သဘာဝအရင်းအမြစ်ဖွံ့ဖြိုးရေးဆိုင်ရာ စီမံခန့်ခွဲမှု ကျင့်ဝတ်စည်းကမ်းများ

ပြီးခဲ့သည့် ရက်ပိုင်းက လက်ပံတောင်းတောင် ကြေးနီစီမံကိန်းအတွင်းမှ ရေဆိုးများ စွန့်ထုတ်မှုကြောင့် ဆည်တည်းရွာဟောင်း နှင့် ကျောက်ဖြူတိုင်ကျေးရွာရှိ ချောင်းအတွင်း ငါးကောင်ရေများစွာ သေဆုံးခဲ့ကြောင်း သတင်းတစ်ပုဒ် ဖတ်လိုက်ရသည်။ ထိုရက်ပိုင်းက မိုးများလွန်းခဲ့ပြီး လက်ပံတောင်းကြေးနီစီမံကိန်းမှဒုတ္ထာနှင့် အက်စစ်ကန်ထဲမှ ရေများကို ပြွန်ပေါက်မှတစ်ဆင့် ဆည်တည်း ရွာဟောင်းနှင့် ကျောက်ဖြူတိုင်ရွာတွင် စီးဆင်းနေသည့် ချောင်းထဲကို စွန့်ထုတ်ခဲ့သည်ဟု ယူဆကြောင်း၊ ထိုရေများကြောင့် ငါးများသေဆုံးခဲ့ရသည့်အပြင် ရေကိုသောက်သုံးမည့် အခြားသော သတ္တဝါများကိုပါ ထိခိုက် သေဆုံးစေနိုင်ကြောင်း ဒေသခံများက ပြောကြားခဲ့သည်။ ထိုပြဿနာသည် လက်ပံတောင်းတွင် ယခုမှဖြစ်ပေါ်ခြင်းမဟုတ်ပေ။ ပြီးခဲ့သည့် ဇူလိုင်နှင့် ဩဂုတ်အတွင်းကလည်း ယင်းကြေးနီစီမံကိန်းအတွင်းမှ အက်စစ်ဓာတ်များ ပါဝင်သည့် ရေဆိုးများ စွန့်ထုတ်သည့်အတွက် စီမံကိန်း၏ အရှေ့ဘက် ရွှေတံတားအနီး ငါးကြီးငါးသေးပါမကျန် သေဆုံးမှု မကြာခဏဖြစ်ပွားခဲ့သည်ဟု ဒေသခံများ၏ ပြောကြားချက်အရ သိရကြောင်း သတင်းများတွင် ဖော်ပြထား သည်။ ထိုပြဿနာနှင့်ပတ်သက် ပြီး လူမှုကွန်ရက်စာမျက်နှာများ တွင်လည်း ဝေဖန်မှုများ ဖြစ်ပေါ် ခဲ့သည်။


ထိုကဲ့သို့ ပြဿနာများသည် မြန်မာနိုင်ငံရှိ စီမံကိန်းအများစု တွင် ဖြစ်ပေါ်နေခြင်းဖြစ်သည်။ ထိခိုက်နစ်နာမှုသတင်းများလည်း မကြာခဏကြားနေရသည်။ ယင်း ဖြစ်စဉ်များသည် နိုင်ငံတကာတွင် လည်း ဖြစ်ပေါ်ခဲ့ပါသည်။ သတ္တု တူးဖော်ရေးစီမံကိန်းများ၊ ဓာတု ပစ္စည်းစက်ရုံများ၊ ဓာတုစွန့်ပစ် ရေဆိုးထွက်သည့် စက်ရုံများ စသဖြင့် ဓာတုနှင့် ဆက်နွှယ်သည့် လုပ်ငန်းများတွင် အများဆုံးဖြစ် ပေါ်ခဲ့သည်။ တကယ်တမ်းတွင် လုပ်ငန်းတစ်ခုသည် မည်သည့် ဓာတုပစ္စည်းကိုမဆို ပမာဏနည်း သည်ဖြစ်စေ၊ များသည်ဖြစ်စေ ထုတ်လုပ်ခြင်း၊ သိုလှောင်ခြင်းနှင့် သယ်ဆောင်ခြင်း စသည်တို့ကို လုပ်ဆောင်ပါက တာဝန်ယူမှု၊ တာဝန်ခံမှုအပြည့်ဖြင့် စည်းကမ်း ဥပဒေများအတိုင်း လုပ်ဆောင် ရန်လိုပါသည်။ နိုင်ငံတော်အစိုးရ ပိုင်းကလည်း တာဝန်ယူမှု၊ တာဝန်ခံမှုနှင့် ကျင့်ဝတ်စည်းကမ်းဥပဒေ များ မလိုက်နာသည့် လုပ်ငန်းများ ကို ထိထိရောက်ရောက် အရေးယူ ဆောင်ရွက်ရန် တာဝန်ရှိသည်။ မြန်မာနိုင်ငံတွင် ရေဆိုးစွန့်ပစ်မှု များ၊ ဓာတုအညစ်အကြေးစွန့်ပစ် မှုများကြောင့် ထိခိုက်နစ်နာမှုများ ရှိနေခဲ့သော်လည်း ထိထိရောက် ရောက် အရေးယူမှုပြုလုပ်ခဲ့ခြင်း မရှိခဲ့ပေ။

ပြန်ပြည့်မြဲအရင်းအမြစ် မဟုတ်သော သဘာဝသယံဇာတ များပိုင်ဆိုင်သည့် နိုင်ငံများသည် အထူးအခွင့်အလမ်းနှင့် အထူးစိန် ခေါ်မှုများကို ရင်ဆိုင်ရမည်ဖြစ် သည်။ သဘာဝသယံဇာတဆို သည်မှာ စနစ်တကျအသုံးပြုပါက လက်ရှိမျိုးဆက်နှင့် အနာဂတ်မျိုး ဆက်များအတွက် ကြီးမားသော စည်ပင်ဝပြောမှုကို ဖန်တီးပေးနိုင် မည်ဖြစ်သည်။ ထိုသို့မဟုတ်ဘဲ သယံဇာတများကို ညံ့ဖျင်းစွာအ သုံးပြုပါက စီးပွားရေးမတည်ငြိမ် မှု၊ လူမှုရေးပဋိပက္ခတို့ကို ဖြစ်ပွား စေပြီး သဘာဝပတ်ဝန်းကျင်ကို ရေရှည်ပျက်စီးစေမည်ဖြစ်သည်။ ထို့ကြောင့် သဘာဝသယံဇာတ များကို ထုတ်ယူအသုံးချခြင်းသည် နိုင်ငံတစ်နိုင်ငံ၏ ကျယ်ပြန့်သော လူမှုရေးနှင့် စီးပွားရေးရည်မှန်း ချက်များ ပြည့်မီလာစေရေးအ တွက် ဆောင်ရွက်ခြင်းသာဖြစ် သင့်ပါသည်။ ထိုကဲ့သို့ ဆောင် ရွက်တော့မည်ဆိုလျှင် သဘာဝ အရင်းအမြစ်ဖွံ့ဖြိုးရေးဆိုင်ရာ စီမံခန့်ခွဲမှု ကျင့်ဝတ်စည်းကမ်းများကို လိုက်နာဆောင်ရွက်ရတော့မည် ဖြစ်သည်။ သဘာဝအရင်းအမြစ် ဖွံ့ဖြိုးရေးဆိုင်ရာ စီမံခန့်ခွဲမှု ကျင့် ဝတ်စည်းကမ်း ၁၂ ချက်ရှိသည်။ ၎င်းတို့မှာ (၁) နိုင်ငံတစ်နိုင်ငံရှိ သဘာဝအရင်းအမြစ်များ၏ ဖွံ့ဖြိုးမှုကို စီမံခန့်ခွဲရာ၌ ယင်းနိုင်ငံရှိ ပြည်သူများအနေဖြင့် အကြီးမား ဆုံးသော လူမှုရေးနှင့် စီးပွားရေး အကျိုးကျေးဇူးများကို ခံစားနိုင်စေရန် ရည်ရွယ်ဆောင်ရွက်ရပါမည်။ ယင်းသို့ ဆောင်ရွက်ရာ၌ ဆုံးဖြတ်ချက်ဖြစ်စဉ်၏ အဆင့်တိုင်းကို နား လည်သဘောပေါက်ကာ ကိုင်တွယ်ဖြေရှင်းသည့် ပြီးပြည့်စုံ သော ချဉ်းကပ်မှုတစ်ရပ် လိုအပ် ပါသည်။

(၂) အောင်မြင်သော သဘာဝအရင်းအမြစ်စီမံခန့်ခွဲမှု တစ်ရပ်ဖြစ်လာစေရန် ယင်းနှင့် ပတ်သက်သည့် သတင်းအချက် အလက်များကို ပြည်သူများအား ကောင်းစွာ အသိပေးအကြောင်း ကြားပေးရန်အတွက် အစိုးရပိုင်းမှ တာဝန်ခံမှုရှိရန် လိုအပ်သည်။ (၃) ဘဏ္ဍာရေးပေါ်လစီနှင့် စာ ချုပ်စာတမ်းဆိုင်ရာ စကားရပ် များသည် ယင်းနိုင်ငံအနေဖြင့် အ ရင်းအမြစ်များမှ အကျိုးခံစားခွင့် များ အပြည့်အဝရရှိနိုင်စေရန် အာမခံမှုပေးနိုင်ရမည်။ ထို့အပြင် အဆိုပါ ဘဏ္ဍာရေးပေါ်လစီနှင့် စာချုပ်စာတမ်းဆိုင်ရာ စကားရပ် များသည် အထက်ပါအကျိုးခံစား ခွင့်များ တကယ်ရှိလာစေရန်အ တွက် လိုအပ်သော ရင်းနှီးမြှုပ်နှံမှု များကို ဆွဲဆောင်နိုင်သည့်အချက် များဖြစ်ရပါမည်။ သဘာဝသယံ ဇာတထုတ်ယူမှု၏ ရေရှည်သဘောသဘာဝအရ ပြောင်းလဲလျက်ရှိ နေပြီး မသေချာမရေရာဖြစ်နေ သည့် အခြေအနေများအား ကြံ့ ကြံ့ခံနိုင်သည့်  မူဝဒါများနှင့် ကန် ထရိုက်သဘောတူစာချုပ်များ လို အပ်ပါသည်။ (၄) ကန်ထရိုက် သဘောတူစာချုပ်များ ချုပ်ဆိုနိုင် ရန်နှင့် ဖွံ့ဖြိုးရေးလုပ်ပိုင်ခွင့်များ ရရှိရေးတို့အတွက် ဆောင်ရွက်ရာ တွင် ယှဉ်ပြိုင်မှုသည် တန်ဖိုးနှင့် သမာသမတ်ရှိမှုတို့ကို ထိန်းသိမ်း ကာကွယ်ရေးအတွက် ထိရောက် သော ယန္တရားတစ်ရပ်ဖြစ်သည်။

(၅) အရင်းအမြစ်စီမံကိန်း များတွင် စီမံကိန်း၏ အဆင့်အား လုံး၌ ဒေသတွင်း လူမှုစီးပွားရေး နှင့် ပတ်ဝန်းကျင်ဆိုင်ရာအပေါ် သိသာထင်ရှားစွာ သက်ရောက် လာနိုင်သည့် ကောင်းကျိုး (သို့ မဟုတ်) ဆိုးကျိုးများနှင့်ပတ်သက် ပြီး ရှာဖွေဖော်ထုတ်နိုင်ရန်၊ စူး စမ်းလေ့လာမှုပြုရန်၊ တာဝန်ယူ ဖြေရှင်းရန်၊ လျော့ပါးသက်သာ အောင် ဆောင်ရွက်ရန် (သို့ မဟုတ်) ထိုက်သင့်သည့်လျော် ကြေး အရင်းအမြစ်များ ထုတ်ယူ ရန်အတွက် သေချာစွာ စဉ်းစား သုံးသပ်သင့်သည်။ (၆) နိုင်ငံပိုင် အရင်းအမြစ်ကုမ္ပဏီများသည် အများနှင့် ယှဉ်ပြိုင်ရသော ပတ် ဝန်းကျင်တစ်ခုတွင် စီးပွားရေး အရ ရှင်သန်နိုင်စေရန် ဦးတည် လျက် ပွင့်လင်းမြင်သာမှုရှိစွာဖြင့် လုပ်ငန်းဆောင်ရွက်သင့်ပါသည်။ (၇) အရင်းအမြစ်များမှ ရရှိသော ဝင်ငွေများကို နိုင်ငံအတွင်း၌ အ ဆင့်မြင့်ရင်းနှီးမြှုပ်နှံမှုများ ပြုလုပ် ကာ အဆိုပါ ရင်းနှီးမြှုပ်နှံမှုများ အား ထိန်းသိမ်းခြင်းဖြင့် ရေရှည် တည်တံ့ပြီး ဘက်စုံစီးပွားရေးဖွံ့ ဖြိုးမှုအား မြှင့်တင်ရာ၌ အဓိက သုံးစွဲသင့်သည်။ (၈) အရင်းအ မြစ်များမှရရှိသော ဝင်ငွေများကို ထိရောက်စွာအသုံးပြုရာတွင် ပြည်တွင်းအသုံးစရိတ်နှင့် ရင်းနှီး မြှုပ်နှံမှုများကို ဖြည်းဖြည်းချင်း တည်ဆောက်ယူကာ ဘဏ္ဍာရေး မတည်ငြိမ်မှုများကို သိမ်မွေ့စွာ ကိုင်တွယ်ဖြေရှင်းရန် လိုအပ် သည်။

(၉) အစိုးရများအနေဖြင့် သဘာဝအရင်းအမြစ်ကြွယ်ဝမှု ကို ထိရောက်ပြီး သာတူညီမျှရှိ သည့် လူမှုအသုံးစရိတ်များကို မြှင့်တင်ရန်နှင့် စီးပွားရေးအဆောက် အအုံပြောင်းလဲမှုကို ပုဂ္ဂလိက ကဏ္ဍမှ တုံ့ပြန်လာနိုင်အောင် ကူညီပံ့ပိုးရာ၌ အခွင့်အလမ်းတစ် ခုအဖြစ် အသုံးပြုသင့်သည်။ (၁၀)အစိုးရတစ်ရပ်သည် စီးပွားရေး လုပ်ငန်းအမျိုးမျိုး ဖြန့်ကြက် ဆောင်ရွက်ရေးနှင့် ပြည်တွင်း ထုတ်ကုန်တန်ဖိုးများ တိုးမြင့်လာ ရန်အတွက် အခွင့်အလမ်းများ ရရှိလာစေရန် အမျိုးသားရေးအ တိုင်းအတာနှင့် ဒေသအဆင့်အ တိုင်းအတာတို့တွင် ပုဂ္ဂလိကကဏ္ဍ ရင်းနှီးမြှုပ်နှံမှုများအား လွယ်ကူ ချောမွေ့လာအောင် ဆောင်ရွက် ပေးရမည်။ (၁၁) တွင်းထွက် သယံဇာတထုတ်ယူသော ကုမ္ပဏီများ၏ မိခင်နိုင်ငံအစိုးရများနှင့် နိုင်ငံတကာငွေကြေးအရင်းအနှီး ဗဟိုဌာနများအနေဖြင့် ကောင်း မွန်သည့် အလေ့အထများကို ပြဋ္ဌာန်းထားရှိသင့်သည်။ (၁၂) တွင်းထွက်သယံဇာတထုတ်ယူ သော ကုမ္ပဏီအားလုံးတို့သည် ကန်ထရိုက်သဘောတူစာချုပ် များ ချုပ်ဆိုခြင်း၊ လုပ်ငန်းများ ဆောင်ရွက်ခြင်းနှင့် ငွေပေးချေမှု လုပ်ငန်းများကို လုပ်ဆောင်ရာ တွင် အကောင်းဆုံးသော လက် တွေ့ကျင့်သုံးမှုစံများကို ဆောင် ရွက်သင့်ပါသည်ဟူ၍ ဖြစ်သည်။

 အဆိုပါအချက်များသည် သဘာဝသယံဇာတအရင်းအမြစ် များကို မလွဲမသွေထုတ်ယူတော့ မည်ဆိုလျှင် လိုက်နာဆောင်ရွက် ရမည့် ကျင့်ဝတ်စည်းကမ်းများဖြစ် သည်။ ထိုကျင့်ဝတ်စည်းကမ်းများ ကို မြန်မာနိုင်ငံရှိ မည်သည့်စီမံ ကိန်းများတွင် လိုက်နာဆောင် ရွက်နေသည်ကို ရွှေလက်မသိပါ။ လတ်တလောတွင်တော့ လက်ပံ တောင်းတောင် ကြေးနီစီမံကိန်း တွင် ပတ်ဝန်းကျင်ဆိုင်ရာ ထိခိုက် မှုများ၊ လူမှုရေးဆိုင်ရာ ထိခိုက်မှု များ ဖြစ်ပေါ်နေသည်ကိုတော့ သတင်းများမှတစ်ဆင့် မြင်နေ ကြားနေရသည်။ ထို့ကြောင့် ယေ ဘုယျအားဖြင့် လက်ပံတောင်း တောင်ကြေးနီစီမံကိန်းသည် လိုက်နာဆောင်ရွက်ရမည့် ကျင့်ဝတ် စည်းကမ်းများကို လိုက်နာမှုအား နည်းနေသည်ဟု ဆိုရမည်ဖြစ် သည်။ ထို့ကြောင့် အစိုးရအနေ ဖြင့် စုံစမ်းစစ်ဆေးပြီး အရေးယူမှု များ လုပ်ဆောင်သင့်ပါသည်။

 အချုပ်အားဖြင့်ဆိုရလျှင် ရွှေလက်တို့ မြန်မာနိုင်ငံသည် သဘာဝသယံဇာတများ အထိုက် အလျောက်ပေါကြွယ်သည့် နိုင်ငံ ဖြစ်သည်။ ထိုသယံဇာတများကို အစိုးရအဆက်ဆက်က စီမံခန့်ခွဲ မှုညံ့ဖျင်းစွာ ထုတ်ယူခဲ့သဖြင့်တိုင်းပြည်ဖွံ့ဖြိုးတိုးတက်မှုအပိုင်းတွင် ပြောပလောက်အောင်မရှိခဲ့ ပေ။ သို့သော်လည်း သဘာဝပတ် ဝန်းကျင် ထိခိုက်မှု၊ လူမှုဘဝထိ ခိုက်မှုများဖြစ်ပေါ်ခဲ့ပြီး စီးပွားရေး မတည်ငြိမ်မှုနှင့် ပဋိပက္ခများ အ ထင်အရှားဖြစ်ပွားခဲ့သည်။ ထို့ ကြောင့် နိုင်ငံတော်အစိုးရအနေ ဖြင့် သဘာဝသယံဇာတများကို ထုတ်ယူသုံးစွဲတော့မည်ဆိုလျှင် လက်ရှိမျိုးဆက်အတွက်ရော နောင်မျိုးဆက်အတွက်ပါ ထည့် သွင်းစဉ်းစားဆောင်ရွက်သင့် သည်။ လတ်တလောအကျိုးရှိ သယောင်နှင့် ရေရှည်တွင် ပျက်စီး ဆုံးရှုံးရမည့်ကိစ္စမျိုးကို ရှောင်ရှား ရမည်။ သဘာဝအရင်းအမြစ် ဖွံ့ဖြိုးရေးဆိုင်ရာ စီမံခန့်ခွဲမှုကျင့် ဝတ်စည်းကမ်းများကို လိုက်နာ ဆောင်ရွက်သင့်ပါသည်။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)

Top News