ကာတာလန် အပါအဝင် တစ်နိုင်ငံလုံး အမျိုးသားနေ့ အခမ်းအနား ကျင်းပရန် စပိန်အစိုးရ စီစဉ်

ခွဲထွက်ရေး တောင်းဆို လှုပ်ရှားမှုများ ရှိနေသော်လည်း စပိန် အမျိုးသားနေ့ကို ကာတာလန်ဒေသ အပါအဝင် တစ်နိုင်ငံလုံး ပါဝင်ကျင်းပစေမည်ဟု စပိန်အစိုးရက အတည်ပြုခဲ့သည်။

၁၄၉၂ ခုနှစ်က အမေရိကမှ ခရစ္စတိုဖာ ကိုလံဘတ်စ် ပြန်လည် ရောက်ရှိမှုကို စပိန်အမျိုးသားနေ့ အနေဖြင့် သတ်မှတ်ခဲ့ပြီး အစိုးရ ရုံးများလည်း ပိတ်ပေးထားသည်။ ယခုနှစ်တွင် ကာတာလန် ဒေသ၌ စပိန်ထံမှ ခွဲထွက်ရေး လှုပ်ရှားမှုများ ပြင်းပြင်းထန်ထန် ဖြစ်ပေါ်နေသည့်နောက် အမျိုးသားနေ့ အခမ်းအနားများအပေါ်တွင်လည်း ရိုက်ခတ်မှုများ ရှိနေသည်။

ကာတာလန် ခွဲထွက်ရေး ကိစ္စသည် နှစ်ပေါင်း ၄၀ အတွင်း စပိန်၏ ဒီမိုကရေစီအပေါ် အကြီးမားဆုံး စိန်ခေါ် စမ်းသပ်မှု သဖွယ်လည်း ဖြစ်လာသည်။ အောက်တိုဘာ ၁ ရက်က ကာတာလန်တွင် ပြုလုပ်သည့် လူထုဆန္ဒ ခံယူပွဲ၌ မဲပေးသူ ၉၀ ရာခိုင်နှုန်းက စပိန်နှင့် ဆက်လက် ပေါင်းစည်းလိုခြင်း မပြုတော့ဟု ဆန္ဒမဲ ပေးခဲ့ကြသည်။ စပိန်အစိုးရကမူ ယင်းဆန္ဒခံယူပွဲမှာ တရားမဝင်သလို ကာတာလန်ကိုလည်း ခွဲထွက်စေမည် မဟုတ်ဟု ကြေညာထားသည်။

ကာတာလန်တွင်လည်း စပိန်မှ ခွဲမထွက်လိုသူများ ရှိနေပြီး အမျိုးသားနေ့ အောက်တိုဘာ ၁၂ ရက် အမျိုးသားနေ့ အခမ်းအနားအတွက် ကာတာလန် အလံများနှင့် စပိန်အလံများကို ပူးတွဲ လွှင့်ထူကာ စီစဉ် ပြင်ဆင်နေကြကြောင်း သိရသည်။

ထိုအတောအတွင်း စပိန်ဝန်ကြီးချုပ် မာရီယာနို ရာဂျွိုင်က ကာတာလန် အစိုးရ အနေဖြင့် လွတ်လပ်ရေး ကြေညာမည့် ကိစ္စနှင့် ပတ်သက်သော အစီအစဉ်များကို ငါးရက်အတွင်း ရှင်းရှင်းလင်းလင်း ပြတ်ပြတ်သားသား ဆောင်ရွက်ရန် တောင်းဆိုထားသည်။ အကယ်၍ လက်ရှိ နိုင်ငံရေး အကျပ်အတည်း ရှေ့မတိုးသာ နောက်မဆုတ်သာ အခြေအနေများ ဆက်လက် တည်ရှိနေမည် ဆိုပါက ကာတာလန်ကို စပိန်အစိုးရက တိုက်ရိုက် ကိုင်တွယ်အုပ်ချုပ်မှုမျိုး ဖြစ်လာမည်ဟုလည်း ခြိမ်းခြောက်ထားသည်။

ဝန်ကြီးချုပ် ရာဂျွိုင်က လွှတ်တော်တွင် မိန့်ခွန်း ပြောကြားခဲ့ရာ၌ စပိန်၏ ဒီမိုကရေစီသည သမိုင်းတလျှောက် အရေးအကြီးဆုံး သေရေးရှင်ရေး အခိုက်အတန့် တစ်ခုကို ဖြတ်သန်းနေရကြောင်း မှတ်ချက်ပေးသွားခဲ့သည်။

ဥရောပ သမဂ္ဂက စပိန်ပြဿနာတွင် တိုက်ရိုက်ကျကျ ပါဝင်မှု မရှိသော်လည်း အကယ်၍ ကာတာလန်သာ ခွဲထွက်မည် ဆိုပါက အဆိုပါ ဒေသကို သမဂ္ဂ၏ အဖွဲ့ဝင်အနေဖြင့် ထည့်စဉ်းစားဖွယ် မရှိတော့ဟု သတိပေးထားသည်။

Ref: BBC

Top News