ဘင်္ဂလားဒေ့ရ်ှပေးသည့် ဆန်ဈေးနှုန်း ပြည်တွင်းကုန်သည်များ အကျိုးအမြတ်နည်းဟုဆို

ဘင်္ဂလားဒေ့ရ်ှသို့ လာမည့်နိုဝင်ဘာတွင် ဆန်တန်ချိန်တစ်သိန်း တင်ပို့နိုင်ရန် မျှော်မှန်းထားသည်။ (ဓာတ်ပုံ − ဂျေမောင်မောင်(အမရပူရ))

ဘင်္ဂလားဒေ့ရ်ှနိုင်ငံက အစိုးရချင်း သဘောတူညီမှုဖြင့် ဝယ်ယူသည့် ဆန်တန်ချိန် တစ်သိန်းအတွက်ဈေးနှုန်းသတ်မှတ်ချက်သည် ပြည်တွင်းဆန်ကုန်သည်များအတွက် အကျိုးအမြတ်နည်းကြောင်း မြန်မာနိုင်ငံ ဆန်စပါးအသင်းချုပ် တွဲဖက်အတွင်းရေးမှူး ဦးနေလင်းဇင်ကပြောသည်။

မြန်မာနိုင်ငံမှ အရည်အသွေး ငါးမှတ် (အကျိုးအကြေ ၅ ရာခိုင် နှုန်း) သတ်မှတ်ထားသည့် ဆန် တစ်တန်လျှင် ဘင်္ဂလားဒေ့ရ်ှနိုင်ငံ ဆိပ်ကမ်းအရောက် ၄၄၂ ဒေါ်လာ ဈေးသတ်မှတ်သည်။

ပြည်တွင်း၌တန်းမြင့်ဆန်အမျိုးအစားဖြစ်သော ဆန်တစ်တန်၏ ဈေးနှုန်းသည် ဒေါ်လာ ၃၇၀ကျော်ဈေးရှိပြီး ဘင်္ဂလားဒေ့ရ်ှနိုင်ငံ ဆိပ်ကမ်းအရောက် ကုန်ကျစရိတ်ပါဝင်ပါက ဆန်တစ်တန်အတွက် အနည်းဆုံး ဒေါ်လာ ၄၃၀ ကျော် ကုန်ကျနိုင်ကြောင်း ဘုရင့်နောင်မှ ဆန်ကုန်သည်တစ်ဦးက ပြောသည်။

ထို့ကြောင့် ဘင်္ဂလားဒေ့ရ်ှမှ ဝယ်ယူသည့် ဆန်တန်ချိန်တစ် သိန်းအတွက် ဈေးသတ်မှတ်ချက်သည် ပြည်တွင်းဆန်ဈေးကွက် ပေါက်ဈေးဖြင့် နှိုင်းယှဉ်ပါက ကုန်သည်များ အကျိုးအမြတ်နည်း ကြောင်း ဦးနေလင်းဇင်က ပြော သည်။

တရုတ်နိုင်ငံက နယ်စပ်ကုန်သွယ်ရေးဖြင့် တန်းမြင့်ဆန်များကို တစ်ရက်လျှင် အိတ်ရေနှစ်သောင်းခန့် ဝယ်ယူနေပြီး ဆန်တစ်အိတ်ဈေးနှုန်း ကျပ်နှစ်သောင်းငါး ထောင်ခန့်ရှိနေကာ ပြည်တွင်းပေါက်ဈေးနှင့်ယှဉ်ပါက များစွာကွာဟခြင်းမရှိကြောင်း ဆန်ကုန်သည်များက ပြောသည်။

ဘင်္ဂလားဒေ့ရ်ှနိုင်ငံဆိပ်ကမ်းအရောက် မြန်မာနိုင်ငံမှ ဆန်တစ်တန်အတွက် ကုန်ကျစရိတ်သည် ဒေါ်လာ ၅၀ ခန့်ရှိပြီး လက်ရှိပြည်တွင်း ပေါက်ဈေးဖြင့်တွက်ပါက ကုန်သည်များအတွက် အကျိုးအ မြတ်နည်းကြောင်း ၎င်းကပြော သည်။

၂၀၁၆ ၌ ဘင်္ဂလားဒေ့ရ်ှနိုင်ငံတွင် မိုးခေါင်ခြင်း၊ ရေကြီးခြင်းတို့ ကြောင့် စားနပ်ရိက္ခာလျော့နည်း နေသဖြင့် ပြည်ပသို့ ဆန်စပါးတင်ပို့ရောင်းချနေသည့် မြန်မာနိုင်ငံ အပါအဝင် ထိုင်း၊ ဗီယက်နမ်၊ ကမ္ဘောဒီးယားနိုင်ငံတို့မှ ဆန်ဝယ် ယူရန် ကြိုးစားနေကြောင်း ဦးနေ လင်းဇင်က ပြောသည်။

ထို့ကြောင့် မြန်မာနိုင်ငံမှ ဆန်တန်ချိန်သုံးသိန်းကို ယခုဘဏ္ဍာနှစ်အတွင်း ဝယ်ယူရန် စက်တင်ဘာ ၇ ရက်၌ နှစ်နိုင်ငံကုန်သွယ်ရေးဝန်ကြီးတို့ နားလည်မှုစာချွန်လွှာလက်မှတ်ရေးထိုးခဲ့သည်။

နားလည်မှုစာချွန်လွှာအရ ဆန်တန်ချိန်တစ်သိန်းကို စတင်ဝယ်ယူပြီး နိုဝင်ဘာတွင်တင်ပို့နိုင် မည်ဟု မျှော်မှန်းထားကြောင်း ဦးနေလင်းဇင်က ပြောသည်။

ဘင်္ဂလားဒေ့ရ်ှနိုင်ငံသို့ဆန် ရောင်းချရန် မြန်မာနိုင်ငံဘက်မှ ကမ်းလှမ်းသည့် ဈေးသည်တစ်တန်လျှင် ဒေါ်လာ ၄၅၀ ဖြစ်သော်လည်း ညှိနှိုင်းမှုအရတစ်တန်လျှင် ၄၄၂ ဒေါ်လာသို့ ဈေးလျှော့ခြင်း ဖြစ်သည်။