တိုင်းစည်ပင်လာဘ်စားကြောင်း တိုင်ကြားမှု အဖွဲ့ဖွဲ့၍စစ်ဆေးရန် မကွေးတိုင်းဝန်ကြီးချုပ် ပြော

မကွေးတိုင်း စည်ပင် သာယာရေးအဖွဲ့က မြို့နယ်စည် ပင်အဖွဲ့များထံမှ လာဘ်ငွေယူ သည်ဟု တိုင်ကြားခဲ့သော စလင်း မြို့နယ် အင်ဂျင်နီယာဦးမြင့်လင်း  ကို တိုင်းဝန်ကြီးချုပ် ဒေါက်တာ အောင်မိုးညိုက အောက်တိုဘာ ၁၀ ရက်၌ခေါ်ယူတွေ့ဆုံခဲ့သည်။


‘‘ဝန်ကြီးချုပ်က ခေါ်တွေ့ပါ တယ်။ ကျွန်တော်တင်ပြထားတဲ့ ကိစ္စကိုလည်း အဖွဲ့တစ်ဖွဲ့ ဖွဲ့ စည်းပြီး စေလွှတ်စစ်ဆေးစေ မယ်။ နောက်ပြီး တံတားတည် ဆောက်ထားတဲ့ ငွေကိုလည်း ထုတ်ပေးမယ်လို့ ပြောပါတယ်’’ ဟု တိုင်ကြားခဲ့သူ စလင်းမြို့နယ် စည်ပင်အင်ဂျင်နီယာ ဦးမြင့်လင်း က ပြောသည်။

မကွေးတိုင်း မြို့နယ်စည်ပင် သာယာရေးအဖွဲ့များ လုပ်ငန်း ဆောင်ရွက်ရာတွင် လုပ်ငန်းတန် ဖိုး၏ ၆ ဒသမ ၂၅ ရာခိုင်နှုန်းကို တိုင်းစည်ပင်သာယာရေးအဖွဲ့ထံ ပေးအပ်ရပြီး ထိုကဲ့သို့ ပေးမှသာ လုပ်ငန်းခွင့်ပြုချက်ရရှိကြောင်း ၎င်းကတိုင်ကြားခြင်းဖြစ်သည်။

ထိုကဲ့သို့ တိုင်ကြားခြင်း သည် စလင်းမြို့နယ်တွင် ဇူလိုင် ကတည်းက တည်ဆောက်ခဲ့သော တံတားတစ်စင်း၏ ကုန်ကျစရိတ် ကို ငွေထုတ်ခွင့်ပြုရေး တိုင်းစည် ပင်သာယာရေးအဖွဲ့က ကြန့်ကြာ စေရန် လုပ်ဆောင်ခဲ့ကြောင်း ဦး မြင့်လင်းကပြောသည်။

အဆိုပါတံတားသည် တိုင်း လွှတ်တော်ဥက္ကဋ္ဌ၏ လမ်းညွှန်မှု ကြောင့် စလင်းမြို့နယ် စည်ပင် သာယာရေးကော်မတီက ဆုံး ဖြတ်၍ ၎င်းကို အကုန်အကျခံ တည်ဆောက်စေခဲ့ကြောင်း ဦး မြင့်လင်းက ဆိုသည်။

ယင်း တိုင်ကြားစာတွင် စလင်းမြို့နယ် စည်ပင်သာယာ ရေးအဖွဲ့က ၆ ရာခိုင်နှုန်းကျော် ပေးခဲ့ရခြင်းသည် မှန်ကန်ကြောင်း အမှုဆောင်အရာရှိနှင့် ငွေစာရင်း ဝန်ထမ်းများ၏ ထောက်ခံချက် များကို သက်သေအဖြစ် တင်ပြ တိုင်ကြားထားသည်။ ထို့အပြင် ယခင် စလင်းမြို့နယ် စည်ပင် သာယာရေးအဖွဲ့က တိုင်းစည်ပင် သာယာရေး စာရေးတစ်ဦးထံသို့ ငွေလွှဲအပ်ထားသည့် ဘဏ်ချလန် များကို သက်သေအဖြစ် တင်ပြ တိုင်ကြားခဲ့သည်။

အထက်ပါကိစ္စနှင့်ပတ်သက် ၍ တိုင်းအစိုးရအဖွဲ့ထံသို့ ဖုန်းဖြင့် ဆက်သွယ်မေးမြန်းရာတွင် လက် ခံဖြေဆိုခြင်းမရှိပေ။

More in News Section

Top News