ဘေဂျင်းတွင် တရုတ် အာဏာရ ကွန်မြူနစ်ပါတီ ညီလာခံ စတင်ကျင်းပ

တရုတ်၏ အကြီးမားဆုံး နိုင်ငံရေး အစည်းအဝေးဟု ဆိုရမည့် ကွန်မြူနစ်ပါတီ ညီလာခံကို ဘေဂျင်းမြို့တော်တွင် စတင် ကျင်းပနေကြောင်း သိရသည်။


အောက်တိုဘာ ၁၈ ရက် ညီလာခံကို တရုတ်သမ္မတ စီကျင်းပင်က ဦးဆောင်ကျင်းပခဲ့ပြီး နယ်ပယ်ဒေသ အသီးသီးမှ ကိုယ်စားလှယ် ၂၀၀၀ ကျော်ကို မိန့်ခွန်း ပြောကြားခဲ့သည်။ အာဏာရ ပါတီ၏ ၁၉ ကြိမ်မြောက် ညီလာခံ ကျင်းပနေချိန်တွင် ဘေဂျင်း၌ လုံခြုံရေးကို အဆင့်မြှင့်တင် ကြပ်မတ်ထားခဲ့သည်။

ပါတီ၏ အမျိုးသား ညီလာခံကို တစ်ပတ်ကြာ ကျင်းပသွားမည်ဟု သိရသည်။ အဆိုပါ တံခါးပိတ် ဆွေးနွေးမှု အစီအစဉ်များကို ငါးနှစ်တစ်ကြိမ် ပုံမှန် ပြုလုပ်လေ့ ရှိသည်။ အဓိကအားဖြင့် နိုင်ငံခေါင်းဆောင် နေရာအတွက် ပါတီက ရွေးချယ် ဆုံးဖြတ်ရန်နှင့် လာမည့်သက်တမ်း ငါးနှစ်တာအတွက် ပါတီလုပ်ငန်းစဉ်များကို စုပေါင်း ဆွေးနွေးလေ့ရှိသည်။

၂၀၁၂ ညီလာခံ အပြီးတွင် သမ္မတ ဖြစ်လာသည့် စီသည် ပါတီအတွင်းပိုင်းတွင် ဩဇာကြီးမားစွာ ဖြန့်ကျက်ထားသောကြောင့် သမ္မတအဖြစ် ဆက်ရှိနေမည်ဟု ယုံကြည်ရသည်။ ညီလာခံတွင် နောက်ထပ် ငါးနှစ်စာအတွက် အစိုးရ မူဝါဒ လမ်းပြမြေပုံသစ်ကိုပါ ဆွေးနွေး အတည်ပြုသွားမည် ဖြစ်သည်။

ထို့အပြင် တရုတ် နိုင်ငံရေး မူဝါဒများကို အဓိက ဆုံးဖြတ်နိုင်သည့် ပေါ်လစ်ဗြူရို ကော်မတီ အဖွဲ့ဝင်များကိုပါ ရွေးချယ်သွားမည်ဟု သိရသည်။ ၎င်း၏ မိန့်ခွန်းထဲတွင် စီက တရုတ်၏ လက်ရှိ အောင်မြင်မှုများကို ထည့်သွင်း ထောက်ပြသွားပြီး တရုတ်သည် ခေတ်သစ်နှင့် လျော်ညီသည့် ဆိုရှယ်လစ် အသွင်အပြင်များကို ပီပြင်စွာ ကျင့်သုံးနိုင်ခဲ့ကြောင်း ပြောဆိုသွားသည်။

ထို့အပြင် ၎င်းသမ္မတ ဖြစ်လာစဉ် ကတည်းက ပါတီတွင်းနှင့် အစိုးရ အဖွဲ့အတွင်း၌ အဂတိ လိုက်စားသည့် အရာရှိများကို ဖော်ထုတ် အရေးယူခဲ့သည့် လုပ်ငန်းစဉ်နှင့် ပတ်သက်၍လည်း စီက တင်ပြသွားခဲ့သည်။ 

ဘေဂျင်းတွင် ပြည်သူအများအပြားက ညီလာခံကို ကြိုဆိုကြောင်း စာတန်းများ ရေးသားချိတ်ဆွဲသလို ပွဲတော်များ၊ အခမ်းအနားများ ကျင်းပခဲ့သည့်တိုင် တာဝန်ရှိသူများက သတိကြီးစွာဖြင့် လုံခြုံရေး ကြပ်မတ် မြှင့်တင်ထားခဲ့သည်။

တရုတ်အရေး လေ့လာသူ အများအပြားက စီသည် ယခုညီလာခံ ပြီးဆုံးချိန်တွင်လည်း ၎င်း၏ သမ္မတ ရာထူးကို ခိုင်မာစွာ ဆက်လက် ထိန်းသိမ်းထားနိုင်လိမ့်မည်ဟု ယုံယုံကြည်ကြည် မှတ်ချက်ပေးထားကြောင်း သိရှိရသည်။

Ref: CNN