သြစတြေးလျအခြေစိုက် Woodside ရေနံကုမ္ပဏီ ရခိုင်မြောက်ပိုင်းရှိ လုပ်ကွက်ကို တင်ဒါတင်သွင်းမှုရွှေ့ဆိုင်း

မြန်မာ့ကမ်းလွန်မှ ရေနံနှင့်သဘာဝဓာတ်ငွေ့လုပ်ကွက်များနှင့် A-6 လုပ်ကွက်ပြမြေပုံ (energy-pedia.com)

ရခိုင်ကမ်းလွန်ရှိ ရေနံ နှင့် သဘာဝဓာတ်ငွေ့တူးဖော်ရှာ ဖွေရေးလုပ်ငန်းများ ကနဦးရလဒ် ကောင်းများ ထွက်ပေါ်လာခြင်း မရှိခြင်းကြောင့် ဩစတြေးလျ ရေနံကုမ္ပဏီကြီးဖြစ်သည့် Wood-side က တင်ဒါ တင်သွင်းမှုကို ၂၀၁၈ အထိ ရွှေ့ဆိုင်းခဲ့ကြောင်း ရိုက်တာသတင်းတစ်ရပ်တွင် ဖော်ပြသည်။

Woodside ကုမ္ပဏီသည် ဧရာဝတီကမ်းလွန်ရှိ A-6 လုပ် ကွက်ကို ရှာဖွေပြီးနောက် ရခိုင် မြောက်ပိုင်းရှိ AD-7 လုပ်ကွက် ကို သဘာဝဓာတ်ငွေ့အမြောက် အမြား ထွက်မည်ဟု မျှော်လင့် ထားခြင်းမရှိသောကြောင့် ထိုသို့ ရွှေ့ဆိုင်းခြင်းဖြစ်ကြောင်း အဆိုပါသတင်းတွင် ဖော်ပြထားသည်။‘‘သဘာဝဓာတ်ငွေ့ မရှာတော့ဘူး’’ ဟု Woodside ကုမ္ပဏီက AD-7 လုပ်ကွက်နှင့် ပတ်သက်ပြီး ပြောသည်။

လျှပ်စစ်နှင့် စွမ်းအင်ဝန်ကြီး ဌာန ဒုတိယ အမြဲတမ်းအတွင်း ဝန် ဦးဌေးအောင်က အဆိုပါကိစ္စ နှင့်ပတ်သက်ပြီး ကုမ္ပဏီက ဝန် ကြီးဌာနနှင့် ဆက်သွယ်ဆောင် ရွက်လာခြင်း မရှိသေးကြောင်း ပြောသည်။

၂၀၁၇ အတွင်း ရေနံရှာဖွေ ရေးနှင့်ပတ်သက်ပြီး လုပ်ငန်းများ ပြီးဆုံးပြီဖြစ်၍ ၂၀၁၈ တွင် လုပ်ငန်းဆက်လက်လုပ်ကိုင်မည်ဟုလည်း ကုမ္ပဏီက ဆိုထားသည်။ ကုမ္ပဏီအနေဖြင့် သဘာဝ ဓာတ်ငွေ့ရှာဖွေရာတွင် A-6 လုပ်ကွက်၌ အောင်မြင်မှုများ ရှိခဲ့သည်ဟု Woodside ကုမ္ပဏီ အမှုဆောင်အရာရှိချုပ် ပီတာကိုးလ်မန်းက ပြောသည်။

  လက်ရှိ ပြည်တွင်းတွင် Woodside နှင့် အကျိုးတူပူးပေါင်း လုပ်ဆောင်နေသည့် MPRL E & Pကုမ္ပဏီက တင်ဒါရုပ်သိမ်းမှုနှင့် ပတ်သက်၍ ဆက်လက်လုပ် ဆောင်မှုအခြေအနေကို မကြာမီထုတ်ပြန်မည်ဟု ယင်းကုမ္ပဏီ၏ အမှုဆောင် ဒါရိုက်တာ ဦးတင့် ဆွေက ပြောသည်။

‘‘ဒီကုမ္ပဏီက သူ့ဘာသာ တင်ဒါရထားတာတွေရှိပါတယ်။ သူတို့ရပ်တာ သတ်သတ်ပါ။ ကျွန် တော်တို့ကုမ္ပဏီနဲ့ သက်ဆိုင်တာ တော့ မကြာခင် ထုတ်ပြောပါ မယ်’’ဟု ၎င်းက ဆက်လက်ပြော ကြားသည်။

Woodside ကုမ္ပဏီသည် AD-7 ကမ်းလွန်လုပ်ကွက်ကို Posco-Daewoo ကုမ္ပဏီနှင့် ပူးတွဲလုပ်ဆောင်ရန်  တင်ဒါ အောင်ထားခြင်းဖြစ်သည်။ ထို့အ ပြင် Woodside ကုမ္ပဏီသည် ရခိုင်ကမ်းလွန်၊ ဧရာဝတီကမ်းလွန်တို့ တွင် AD-2, A-4, A-6, A-7, AD-5 လုပ်ကွက်များကို စမ်းသပ်ရှာဖွေခွင့်ရရှိထားသည်။

Posco Daewoo ကုမ္ပဏီက အဆိုပါလုပ်ကွက်နှင့် ပတ်သက် ပြီး ပြောင်းလဲမှုမရှိဘဲ ဆက်လက်လုပ်ကိုင်မည်ဟု ဆိုသည်။

အဆိုပါ AD-7 လုပ်ကွက် သည် ပဋိပက္ခ ဖြစ်ပွားနေသည့် ရခိုင်ပြည်နယ် မြောက်ပိုင်းနှင့် အနီးဆုံးတွင် တည်ရှိနေသည်။