နိုင်ငံတကာသတင်းတိုများ

ဂျပန်နိုင်ငံအနောက်တောင်ပိုင်း ကျူးရှူးဒေသတွင် တည်ရှိသော ရှင်မိုးမီးတောင်၌ သေးငယ်သော ပေါက်ကွဲမှုဖြစ်ပွားပြီးနောက် အဆင့်(၃)သတိပေးချက်ထုတ်ပြန်ကာ မီးတောင်အနီးသို့ မသွား ကြရန် သတိပေးသည်။ ခြောက်နှစ်အတွင်း ပထမဆုံးပေါက်ကွဲ သော မီးတောင်သည် ကီရီရှီးမားမီးတောင်စုတွင် ပါဝင်သည်။


နိုင်ဂျီးရီးယားနိုင်ငံမြောက်ပိုင်း ကာဒူပြည်နယ်မှ မူလတန်းကျောင်းဆရာမများသည် ၎င်းတို့၏ ခြောက်နှစ်သားအရွယ် တပည့်လေးများအတွက် စစ်ဆေးသော စာမေးပွဲကို အောင်မြင်အောင် မဖြေဆိုနိုင်သောကြောင့် အလုပ်မှ ထုတ်ပယ်ခံရသည်။ ဆရာ၊ ဆရာမ သုံးပုံနှစ်ပုံ ၂၁,၇၈၀ ဦးသည် မေးခွန်း၏ ၇၅ ရာခိုင်နှုန်းနှင့်အထက်  ရမှတ်မရခဲ့ဟု ပြည်နယ်အုပ်ချုပ်ရေးမှူးကပြောသည်။

သီရိလင်္ကာနိုင်ငံမှ အိန္ဒိယနိုင်ငံတောင်ပိုင်း မာဒူရိုင်းမြို့သို့ ရောက်လာသော လေယာဉ်တစ်စီးပါ ခရီးသည်များကို အကောက်ခွန် အရာရှိများက စစ်ဆေးရာ ခရီးသည် ၁၁ ဦးက ရွှေချောင်းများကို ၎င်းတို့စအိုထဲတွင် ထည့်၍ သယ်ဆောင်လာကြောင်း တွေ့ရှိခဲ့ သည်။ အခြားခရီးသည် ၁၇ ဦးကလည်း လက်ဆွဲအိတ်များအ တွင်း ရွှေချောင်းများ ခိုး၍ သယ်ခဲ့ကြသည်။

More in World News Section