အင်းစိန်ဂျီတီအိုင်အပါအဝင် စက်မှုလက်မှုသိပ္ပံကျောင်းများနှင့် အစိုးရနည်းပညာကောလိပ်များ ဝင်ခွင့်စတင်ခေါ်ယူ

ကိုလိုနီခေတ်ဟောင်းအဆောက်အအုံအဖြစ် သတ်မှတ်ထားသည့် အင်းစိန်ဂျီတီအိုင်ကျောင်း(ဓာတ်ပုံ−ကျော်ဇင်သန်း)

အင်းစိန်ဂျီတီအိုင် ကျောင်းအပါအဝင် တစ်နိုင်ငံလုံးရှိ အစိုးရစက်မှုလက်မှုသိပ္ပံကျောင်းများနှင့် အစိုးရနည်းပညာ ကောလိပ်များ တက်ရောက်လိုပါက ဝင်ခွင့်လျှောက်လွှာများကို အောက်တိုဘာ ၁၉ ရက်ကစကာ သက်ဆိုင်ရာကျောင်းများတွင် ထုတ်ယူလျှောက်ထားနိုင်ကြောင်း ပညာရေးဝန်ကြီးဌာနက အောက်တိုဘာ ၁၂ ရက်၌ ကြေညာသည်။

အင်းစိန်၊ ရွှေပြည်သာ၊ ပူတာအို၊ ဟားခါး၊ မော်လမြိုင်၊ သံတွဲ၊ ကျောက်ဖြူ၊ မန္တလေး၊ ကျောက်ပန်းတောင်း၊ ကျောက် ဆည်၊ ပြင်ဦးလွင်၊ ကန့်ဘလူ၊ ခန္တီး၊ ဂန့်ဂေါ၊ ချောက်၊ ရေနံ ချောင်း၊ သရက်၊ မကွေး၊ လက်ပံ တန်း၊ ဝါးခယ်မ၊ လပွတ္တာ၊ ကျိုက် လတ်မြို့တို့ရှိ အစိုးရစက်မှုလက် မှုသိပ္ပံကျောင်းများနှင့် မိုးညှင်း၊ မြင်းခြံ၊ ရွှေဘိုမြို့တို့ရှိ အစိုးရ နည်းပညာကောလိပ်များတွင် A.G.T.I သုံးနှစ်သင်တန်းများ ဖွင့် လှစ်မည်ဖြစ်ပြီး တက္ကသိုလ်ဝင် စာမေးပွဲကို သင်္ချာ၊ ရူပဗေဒ၊ ဓာတုဗေဒများပါဝင်သော ဘာ သာတွဲဖြင့် အောင်မြင်သူများ လျှောက်ထားနိုင်သည်။


 အဆိုပါသင်တန်းကျောင်း များတွင် မြို့ပြအင်ဂျင်နီယာ၊ အီလက်ထရွန်နစ်အင်ဂျင်နီယာ၊ လျှပ်စစ်စွမ်းအားအင်ဂျင်နီယာ၊ စက်မှုအင်ဂျင်နီယာ၊ သုတနည်း ပညာ၊ စက်မှုလုပ်ငန်းအင်ဂျင်နီ ယာ ဘာသာရပ်သင်တန်းများ ပို့ချမည်ဖြစ်ပြီး အချို့ကျောင်းများ တွင် အခြေအနေအရ ဘာသာရပ် အားလုံး ပို့ချနိုင်မည်မဟုတ် ကြောင်း နည်းပညာ၊ သက်မွေး ပညာနှင့် လေ့ကျင့်ရေးဦးစီးဌာန က ကြေညာထားသည်။

‘‘ဒီအချိန်ခေါ်နေကျပါပဲ။ အောက်တိုဘာခေါ်ပြီး ဒီဇင်ဘာ ကျောင်းစတက်ပေါ့။ သင်တန်း သားအရေအတွက်ကတော့ ကျောင်းတစ်ကျောင်းနဲ့ တစ် ကျောင်း မတူဘူး။ လက်ခံနိုင်တဲ့ အရေအတွက်ပေါ်မူတည်တယ်။ အင်းစိန်ကတော့ ၂၀၀ ဦးခေါ်ဖို့ လျာထားတယ်’’ဟု နည်းပညာ၊ သက်မွေးပညာနှင့် လေ့ကျင့်ရေး ဦးစီးဌာန ညွှန်ကြားရေးမှူးတစ်ဦးက ပြောသည်။

ကျန်းမာရေးကောင်းမွန်ကာ လက်တွေ့လုပ်ငန်းခွင်နှင့် စက်ရုံ၊ ကုမ္ပဏီများသို့ ကွင်းဆင်းဆောင် ရွက်နိုင်ရမည်ဖြစ်ပြီး တက္ကသိုလ် ဝင်စာမေးပွဲတွင် အင်္ဂလိပ်စာနှင့် သင်္ချာရမှတ်ပေါင်းပေါ် မူတည် ကာ သင်တန်းသားစိစစ်လက်ခံ မည်ဖြစ်သည်။

A.G.T.I သုံးနှစ်သင်တန်း ပြီးဆုံးပါက ဒီပလိုမာပေးအပ်မည် ဖြစ်ပြီး သတ်မှတ်အရည်အချင်း ကိုက်ညီပါက နည်းပညာတက္က သိုလ် တတိယနှစ်သို့ ပေါင်းကူး တက်ရောက်ခွင့်ပြုမည်ဖြစ်သည်။

 သင်တန်းဝင်ခွင့်လျှောက် လွှာများကို နိုဝင်ဘာ ၁၀ ရက် နောက်ဆုံးထားလျှောက်ရမည်ဖြစ်ပြီး ဒီဇင်ဘာအတွင်း သင် တန်းများ စတင်ဖွင့်လှစ်မည်ဖြစ် သည်။