-->

လူငယ်နှင့် အမိုက်တရား လူငယ်နှင့် အသိပညာ (အောင်သင်း)

စာရေးဆရာကြီး (ဦး)အောင်သင်း မကွယ်လွန်မီ Eternal Light Magazine တွင် ရေးသားခဲ့သော ဆောင်းပါးများကို စုစည်း၍ ပထမဆုံးအကြိမ် ပုံနှိပ် ထုတ်ဝေသောစာအုပ်ဖြစ်သည်။

ဇွန်ပွင့်စာအုပ်တိုက်က (ဦး)အောင်သင်း အသက်(၉၀)ပြည့် အထိမ်းအမှတ် စီစဉ်ထုတ်ဝေသော စာအုပ်လည်း ဖြစ်ပါသည်။

မျိုးဆက်သစ်တို့ တိုးတက်ရစ်ဖို့၊ အမွေ၊ ကံ့ကူလက်လှည့်စသည့် လူငယ်ပြုပြင်ရေး၊ စိတ်ဓာတ် ကောင်းမွေးမြူရေးအတွက်  အမြဲတိုက်တွန်းရေးသားခဲ့သော (ဦး)အောင်သင်းသည် ယခုစာအုပ်ပါ ခေါင်းစဉ်အတိုင်း လူငယ်၊ လူရွယ်များသို့ရည်ရွယ်၍ ၎င်း၏ အတွေ့အကြုံများကို အခြေခံကာဆောင်းပါးများရေးခဲ့သည်။ ဖော်ပြပါစာများကို ရေးချိန်တွင် (ဦး)အောင်သင်းသည် (၈၇)နှစ်အတွင်း ချဉ်းကပ်နေပြီဖြစ်ရာဘ၀ အတွေ့အကြုံနှင့်အသိအမြင်များ တစ်လှေကြီးရပြီး သော အချိန်အခါလည်း ဖြစ်ပေသည်။ ထိုသို့သောအချိန်တွင် ရေးသားသည့်စာများသည် ၎င်း၏ဘ၀အ တွေ့အကြုံနှင့် အသိအမြင်မှ နောက်ဆုံးကွန့်မြူးလာ သောစာများဟု ဆိုနိုင်သည်။ ထို့ကြောင့် လူငယ်နှင့် အမိုက်တရား ဆောင်းပါးများတွင် ၎င်းငယ်စဉ်ဝံသာ နုစိတ်ဖြစ်ပေါ်ချိန် နိုးကြားရဲဝံ့မှုနှင့်အတူ မိုက်မဲသော စိတ်ဓာတ်ကလေးများ ရောပြွမ်းလာခဲ့ပုံ၊ အရပ်ထဲ၌ သခင်များ တရားဟောသည့်အခါ ‘ဟယ်..ဘမော်အစိုးရ’ဟုဆိုကာ နင့်နင့်သီးသီးဟောပြောပုံများ၊ ‘ဘ မော်..ဘမော်..အို့အို့’ဟုဆိုကာ ရဲဝံ့စိန်ခေါ်မှုများနှင့် အတူ မိုက်မဲစိတ်လေးများ မသိမသာခိုအောင်းလာပုံ တို့ကို မခြွင်းမချန်ရေးထားသည်။ သီဆို၍ကောင်း သော ‘တို့ဗမာ’ သီချင်း၌ပင် ဇာတိမာန်အလွန်တက် ကြွကာ လူမျိုးခြားများကိုနှိမ်သည့်သဘော ပါဝင်နေ ကြောင်း (ဦး)အောင်သင်းက ဆင်ခြင်ဖွယ်ထောက်ပြ ထားသည်။ လူပျိုပေါက်အရွယ်တွင် ၁၃၀၀ ပြည့် အရေးတော်ပုံကြီး ကြုံတွေ့ခဲ့ရာ မျိုးချစ်စိတ်များ ပိုမို ထွန်းကားလာပြီး အရေးတော်ပုံအကြောင်း ရေးသား သော စာအုပ်များ၊ ဆရာကြီးမဟာဆွေ၏ မျိုးချစ်စိတ် ကို လှုံ့ဆော်သော စာအုပ်များဖတ်ရှုကာ စာဖတ်စွမ်း ရည်မြင့်တက်လာကြောင်း လူငယ်များ မှတ်သားဖွယ် ရေးထားသည်။ ဤတွင် တို့ဗမာအစည်းအရုံး ပေါ် ပေါက်လာသောအခါ အစည်းအရုံးဝင်သခင်အချို့က ဘအက္ခရာကိုရှောင်လွှဲ၍ဗအက္ခရာ ဖြင့်သခင်ဗဟိန်း၊ သခင်ဗဆွေ၊ သခင်ဗစိန်၊ သခင်ဗဟုန် အမည်ပြောင်း ကြကြောင်း သမိုင်းအချက်အလက်တစ်ခုအဖြစ် သိရှိရပါသည်။ တစ်ဖန်အစည်းအရုံးအတွင်း ကွန်မြူနစ် (လက်ဝဲ)စာပေများ ပြန့်ပွားလာသည့်အခါ လိုက်လံဖတ်ရှုကြသော လူငယ်များအကြောင်းရေးထားသည်။ လူငယ်သဘာဝ ဇွတ်တရွတ်လုပ်တတ်သော အမိုက် တရားသည် အဆိုပါ မျိုးချစ်စိတ်ဓာတ်ကပင် အခြေခံ ပေါက်ပွားစေကြောင်း သတိပြုဖွယ် ရေးထားပါသည်။

လူငယ်နှင့်အသိပညာ ကဏ္ဍ၌ (ဦး)အောင်သင်းသည် လူငယ်များအတွက် ပညာရေးအရေးပါပုံ၊ ပညာရေးစနစ်အမျိုးမျိုးအကြောင်းနှင့် တကယ့်ပညာ အစစ်အမှန် ဆိုသည်မှာ မည်သို့သောအရာဖြစ် ကြောင်း လေးလေးနက်နက်ရေးထားသည်။ အသက် (၈၀)ကျော် (၉၀)ခန့် ဘ၀နေ၀င်ခါနီးတွင် ဖြစ်ပေါ်လာ သော အတွေးအာရုံများဖြစ်၍ ဘ၀တစ်ခုလုံး၏ အသိ အမြင်အဆီအနှစ်များကို လူငယ်များသာမက လူကြီး များပါ သိမြင်နိုင်အောင် ရေးသားနိုင်ခဲ့သည်။ ထို အကြောင်းအရာနှင့်စပ်လျဉ်း၍ စာအုပ်တစ်နေရာ တွင် ‘ကျွန်တော်သတိပြုမိသောအချက်မှာ စူးစမ်းလေ့ လာသောကြောင့် အသိတရား ဖြစ်ပေါ်လာရသည်။ ထိုတရား၏ အကြောင်းအရင်းကို ပြန်လည်သုံးသပ်မိ သောကြောင့် ပညာ ဖြစ်ပေါ်လာရသည်။ ထို့ကြောင့် သိမြင်ခံစားရသည့်ဖြစ်ရပ်များကို သတိထားမိခြင်း၊ ထိုဖြစ်ရပ်များ၏ အကြောင်းအရင်းကို ရှာဖွေတွေ့ရှိ ခြင်းဟူ၍ နှစ်ပိုင်းတွေ့ရပါသည်။ ပထမတစ်ပိုင်းမှာ အသိတရားရရှိခြင်း၊ ဒုတိယတစ်ပိုင်းမှာ မိမိတွေ့သိ လိုက်ရသော တရားများကို ဖြစ်ပေါ်စေသည့် အ ကြောင်းအရင်းများကို တွေ့သိလိုက်ရသည့် ပညာ ဖြစ်ပါသည်’ ဟူ၍ လေးနက်စွာရေးထားသည်။

ယခုစာအုပ်ကို ၃,၀၀၀ ကျပ်ဖြင့် ထုတ်ဝေပြီး အိမ်တိုင်ရာရောက် မှာယူလိုသူများ ဖုန်း-၀၉- ၂၅၀၀၉၁၉၁၃ နှင့် facebook/Wedistribution သို့ ဆက်သွယ်နိုင်ပါသည်။

Top News