ဇနီးလောင်းဇာတိမြို့မှာ မင်္ဂလာပွဲကျင်းပမယ့် ကြာစိ

 ဖိုက်စတားလူရွှင်တော် အဖွဲ့မှ လူရွှင်တော်ကြာစိ၏မင်္ဂ လာဧည့်ခံပွဲကို ဇနီးလောင်းဇာတိ ဖြစ်သော အေးသာယာမြို့၌ အောက်တိုဘာ ၁၄ ရက်တွင် ပြု လုပ်မည်ဖြစ်သည်။

‘‘ရိုးရိုးရှင်းရှင်း မင်္ဂလာပွဲ လေးပါပဲ။ လုပ်မယ့် နေရာက တော့ အေးသာယာဂေါက်ကွင်း မှာပါ။ ဖျော်ဖြေရေးအစီအစဉ်က ကျွန်တော်တို့ဖိုက်စတားအဖွဲ့က လာတဲ့ ပရိသတ်တွေကို ဟာသ လေးတွေပြောမယ်။ သီချင်းဆိုမယ်။ နောက်ပြီး ဒီကိုရောက်နေတဲ့ အနုပညာမောင်နှမတွေလည်း လာကြမယ်’’ဟု ၎င်း၏မင်္ဂလာပွဲ အစီအစဉ်ကို ကြာစိက ပြော သည်။

ပျော်ရွှင်သည့် အိမ်ထောင် ရေးဖြစ်ရန် တစ်ဦးနှင့်တစ်ဦး နား လည်မှုပေးပြီး ယုံကြည်မှုဖြင့် လက်တွဲမည်ဖြစ်ကြောင်း ၎င်းက ဆိုသည်။

ကြာစိနှင့် ချစ်သူ ဆုဟန်နီဖြိုး သည် လွန်ခဲ့သည့် သုံးနှစ်ခန့်က တောင်ကြီးမြို့ရှိ အလှူတစ်ခုတွင် ဆုံတွေ့ခဲ့ပြီး ချစ်သူသက်တမ်း ၂ နှစ်ရှိပြီဖြစ်ကာ ချစ်သူနှစ်ဦး၏ မင်္ဂလာအကြိုဓာတ်ပုံများ လူမှုကွန်ရက်၌ ပျံ့နှံ့ခဲ့ရာ ပရိသတ်များ က ၎င်းတို့အတွက် ဆုတောင်း ပေးခဲ့သည်။

ထို့ပြင် မင်္ဂလာပွဲပြုလုပ် သည့်နေ့၌ ဒါရိုက်တာ ကျော်ဇော လင်းနှင့် အောင်ပန်းတွင် ရုပ်ရှင် ရိုက်ကူးရေး လက်ခံထားသော ကြောင့် မင်္ဂလာပွဲပြီးသည်နှင့် ရိုက်ကွင်းသို့ သွားရမည်ဟု ကြာစိက ဆိုသည်။

‘‘မင်္ဂလာဆောင်တဲ့ နေ့ လည်း ရိုက်ရမှာဆိုတော့ မင်္ဂလာ ဆောင်ပြီး ချက်ချင်း မင်္ဂလာဦးည မတိုင်ခင် အောင်ပန်းကို ဆင်းပြီး ရိုက်ရမှာ’’ဟု   ကြာစိက   ပြော သည်။

ချစ်သူ ဆုဟန်နီဖြိုးကို ရုပ် ရှင်ဇာတ်ကားရိုက်ကူးရန် ကမ်း လှမ်းမှုများရှိသော်လည်း လုပ်ဖြစ် မည်မဟုတ်ကြောင်း ၎င်းက ဆို သည်။

‘‘သူက ဝါသနာမပါဘူး။ မလုပ်ရဲဘူး။ ကျွန်တော်ကိုယ်တိုင် ကလည်း မလုပ်စေချင်ဘူး။ ပင် ပန်းမှာစိုးလို့ရယ်၊ အနုပညာလော ကထဲကို မရောက်စေချင်ဘူး’’ ဟု ကြာစိက ၎င်း၏ဇနီးလောင်းနှင့် ပတ်သက်၍ ခံစားမှုကို ပြောသည်။

Top News