ခွင့်ပြုချက်ယူမထားသော စီးပွားရေးလုပ်ငန်းများ အခွန်ကင်းလွတ်သက်သာခွင့် မြန်မာနိုင်ငံရင်းနှီးမြှုပ်နှံမှုကော်မရှင်ထံ လျှောက်ထားနိုင်

 မြန်မာနိုင်ငံ ရင်းနှီးမြှုပ် နှံမှု ကော်မရှင်၏ ခွင့်ပြုချက်ရယူ ခြင်းမရှိဘဲ မိမိအစီအစဉ်ဖြင့် စီး ပွားရေးလုပ်ကိုင်ခဲ့သူများအနေ ဖြင့် မြန်မာနိုင်ငံ ရင်းနှီးမြှုပ်နှံမှု ဥပဒေပုဒ်မ ၇၇(ခ)၊ (ဂ)၊ (ဃ)ပါ အခွန်ကင်းလွတ်ခွင့်၊ သက်သာ ခွင့်များ ရယူလိုပါက အတည်ပြု မိန့် လျှောက်ထားရယူနိုင်ကြောင်း အဆိုပါ ကော်မရှင်က အောက်တို ဘာ ၁၀ ရက်တွင် ကြေညာသည်။

ပြည်တွင်း၌ ရင်းနှီးမြှုပ်နှံ သော လုပ်ငန်းများသည် အမေရိ ကန်ဒေါ်လာ သုံးသိန်းနှင့်အထက် ထပ်မံရင်းနှီးမြှုပ်နှံလျှင် ဝင်ငွေခွန် မှအပ အခွန်ကင်းလွတ်သက်သာ ခွင့်များကို မြန်မာနိုင်ငံ ရင်းနှီးမြှုပ် နှံမှုကော်မရှင်တွင် အတည်ပြုမိန့် လျှောက်ထားနိုင်ကြောင်း ရင်းနှီး မြှုပ်နှံမှုနှင့် ကုမ္ပဏီများ ညွှန်ကြား မှုဦးစီးဌာန ဒုတိယညွှန်ကြား ရေးမှူးချုပ် ဦးသန်းအောင်ကျော် က ပြောသည်။

မြန်မာနိုင်ငံ ရင်းနှီးမြှုပ်နှံမှု ဥပဒေအသစ်တွင် ရင်းနှီးမြှုပ်နှံမှု မြှင့်တင်လိုသည့် ကဏ္ဍများ၌ ဝင်ငွေခွန်အပါအဝင် အခြားအခွန် အကောက်များ အစိုးရက ကင်း လွတ်ခွင့်ပေးထားသည်။ ထို့ ကြောင့် မြန်မာနိုင်ငံ ရင်းနှီးမြှုပ်နှံ မှု ကော်မရှင်ကို မဆက်သွယ်ဘဲ သီးခြားအစီအစဉ်ဖြင့် ရင်းနှီးမြှုပ် နှံသူများ ရင်းနှီးမြှုပ်နှံမှု ထပ်မံ တိုးမြှင့်လျှင် အခွန်သက်သာခွင့် များရရှိစေရန် ဖြေလျှော့ပေးခြင်း ဖြစ်သည်ဟု ဦးသန်းအောင်ကျော် က ရှင်းပြသည်။

‘‘တိုးချဲ့ပြီး ရင်းနှီးမြှုပ်နှံသူ တွေအတွက် ထွက်ပေါက်တစ်ခု ဖြစ်အောင် ခွင့်ပြုပေးတာပါ။ ဝင်ငွေခွန်ကတော့ အစိုးရက ရင်း နှီးမြှုပ်နှံမှု မြှင့်တင်လိုတဲ့ကဏ္ဍ တွေကိုပဲ အဓိကပေးပါတယ်’’ဟု ဦးသန်းအောင်ကျော်က ပြော သည်။ မြန်မာနိုင်ငံ ရင်းနှီးမြှုပ်နှံမှု ဥပဒေတွင် ပြည်ပသို့ ရာနှုန်းပြည့် တင်ပို့မည့် ရင်းနှီးမြှုပ်နှံမှုများ အတွက် တင်သွင်းသော ကုန် ကြမ်းပစ္စည်းများ၊ တစ်ပိုင်းတစ်စ ထုတ်လုပ်ပြီးသော ပစ္စည်းများ အကောက်အခွန်ဖြစ်စေ၊ အခြား သော ပြည်တွင်းအခွန်အကောက် များဖြစ်စေ၊ နှစ်မျိုးစလုံးကိုဖြစ်စေ ကင်းလွတ်ခွင့်နှင့် သက်သာခွင့် များပေးထားသည်။

ထို့အပြင် ပြည်တွင်း၌ ကုန် ပစ္စည်းထုတ်လုပ်ကာ ပြည်ပသို့ ပြန်လည်တင်ပို့ပါက တင်ပို့သည့် ကုန်ပစ္စည်းပမာဏအတွက် ပြည် ပမှတင်သွင်းခဲ့သော ကုန်ကြမ်း ပစ္စည်းများ၊ တစ်စိတ်တစ်ပိုင်း ထုတ်လုပ်ပြီးသော ပစ္စည်းများ အပေါ်၌ ကောက်ခံခဲ့သော အကောက်ခွန်ကိုဖြစ်စေ၊ အခြား ပြည်တွင်း အခွန်အကောက်ဖြစ် စေ၊ နှစ်မျိုးစလုံးကိုဖြစ်စေ ပြန် လည်ထုတ်ပေးမည်ဟု ဖော်ပြ ထားသည်။

ရင်းနှီးမြှုပ်နှံမှုများ ခွင့်ပြု ထားသည့် သက်တမ်းအတွင်း လုပ်ငန်းတိုးချဲ့ လုပ်ကိုင်မည်ဆို ပါကလည်း တိုးချဲ့မည့် ရင်းနှီးမြှုပ် နှံမှုအတွက် စက်ပစ္စည်းကိရိယာ များ၊ စက်အရန်ပစ္စည်းများ၊ လုပ် ငန်းသုံးစက်ပစ္စည်းများ၊ ပြည်တွင်း ၌ ဝယ်ယူရရှိနိုင်ခြင်းမရှိသော တည်ဆောက်ရေး ပစ္စည်းများတင်သွင်းလျှင် အကောက်အခွန်၊ အခြား ပြည်တွင်းအခွန်အကောက်များ ယင်းနှစ်မျိုးစလုံးကို ကင်းလွတ်ခွင့်၊ သက်သာခွင့်များပေးထားသည်။ ‘‘အခွန်သက်သာခွင့်တွေကင်းလွတ်ခွင့်ပေးတာ ကြိုဆိုပါတယ်။ ဒါမှ ရင်းနှီးမြှုပ်နှံမှုတွေ ဆက်တိုက် တက်လာနိုင်မှာဖြစ် တယ်’’ဟု မြန်မာနိုင်ငံ ကုန်သည် များနှင့် စက်မှုလက်မှု လုပ်ငန်းရှင် များအသင်းချုပ် ဒုတိယဥက္ကဋ္ဌ ဒေါက်တာမောင်မောင်လေးက ပြောသည်။

အခွန်ကင်းလွတ်ခွင့်၊ သက် သာခွင့်များ ပေးခြင်းနှင့်ပတ်သက် ၍ ပြည်တွင်း၊ ပြည်ပ ရင်းနှီးမြှုပ် နှံသူများ တိတိကျကျ သိရှိရန် ထုတ်ပြန်ပေးသင့်ကြောင်း ၎င်းက ပြောသည်။

Top News