ရှမ်းပြည်ပြန်လည်ထူထောင်ရေးကောင်စီ (RCSS) ပြောရေးဆိုခွင့်ရှိသူ ဒုဗိုလ်မှူးကြီး စိုင်းမိဏ်းနှင့် တွေ့ဆုံခြင်း

‘‘ဒီအခက်အခဲတွေကြားထဲမှာ တစ်ပြိုင်တည်းအားလုံးကို အောင်မြင်အောင် လုပ်ဖို့ဆိုတာကလည်း အခက်အခဲတွေရှိပါလိမ့်မယ်။ ဒါပေမဲ့ လက်ရှိအစိုးရအနေနဲ့လည်း ကြိုးစားလုပ်နေတယ်လို့ ကျွန်တော်တို့ မြင်ပါတယ်’’
(ဓာတ်ပုံ − စိုင်းဇော်)

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူညီ ချက် (NCA) လက်မှတ်ရေးထိုးခြင်း ၂ နှစ်ပြည့်အခမ်းအနားကို နေပြည်တော်တွင် အောက်တိုဘာ ၁၅ ရက်က ကျင်းပခဲ့သည်။ အခမ်းအနားသို့ တက်ရောက်လာသော တိုင်းရင်းသားလက်နက်ကိုင်အဖွဲ့များအနက် NCA ရေးထိုးထားသော်လည်း တပ်မတော်နှင့် ထိတွေ့မှု အချို့ဖြစ်ပွားခဲ့သည့် ရှမ်းပြည်ပြန် လည်ထူထောင်ရေးကောင်စီ (RCSS/SSA) ပြောခွင့်ရပုဂ္ဂိုလ် ဒုဗိုလ်မှူးကြီး စိုင်းမိဏ်းနှင့် တွေ့ဆုံမေးမြန်းခဲ့သည်များမှ ကောက်နုတ်ဖော်ပြလိုက်ပါသည်။

ကျင်းပပြီးသွားတဲ့ NCA ၂ နှစ်ပြည့် အခမ်းအနားနဲ့ ပတ်သက်ပြီးတော့ အခင်းအကျင်းအပေါ် သုံးသပ်အ ကြံပြုလိုတာရှိရင်လည်း ပြောပါဦး။

အထိမ်းအမှတ်နဲ့ ပတ်သက် ပြီး သုံးသပ်လိုတာတော့မရှိဘူး။ ဒါပေမဲ့ ကျွန်တော်တို့ NCA လက် မှတ်ရေးထိုးထားတဲ့ အဖွဲ့ရှစ်ဖွဲ့ စလုံးလာပြီးတော့ တက်ရောက် တယ်။ ဒီအပေါ်မှာ ကျွန်တော်တို့ က ငြိမ်းချမ်းရေးကို လိုလားတယ်။NCA အတိုင်းလည်း ကြိုးစားခဲ့ တယ်။ ရှေ့ဆက်ပြီးတော့လည်း ကြိုးစားသွားဖို့ရှိတယ်။ ဒီစိတ်ရင်း စေတနာအမှန်တွေကို ဖော်ဆောင်ဖို့အတွက် ငြိမ်းချမ်းရေးကို လို လားတယ်ဆိုတဲ့ ဆန္ဒကို လာ ရောက်ဖော်ပြခြင်းပဲဖြစ်ပါတယ်။

NCA ထိုးတာ ၂ နှစ်ပြည့်သွားတဲ့ အချိန်မှာ မျှော်လင့်ထားသ လောက် အတိုင်းအတာတစ်ခုခု ရောက်ခဲ့ပါသလား။

NCA ဟာ အတိုင်းအတာ တစ်ခုအထိ ရောက်ခဲ့လားဆိုရင် အတိုင်းအတာတစ်ခုအထိ ရောက် နေတယ်လို့ ကျွန်တော်တို့ ဆိုလို နိုင်တာပေါ့။ ဒီကြားထဲမှာ အား နည်းချက်တွေရှိမယ်။ ဒါပေမဲ့ ဒီ ၂ နှစ်အတောအတွင်းမှာ ကျွန် တော်တို့ ကြုံတွေ့ခဲ့ရတဲ့အားနည်း ချက်တွေကို ပြန်လည်သုံးသပ်ပြီး ဖြေရှင်းကြရမယ်။ ပြန်လည်ဆွေး နွေးကြရမယ်ဆိုတာတော့ရှိတာ ပေါ့။ အတိုင်းအတာတစ်ခုအနေ နဲ့ ဒီနိုင်ငံရေးဆွေးနွေးပွဲတွေကို စ တင်နိုင်တယ်။ သူ့ကဏ္ဍအလိုက် စတင်ပြီး ဆွေးနွေးနိုင်တဲ့ အခြေအ နေတွေကတော့ ဒီ NCA လမ်း ကြောင်းပေါ်မှာ အတိုင်းအတာ တစ်ခုအထိ ရောက်နေတယ်လို့ ဆိုလိုနိုင်ပါတယ်။ အားနည်းချက် ကို ကျွန်တော်တို့ လက်မှတ်ရေး ထိုးထားတဲ့ ရှစ်ဖွဲ့အနေနဲ့ ပြန် လည်သုံးသပ်ကြည့်တာကတော့ နိုင်ငံရေးဆွေးနွေးပွဲမူဘောင်တွေ ကို ပြန်လည်ပြီးတော့ သုံးသပ်ရ မယ်၊ ပြုပြင်ရမယ်ဆိုတာတွေ တော့ တွေ့ရှိထားပါတယ်။ ဒီကိစ္စ တွေနဲ့ ပတ်သက်ပြီးတော့လည်း အစိုးရဘက်နဲ့ ကျွန်တော်တို့ ဆွေး နွေးသွားဖို့ရှိပါတယ်။

NCA လက်မှတ်ထိုးပြီးတဲ့ ၂ နှစ် အတွင်းမှာ RCSS ဒေသတွေမှာ သိသိသာသာပြောင်းလဲမှုတွေ ရှိ ပါသလား။ အဲဒီအပေါ်မှာကော ဘယ်လိုအကြံပြုချင်ပါသလဲ။

ကျွန်တော်တို့ဒေသမှာ ပစ် ခတ်ရပ်စဲမှု လက်မှတ်ရေးထိုးခြင်း အားဖြင့်တော့ တိုက်ပွဲတွေ တော် တော်လေးတော့ လျှော့ချနိုင်ခဲ့ တယ်။ ဒီအပေါ်မှာလည်း ပြည်သူ လူထုရဲ့ သွားရေး၊ လာရေးတွေ ပိုမိုပြီး လွယ်ကူလာတယ်လို့ ကျွန် တော်တို့ မြင်ရတယ်။ ဒါကြောင့်မို့ လို့ တိုက်ပွဲတွေ ထပ်မံမဖြစ်အောင် တပ်မတော်အနေနဲ့လည်း ထိန်း သိမ်းသင့်တယ်။ ကျွန်တော်တုိ့ အနေနဲ့ကလည်း အမြဲတမ်းထိန်း သိမ်းနေတယ်။ အခုလက်ရှိမှာဆို ရင်လည်း တပ်မတော်အနေနဲ့ စစ် ရေးလှုပ်ရှားလာတာတွေရှိတယ်။ ဒါကြောင့်မို့လို့ ဒီလိုစစ်ရေးတွေ လှုပ်ရှားနေမယ်၊ နယ်မြေတွေ စစ် ဆင်နေမယ်ဆိုရင်တော့ တိုက်ပွဲ တွေကတော့ ထပ်ဖြစ်နိုင်ဖို့ အခြေ နေရှိတယ်။ ဒါဆိုရင်လည်း ပြည် သူတွေကို ထိခိုက်မှာပဲ။ ဒါကြောင့် မို့ တိုက်ပွဲတွေ ထပ်မဖြစ်အောင် တပ်မတော်အနေနဲ့လည်း ထိန်း သိမ်းသင့်တယ်။ ငြိမ်းချမ်းရေးကို ထိန်းသိမ်းသင့်တယ်။ အပစ်အခတ် ရပ်စဲရေးသဘောတူညီချက် တွေကို ထိန်းသိမ်းသင့်တယ်လို့ ကျွန်တော်တုိ့ တိုက်တွန်းလိုတယ်။

NCA လက်မှတ်ထိုးပြီးတဲ့နောက် ပိုင်းမှာ လက်မှတ်ထိုးတဲ့ အဖွဲ့တွေ ထဲမှာ တိုက်ပွဲဖြစ်တာ RCSS နဲ့ အစိုးရ၊ ပြီးတော့ လက်မှတ်မထိုး ရသေးတဲ့ TNLA နဲ့ဖြစ်တယ်ဆို တာတွေက အခုလက်ရှိအခြေအ နေကော ဘယ်လိုရှိပါသလဲ။

ကျွန်တော်တို့ အရင်တစ် ခေါက် နေပြည်တော်ခရီးစဉ်မှာ ဒီကိစ္စတွေ ဆွေးနွေးပါတယ်။ တပ် မတော်နဲ့လည်း ဆွေးနွေးတယ်။ ဒါကတော့ နှစ်ဖက်အကြားမှာ အမြင်သဘောထားကွဲလွဲတယ်လို့တော့ ပြောဆိုကြတာပေါ့။ ဒါပေမဲ့ တ ချို့အပိုင်းမှာ ကျွန်တော်တို့ ကြုံ တွေ့ရတဲ့ အခက်အခဲတွေပေါ့ နော်။ တပ်မတော်ဘက်က ကျွန် တော်တို့ ဖွင့်လှစ်ထားတဲ့ ဆက်ဆံ ရေးရုံးတွေနဲ့ သိပ်ပြီးတော့ ဆက် သွယ်မှု မရှိဘူး။ နယ်မြေထဲ လှုပ် ရှားတယ်ဆိုတဲ့ နေရာမှာလည်း အကြောင်းကြားတာတွေလည်း မရှိတဲ့အတွက်ကြောင့် အပစ်အခတ်ရပ်စဲရေးလက်မှတ်ရေးထိုး ထားတဲ့ နဂိုအတိုင်း လုပ်ဆောင်ချက်တွေက လျော့နည်းသွားတဲ့အ တွက် ကြောင့်မို့လို့ နယ်မြေထဲဝင်တဲ့အခါ ထိတွေ့မှုတွေဖြစ်တာ ပေါ့။ ကြီးကြီးမားမားတိုက်ပွဲရယ် လို့တော့ မဟုတ်ခဲ့ပါဘူး။ ဒါပေမဲ့ထိတွေ့မှုတွေ ဖြစ်ခဲ့တယ်ဆိုတဲ့ အနေအထားပါ။ ကျွန်တော်တို့အမြင်မှာတော့ အခုနောက်ပိုင်း နိုင်ငံရေးဆွေးနွေးပွဲတွေက တစ်ဖက်က သွားနေတယ်။ တစ်ဖက်က JMC (အပစ်ရပ်ပူးတွဲစောင့် ကြည့်ရေးကော်မတီ)လိုင်းနဲ့သွားနေတယ်။ ဒီကိစ္စတွေအပေါ် မှာသွားတဲ့ လိုင်းတွေ နည်းနည်းကွဲလွဲသွားမယ်လို့ မြင်ပါတယ်။ ကျွန်တော်တို့အနေနဲ့ ဆက်ဆံရေးရုံးနဲ့ နယ်မြေခံတပ်တွေနဲ့ အမြဲတမ်းအဆက်အသွယ် ရှိတဲ့အတွက် ကြောင့်မို့လို့ ကျွန်တော်တို့ ဆက်ဆံရေးရုံးတွေကို ဆက်သွယ်မယ် ဆိုရင် ဒီကိစ္စတွေက သိပ်ပြီးတော့ မဖြစ်ပေါ်နိုင်ဘူး။ အကယ်၍ ဖြစ်ပေါ်လာတယ်ဆိုရင်လည်း အမြန်ဆုံးဖြေရှင်းနိုင်တဲ့ ပြဿနာတွေ ဖြစ်တယ်။ အခု JMC နဲ့ သွားမယ်ဆိုရင် ကျွန်တော်တို့နဲ့ တိုက်ရိုက်ဆက်သွယ်ခြင်းမျိုး မဟုတ်တဲ့အ တွက် တချို့အပိုင်းတွေမှာ နှောင့်နှေးမှုရှိတယ်။ ဒါကြောင့် တိုက်ရိုက်ဆက်သွယ်မှုက အကောင်းဆုံးဖြစ်ပါလိမ့်မယ်။ ကျွန်တော်တို့နဲ့ဆိုရင် တော့ ဆက်ဆံရေးရုံးတွေအပေါ် အားစိုက်ပြီးတော့ ဆက်သွယ်သင့် တယ်လို့မြင်ပါတယ်။ TNLAနဲ့ ဖြစ်တဲ့ ကိစ္စတွေကလည်း အမှန်ဆိုရင် ဒီကိစ္စတွေက ဆွေးနွေးပြီးဖြေရှင်းလုိ့ရတဲ့ ကိစ္စဖြစ်ပါတယ်။ ဒါကလည်း သဘောထားကွဲလွဲ တာတို့၊ အမြင်မတူတာတို့ရှိမှာ ပေါ့။ ဒီကိစ္စတွေကလည်း ဆွေး နွေးပြီး ဖြေရှင်းလုိ့ ရပါတယ်။

ရှမ်းပြည်မြောက်ပိုင်းမှာ ဖြစ်နေတဲ့ TNLA နဲ့ RCSS ဖြစ်နေတဲ့ တိုက်ပွဲ တွေက ဒေသလူထုကို ဒုက္ခလည်း ဖြစ်စေတယ်ပေါ့။ ဒီအပေါ်မှာ RCSS အနေနဲ့ ဘာတွေလုပ်ဖို့ရှိ ပါသလဲ။

ကျွန်တော်တုိ့အနေနဲ့က တော့ ဒေသခံပြည်သူလူထုတွေ ကို သွားပြီး ဒုက္ခပေးတာမဟုတ်ပါဘူး။ ကျွန်တော်တို့က ကာကွယ်ဖို့သွားတာ။ ကျွန်တော်တို့လည်း အဲဒီဘက်မှာ နေခဲ့ဖူးတယ်။ မထင်မှတ်ဘဲ တိုက်ပွဲတွေကြုံတွေ့ခဲ့ရတယ်။ ဒီတိုက်ပွဲတွေကို ကျွန်တော်တို့ ဆွေးနွေးမှုနဲ့ပဲ ဖြေရှင်းလို့ရတယ်လို့ မြင်တယ်။ ကျွန်တော်တို့လည်း ဆွေးနွေးဖို့အတွက် အမြဲတမ်းကမ်းလှမ်းခဲ့ပါတယ်။ ဆွေးနွေးပြီးတော့ဖြေရှင်းရင်ရပါတယ်။

ဒီတိုက်ပွဲတွေက နှစ်ဖွဲ့ကြားပြဿ နာပဲလား။ တခြားအဖွဲ့အစည်း တွေက ပါဝင်ပတ်သက်တာမျိုး ရှိ နိုင်သေးလား။

ဒီအပေါ်မှာတော့ ကျွန်တော်တို့ Confirm တော့ မပေးနိုင်သေးဘူး။ ဒါပေမဲ့ ရှိကောင်းရှိနိုင်ပါလိမ့်မယ်။

၂၁ ရာစုပင်လုံ တတိယအစည်း အဝေးကို ဒီဇင်ဘာလောက်မှာ လုပ်ဖို့ စီစဉ်ထားတယ်လို့ သိရပါ တယ်။ RCSS နဲ့ ALP ကလည်း အခုအချိန်ထိ အမျိုးသားအဆင့်နိုင်ငံ ရေးဆွေးနွေးပွဲတွေ မလုပ်နိုင်သေး ဘူးဆိုတော့ ဒါကို ဘယ်လိုဆက် လုပ်သွားမလဲ။

ဒီဇင်ဘာမှာ ကျင်းပမယ့် တတိယအကြိမ် ပင်လုံညီလာခံဆို တာကတော့ ကျွန်တော်တို့ တိုင်း ရင်းသားလက်နက်ကိုင်အဖွဲ့တွေ အနေနဲ့ အခက်အခဲရှိလိမ့်မယ်လို့ ယုံကြည်တယ်။ ဘာကြောင့်လဲဆို ရင် RCSS ရော၊ ALP ရော အမျိုး သားအဆင့် နိုင်ငံရေးဆွေးနွေးပွဲ တွေကို မကျင်းပနိုင်သေးဘူး။ အစိုးရနဲ့ ဆွေးနွေးတဲ့နေရာမှာ လည်း သူတို့က ALP ကိုတော့ ရခိုင်အရေးနဲ့ ပတ်သက်ပြီးတော့ အ ခြေအနေအရ မကျင်းပနိုင်သေး ဘူးဆိုတဲ့ အကြောင်းပြချက် ပြော ထားတာရှိတယ်။ တချို့အပိုင်းမှာ အဲဒီနယ်မြေတွေကလည်း အား လုံးမဟုတ်ဘူး။ ကျင်းပနိုင်တဲ့ နေ ရာတွေလည်းရှိတယ်။ အဲဒါ ကြောင့်မို့လုိ့ အစိုးရကလည်း ALP သူတို့ အမျိုးသားအဆင့်နိုင်ငံရေး ဆွေးနွေးပွဲတွေကို ဆွေးနွေးနိုင် အောင် စီမံပေးသင့်တယ်။ သုံး သပ်ပေးသင့်တယ်။ ကျွန်တော်တို့ အနေနဲ့ကျတော့ နေရာပေါ့။ အစိုး ရက ကျွန်တော်တို့နဲ့ ဆွေးနွေးတဲ့ နေရာမှာ ကျွန်တော်တို့ကို မိုင်းပန် တို့လို မိုင်းထားတို့လိုမျိုးနေရာတွေ ကို ကျင်းပဖို့ နောက်ဆုံးအထိဆို လင်းခေးအထိ ကျင်းပဖို့ ဆွေးနွေး ခဲ့တယ်။ ဒါပေမဲ့ ကျွန်တော်တုိ့ အနေနဲ့ကျတော့ တောင်ကြီးမှာ တောင်းဆိုထားပါတယ်။ ဒါ ကြောင့်မို့လို့ ဒီနေရာတွေကိုလည်း ကျွန်တော်တို့ကို ပြန်လည်သုံးသပ် ပေးစေလိုတာပေါ့။ ဒါမှလည်း ပြည်သူလူထုတွေရဲ့ ဆန္ဒကို ရယူ နိုင်မှာဖြစ်တယ်။ တောင်ကြီးမှာ ဘာကြောင့် တောင်းဆိုရသလဲဆို ရင် ဒါကတပ်ပိုင်းဆိုင်ရာ အစည်း အဝေးမဟုတ်ဘူး။ နိုင်ငံရေးပိုင်း ဆိုင်ရာ အစည်းအဝေးဖြစ်တယ်။  လူထုနဲ့ ဆွေးနွေးခြင်းဖြစ်တယ်။ လူထုတွေရဲ့ သွားရေးလာရေးနဲ့ နေရေးထိုင်ရေးကို အဓိကစဉ်းစား ပေးရမှာ ဖြစ်တယ်ပေါ့နော်။ တ ချို့အပိုင်းမှာကျတော့ သက်ကြီး ရွယ်အိုတွေလည်း ရှိနိုင်တယ်။ ရှေ့မီနောက်မီလူကြီးတွေလာပြီး တက်ရောက်မှာဆိုတော့ ဒါ ကြောင့်မို့သူတို့အတွက် စဉ်းစား ပေးစေလိုတဲ့အတွက်ကြောင့်မို့လို့ အစိုးရကိုလည်း ကျွန်တော်တို့ တောင်းဆိုလိုတယ်။ ဒီဟာတွေကို ကျင်းပနိုင်မယ်ဆိုရင် ရှေ့တတိယ အကြိမ် နိုင်ငံရေးဆွေးနွေးပွဲတွေ ကိုလည်း ကောင်းကောင်းမွန်မွန်နဲ့ ဆက်ပြီးတော့ ဆွေးနွေးသွားနိုင် မှာဖြစ်တယ်။ အကယ်၍ အမျိုး သားအဆင့် နိုင်ငံရေးဆွေးနွေးပွဲ တွေကို မကျင်းပနိုင်သေးဘူးဆိုရင် တော့၊ ကျွန်တော်တို့ အဖွဲ့အစည်း အနေနဲ့ကတော့ လာမယ့် တတိယ အကြိမ် ဆွေးနွေးပွဲမှာလည်း တင် ပြချက်တွေက မရှိနိုင်သေးဘူး ပေါ့နော်။ ပြည်သူတွေရဲ့ ဆန္ဒမရရှိ သေးတဲ့အတွက်ကြောင့်မို့လို့ပေါ့။

ပြီးခဲ့တဲ့ ၂၁ ပင်လုံဒုတိယအစည်း အဝေးမှာ သဘောတူညီချက် ၃၇ ချက် ချမှတ်နိုင်ခဲ့တယ်ပေါ့။ ဒီ NCA၂ နှစ်ပြည့် အထိမ်းအမှတ်ပွဲမှာ လည်း ဒေါ်အောင်ဆန်းစုကြည် က ဖက်ဒရယ်ဆိုင်ရာ မူဝါဒတွေကိုဒီနှစ်နဲ့ လာမယ့် ၂၀၁၈ အတွင်း မှာ လုပ်မယ့် ညီလာခံသုံးခုအတွင်း အပြီးချမှတ်နိုင်ဖို့  တိုက်တွန်းထားတယ်။ အဲဒီလုပ်ငန်းစဉ် အောင်မြင် ဖို့ ဘာတွေလိုအပ်တယ်ဆိုတာ အကြံပြုပေးပါဦး။

ကျွန်တော်တုိ့ သဘောတူညီချက် ၃၇ ချက်ဆိုတဲ့ နေရာမှာ အ ပြည့်အဝတော့ သဘောတူညီချက်ရတယ်လို့တော့ မမြင်သေးဘူး။ ကျွန်တော်တို့အဖွဲ့ကကော ဒီအပေါ်မှာ ဘယ်လောက်အထိ လက်ခံ နိုင်မလဲဆိုတာကလည်း ရှိပါသေး တယ်။ ပြီးတော့ တခြားလက်မှတ်မထိုးထားရသေးတဲ့ အဖွဲ့တွေ ကော၊ ပြီးတော့ ပြည်သူလူထုတွေ ရဲ့ ဆန္ဒတွေကော ဘယ်လောက်ထိရှိလဲဆိုတာ ပြန်သုံးသပ်ဖို့လိုပါတယ်။ ဒီ ၃၇ ချက်ထဲမှာ ဖက်ဒရယ်နဲ့ ပတ်သက်ပြီးတော့ အခြေခံမူ တွေက ဘယ်နှချက်လောက်ရှိမ လဲဆိုတာကိုလည်း ကျွန်တော်တို့သုံးသပ်ဖို့ လိုပါတယ်။ ၃၇ ချက်စလုံးဟာ  ဖက်ဒရယ်မူနဲ့ သက်ဆိုင်တဲ့ အချက်တွေအားလုံးဖြစ်တယ်လို့ တော့ လုံးဝယူဆလို့မရသေးဘူး။ ကျွန်တော်တုိ့အနေနဲ့က တော့ အားလုံးပါဝင်ရေးကို အဓိကထားပြီးတော့ စဉ်းစားပေးစေလိုပါတယ်။ ဒီကြားထဲမှာ အားလုံးပါဝင်တယ်ဆိုတာကတော့ အဖွဲ့အစည်းမှ မဟုတ်ဘူး။ ပြည်သူလူထုတွေရဲ့ ဆန္ဒပါဖို့လိုတယ်။ ဒါကြောင့်မို့လို ကျွန်တော်တို့လို အဖွဲ့အစည်းမျိုး အမျိုးသားအဆင့် နိုင်ငံရေးဆွေး နွေးပွဲမကျင်းပနိုင်သေးသရွေ့က တော့ အမြဲတမ်းအခက်အခဲတွေ ဖြစ်နေဦးမှာပဲ။

ဒီနှစ်ကုန်မှာ ၂၁ ပင်လုံတတိယ အစည်းအဝေးကျင်းပဖို့ရှိတယ်ဆို တဲ့အပေါ် ဘာပြောကြားလိုပါသလဲ။

အဓိကအနေနဲ့ကတော့ စော စောက နိုင်ငံရေးဆွေးနွေးမှုမူ ဘောင်တွေကို ကျွန်တော်တို့ မသုံး သပ်နိုင်သေးဘူး။ အစိုးရအနေနဲ့ ရော၊ ကျွန်တော်တို့အနေနဲ့ရော။ ပြုပြင်ပြောင်းလဲပြီး အားလုံးဝိုင်း သုံးသပ်ဖို့တော့ ကျွန်တော်တို့ ဆွေးနွေးခဲ့တာရှိတယ်ပေါ့။ တစ်ဖက်မှာလည်း ALP လို မျိုး ကျွန်တော်တို့ RCSS ကလည်း အမျိုးသားအဆင့် နိုင်ငံရေးဆွေးနွေးပွဲတွေကို မကျင်းပနိုင်သေးဘူး။ ဒါဆိုရင် ဒီလာမယ့် တတိယအကြိမ် ပင်လုံညီလာခံမှာဆိုရင်လည်း ဘယ်အချက်တွေကို မှ ကျွန်တော်တို့ ဆွေးနွေးနိုင်ခွင့် မရှိဘူးပေါ့။ ဒါကြောင့်မို့လို့ တတိယအကြိမ် ညီလာခံက ကျွန်တော်တို့ အမျိုးသားအဆင့် နိုင်ငံရေးဆွေးနွေးပွဲမကျင်းပနိုင်သေးသ ရွေ့ ကျွန်တော်တို့အနေနဲ့ အခက် အခဲရှိတယ်ပေါ့။ ကျွန်တော်တို့လိုပဲ တခြားအဖွဲ့အစည်းတွေလည်း အခက်အခဲရှိမယ်။ ကျွန်တော်တို့ ရှစ်ဖွဲ့ကလည်း အတူတကွသွား နေတဲ့ အတွက်ကြောင့်မို့လို့ တခြားအဖွဲ့အစည်းတွေ အတွက်နဲ့လည်း သက်ရောက်မှုရှိတာပေါ့။ တစ်ဖွဲ့ရဲ့အခက်အခဲရှိရင် အားလုံးရဲ့အခက်အခဲလိုမျိုး သဘောထားကြတယ်။ ဒါကြောင့်အားလုံးအ နေနဲ့လည်း အခက်အခဲရှိမယ်လို့ ကျွန်တော်တို့မြင်တာပေါ့။

လက်ရှိငြိမ်းချမ်းရေးလုပ်ငန်းစဉ် မှာ ကြုံတွေ့နေရတဲ့အခက်အခဲ စိန်ခေါ်မှုတွေ ဘာတွေဖြစ်မယ်လို့ RCSS က ရှုမြင်ပါသလဲ။ အဲဒီအ ပေါ်မှာလည်း ဘာတွေအကြံပြုလိုပါသလဲ။

လက်ရှိမှာကတော့ ယုံကြည် မှုတွေနည်းပါးနေတယ်လို့ မြင် တယ်။ ကျွန်တော်တို့ လက်မှတ် ရေးထိုးထားတဲ့အဖွဲ့တွေအနေနဲ့ ရော၊ အစိုးရအဖွဲ့တွေနဲ့ရော၊ တပ်မတော်နဲ့ရော အမြဲတမ်းအ ပြန်အလှန် တွေ့ဆုံကြဖို့ လို တယ်။ ယုံကြည်မှုတွေ ဒီထက်ပိုမို တည်ဆောက်ကြဖို့လိုတယ်။ လူ ကြီးပိုင်းတွေ ဒီလိုမကြာခဏ တွေ့ ဆုံပြီးတော့ ယုံကြည်မှုတွေ တည် ဆောက်မှ အောက်ခြေက လုပ် ငန်းမှာ အကောင်အထည်ဖော်တဲ့ နေရာမှာ အဆင်ပြေချောမွေ့မှာ ပေါ့နော်။ အခက်အခဲတွေက လည်း သိပ်မရှိဘူးဖြစ်မှာပေါ့။ ဒီ လိုပါပဲ လက်မှတ်မရေးထိုးထားတဲ့ အဖွဲ့တွေအပေါ်မှာလည်း တပ်မ တော်နဲ့ရော အစိုးရနဲ့ရော သဘော ထားကြီးကြီးနဲ့ထားပြီးတော့ ယုံ ကြည်မှုတွေအပြန်အလှန်ဆွေး နွေးကြမယ်ဆိုရင်တော့ NCA လမ်းကြောင်းပေါ်လည်း ရောက် လာနိုင်သလို နိုင်ငံရေးဆွေးနွေးပွဲ တွေကလည်း ဒီထက်မက ပိုမိုတိုး တက်လာနိုင်မယ်လို့တောာ့ ကျွန် တော်မြင်ပါတယ်။

RCSS ဥက္ကဋ္ဌကြီးက နိုင်ငံတော်အ တိုင်ပင်ခံပုဂ္ဂိုလ်နဲ့ တပ်မတော်ပိုင်း အရာရှိတွေနဲ့တွေ့ဆုံခဲ့တာပေါ့။ အဲဒီလို တွေ့ဆုံမှုတွေနဲ့ပတ်သက် ပြီး ဘယ်လိုတိုးတက်မှုတွေရှိတယ် ဆိုတာလည်း ပြောကြားပေးပါဦး။

 နိုင်ငံတော်အတိုင်ပင်ခံ ပုဂ္ဂိုလ်ရယ်၊ ဒုတပ်ချုပ်ရယ်ကို ကျွန်တော်တို့ အရင်တစ်ခေါက် ခရီးစဉ်တုန်းကတွေ့ဆုံခဲ့တယ်။ အဲဒီတုန်းက အဓိကတွေ့တာက တော့ ယုံကြည်မှုတည်ဆောက်ကြ တာပေါ့။ ယုံကြည်မှုအနေနဲ့လာ ပြီး တွေ့ဆုံခြင်းဖြစ်တယ်။ ဒါက တစ်ချက်ပေါ့။ ဒေသတွင်းမှာ ဖွံ့ဖြိုးရေးတွေကို NCA နဲ့အညီ ဆက်လက်အကောင်အထည်ဖော် ဆောင်နိုင်ဖို့၊ ပညာရေးကဏ္ဍတွေ နဲ့ပတ်သက်ပြီး ကျောင်းတွေ ဆောက်ဖို့တွေကို လာပြီး ဆွေးနွေး တာရှိခဲ့တယ်။ ဒီအချက်တွေနဲ့ ပတ်သက်ပြီးတော့လည်း မူကြမ်း ရရှိခဲ့တယ်။ ကျွန်တော်တို့ လုပ်ငန်း ကော်မတီအနေနဲ့ရော၊ NRPC နဲ့ ရော အသေးစိတ်ဆွေးနွေးကြဖို့ တော့ လိုတယ်။ ဆက်လက်ဆွေး နွေးကြဖို့လည်း ရက်တွေထပ်ချိန်း နေပါတယ်။ တစ်ဖက်မှာလည်း နိုင်ငံတော်အတိုင်ပင်ခံပုဂ္ဂိုလ်နဲ့ ဆွေးနွေးတဲ့နေရာမှာ သူကတော့ မူးယစ်ဆေးဝါးပူးပေါင်းတိုက်ဖျက် ရေးကို အဓိကထားဆွေးနွေး တယ်။ အဲဒီအပေါ်မှာလည်း အား ပေးတယ်။ ဒါကြောင့်မို့လို တပ်မ တော်ပိုင်းနဲ့ရော၊ ပြည်ထဲရေး၊ မူးယစ်ဗဟိုနဲ့ရော ထပ်မံပြီးတော့ အသေးစိတ်ဆွေးနွေးသွားဖို့တော့ ရှိပါတယ်။

RCSS အနေနဲ့ ပြီးခဲ့တဲ့လတွေက ‘၀’ အဖွဲ့နဲ့ဆွေးနွေးမှုတွေရှိခဲ့တယ် ပေါ့။ အဲဒီအပေါ်မှာ ဘာတွေဆွေး နွေးခဲ့ကြပါသလဲ။

‘၀’အဖွဲ့တွေနဲ့ ဆွေးနွေးတယ်ဆိုတာ ပစ်ခတ်ရပ်စဲပြီးတဲ့ နောက်ပိုင်း အစိုးရနဲ့ ဗဟိုဌာနချုပ် နယ်မြေတွေသတ်မှတ်တဲ့နေရာမှာ သူတို့နဲ့လည်း နယ်မြေတွေက ထိစပ်မှုလည်းရှိတယ်။ ဒီကြားထဲမှာလည်း အပစ်ရပ်စဲတုန်းက လည်း ပဋိပက္ခတွေလည်းရှိခဲ့ဖူးတာပေါ့။ အဲဒီနောက်ပိုင်း ကျွန် တော်တို့ဆွေးနွေးပွဲတွေနဲ့ဖြေရှင်း ခဲ့တယ်။ ဒီကြားထဲမှာ ဖွံ့ဖြိုးတိုးတက်မှုဆိုတာတွေကို အတူတကွ လုပ်ဆောင်နိုင်အောင် ပြည်သူလူထုတွေကလည်း သွားလာမှုလွယ် ကူနိုင်အောင် စိုက်ပျိုးရေးပိုင်းမှာလည်း ကျွန်တော်တို့ အပြန်အလှန် ကူညီနိုင်အောင်၊ မူးယစ်ဆေးဝါးလည်း အတူတကွ တိုက်ဖျက် နိုင်အောင်ဆိုပြီးတော့ ၀ိုင်းဝန်း ဆွေးနွေးခဲ့တာရှိတယ်။ အဲဒီအ ပေါ်မှာလည်း ကျွန်တော်တို့ အမြဲ တမ်းစဉ်ဆက်မပြတ် ဆက်လက် ဆွေးနွေးကြတဲ့သဘောဖြစ်ပါ တယ်။ အဆက်အသွယ်ကတော့ အမြဲတမ်းရှိကြပါတယ်။

‘၀’အဖွဲ့ ဦးဆောင်တဲ့ မြောက်ပိုင်း ကော်မတီက ဒီ NCA မထိုးဘဲ နိုင်ငံရေးဆွေးနွေးမယ်ဆိုတဲ့ သူတို့ရဲ့သဘောထားပေါ့။ ပါဝင်ချင်တဲ့ အဖွဲ့အစည်းတွေပါဝင်လို့ရ တယ်။ အထူးသဖြင့် NCA ထိုးပြီး သားအဖွဲ့တွေအနေနဲ့လည်း ပါ ၀င်မယ်ဆို လက်ခံမယ်ဆိုတာမျိုး တွေပြောတော့ အဲဒီအပေါ်မှာ RCSS အဖွဲ့ရဲ့ ရပ်တည်ချက်က ဘယ်လိုရှိပါသလဲ။

ကျွန်တော်တို့အနေနဲ့က တော့ NCA လက်မှတ်ရေးထိုးထား တဲ့အတိုင်းပါပဲ။ ဒီနည်းလမ်း အ တိုင်းပဲ သွားမှာဖြစ်ပါတယ်။ သူတို့ အနေနဲ့ NCA ကို လက်မှတ်မရေး ထိုးဘဲ သွားမယ်ဆိုတဲ့အပေါ်မှာ အစိုးရက ဘယ်လိုသဘောထား ရှိမယ်၊ တပ်မတော်အနေနဲ့ ဘယ် လိုသဘောထားရှိမယ်ဆိုတဲ့ သ ဘောထားတွေအပေါ်မှာကတော့ အပြန်အလှန်ညှိနှိုင်းရမှာဖြစ်ပါ တယ်။ ကျွန်တော်တို့ NCA လက် မှတ်ရေးထိုးထားတဲ့ အဖွဲ့တွေအ နေနဲ့ကတော့ NCA လမ်းကြောင်း အတိုင်းပဲ ငြိမ်းချမ်းရေးဖော် ဆောင်သွားမှာ ဖြစ်ပါတယ်။

NCA လမ်းကြောင်းမဟုတ်တဲ့ ရပ် တည်ချက်နဲ့ ရပ်နေတဲ့ မြောက်ပိုင်းအဖွဲ့များကိုရော ဆရာတို့အဖွဲ့ အနေနဲ့ ဘယ်လိုအကြံပြုလိုပါသလဲ။

ကျွန်တော်တို့အနေနဲ့က တော့ အပြန်အလှန်ဆွေးနွေးကြဖို့လိုတယ်။ နိုင်ငံရေးမူဘောင်အပေါ် မှာ ကျွန်တော်တို့ အတူတကွ သုံးသပ်သင့်တယ်။ ဒီနိုင်ငံရေးဆွေး နွေးပွဲမူဘောင်တွေကို အတူတကွ သုံးသပ်ပြီး အားလုံးလက်ခံလာနိုင်တဲ့အခြေအနေမှာ သူတို့အနေနဲ့ NCA အပေါ်မှာ ဘယ်လိုလက်မှတ် ရေးထိုးလာနိုင်မယ်ဆိုတဲ့ အခြေအနေကို သိရှိလာနိုင်သလို ငြိမ်း ချမ်းရေးဖော်ဆောင်တဲ့နေရာမှာ ရော ရှေ့ဆက်ပြီးတော့ ဖက်ဒရယ် ဒီမိုကရေစီနိုင်ငံကို တည်ထောင်ဖို့ နေရာမှာ ဆုံရပ်တစ်ခုပေါ့။ အတူတကွရှာဖို့လိုတယ်။ ဒါကလည်း NCA နည်းလမ်းအပေါ်မှာ သွားသင့်တယ်ဆိုရင်လည်း သူတို့အ နေနဲ့ NCA ကို ကောင်းကောင်း လေ့လာပြီးတော့ လာရောက်နိုင်ဖို့ အတွက် ကျွန်တော်တို့ ဖိတ်ခေါ်လိုက်ပါတယ်။

ရှမ်းလက်နက်ကိုင်အဖွဲ့တစ်ခုဖြစ်တဲ့ SSPP က NCA မှာ မပါသေးတဲ့အပေါ် သူတို့အဖွဲ့အစည်းကို တိုက်တွန်းအကြံပြုထားတာမျိုးရော ရှိပါသလားခင်ဗျာ။

ကျွန်တော်တို့ NCA ကို လက်မှတ်ရေးထိုးထားတဲ့အချိန်မှာလည်း တိုက်တွန်းတာရှိခဲ့ပါတယ်။ အတူတကွ လက်မှတ်ရေးထိုးကြရအောင်ဆိုပြီးတော့ တိုက်တွန်းခဲ့တာရှိပါတယ်။ ဒါပေမဲ့လည်း အဲဒီအချိန်တုန်းက UNFC အနေနဲ့ ရပ် တည်နေတဲ့အတွက်ကြောင့်မို့လို့ သူတို့အနေနဲ့လည်း အခက်အခဲရှိပါလိမ့်မယ်။ ဒါကြောင့်မို့လို့ သူတို့ အနေနဲ့ လက်မှတ်မရေးထိုးခဲ့ရ ခြင်းဖြစ်ပါတယ်။ သူတို့ဆန္ဒအနေနဲ့ကတော့ အရင်တုန်းကလိုပဲ လက်မှတ်ရေးထိုးလိုတဲ့ဆန္ဒရှိပါ လိမ့်မယ်။ ကျွန်တော်တို့ယုံကြည်ပါတယ်။ သူတို့အနေနဲ့လည်း တချို့အခက်အခဲတွေရှိပါလိမ့်မယ်။

ဘယ်လိုအခက်အခဲတွေလို့ မြင်ပါသလဲ။

သူတို့ရပ်တည်နေတဲ့အဖွဲ့အစည်းတွေကြားထဲမှာပေါ့နော်။ အကယ်၍ UNFC မှာ အတူတကွ ရပ်တည်ခဲ့တယ်ဆိုရင် UNFC အ နေနဲ့ အားလုံးပါဝင်မှုနဲ့ အားလုံး လက်မှတ်ရေးထိုးဖို့ ပြင်ဆင်ခဲ့တာ ရှိပါတယ်။ အဲဒါကြောင့် အဲဒီအ ချိန်တုန်းက UNFC ကလည်း လက်မှတ်မရေးထိုးတော့ သူတို့အနေနဲ့လည်း လက်မှတ်မထိုးခဲ့ဘူးပေါ့နော်။ အခုအချိန်မှာလည်း မြောက်ပိုင်းမဟာမိတ်အဖွဲ့တွေ စုစည်းမှုအပေါ်မှာ အခက်အခဲတွေရှိလို့ သူတို့လက်မှတ်မရေးထိုးနိုင်ခြင်းဖြစ်ပါလိမ့်မယ်လို့ မြင်ပါတယ်။

SSPP က ‘၀’ဦးဆောင်မှုအောက် ကို ရောက်တဲ့အခါ RCSS နဲ့ ဆက်ဆံရေးက ဘယ်လိုဖြစ်သွားလဲ။

ကျွန်တော်တို့အနေနဲ့ကတော့ ဆက်ဆံရေးဘာမှမကွဲလွဲပါဘူး။ ကျွန်တော်တို့ CSSU (ရှမ်းပြည် အမျိုးသားညီညွတ်ရေး) အဖွဲ့မှာလည်း အမြဲတမ်းတွေ့ဆုံတယ်။ အမြဲတမ်းဆက်ဆံမှုလည်းရှိတယ်။ ဆွေးနွေးမှုလည်းရှိပါတယ်။ ကျွန် တော်တို့ ကွဲလွဲမှုဆိုတဲ့နေရာမှာထက်ကို ရှေ့လျှောက်မှာ မြောက်ပိုင်းမဟာမိတ်အဖွဲ့တွေရော အားလုံးစုစုစည်းစည်းနဲ့ ညီညွတ်မှုရှိဖို့အတွက်လည်း ကြိုးစားသွားမှာ ဖြစ်ပါတယ်။

လက်ရှိအစိုးရသစ်အနေနဲ့ ဒီငြိမ်းချမ်းရေးလုပ်ဆောင်တဲ့အခါမှာ ဘယ်လိုအကန့်အသတ်ရှိနေတယ်လို့ ဆရာတို့အနေနဲ့ မြင်ပါသလဲခင်ဗျာ။ လက်ရှိအစိုးရအ ပေါ် RCSS ရဲ့ သဘောထားအမြင် ဘယ်လိုရှိပါသလဲ။

လက်ရှိအစိုးရရဲ့ ၂ နှစ်တာကာလမှာ သူတို့အနေနဲ့လည်း အများကြီးအခက်အခဲရှိပါလိမ့်မယ်။ အခုဆိုရင် အနောက်ဘက်မှာလည်း ရခိုင်အရေးကလည်း ပေါ်လာတာတွေ သူတို့ ဖြေရှင်းဖို့လည်းလိုတယ်။ ဒီကြားထဲမှာ ပြည်တွင်းက ပြဿနာတွေရော အသေးစိတ်အားလုံးကို ဖြေရှင်းနေရတယ်။ ဒါကြောင့်မို့ ဒီအခက်အခဲတွေကြားထဲမှာ တစ်ပြိုင်တည်းအားလုံးကို အောင်မြင်အောင်လုပ်ဖို့ဆိုတာကလည်း အခက်အခဲတွေရှိပါလိမ့် မယ်။ ဒါပေမဲ့ လက်ရှိအစိုးရအနေနဲ့လည်း ကြိုးစားလုပ်နေတယ်လို့ ကျွန်တော်တို့ မြင်ပါတယ်။ သူတို့ အနေနဲ့လည်း ငြိမ်းချမ်းရေးကို လိုလားတယ်လို့မြင်တယ်။ NCA အ ပေါ် ဆက်လက်အကောင်အထည် ဖော်ဆောင်သွားမယ်လို့လည်း ယုံ ကြည်ထားတယ်။ ဒါကြောင့်မို့လို့ ဒီငြိမ်းချမ်းရေးဖော်ဆောင်တဲ့နေ ရာမှာ NCA လမ်းကြောင်းအတိုင်း လက်ရှိအစိုးရနဲ့လည်း လက်တွဲ ပြီးတော့ အကောင်အထည်ဖော် ဆောင်သွားမှာဖြစ်ပါတယ်။

ရခိုင်ဖြစ်စဉ်နဲ့ပတ်သက်ပြီးတော့ ငြိမ်းချမ်းရေးအပေါ် သက်ရောက်မှုရှိတယ်လို့ ပြောနေကြတဲ့အပေါ်မှာရော RCSS အဖွဲ့အနေနဲ့ ဘယ်လိုရှုမြင်ပါသလဲ။ ဒီအပေါ်မှာ ဘယ်လိုအကြံပြုလိုပါသလဲ။

ရခိုင်အရေးနဲ့ပတ်သက်ပြီး တော့ ငြိမ်းချမ်းရေးအပေါ် သက် ရောက်မှုရှိနိုင်ပါတယ်။ ဘာ ကြောင့်လဲဆိုရင် ရခိုင်ပြည်ဆိုတာ ကျွန်တော်တို့ရဲ့ ပြည်ထောင်စု မြန်မာနိုင်ငံထဲမှာပဲဖြစ်တဲ့အတွက် ကြောင့်မို့လို့။ ငြိမ်းချမ်းရေးဆိုတာ တစ်ပြည်နယ် တစ်တိုင်းတည်းမှာ ငြိမ်းချမ်းရေးရတာမှ ငြိမ်းချမ်းရေး ရတယ်လို့ မဆိုလိုနိုင်ဘူးပေါ့နော်။ ဒါကြောင့် နေရာဒေသအားလုံး၊ ပြည်ထောင်စုမြေတွေအားလုံးမှာ ငြိမ်းချမ်းရေးရမှပဲ ကျွန်တော်တို့ ရဲ့ ငြိမ်းချမ်းရေးကို ရတယ်လို့မြင်တယ်။ အဲဒါကြောင့်မို့လို့ ကျွန် တော်တို့ကတော့ ရခိုင်အရေးဟာ လည်း ငြိမ်းချမ်းရေးအပေါ်မှာ သက်ရောက်တယ်လို့ မြင်ပါ တယ်။ ကျွန်တော်တို့အနေနဲ့က တော့ ဖြစ်ပေါ်နေတဲ့ ပြဿနာတွေ ကို ဆွေးနွေးပြီးတော့ ဖြေရှင်းတာ အကောင်းဆုံးလို့ မြင်ပါတယ်။ ဆွေးနွေးသင့် ဆွေးနွေးထိုက်သူ တွေနဲ့ပေါ့။ အကြမ်းဖက်နည်းနဲ့ မရှင်းကြဘဲနဲ့ပေါ့။

ဖြည့်စွက်ပြောကြားလိုတာရှိရင် ပြောပေးပါဦး။

ကျွန်တော်တို့ရဲ့ တိုင်းပြည်မှာ ငြိမ်းချမ်းရေးမရှိဘူး။ ငြိမ်းချမ်း ရေးကိုမဖော်ဆောင်နိုင်ဘူးဆိုရင် တော့ တိုင်းပြည်ကလည်း မတိုး တက်နိုင်ဘူး။ ပြည်သူလူထုတွေ အနေနဲ့ကလည်း မတိုးတက်နိုင်ဘူး။ အခက်အခဲတွေရှိမယ်။ ဒါ ကြောင့်မို့လို့ ကျွန်တော်တို့ တိုင်း ပြည်မှာ လက်ရှိပြည်သူလူထုရော အားလုံး လိုလားနေကြတာက တော့ ငြိမ်းချမ်းရေးပေါ့။ ဒါ ကြောင့် အစိုးရအနေနဲ့ရော၊ တပ်မတော်အနေနဲ့ရော ငြိမ်းချမ်းရေး ဖော်ဆောင်တဲ့အပေါ်မှာ သဘော ထားကြီးပြီးတော့ စေတနာမှန်မှန်နဲ့ အားလုံးစုစည်းပြီးတော့ အဖွဲ့အစည်းတိုင်းရော၊ ပြည်သူလူထု ရော အားလုံးပါဝင်ပြီးတော့ ငြိမ်းချမ်းရေးဖော်ဆောင်ကြဖို့ကို ကျွန် တော်တို့ တိုက်တွန်းလိုပါတယ်။ မျှော်လည်းမျှော်လင့်ပါတယ်။

ကျေးဇူးတင်ပါတယ်။
 

Top News