ကိုရီးယားကျွန်းဆွယ်တွင် အမေရိကန် မဟာဗျူဟာ ဗုံးကြဲလေယာဉ်ကြီးများ ပျံသန်း

ကိုရီးယား ကျွန်းဆွယ်တွင် အမေရိကန်က မဟာဗျူဟာ ဗုံးကြဲ လေယာဉ်ကြီး နှစ်စီးကို ပျံသန်းစေခဲ့ကြောင်း သိရသည်။


အဆိုပါ လုပ်ရပ်သည် မြောက်ကိုရီးယားကို အကြီးအကျယ် ဒေါသထွက်စေမည့် လှုံ့ဆော်မှုဟုလည်း ဆိုနိုင်သည်။ မြောက်ကိုရီးယားက ၎င်းတို့ကို အမေရိကန်က စစ်ကြေညာထားသည်ဟု ယူဆကြောင်းနှင့် လိုအပ်လျှင် အမေရိကန် ဗုံးကြဲလေယာဉ်များကို ပစ်ချရန် လက်ရွံ့နေမည် မဟုတ်ကြောင်း ကုလသမဂ္ဂ အထွေထွေ ညီလာခံ၌ ခြိမ်းခြောက် ပြောကြားထားသည်။

သို့သော် ယခုသီတင်းပတ် အတွင်းတွင်မူ အမေရိကန်က တောင်ကိုရီးယားနှင့် ပူးပေါင်း၍ စစ်ရေးလေ့ကျင့်ရာ၌ B-1B မဟာဗျူဟာ ဗုံးကြဲလေယာဉ် နှစ်စီးက တောင်ကိုရီးယား၏ F-15K တိုက်လေယာဉ် နှစ်စီး ခြံရံ ပျံသန်းသွားခဲ့သည်။ ထိုစစ်ရေးလေ့ကျင့်မှုသည် ဝေဟင်မှ မြေပြင်ပစ်မှတ်များကို ချေမှုန်းတိုက်ခိုက်ရန် ရည်ရွယ်ခြင်း ဖြစ်သည်။

မြောက်ကိုရီးယား၏ တိုက်ချင်းပစ် ဒုံးကျည်နှင့် နျူကလီးယားလက်နက် နည်းပညာ ပိုင်ဆိုင်ရေး ကြိုးပမ်းမှုများ အရှိန်မြှင့်တင်လာခြင်းနှင့်အတူ ကိုရီးယား ကျွန်းဆွယ်တွင် တင်းမာမှုများ အမြင့်ဆုံး အဆင့်သို့ ရောက်ရှိနေသည်။

မြောက်ကိုရီးယားက အမေရိကန်နှင့် တောင်ကိုရီးယားတို့ ပူးပေါင်း၍ စစ်ရေးလေ့ကျင့်မှုများအပေါ် အလွန်မုန်းတီး စက်ဆုပ်ပြီး ၎င်းတို့ကို တိုက်ရိုက် ရန်စခြင်းဟု ယူဆကြောင်း ခြိမ်းခြောက်လေ့ရှိသည်။ ယခုစစ်ရေးလေ့ကျင့်မှုတွင် ဂျပန်လေတပ်လည်း ပူးပေါင်း ပါဝင်ခဲ့ကြောင်း အမေရိကန်က ကြေညာခဲ့သည်။

ထိုအတောအတွင်း ပြီးခဲ့သည့်နှစ်က မြောက်ကိုရီးယား ဟက်ကာများသည် အမေရိကန်နှင့် တောင်ကိုရီးယားတို့က ကိုရီးယားကျွန်းဆွယ်တွင် စစ်ဖြစ်လာပါက တုံ့ပြန်ရန် ရေးဆွဲထားသည့် အစီအမံများ အပါအဝင် အချက်အလက် အများအပြားကို ဆိုက်ဘာ ရာဇဝတ် နည်းလမ်းဖြင့် ဖောက်ထွင်း ခိုးယူသွားကြောင်း တောင်ကိုရီးယား လွှတ်တော် အမတ် တစ်ဦးက ပြောကြားခဲ့သည်။

ထိုကိစ္စကို မြောက်ကိုရီးယားက ငြင်းဆိုထားပြီး တောင်ကိုရီးယား ကာကွယ်ရေး ဝန်ကြီးဌာနကလည်း မှတ်ချက်ပေး ဖြေရှင်းခြင်း မရှိဟု သိရသည်။

Ref: AFP

Top News