သွေးထိုးလှုံ့ဆော်မှုများ၊ နောက်ကွယ်မှ ကြိုးကိုင်နေသူလူ တစ်စု (သို့မဟုတ်) အဖွဲ့အစည်း များကို ဖော်ထုတ်ရန်အဓိကတာ ဝန်မှာ ပြည်ထဲရေးဝန်ကြီးဌာနဖြစ် ပြီး စစ်အစိုးရလက်ထက်က နိုင်ငံ ရေးသမားများနောက်ကို လက်မ လွတ်တမ်း တကောက်ကောက် လိုက်သည့် နည်းပရိယာယ်အ တိုင်း လုပ်ဆောင်ပါက ကြိုတင် ဖော်ထုတ်နိုင်မည်ဖြစ်ကြောင်း တရားလွှတ်တော်ရှေ့နေ ဦးရော ဘတ်စန်းအောင်က သုံးသပ် သည်။

‘‘ပြည်ထဲရေး ဝန်ကြီးဌာန အောက်က ရဲတပ်ဖွဲ့အမျိုးမျိုးနဲ့ကာကွယ်ရေးဝန်ကြီးဌာနအောက်က စစ်ဘက်ရေးရာ လုံခြုံရေးတပ်ဖွဲ့တွေက ဒီကိစ္စတွေနဲ့ပတ်သက်ပြီး ဥပဒေကြောင်းအရ တရားဥပဒေစိုးမိုးရေးကို ထိခိုက်စေတဲ့ကိစ္စရပ်တွေ လုပ်နေတဲ့သူတွေကိုသတင်း ကြိုတင်ရယူပြီးတော့ ဖော်ထုတ် အရေးယူဖို့လိုတယ်’’ ဟု ၎င်းက ဆိုသည်။

ထိုသို့ မဖော်ထုတ်နိုင်ပါက တိုင်းပြည်မတည်မငြိမ် ဖြစ်ပေါ် မည်ဖြစ်ပြီး စီးပွားရေးဖွံ့ဖြိုးမှု နောက်ကျကာ ပြည်ပမှ ရင်းနှီးမြှုပ် နှံလိုသူများကိုလည်း ပိတ်ပင်ရာ ရောက်မည်ဟု ဦးရောဘတ်စန်း အောင်က မှတ်ချက်ပြုသည်။

Top News