အရှိန်မြင့်လာသည့် ဇင်ဘာဘွေအာဏာဆက်ခံရေး အားပြိုင်မှုများ

ဇင်ဘာဘွေသမ္မတရောဘတ်မူဂါဘီ ဂုဏ်ပြုတပ်ဖွဲ့ကို စစ်ဆေးနေစဉ် Jekesai NJIKIZANA / AFP

ဇင်ဘာဘွေ နိုင်ငံဟု ဆိုသည်နှင့် နာ မည်ဆိုးဖြင့် ကျော်ကြားလှသည့် သမ္မတရောဘတ် မူဂါဘီကိုပါ တစ်ဆက်တည်း မြင်ယောင်မိမည်ဖြစ်သည်။ အာ ဖရိကအရှေ့တောင်ပိုင်းရှိ ကုန်း ပိတ်နိုင်ငံကို ၁၉၈၇ ကတည်းက အုပ်ချုပ်ခဲ့ပြီး ကမ္ဘာပေါ်တွင် အဆိုး သွမ်းဆုံးစာရင်းဝင် အာဏာရှင် တစ်ဦးအဖြစ် မူဂါဘီက ရပ်တည် ခဲ့သည်။ ယခုအခါ ၎င်း၏ အသက် (၉၃) နှစ် ကျော်လာပြီ ဖြစ်သလို ကျန်းမာရေး ယိုယွင်းဆုတ်ယုတ်မှု များလည်း ရှိလာသည်။ မူဂါဘီ မသေသေးသော်လည်း ၎င်း၏ နေရာကိုဆက်ခံရန်အတွက် အာ ဏာရပါတီ၌ အတွင်းပိုင်းတိုက်ပွဲ များ စတင်ပြင်းထန်နေပြီဖြစ် သည်။


မူဂါဘီ၏ လက်အောက်တွင် တရားဝင်ဒုတိယသမ္မတ နှစ်ဦးရှိသည်။ သို့သော် အီမာဆင်နန်ဂက်ဝါကသာ မူဂါဘီ၏ အရိုက်အရာကို ဆက်ခံနိုင်မည့်သူ ဒုတိယသမ္မတအဖြစ် ရပ်တည်နေသည်။ ၎င်း သည် အာဏာရ ဇာနူပီအက်ဖ်ပါတီတွင် ထောက်ခံသူအများအပြား နှင့် ဩဇာကြီးမားသူ တစ်ဦးဖြစ် သည်။ နန်ဂက်ဝါ၏  အဓိကပြိုင်ဘက်မှာ မူဂါဘီ၏ဇနီး ဂရေ့စ်(မူဂါဘီ) ဖြစ်သည်။ ဂရေ့စ်သည် ခင်ပွန်းသည်အပေါ် လွှမ်းမိုးနိုင်သူဖြစ်ပြီး ဇင်ဘာဘွေ၏ နိုင်ငံရေး နယ်ပယ် တွင် ထင်ရှားထက်မြက်သည့် ရှားရှားပါးပါး အာဂအမျိုးသမီး တစ်ဦးဟု ဆိုနိုင်သည်။ ထို့အတူ ဂရေ့စ် သည်လည်း ခင်ပွန်းသည်နည်းတူ အကျင့်ပျက်မှု၊ အဂတိလိုက်စားမှု များဖြင့် မကောင်းသတင်း ထွက်နေသူ တစ်ဦးဖြစ်သည်။

ဂရေ့စ်နှင့် နန်ဂက်ဝါတို့၏ သဘောထားတင်းမာမှုများမှာ ပြီးခဲ့သည့် သီတင်းပတ်ကုန်မှစ၍ နိုင်ငံတကာမီဒီယာများ ပိုမိုအာရုံစိုက်လောက်အောင် ဖြစ်လာခဲ့သည်။ ပြည်တွင်းတွင်မူ ဆန့်ကျင်ဘက်အုပ်စုနှစ်ခုကြား ခက်ထန်စွာ ရှိနေသည့် အခြေအနေကို ဇင်ဘာ ဘွေပြည်သူများ ကောင်းစွာ သဘောပေါက်ထားပြီး ဖြစ်သည်။ မူဂါဘီသည် လူမုန်းများလှသည့် ခေါင်းဆောင်တစ်ဦး ဖြစ်သည့်တိုင် ၎င်းမရှိတော့ချိန်၌ နောက်ဆက်တွဲ ပေါ်ပေါက်လာနိုင်သည့် ပဋိပက္ခများကြောင့် မူဂါဘီမသေစေရန် ပင် ဆုတောင်းနေကြရသည့် အခြေအနေမျိုး ကြုံနေရသည်။ လက်ရှိ အခြေအနေအရ ပြိုင်ဘက်အုပ်စု နှစ်ခုကြား ပြည်တွင်းစစ်မီးပင် တောက်လောင်နိုင်ပြီး ဇင်ဘာဘွေ နိုင်ငံက မြေစာပင် ဖြစ်သွားမည်ကို ပြည်သူများက စိုးရိမ်စိတ်ပူလျက် ရှိသည်။

ပြီးခဲ့သည့် သီတင်းပတ်အ တွင်းတွင် ဂရေ့စ်က နန်ဂက်ဝါနှင့် ပတ်သက်၍ အတိအလင်း စိန်ခေါ်သည့် သဘောမျိုးစွပ်စွဲစကားပြောကြားခဲ့သည်။ 

နန်ဂက်ဝါသည် မိမိ၏ ခင်ပွန်း သည် သေဆုံးချိန်တွင် သမ္မတအရိုက်အရာကို မျှော်လင့်နေပြီး ၎င်းအ ပေါ် မထောက်ခံသူအားလုံးကို အကြမ်းနည်းဖြင့် ခြိမ်းခြောက် ဖိအားပေးနေကြောင်း ဂရေ့စ် က ဆိုသည်။ ထို့အပြင် နန်ဂက် ဝါ၏ ခြေလှမ်းများအရဇင်ဘာဘွေ တွင် အာဏာသိမ်းလှုပ်ရှားမှုတစ်ခု ပေါ်ပေါက်လာမည်ကိုပင် ကြို တင်တွေးတောထားသင့်ကြောင်း ဂရေ့စ်က ဝေဖန်စွပ်စွဲခဲ့သည်။

ဟာရာရီမြို့ရှိ လူထုတွေ့ဆုံ ပွဲတစ်ခုတွင် ဂရေ့စ်က ‘‘အခုအခြေအနေအရ ကျွန်မတို့ အားလုံး ဟာခြိမ်းခြောက်ခံနေရတယ်။ လူတစ်ယောက်က သမ္မတအင်မတန်ဖြစ်ချင်နေတယ်လေ။ သူသာ သမ္မတမဖြစ်ရင် ကျွန်မတို့ အားလုံးအသတ်ခံရမယ့် သဘောပဲ’’ဟု ဒေါနှင့်မောနှင့် ပြောကြားသွား သည်။

ဆက်လက်၍ သူမက ‘‘ကျွန်မတို့ဟာ ဒီလိုဖိနှိပ် ခြိမ်းခြောက်မှုမျိုး ကို ဒူးထောက်အညံ့ခံမှာ မဟုတ်ဘူး။ ဒါပေမဲ့ တစ်ဖက် အင်အားစုက သူတို့ဟာ အာဏာသိမ်းဖို့ တောင် ကြိုးစားလာနိုင်တယ် ဆိုတာမျိုး ပေါ်ပေါ်ထင်ထင်အရိပ် အယောင် ပြသလာတယ်။ ဒါပေမဲ့အာဖရိကယူနီယံနဲ့ အာဖရိက တောင်ပိုင်း ဖွံ့ဖြိုးရေးအသိုက်အဝန်းလို နိုင်ငံတကာအဖွဲ့အစည်း တွေက အဲဒီလုပ်ရပ်ကို အသိအမှတ် ပြုလိမ့်မယ်လို့ ကျွန်မ မထင်ဘူး’’ဟုလည်း မှတ်ချက်ပေးခဲ့ သည်။

ထိုအတောအတွင်း နန်ဂက်ဝါကိုယ်တိုင်ကမူ အင်တာဗျူး တစ်ခုတွင် ၎င်းသည် သမ္မတမူဂါဘီ အပေါ် အပြည့်အဝဆက်လက် သစ္စာစောင့်သိနေဆဲဟု ကတိပြု ပြောကြားခဲ့သည်။ ဇာနူပီအက်ဖ် ပါတီထဲတွင် အာဏာလုပွဲအတွက် ပြိုင်ဆိုင်မှုများ ပိုမိုနက်ရှိုင်း အားကောင်းလာသော်လည်း နန်ဂက်ဝါကိုယ်တိုင်ကမူ ၎င်း၏ ပုံရိပ်ကို ထိုကိစ္စနှင့် ခပ်ကင်းကင်းရှိနေစေရန် ကြိုးစားနေဟန် ရှိသည်။ သို့သော်ယခုအခါ ဂရေ့စ်က ပေါ်ပေါ်ထင် ထင်ဝေဖန်လာမှုနှင့်အတူ ယင်း ပြိုင်ပွဲ၏ အလားအလာမှာ စိတ်ဝင် စားစရာ ပိုကောင်းလာသည်။

ဇင်ဘာဘွေသည် မူဂါဘီ လက်ထက်တွင် ဆိုးဆိုးရွားရွား ချွတ်ခြုံကျသွားသည့် နိုင်ငံတစ်ခု ဖြစ်သည်။ သမိုင်းတစ်လျှောက် အဆိုးတကာ့ အဆိုးဆုံး ငွေကြေး ဖောင်းပွမှုများ ဖြစ်ပေါ်ခဲ့သည်။ ပေါင်မုန့်တစ်လုံး ဝယ်ခွင့်ရရန် ဇင် ဘာဘွေဒေါ်လာ ဘီလီယံနှင့်ချီ အသုံးပြုရသည့် ခေတ်မျိုးကို ဖြတ်သန်းခဲ့ရသည်။ ယခုတိုင် နိုင်ငံ၏ငွေကြေးယူနစ်ကို အဖတ်မဆယ်နိုင်သေးဘဲ နိုင်ငံခြားငွေကြေးများ ဖြင့် အစားထိုး အသုံးပြုနေရသည်။ ဂရေ့စ်သည် ထိုကဲ့သို့သော နိုင်ငံမျိုး၏ ခေါင်းဆောင်ကို ဇနီးအနေ ဖြင့်ရော၊ အကြံပေးအရာရှိအနေ ဖြင့်ပါ ပံ့ပိုးနေခဲ့သူ ဖြစ်သည်။

ထို့အပြင် နိုင်ငံ၏ စီးပွားရေးအခြေအနေက မျက်ဖြူဆိုက်နေသော်လည်း ဂရေ့စ်ကိုယ်တိုင်ကမူတန်ဖိုးကြီးဇိမ်ခံ အသုံးအဆောင် များကို မက်မက်မောမောသုံးစွဲနေ သူ ဖြစ်သည်။ မကြာသေးမီကမှ ဂရေ့စ် ဝယ်ယူသည့် Rolls-Royce ဇိမ်ခံကားကြီးတစ်စီး၏ အကြောင်း ကို ဇင်ဘာဘွေမီဒီယာများက ဖော်ပြခဲ့သေးသည်။ အဆိုပါ ကားကြီးကို တောင်အာဖရိကရှိ အဆက် အသွယ်များထံမှတစ်ဆင့် ဂရေ့စ်က မှာယူခဲ့ခြင်း ဖြစ်သည်။ ဂရေ့စ် သည် ခက်ထန်မောက်မာသူ တစ် ဦးအဖြစ်လည်း လူသိများကာ တောင်အာဖရိကအမျိုးသမီးတစ် ဦးကို ကိုယ်ထိလက်ရောက် တိုက် ခိုက်ခဲ့ပြီး သံတမန်အခွင့်အရေးကို အကာအကွယ်ယူကာ လွတ်လမ်းရှာသွားသည့် ကိစ္စမှာလည်း နိုင်ငံတကာမီဒီယာ စာမျက်နှာများ ထက်တွင် အုတ်အော်သောင်း တင်း ဖြစ်ခဲ့ဖူးသည်။

မူဂါဘီ၏ ကျန်းမာရေး ယိုယွင်းလာမှုနှင့် ပတ်သက်၍ ကော လာဟလများ ပိုမို ပျံ့နှံ့လာချိန်တွင် ဂရေ့စ်သည် အစိုးရကို လက် တွေ့ကျကျဦးဆောင်ရန် ပိုမိုကြိုးစားလာသည်။ အစိုးရအခမ်းအနားများတွင် သူမကိုယ်တိုင် တက်ရောက်မိန့်ခွန်းပြောမှုများ ယခင် ထက်များပြားလာခဲ့သည်။ ဇင်ဘာ ဘွေအစိုးရအဖွဲ့ထဲတွင်လည်း အပြောင်းအလဲများနှင့် အခြား ရိုက်ခတ်မှုများ ရှိနေသည်။ ပြီးခဲ့သည့် ရက်ပိုင်းအတွင်း မူဂါဘီက၎င်း၏ အစိုးရအဖွဲ့ကို ပြန်လည်ပြင်ဆင်ဖွဲ့စည်းမည်ဟု ကြေညာခဲ့ သည်။ ယင်းသည် အစိုးရအဖွဲ့ထဲတွင် နန်ဂက်ဝါအပေါ် ထောက်ခံသူများကို ရှင်းထုတ်နိုင်ရေးအ တွက် ဂရေ့စ်၏ တွန်းအားပေးစေ ခိုင်းမှု ဖြစ်နိုင်ကြောင်း ဝေဖန်မှု များလည်း ရှိနေသည်။

အံ့ဩစရာတစ်ခုမှာ မူဂါဘီကိုယ်တိုင်က ၎င်း၏ အရိုက်အရာ ဆက်ခံစေမှုနှင့် ပတ်သက်၍ ကိုယ်တိုင်ပါဝင် သဘောထားပေးခြင်း မျိုးမရှိဘဲ လက်ရှောင်နေခြင်းဖြစ် သည်။ မူဂါဘီသည် ဇနီးဖြစ်သူကို ထောက်ခံကူညီနေသည့်တိုင် နန်ဂက်ဝါကို တိုက်ရိုက်ကျကျ ဖိနှိပ်မှု မရှိချေ။ ထို့အပြင် ရန်စောင်နေ သည့် အုပ်စုနှစ်ခု၏ ရင်ဆိုင်တိုက် ပွဲနှင့် ခပ်ကင်းကင်းနေလိုဟန် လည်း ရှိနေသည်။ သို့သော် နန်ဂက်ဝါသည် မူဂါဘီကို ဖြုတ်ချပြီး အာဏာသိမ်းရန် ကြံစည်နေသည်ဟု ဂရေ့စ်က စွပ်စွဲလာခြင်းမှာမူ လွန်ကဲသည့် ခြေလှမ်းတစ်ရပ်ဟု ဆို နိုင်သည်။

ဂရေ့စ်၏ မိန့်ခွန်းထဲတွင် နန် ဂက်ဝါ၏ အမည်ကို ညွှန်းဆိုခြင်း မရှိသည့်တိုင် မည်သည့်ရည်ရွယ် ချက်ဖြင့် ပြောခဲ့ကြောင်း ထင်ရှားစွာ ပေါ်လွင်နေသည်။ နန်ဂက်ဝါ သည် ဂရေ့စ်နှင့် ခါးခါးသီးသီး မုန်းတီးမှုမျိုး ရှိနေသည့်တိုင် မူဂါဘီနှင့်နှစ်ပေါင်း (၄၀) ကျော် လက်တွဲခဲ့ သည့် နိုင်ငံရေးမဟာမိတ်တစ်ဦး အဖြစ် သစ္စာရှိရှိ ရပ်တည်ခဲ့သည်။ ထို့ကြောင့် နန်ဂက်ဝါက မူဂါဘီကိုဖယ်ရှားပြီး အာဏာသိမ်းမည့် သဘောမျိုး ဂရေ့စ်က စွပ်စွဲခဲ့ခြင်းမှာ ဘောင်ကျော်နေသလို ပါတီတွင်းရှိ ကြားနေအုပ်စု၏ အမြင်ကို လည်း ရိုက်ခတ်နိုင်ကြောင်း လေ့ လာသူများက သုံးသပ်ခဲ့သည်။

သို့သော် နန်ဂက်ဝါ ကိုယ်တိုင်လည်း သွယ်ဝိုက်စွပ်စွဲမှုများနှင့်ကင်းခဲ့သည် မဟုတ်ချေ။ ပြီးခဲ့သည့်ဩဂုတ်လက ၎င်းရုတ်တရက် နေထိုင်မကောင်းသောကြောင့် တောင်အာဖရိကသို့ အရေးပေါ်ဆေးရုံတင်ပို့ကုသမှု ခံယူခဲ့ရသည်။ ထိုသို့ နေထိုင်မကောင်းဖြစ် ရခြင်းမှာ မိမိကို တစ်စုံတစ်ဦးက အဆိပ်ခတ်၍ဖြစ်ကြောင်း နန်ဂက်ဝါက ထုတ်ဖော် ပြောကြားခဲ့သည်။ အဆိုပါ စွပ်စွဲမှုကလည်း ဂရေ့စ်၏ ဒေါသကို ဆွလိုက်သည့်နှယ် ဖြစ် သွားစေသည်။

မူဂါဘီသည် ၎င်း၏ပါတီ ထိပ်ပိုင်းအရာရှိများကို လူထုရှေ့ မှောက်တွင် အပြန်အလှန် ထိုးနှက်ဝေဖန်မှုများ မပြုရန် ပြင်းပြင်းထန် ထန် ကြပ်မတ်တားမြစ်ဖူးသည်။ ထိုအခြေအနေက ပါတီ၏ စည်း လုံးမှုကို ယုတ်လျော့စေသည်ဟု မူဂါဘီက မှတ်ချက်ပေးခဲ့ဖူးသည်။ သို့သော် လက်ရှိအချိန်တွင်မူ အသက်ရလာခဲ့သည်နှင့်အတူ သမ္မတကြီးအနေဖြင့် မာန်လည်း အတန်ငယ်ကျလာပြီဟု ယုံကြည် ရသည်။ ဂရေ့စ်နှင့် နန်ဂက်ဝါတို့၏ စကားလုံးတိုက်ပွဲများကို ထိထိရောက်ရောက် ကြားဝင်ဟန့်တားမှု မရှိတော့ချေ။

‘‘လူသိရှင်ကြား စော်ကား အပုပ်ချတယ်ဆိုတာက ရှက်ဖို့ကောင်းပါတယ်။ ကျုပ်တို့ပါတီ ဟာ ဒီလို နည်းလမ်းမျိုးကို အခြေခံ တည်ထောင်ထားတာ မဟုတ်ဘူး။ ပြီးတော့ အတွင်းပိုင်းမှာ ပြိုကွဲနေရင် ပြင်ပအမှောင့် ပယောဂတွေကအခွင့်အရေး ယူသွားလိမ့်မယ်’’ဟု မူဂါဘီက ဆိုသည်။ သို့သော် လက် ရှိတွင်မူ ၎င်း၏ နေရာကို ဆက်ခံရန် အားပြိုင်သည့် တိုက်ပွဲမှာ ဖုံးဖိ ထား၍ မရလောက်အောင် အရှိန်ကောင်းစ ပြုလာပြီဖြစ် သည်။     


ဂရေ့စ်မူဂါဘီနှင့် အီမာဆင်နန်ဂက်ဝါ
AFP

—Ref:News24, BBC