လမ်းထိပ်က ဘိုလင်မယားနှင့် အခြားဝတ္ထုတိုများ (မောင်အောင်မွန်)

ဝတ္ထုတိုအရေးကောင်းသော စာရေးဆရာ မောင်အောင်မွန်၏ ၀တ္ထုတိုစုစည်းမှုစာအုပ်ထွက်လာ သည်။ စာအုပ်တွင် ၀တ္ထုတိုစုစုပေါင်းအပုဒ် ၂၀ ပါဝင်ပြီး အားလုံးလိုလိုမှာ မဂ္ဂဇင်းစာမျက်နှာများပေါ် ဖြတ်သန်းခဲ့သော ၀တ္ထုများဖြစ်ပါသည်။ 


ယခုအခါ အမေရိကန်နိုင်ငံ ဗာဂျီးနီးယားပြည် နယ်တွင် ရောက်ရှိနေသော စာရေးဆရာ မောင် အောင်မွန်သည် တစ်ခေတ်တစ်ခါက မဂ္ဂဇင်းများ၌ ၀တ္ထုတိုအများအပြား ရေးသားခဲ့ရာ ပုဒ်ရေ ၁၀၀ ကျော်ရှိကြောင်း သိရသည်။ ယင်းတို့အနက် SMART စာပေက လက်လှမ်းမီရာစုစည်းခဲ့ရာယခုစာအုပ်ပေါ် ထွက်လာခြင်းဖြစ်ပေသည်။ အဆိုပါဝတ္ထုတိုများသည် မဂ္ဂဇင်းတစ်ခေတ်ဖြစ်သော ၁၉၆၀ ၀န်းကျင်မှ ၁၉၉၀ ပြည့်နှစ်မတိုင်မီ နှစ်ပေါင်း ၃၀ အတွင်း ရေးသားခဲ့ သည့် ၀တ္ထုများဖြစ်၍ ယခုခေတ်နှင့်နှိုင်းယှဉ်ဖတ်ရှုပါ က ခေတ်နောက်ကျနိုင်သည်ဟု ယူဆနိုင်သော်ငြား မောင်အောင်မွန်၏၀တ္ထုများသည် ခေတ်ကာလနှင့်တိုက်ရိုက်သက်ဆိုင်မှုမရှိသော လူများ၏ အကျင့် စရိုက်နှင့် သဘာဝကို ဖော်ကျူးထားသည်ဖြစ်၍ခေတ်မီနေသေးကြောင်း သတိထားမိပါမည်။

ရုရှားဝတ္ထုတိုဆရာချက်ကော့ဗ်ကို လေးစား အားကျပြီး ချက်ကော့ဗ်၏ ရေးဟန်အတိုင်း ဇာတ် ကောင်နှင့် အဖြစ်အပျက်တို့ချည်းသာ ဦးစားပေးရေး လေ့ရှိသော မောင်အောင်မွန်၏ ၀တ္ထုတိုများသည် စာရေးဆရာက ၀င်ရောက်ပြောဆိုချက် နည်းပါးပါ သည်။ ထို့အတူ ၀တ္ထုတစ်ပုဒ်ဆုံးလျှင် စာဖတ်သူလိုသလို တွေးခေါ်နိုင်အောင် အပိုင်းအစများ ချန်ထား လေ့ရှိကြောင်း တွေ့ရသည်။ 

အလုပ်ရှင် ကလေးတစ်ယောက်အဖေ မုဆိုးဖို နှင့် သူ၏၀န်ထမ်း အပျိုကြီးတို့ကြား သံယောဇဉ်ရစ် ပတ်နှောင်တွယ်မိပုံကို ဖွဲ့ထားသော ချစ်လမ်းဆုံ၊ ချစ်လမ်းကြား ၌.....

‘‘အေးလို့ မသူ ဆွယ်တာဝတ်ပါရစေ ဆရာ’’

သူက ဆွယ်တာလေးမပေးဘဲ သူဝတ်ထားသော ဂျာကင်အင်္ကျီချွတ်ကာ မသူကို ၀တ်ပေးသည်။ မောင် စိန်ကြည်တို့ စထားသော သရဲကိုလည်း မသူ တကယ် ကြောက်နေမိသည်။ ထို့ကြောင့် သူရှေ့ကနေ ခြေ လှမ်းကျဲကြီးနှင့် သွားရာနောက်သို့ အမီလိုက်နိုင်မည် မထင်။ မသူကိုယ်တိုင်ကလည်း ရှေ့ကနေမသွားရဲ။ ထိုအကြောင်း ပြောလိုက်မိသောအခါ နှစ်ယောက် သားယှဉ်ကာ လျှောက်လာမိ၏။

မှောင်စပြုလာသော နေရာသို့အရောက်တွင် မသူ၏ဘယ်လက်ကို သူ့ညာလက်က လှမ်းကိုင်လိုက် သည်။ မသူ မရုန်းမိ။ သူ့လက်ဖ၀ါးက ဆုပ်လိုက် သောအခါ ပြန်ဆုပ်ထားမိသည်။ လမ်းကွေ့လေးသို့ ရောက်သောအခါ ကိုယ်ချင်းပိုထိလာရ၏။ ခြေလှမ်း များနှေးလာကြ၏။

မသူ၏ ဘယ်လက်ကို သူ့ဘယ်လက်ထဲသို့ ပြောင်းထည့်ပြီး...သူ့ညာလက်က မသူ၏ခါးကို သိုင်း ဖက်လိုက်ပြီး သူက ဘာစကားမှမပြော။ မသူက လည်း ဘာမှမပြောမိ။ အိမ်ပြန်လာပြီး မိုးသာလင်း သွားရော...’’ဟု ရေးထားသည်။ စာအုပ်ခေါင်းစဉ် လမ်းထိပ်က ဘိုလင်မယား ၀တ္ထုတွင် ဘိုဆန်ချင်လွန်း သော ကပြားလင်မယားနှစ်ဦးအကြောင်းကို.....

‘‘မစ္စတာမက္ကဒေါ်နယ်လ်ဆိုသူမှာလည်း စာရေး ဆို၍ရသော လခမှာလည်း အင်မတန်နည်းသည်။ မြန်မာပြည်တွင် မြန်မာလိုနေ မြန်မာလိုစားပါကကောင်းကောင်းနေနိုင်မည် ဖြစ်သော်လည်း ခုတော့ သူတို့စားချင်သော အစာ၊ ၀တ်ချင်သော အ၀တ်၊ နေချင်သော နေရာတို့ကား ရသောလခနှင့် လားလားမျှ မနီးစပ်။ ထို့ကြောင့် ကြံရဖန်ရသည်။

မုန်လာဥ၊ နိုကိုဥတို့အစား ဂေါ်ရခါးသီး၊ ဘဲဥကို ကြက်ဥနေရာတွင် သုံး၊ သိုးသားအစား ငါးရံ့ကိုပြုတ်၊ ပူတင်းဖုတ်သည့်နေရာတွင် ဂျုံမှုန့်နုမ၀ယ်နိုင်သော ကြောင့် ဆန်ကို အစားထိုးနှင့် ဖြစ်သလို စားသောက် ကြရသည်။ စကော့တလန်သွေးမကင်းသော မာဂ ရက်လည်း မစ္စတာမက္ကဒေါ်နယ်လ်အတိုင်း လိုက်ပြီး မာနကြီးရသည်။ ဓလေ့ထုံးစံအတိုင်း နေထိုင်စား သောက်သွားမည်။ ဘယ်တော့မှ မဖျက်။

...ကြက်တစ်ကောင်လုံး မ၀ယ်နိုင်သောကြောင့် တစ်စိတ်လောက်ဝယ်ပြီး အချို့ကိုကြော်၊ အရိုးများ ကို စွပ်ပြုတ်လုပ်သောက်ခြင်းဖြင့် သုံးနပ်စာလောက် တော့ ဖူလုံသွား၏။ အရသာရှိဖို့ထက် လူအထင်ကြီး စေရန် အရေးကြီးသည်။ အင်္ဂလန်ပြည်လုပ် ခရမ်းချဉ် သီး ဆော့(စ်)ပုလင်းထဲသို့ ပြားရှစ်ဆယ်တန် တရုတ် တန်းလုပ် ငရုတ်ရည်တို့ ထည့်ထားခြင်းလည်း မရှား’’ ဟု သရော်ဟန်ပါပါ ဖွဲ့ထားသည်။ ယခုစာအုပ်ကို တန်ဖိုး ၃,၀၀၀ ကျပ်ဖြင့် ဖြန့်ချိပါသည်။