ကင်ဆာရောဂါဆိုင်ရာ စိန်ခေါ်မှုများဖြေရှင်းရေး လေ့လာဆောင်ရွက်ရန် ရန်ကုန်မြို့ကို ရွေးချယ်

 ကမ္ဘာ့မြို့ကြီးများတွင် အရည်အသွေးပြည့်ဝသော ကင် ဆာရောဂါဝန်ဆောင်မှုကို အရှိန် မြှင့်တင်ဆောင်ရွက်မည့် စီမံကိန်း ၌ ရန်ကုန်မြို့ ရွေးချယ်ခံရကြောင်း ရန်ကုန်တိုင်းဒေသကြီးအစိုးရ အဖွဲ့ဝင်လူမှုရေးဝန်ကြီး ဦးနိုင်ငံလင်းက ပြောကြားသည်။

အောက်တိုဘာ ၁၂ ရက်က ရန်ကုန်မြို့ ချက်ထရီယမ်ဟိုတယ် တွင် ကင်ဆာရောဂါစီမံကိန်းနှင့် ပတ်သက်၍ ကျန်းမာရေးနှင့် အားကစားဝန်ကြီးဌာနနှင့် နိုင်ငံ တကာကင်ဆာထိန်းချုပ်ရေးအဖွဲ့ (UICC)တို့ နားလည်မှုစာချွန်လွှာ လက်မှတ်ရေးထိုးပွဲ၌ လူမှုရေးဝန်ကြီးက ပြောကြားခြင်းဖြစ်သည်။


‘‘မြို့ကြီးတွေမှာ ရင်ဆိုင်ကြုံ တွေ့နေရတဲ့ ကင်ဆာရောဂါ စိန် ခေါ်မှုတွေကို အတူတကွ ရင်ဆိုင် ဖြေရှင်းနိုင်ဖို့ နိုင်ငံတကာ ကင် ဆာထိန်းချုပ်ရေးအဖွဲ့ (UICC) က ကမ္ဘာ့နိုင်ငံတွေမှာ လုပ်ဆောင် နေတဲ့ အစီအစဉ်တစ်ခုပါ။ ဒါက ရန်ကုန်မြို့အနေနဲ့ ပထမဆုံး သော လေ့လာဆန်းစစ်မယ့် စီမံ ကိန်းသုံးမြို့နယ်ထဲမှာ ပါဝင်ခဲ့ တာပါ။ ဒီစီမံကိန်းက ရန်ကုန်မှာ နေထိုင်နေတဲ့ မြို့တော်သူမြို့ တော်သားတွေရဲ့ ကျန်းမာရေး စောင့်ရှောက်မှုကဏ္ဍကို တစ် ထောင့်တစ်နေရာက အကျိုးပြု နိုင်လိမ့်မယ်လို့ ယူဆပါတယ်’’ဟု ဝန်ကြီးက ပြောသည်။

ယင်းအစီအစဉ်သည် နိုင်ငံ တကာကင်ဆာထိန်းချုပ်ရေးအဖွဲ့ (UICC) က ကမ္ဘာ့မြို့ကြီးပေါင်း နှစ်ရာကျော်၌ စီမံကိန်းချမှတ်ဆောင်ရွက်နေခြင်းဖြစ်သည်။ အဆိုပါမြို့ကြီးများအနက် ကနဦးလေ့လာဆန်းစစ်မည့် နိုင်ငံသုံးနိုင်ငံဖြစ်သည့် မြန်မာနိုင်ငံမှ ရန်ကုန်မြို့၊ ကိုလံဘီယာနိုင်ငံမှ ကာလီမြို့နှင့် ပါရာဂွေးနိုင်ငံမှ အဆန်ရှန်မြို့တို့ရွေးချယ်ခံရခြင်းဖြစ်သည်။

ထိုသို့ ရွေးချယ်ရာတွင် လူဦးရေတစ်သန်းအထက်ရှိသည့် မြို့ကြီးများကို ရွေးချယ်ခြင်းဖြစ်၍ မြို့ပြတွင် လူဦးရေ တိုးပွားလာ သည်နှင့်အမျှ ကျန်းမာရေးစိန်ခေါ် မှုများ ရင်ဆိုင်လာရသဖြင့် ကျန်း မာရေးဝန်ဆောင်မှုများကို ပိုမို ကျယ်ပြန့်စွာ ရရှိနိုင်ရန် ရည်ရွယ် ရွေးချယ်ခြင်းဖြစ်သည်။

 အဆိုပါမြို့ကြီးများသည် ကင်ဆာရောဂါနှင့် သက်ဆိုင် သော ဝန်ဆောင်မှုလုပ်ငန်း၏ လို အပ်ချက်များကို သေချာနားလည် အောင် ဆန်းစစ်လေ့လာ၍ တွေ့ ရှိချက်များအပေါ်မူတည်ကာ ဖြေ ရှင်းလုပ်ဆောင်မည်ဖြစ်ပြီး စံနမူ နာမြို့ကြီးများအဖြစ် ဆောင်ရွက် ရမည်ဖြစ်သည်။

ယင်းစီမံကိန်းအရ ၂၀၂၅ တွင် ကင်ဆာရောဂါကြောင့် အချိန်မတိုင်မီ သေဆုံးနှုန်းကို ၂၅ ရာခိုင်နှုန်း လျှော့ချနိုင်မည်ဖြစ် သည်။ စီမံကိန်းကာလမှာ ၂၀၁၇ မှ ၂၀၂၅ အထိဖြစ်သည်။

  ‘‘ရောဂါကုသရေးတွေ၊ ဓာတ်ရောင်ခြည်ကုသမှုတွေ၊ ဆေးသွင်းကုသမှုတွေနဲ့ မှတ်တမ်း ထားရှိတာတွေကို ဦးစားပေးအစီ အစဉ်နဲ့ ဆောင်ရွက်မယ်။ ကဏ္ဍ ပေါင်းစုံက ကျွမ်းကျင်ပညာရှင် တွေနဲ့ပါ။ ဒါဆို ကင်ဆာရောဂါ ဖြစ်ပွားသေဆုံးတာတွေ လျှော့ချ နိုင်မယ်လို့ ယုံကြည်ပါတယ်’’ ဟု ပြည်သူ့ကျန်းမာရေးဦးစီးဌာန ညွှန်ကြားရေးမှူးချုပ် ဒေါက်တာ သာထွန်းကျော်ကပြောသည်။