ကျောက်ဆည်မြို့တွင် ဘိလပ်မြေစက်ရုံများအတွက် သိမ်းဆည်းခဲ့သောမြေယာများ အစားထိုးပြန်ပေးရန် ဒေသခံများတောင်းဆို

မန္တလေးတိုင်းဒေသကြီး ကျောက်ဆည်မြို့နယ် ကျောက်ဖျာကျေးရွာတွင် ဘိလပ်မြေစက်ရုံများအတွက် သိမ်းဆည်းခဲ့သောယာမြေများကို ပြန်လည်အစားထိုးပေးရန် ဒေသခံတောင်သူများ က မန္တလေးမြို့တွင် သတင်းစာ ရှင်းလင်းပွဲ ပြုလုပ်တောင်းဆိုခဲ့ သည်။

ဒေသခံတောင်သူ ၈၀ ကျော်၏ ယာမြေဧက ၄၀၀ ကျော် ကို ၂၀၀၄ တွင် AAA၊ ကျား ခေါင်း၊ မြန်မာဆင်ဘိလပ်မြေစက် ရုံများက သိမ်းယူခဲ့ပြီး ၂၀၀၇ တွင် လျော်ကြေးငွေအဖြစ် ဧက ၃၆၀ ကိုတစ်ဧကလျှင် ကျပ်ခုနစ်သောင်း၊ တစ်သိန်းနှုန်းဖြင့်ပေးချေခဲ့ကြောင်း၊ သို့သော် မြေယာသိမ်း ဆည်းခံရသည့် တောင်သူများမှာ လယ်ယာစိုက်ပျိုးခွင့်မရဘဲ စား ၀တ်နေရေးအခက်အခဲရှိ၍ မြေ ယာအစားထိုးပေးရန် တောင်းဆို ခြင်းဖြစ်ကြောင်း အောက်တိုဘာ ၁၁ ရက်က မန္တလေးမြို့မီဒီယာ စင်တာ၌  ပြုလုပ်သည့်သတင်း စာရှင်းလင်းပွဲတွင် ကျောက်ဖျာ ကျေးရွာမှ ဒေသခံတောင်သူဦး ဇော်ထိုက်က ပြောသည်။

‘‘ကျွန်တော်တို့က တောင်သူ တွေ။ လယ်မြေပဲလုပ်တတ်တာဆို တော့ မြေအစားထိုးပေးစေချင် တာ။ မြေအစားထိုးပေးမရဘူးဆို ရင်လည်း ကာလပေါက်ဈေးနဲ့ လျော်ကြေးငွေပေးစေချင်တယ်။ လျော်ကြေးငွေပေးတုန်းကလည်း မကျေနပ်လည်း သိမ်းခံရမှာဆို တော့ယူခဲ့တာ။ ပိုက်ဆံကလည်း အနည်းငယ်သာပေးခဲ့တယ်။ အခု ကျွန်တော်တို့က မြေရှိရဲ့သားနဲ့ ကြုံရာကျပန်းလုပ်နေရတာမို့ ပွင့် လင်းတဲ့ခေတ်မှာ တောင်းဆိုတာ ပါ’’ ဟုတောင်သူဦးဇော်ထိုက်က ပြောသည်။

မြေသိမ်းခံရစဉ်က သိမ်း ဆည်းခံရသည့်မြေဧကအတိုင်း လျော်ကြေးငွေအပြည့်မရသူများ ရှိသလို ဘိလပ်မြေစက်ရုံ ခေါင်း တိုင်များမှ ထွက်သောပြာမှုန့် များစိုက်ခင်းများပေါ်ကျရောက်မှု ကြောင့်လည်း သီးနှံအထွက်နှုန်း လျော့ကျခဲ့သည်ဟု ဒေသခံ တောင်သူများက ပြောသည်။

ကျောက်ဖျာကျေးရွာသည် ကျောက်ဆည်စက်မှုဇုန်အတွင်း တည်ရှိပြီး   ကျောက်ဆည်စက် မှုဇုန်တွင် ဘိလပ်မြေစက်ရုံ ခြောက်ရုံရှိသည်။ ကျောက်ဖျာ ကျေးရွာအနီးတွင် တစ်နေ့ တန် ၇၀၀ ကျ AAA ဘိလပ်မြေစက်ရုံ၊ တစ်နေ့တန် ၄၀၀ ကျကျားခေါင်း ဘိလပ်မြေစက်ရုံနှင့် တစ်နေ့တန် ၄၀၀ ကျ မြန်မာဆင်ဘိလပ်မြေ စက်ရုံများလည်ပတ်နေသည်။ ယင်းစက်ရုံသုံးရုံကို ၂၀၀၇ တွင် စတင်တည်ဆောက်ကာ  ၂၀၀၉ တွင် လုပ်ငန်းစတင်ခဲ့သည်။

သိမ်းဆည်းခံမြေယာများနှင့် ပတ်သက်၍ စိစစ်နေဆဲဖြစ် သော်လည်း သိမ်းဆည်းခံရစဉ်က လျော်ကြေးငွေရယူခဲ့သလိုလက် ရှိအသုံးပြုနေဆဲ မြေယာများဖြစ် သဖြင့် ဖြေရှင်းရန်အခက်အခဲရှိ ကြောင်း ကျောက်ဆည်မြို့နယ် လယ်ယာမြေပြန်လည်စိစစ်ရေး ကော်မတီတွင် ပါဝင်သည့် ကျောက်ဆည်မြို့နယ်တိုင်းဒေသ ကြီး  လွှတ်တော်ကိုယ်စားလှယ် ဦးရဲမင်းထွန်းက ပြောသည်။

‘‘အစိုးရက မူတစ်ခုရှိတယ်။ သိမ်းဆည်းခံရပြီး လျော်ကြေးငွေ မရခဲ့ဘူးဆိုရင် ကာလပေါက်ဈေး နဲ့ လျော်ကြေးငွေပေးရမယ်။ လျော်ကြေးငွေရခဲ့တယ်။ လက်ရှိ ဘယ်သူမှ အသုံးမပြုဘူးဆိုရင် မူလတောင်သူကိုပြန်ပေးရမယ်။ အခုဟာက လျော်ကြေးငွေလည်း ရခဲ့တယ်။ လက်ရှိလည်း အသုံးပြု နေတယ်ဆိုတော့ ကျွန်တော်တို့က ဘာမှလုပ်ပေးလို့မရဘူး။ ဒီသိမ်း ခံရတဲ့မြေကိုလည်း စစ်ဆေး တယ်။ သိမ်းယူခဲ့စဉ်အခါက လျော်ကြေးငွေမရတဲ့တောင်သူ ၁၂ ဦးရှိတယ်။ အဲဒီ ၁၂ ဦးကို လည်း ကုမ္ပဏီနဲ့ညှိပြီး တစ်ဧက ခုနစ်သိန်းပေးခဲ့တယ်။ တကယ် တော့ အဲဒီမြေကလည်း မိုး ကောင်းရေသောက်၊ မိုးရွာမှ စိုက် ပျိုးလို့အဆင်ပြေတဲ့မြေပါ’’ ဟု ဦးရဲမင်းထွန်းက ပြောသည်။

Top News