ခေတ်သစ်ဓာတုကလျာများ

တရုတ်နိုင်ငံတွင် အသက်ကြီးသော အမျိုးသမီးက ငယ်ရွယ်သော အမျိုးသားကို လက်ထပ်မှုနှုန်း မြင့်မားလာသည်။ (scmp)

အိမ်ထောင်ပြုကြသည့်အခါ အမျိုးသားက အမျိုးသမီးထက် အသက်ကြီးပါက လူတွေက အပြစ်မမြင်ကြ။ သာမန်ဖြစ်ရိုးဖြစ်စဉ် တစ်ခုဟုသာ မြင်ကြသည်။ သို့သော်လည်း ဇနီးဖြစ်သူက ခင်ပွန်းသည်ထက် အသက်သိသိသာသာ ကွာခြားပါက ပြောစရာတစ်ခုဖြစ်လာသည်။ မြင်သူတိုင်းက ထောက်ပြစရာလို ဖြစ်လာသည်။ အချင်းချင်း နှစ်သက်စုံမက်၍ အိမ်ထောင်ပြုထားသည့်တိုင် အမျိုးသမီးကပဲ အမျိုးသားကို မုန့်ပေးကြိုက်သည့် ပုံ၊ ငွေပေးဝယ်ယူထားသည့် ပုံစံ မျိုး ပြောလာကြသည်။

ထို့ကြောင့် တော်ရုံတန်ရုံ အိမ်ထောင်ပြုကြလျှင် အမျိုးသမီးများက အသက်ကြီးသူကိုသာ လက်ထပ်ချင်ပြီး အသက်ငယ်သူကို မယူချင်ကြ။ အသက်ကြီးသူ အမျိုးသမီးက ငယ်သူအမျိုးသား နှင့် ချစ်ခင်စုံမက်ပြီး အိမ်ထောင် ပြုဖို့ ကြုံလျှင်လည်း မိဘဆွေမျိုးတွေက ငြူစူကြ၊ တားမြစ်တတ်ကြသည်။ ဟိုးယခင်ခေတ်က သည်လိုကိစ္စမှာ လူတွေက ပိုအကဲဆတ်ကြသည်။ သည်လိုအဖြစ်ကြောင့် မခင်နွယ် အသည်းများ ကွဲခဲ့ဖူးပါသည်။

ထိုအချိန်က ၂၀၀၁ ခုနစ်၊ မခင်နွယ်က အသက်(၂၈)နှစ်မျှသာ ရှိသေး၏။ သူတို့မိသားစုက မော်လမြိုင်မှာ နေထိုင်သည်။ မခင်နွယ်သည် သူ့ထက် အသက်လေး နှစ်ခန့်ငယ်သော လူငယ်တစ်ဦးနှင့် မေတ္တာမျှခဲ့သည်။ သို့သော်လည်း မခင်နွယ် မိဘများက သဘောမတူ။ ထိုလူငယ်က မခင်နွယ်ကို ချူစားသူအဖြစ်သတ်မှတ်ကာ အမြန်အဆက်ဖြတ်ခိုင်းခဲ့သည်။

‘‘ဘာမှလည်း အဲဒီလူမှာ အပြစ်ရှိလို့ မဟုတ်ဘူး။ အိမ်ကလူတွေက အသက်ငယ်တာကို မကြိုက်တာ။ သူတို့က ကျွန်မကို အသက်ကြီးပြီး ပညာတတ်၊ ပိုက်ဆံရှိတဲ့ လူမျိုးနဲ့မှ သဘောတူကြတာ’’

အမျိုးသမီးတွေက ရွယ်တူ (သို့မဟုတ်) အသက်ကြီးသူကိုသာ လက်ထပ်ကြသည့် ထုံးစံမှာ ရှေးခေတ်ကတည်းက ဖြစ်သည်။ အများအားဖြင့် အသက်ကြီးသူ၊ သြဇာအာဏာကြီးသူဆိုလျှင် ပိုသင့်တော်သည်ဟု ထင်မြင်ကြ၏။ ထို့ကြောင့် မိန်းကလေးငယ်ငယ် အပျိုဖော်မဝင်ခင်ကပင် ကြိုတင်ပြီး လက်ထပ်ပေးလေ့ရှိသည်။

ရှေးမြန်မာဘုရင်များ လက်ထက်က မင်းများ၏ မိဖုရားများသည် အသက်(၉)နှစ်၊ (၁၀)နှစ်ခန့်ကပင် တော်ကောက်သည်ဆိုပြီး ဘုရင်နှင့် ထိမ်းမြားလက်ထပ်ထားခြင်းခံထားရသည်။ အပျိုဖော်အရွယ်ရောက်မှသာ တရားဝင် မိဖုရားဖြစ်ကြသည်။

သို့သော် ဓာတုကလျာမှာ ဘုရင့် သမီးတော်လည်းဖြစ်၊ နှမတော် လည်းဖြစ်သဖြင့် မည်သူကမျှ ကဲ့ ရဲ့ပြစ်တင်ရဲမည်မဟုတ်ပါ။

ထို့အတူ အသက်ကွာသော် လည်း တောင်ငူဘုရင် နတ်သျှင် နောင်သည် ဓာတုကလျာကို အလွန်ချစ်မြတ်နိုးသည်ဟု ရာဇဝင်ဆရာများက ရေးသားဖော်ပြခဲ့ သည်။

သည်ဓလေ့စရိုက်သည် မြန် မာမှာသာမကပါ အာရှတစ်ခွင်က နိုင်ငံတွေမှာပါ ရှိနေသည်။ တရုတ်နိုင်ငံဆိုလျှင် အမျိုးသမီးတစ် ယောက်သည် အသက်ကြီးသော အမျိုးသားကိုသာယူမှ တင့်တယ်သည့် သဘောရှိသည်။ ထို့ကြောင့်ရှေးအစဉ်အဆက်ကနေ ၁၉၈၀ ပြည့်နှစ်ဝန်းကျင်အထိ တရုတ် အမျိုးသမီး အများစုသည် မိမိ ထက် အသက်ကြီးသူ(သို့မဟုတ်) ရွယ်တူကိုသာ လက်ထပ်ကြသည်။ မိမိထက်ငယ်သူကို လက်ထပ်သော အမျိုးသမီးကို ပတ်ဝန်းကျင်က ရယ်စရာတစ်ခုသဖွယ် သဘောထားကြသည်။

သို့သော်လည်း သည်သဘောထားသည် ယနေ့ခေတ်မှာ တဖြည်းဖြည်း ပြောင်းလဲလာပြီ ဖြစ်သည်။ အထူးသဖြင့် ရှေးရိုးအ စဉ်အလာကြီးသော အာရှနိုင်ငံ များမှာဖြစ်သည်။ နောက်ဆုံးစစ် တမ်းများအရ ဂျပန်နိုင်ငံမှာဆို လျှင် အမျိုးသမီးများက အိမ် ထောင်ရေးကို စိတ်ဝင်စားမှု နည်း လာပြီး တစ်ကိုယ်ရေတည်းသာ ပိုနေလိုလာကြသည်။ တရုတ် နိုင်ငံမှာ အမျိုးသမီးများက ငယ်ရွယ်သူများနှင့် လက်ထပ်မှုပိုများ လာသည်ဟု ဆိုသည်။ ၂၀၁၀ ပြည့် နှစ်များတွင်မှာ အသက်ကြီးသူအမျိုးသမီးများနှင့် ငယ်ရွယ်သူအမျိုးသားများ လက်ထပ်နှုန်းမှာ စုစုပေါင်းလက်ထပ်ကြသူများ၏ ၄၀ ရာခိုင်နှုန်းကျော်အထိ တစ်ရှိန်ထိုး မြင့်တက်လာသည်ဟု ဖော်ပြထား သည်။

ပညာကောင်းကောင်းတတ် ခြင်းနှင့် အမျိုးသမီးများအတွက် အလုပ်အကိုင်ကောင်းများ ပိုကောင်းလာခြင်းက တရုတ်တို့၏ ရိုးရာဖြစ်သော ခင်ပွန်းဖြစ်သူသည် အမျိုးသမီးထက် အသက်ကြီးရမည်ဟူသော အယူအဆကို ပိုကျဆင်းလာစေခဲ့သည်။ ဝင်ငွေကောင်းသော ပညာတတ်အမျိုးသမီးများသည် အိမ်ထောင်မှုတွင် သူတို့စိတ်ကြိုက်လုပ်လာကြသည်။ သူတို့လက်ထပ်လိုသူကိုသာ လက်ထပ်လာကြသည်။

သူ့မိခင်များ လက်ထက်က အသက်ငယ်သူ အမျိုးသမီးများကို လက်ထပ်ရန် ရှောင်ခဲ့ရသော်လည်း ရှန်ဟိုင်းမြို့မှ အသက်(၃၁) နှစ်အရွယ် ရှန်စီဝေဆိုသည့် အမျိုးသမီးက သူ့ထက်အသက်လေးနှစ်ငယ်သော လုပ်ဖော်ကိုင်ဖက် အမျိုးသားတစ်ဦးနှင့် လက်ထပ်ခဲ့သည်။

‘‘ကျွန်မအမေတို့ ခေတ်တုန်းကတော့ အသက်ကြီးပြီး အောင်မြင်တဲ့ ယောက်ျားတွေက အကောင်းဆုံး အိမ်ထောင်ဖက်တွေပေါ့။ သူတို့က မိန်းမကို ထိန်းချုပ်ကြတယ်။ ကျွန်မတို့ခေတ်မှာတော့ ဒီလိုမဟုတ်တော့ဘူး။ အချစ်ဆို တာ ငွေကြေး၊ ပညာအရည်အချင်း၊ အသက်နဲ့မဆိုင်ပါဘူး။ ညီညီမျှမျှ အတူမျှဝေခံစားရတဲ့ ဆက်ဆံရေးတစ်ခုပါ’’ဟု ရှန်စီဝေကဆိုသည်။

ယခုမျက်မှောက်ခေတ်မှာ အိမ်ထောင်ရေးရာ၌ အမျိုးသမီးရော အမျိုးသားပါ ရွေးချယ်မှုတန်းတူရှိလာကြပြီဟု လူမှုရေးပညာရှင်များကဆိုသည်။

ချမ်းသာအောင်မြင်သောအမျိုးသားများကလည်း ငယ်ရွယ်သူ မိန်းကလေးများကို လက်ထပ်နိုင်သကဲ့သို့ ကိုယ့်ထူးကိုယ်ချွန် အောင်မြင်နေသော အမျိုးသမီး များကလည်း သူတို့ကို ထိန်းချုပ် မည့် အမျိုးသားများကို စိတ်မဝင် စားတော့ချေ။ မိမိကိုယ်တိုင် ပုံ သွင်းနိုင်သော (သို့မဟုတ်) ကိုယ် နှစ်သက်မြတ်နိုးသော အသက်ငယ်သူ အမျိုးသားများကို အိမ်ထောင်ဖက်အဖြစ် ရွေးချယ်လာကြသည်။ ထူးချွန်ထက်မြက် အောင်မြင်သော အမျိုးသမီးတစ် ယောက်၏ အိမ်ထောင်ဖက်မှာ သူ့ထက် ငါးနှစ်ငယ်ချင်ငယ်မည်။ ဆယ်နှစ်လည်း ငယ်ချင်ငယ်မည်။ ပြဿနာမရှိ။ သူတို့ဘာသာ ရွေး ချယ်ဆုံးဖြတ်လက်ထပ်ကြသည်။ တရုတ်နိုင်ငံမှာဆိုလျှင် ယောက်ျားလေးငယ်ငယ်များကို လက်ထပ် နိုင်သူ အမျိုးသမီးများကို တခြားသူများက အားကျအထင်ကြီးနေ ကြပြီဟုဆိုသည်။

ရန်ကုန်က အောင်မြင်သော ဆက်သွယ်ရေးကုမ္ပဏီတစ်ခုမှာ ရာထူးကြီးကြီးဖြင့် အလုပ်လုပ်နေ သော မမီးမီးသည် သူ့ထက် ငါးနှစ်ငယ်သူ ချစ်သူနှင့် လွန်ခဲ့သော ၂ နှစ်က လက်ထပ်ခဲ့သည်။

 ချစ်သူဘဝက မျှော်လင့်ထားသည်ထက် အိမ်ထောင်ရေး သာယာအဆင်ပြေသည်ဟု မမီးမီးကဆိုသည်။

 ‘‘အမျိုးသားနဲ့ လက်ထပ်တုန်းက အမျိုးတွေကရော၊ အမေကရော မကျေနပ်ဘူးလေ။ သူတို့ သဘောတူတာက အသက်ကြီးကြီး ရုပ်ဆိုးဆိုး အမျိုးသားတစ်ယောက်။ အဲဒါနဲ့ ကိုယ့်ချစ်သူကိုပဲ အတင်းဆန့်ကျင်ယူခဲ့ရတာ။

ကျွန်မကလည်း အလုပ် ကောင်းတယ်။ ကျွန်မအမျိုးသား ကလည်း ငယ်ပေမယ့် ရင့်ကျက်တယ်၊ ကျွန်မကို ချစ်တယ်ဆိုတော့ အရမ်းစိတ်ချမ်းသာပါတယ်’’

အသက်ကြီးသည်၊ ငယ်သည်ဖြစ်စေ သူတို့ချင်းချစ်သည်။ အဆင်ပြေသည်။ အေးအတူပူအမျှ လက်တွဲနိုင်သည်။ ထိုအခါ ဘယ်သူက ဘာပြောရန် လိုပါသေးလဲ။

ကိုးကား- South China Morning post

သို့သော်လည်း မြန်မာရာဇဝင်မှာ အသက်ငယ်သူ အမျိုးသားက အမျိုးသမီးကို စုံစုံမက်မက် လက်ထပ်တာ ရှိခဲ့ဖူးသည်။ တောင်ငူခေတ်မှာ နတ်သျှင်နောင်က သူ့ထက် အသက်(၁၃)နှစ်ကြီးသူ အဒေါ်ဖြစ်သူ ဘုရင့်နောင် မင်းတရားကြီး၏သမီးတော် ဓာတုကလျာကို လက်ထပ်ခဲ့ဖူးသည်။