ပိုးသတ်ဆေးကြောင့် အသက်ဆုံးရှုံးနေရသော အိန္ဒိယလယ်သမားများ

အိန္ဒိယနိုင်ငံ အာမာဒါဘတ်မြို့ပြင်တွင် ဝါဆွတ်နေသော တောင်သူတစ်ဦး (Amit Dave / reuters)

ပရာဗင်ဆိုယမ် (၂၃)နှစ် သည် ရုတ်တရက် ရင်ဘတ်အောင့် ပြီး အန်လည်းအန်ကာ မအီမသာ ဖြစ်လာချိန်မတိုင်မီ ကျန်းမာရေး အကောင်းပကတိ ဖြစ်သည်။ နောက်ပိုင်းတွင် ပရာဗင်တစ် ယောက်အခြေအနေပိုဆိုးလာ ကာ နောက်တစ်နေ့တွင် အစိုးရ ဆေးရုံ၌ ကွယ်လွန်ခဲ့သည်။

မစ္စတာဆိုယမ်သည် မဟာ ရက်ရ်ှထရပြည်နယ်တွင် သီးနှံပိုး သတ်ဆေးအဆိပ်သင့်၍ ထပ်မံ သေဆုံးခဲ့သူတစ်ယောက်ဟု ၎င်းကို ကုသခဲ့သော ဆရာဝန်များက မသင်္ကာဖြစ်နေသည်။ လွန်ခဲ့သော နှစ်ရက်က မိသားစုပိုင် ဝါဂွမ်းစိုက်ပျိုးရေးကွင်းတွင် ၎င်းပက်ဖျန်းခဲ့ သော ပိုးသတ်ဆေးအငွေ့များကို ရှူရှိုက်ခဲ့ပြီးနောက်ပိုင်းကစ၍ ဆိုယမ်နေထိုင်မကောင်း စဖြစ်ခဲ့ သည်ဟု ဆရာဝန်များက ယုံကြည်သည်။

တာဝန်ရှိသူများနှင့် မီဒီယာသတင်းများအရဆိုလျှင် မဟာရက်ရ်ှထရပြည်နယ်တွင် ဇူလိုင် နောက်ပိုင်းကစ၍ အနည်းဆုံးလယ်သမား ၅၀ ခန့် ပိုးသတ်ဆေးအဆိပ်သင့်မှုကြောင့် သေဆုံးရသည်ဟု မသင်္ကာဖြစ်နေသည်။ သေဆုံးသူစာရင်း ဆက်လက်မြင့်တက်နေသဖြင့် BJB ပါတီဦး ဆောင်သော ပြည်နယ်အစိုးရက စုံစမ်းစစ်ဆေးရန် ပြောကြားခဲ့သည်။

သေဆုံးမှုအများစုသည် ယာဗက်မယ်ခရိုင်ကဖြစ်ပြီး ယင်းဒေသသည် ဝါဂွမ်းအဓိကစိုက်ပျိုးရာ ဒေသဖြစ်ပြီး လယ်သမားများ မိမိကိုယ်ကိုယ် အဆုံးစီရင်မှုများ ကြောင့် မကြာခဏ သတင်းများတွင်ပါသော ဒေသဖြစ်သည်။

ဇူလိုင်နှင့် စက်တင်ဘာအတွင်းမှာပင် ယင်းခရိုင်ဒေသရှိ လယ်သမား ၈၀၀ ကျော်ကို ဆေးရုံတင်ပို့ခဲ့ရသည်ဟု အရာရှိများက ပြောကြားသည်။ အဓိကအားဖြင့် ဝါဂွမ်း၊ ပဲပိစပ်နှင့် အခြား ပဲအမျိုးမျိုးစိုက်ပျိုးသော ယာဗက် မယ်ခရိုင်လယ်သမားများက ၎င်းတို့အနေဖြင့် ပိုးသတ်ဆေးအမျိုးမျိုးကို ရောနှောသုံးစွဲပြီး အမှုန့် နှင့် အရည်နှစ်မျိုးစလုံးကို အသုံး ပြုခဲ့သည်ဟု ပြောကြားကြသည်။ ဝါဂွမ်းသီးနှံများကို ဖျက်ဆီးသော ပိုးများ တိုက်ခိုက်မှုဒဏ်ခံနိုင်ရည် ရှိသည်ဆိုသော မျိုးဗီဇပြုပြင်ထားသည့် ဝါမျိုးများကိုလည်း စိုက်ပျိုးသည်ဟု လယ်သမားများက ပြောကြားကြသည်။

သို့သော်ဝါသီးဖျက်ပိုးများသည် ယခုနှစ်တွင် ၎င်းတို့၏ ဝါခင်းများကို ဖျက်ဆီးနေသဖြင့် ပိုးသတ်ဆေးများ ပိုမိုအသုံးပြုနေရသည်။

ခုနစ်ရက်ဆက်တိုက် ၎င်း၏ ဝါခင်းများကို ပိုးသတ်ဆေးဖျန်း ပြီးနောက် မိမိလဲကျခဲ့သည်ဟု အသက် (၂၁)နှစ်အရွယ် နီကက်ရ်ှ ကာသာနီက ပြောပြသည်။ ‘‘ကျွန်တော့်ခေါင်းတွေ လေးလံလာပြီး ဘာမှမမြင်ရတော့ဘူး’’ ဟု ဒေသခံဆေးရုံအထူးကြပ်မတ်ဆောင်တွင် ကုသမှုခံယူနေသော ကာသာနီက ပြောသည်။ ၎င်းအနေဖြင့် နောက်နောင်တွင် ပိုးသတ်ဆေးများ အသုံးပြုတော့မည်မဟုတ်ဟု ယခုအခါအသက်အန္တရာယ် မစိုးရိမ်ရ တော့သော မစ္စတာကာသာနီက ပြောသည်။

တကယ်တမ်း ကျန်းမာရေး မကောင်းဖြစ်မည်ကို စိုးရိမ်သဖြင့် ၎င်းတို့ စိုက်ခင်းများကို ပိုးသတ်ဆေးမဖျန်းတော့ဟု ဝါစိုက်တောင်သူအများအပြားက ပြောကြား သည်။

‘‘ဒါဟာ ပုံမှန်မဟုတ်တဲ့ အခြေအနေပါ’’ဟု ပုံမှန်အားဖြင့် ကြွေးထူကျွန်ဖြစ်၍ ပိုးသတ်ဆေးများ တမင်သောက်သုံးသော လယ်သမားများကို ကုသမှုပေးရသည့် ဒေသခံဆေးရုံမှ ဆေးရုံအုပ် ဒေါက်တာအာရှော့ရာသော့က ပြောကြားသည်။

မတော်တဆပိုးသတ်ဆေး အဆိပ်သင့်ခြင်းသည် ကုသရန် ပိုမိုခက်ခဲသည်ဟု ဆရာဝန်များက ပြောကြားသည့် အကြောင်းမှာ ဗိုက်ထဲရောက်သွားသော ပိုးသတ် ဆေးအကြွင်းအကျန်များကို ဆေး ကြော၍မရသောကြောင့်ဖြစ် သည်။ ထို့အပြင် နှာခေါင်းမှ တစ်ဆင့် ရှူသွင်းသော ပိုးသတ်ဆေးများသည် အသက်ရှူလမ်းကြောင်း ကိုလည်း ထိခိုက်သောကြောင့်ဖြစ် သည်။

ဇူလိုင်လနောက်ဆုံးပတ်ကစ၍ ပိုးသတ်ဆေးအဆိပ်သင့်မှုများရှိသည်ဟု မသင်္ကာဖြစ်ခဲ့ကြောင်း ဒေသခံဆရာဝန်များက ဆိုသည်။ လူနာ ၄၁ ဦးသည် အလားသဏ္ဌာန် တူသော ရောဂါလက္ခဏာများဖြင့် ဆေးရုံရောက်လာခဲ့သည်။ ၎င်း တို့အားလုံးတွင် မူးမော်ခြင်း၊ အန် ခြင်း၊ အသက်ရှူပြဿနာ၊ အမြင် အာရုံဝေဝါးခြင်းနှင့် ကြောင် တောင်တောင်ဖြစ်နေခြင်း စသည့် လက္ခဏာများ တွေ့ရသည်။ သြဂုတ်တွင် ထိုကဲ့သို့သော လူနာ အရေအတွက် ၁၁၁ ဦးရှိခဲ့ကာ စက်တင်ဘာတွင် နှစ်ဆကျော်များ လာကာ ၃၀၀ အထိရှိလာခဲ့သည်။

လက်ရှိဆေးရုံတွင် ကုသမှု ခံယူနေရသော တောင်သူများအနက် အနည်းဆုံး ၁၀ ဦးသည် အရေးပေါ်ခန်း၌ အသက်လုနေရပြီး ၂၅ ဦးခန့်သည် အမြင်အာရုံချို့ယွင်း မှုများ ခံစားရသည်ဟု ဆေးရုံတာ ဝန်ရှိသူများက ပြောကြားသည်။

ယင်းသို့ သေဆုံးမှုနှင့် နာမ ကျန်းမှုများ မြင့်တက်နေခြင်းနှင့် ပတ်သက်၍ စိုက်ပျိုးရေးသုတေသ နပညာရှင်များကွင်းဆင်းလေ့လာ မှုလုပ်ဆောင်ရေး ခရိုင်အရာရှိများက စက်တင်ဘာအတွင်း တောင်း ဆိုခဲ့သည်။ လယ်သမားနှင့် တောင်သူများသည် ပိုးသတ်ဆေးဖျန်းချိန်တွင် ဘေးကင်းလုံခြုံရေးအတွက် ညွှန်ကြားထားသော ဝတ်စုံ၊ မျက်မှန်နှင့် လက်အိတ်များ အသုံးမပြု ကြဟု စိုက်ပျိုးရေးပညာရှင်များ၏ အစီရင်ခံစာ၌ ဖော်ပြသည်။

မစ္စတာဆိုယမ်၏ ဖခင် ဘာအူရူက သားဖြစ်သူ ဆိုယမ်သည် ပိုးသတ်ဆေးဖျန်းချိန်တွင် ကာကွယ်ရေးဝတ်စုံများ အသုံးမပြုခဲ့ဟု ဝန်ခံခဲ့သည်။ သို့သော် ၎င်း၏ သားဆိုယမ်သည် ယခင်ကလည်း အကာအကွယ်ဝတ်စုံနှင့် ပစ္စည်း များ အသုံးမပြုဘဲ စိုက်ခင်းအတွင်း ပိုးသတ်ဆေးဖျန်းခဲ့ပြီး ယခုတစ်ကြိမ်တွင်မှ ဘာကြောင့်နာမကျန်း ဖြစ်ကာ အသက်ဆုံးရှုံးသည်အထိ ဖြစ်ခဲ့ရသနည်းဟု ၎င်းက သိချင် နေသည်။ တောင်သူလယ်သမားများသည် အသက်အန္တရာယ်ရှိ သော ပိုးသတ်ဆေးများကို အသုံး ပြုနေရပါသလား၊ ၎င်းတို့မသိ သောဖော်မြူလာအသစ် ပိုးသတ် ဆေးကို အသုံးပြုခဲ့သလား၊ ယင်း

ပိုးသတ်ဆေးများ ဘေးကင်းစွာ အသုံးပြုနိုင်ရေး ညွှန်ကြားချက် များရှိပါသလားဆိုသော မေးခွန်း များ ကျန်ရှိနေဆဲဖြစ်သည်။

မစ္စတာဆိုယမ်၏ နေအိမ်တွင်မူ ၎င်း၏ညီဖြစ်သူ နမ်ဒက်ဖ်က သူတို့ဖျန်းပက်ခဲ့သော ပိုးသတ် ဆေးအထုပ်များကို ဆွဲထုတ်ပြသရင်း ‘‘သူ့လိုပဲ ကျွန်တော်လည်း သေသွားနိုင်တယ်’’ဟု အစ်ကိုဖြစ်သူ ဆိုယမ်၏ ဓာတ်ပုံကို စိုက် ကြည့်ရင်း ပြောသည်။

Ref:The Indian Farmers Falling Prey to Pesticide

Top News