မွန်ပြည်နယ်တွင် ဆားကြမ်းဈေး ယခင်နှစ်ထက် နှစ်ဆခန့်တက်

 မွန်ပြည်နယ်တွင် ဆားရာသီအစဖြစ်သည့် အောက် တိုဘာ၌ ဆားကြမ်းဈေး ယခင် နှစ်ထက် နှစ်ဆခန့်မြင့်တက်နေ ကြောင်း ဆားလုပ်ငန်းရှင်များက ပြောသည်။

ယမန်နှစ် ဆားရာသီ အစ တွင် ဆားကြမ်းအမြင့်ဆုံးဈေးတစ် ပိဿာလျှင် ကျပ် ၁၀၀ သာရှိပြီး ယခုနှစ်၌  တစ်ပိဿာ ကျပ် ၁၈၀ ဈေးရှိနေသည်။

ယမန်နှစ်ဆားထုတ်လုပ်ရာ သီတွင် ရာသီဥတုကြောင့် ဆား ကွင်းပျက်ကာ အထွက်နှုန်းလျော့ ကျ၍ ယခုနှစ် ဆားရာသီအစ၌ အမြင့်ဆုံးဈေးဖြစ်ကြောင်း မြန်မာ့ဆားနှင့် အဏ္ဏ၀ါဓာတုဗေဒပစ္စည်းထုတ်လုပ်ရောင်းဝယ်ရေးလုပ်ငန်း (မွန်ပြည်နယ်)ရုံး ပြည်နယ်ဦးစီးမှူး ဦးခင်စိုးက ပြောသည်။

‘‘ဆားအသစ်  ထွက်ဖို့က လည်း နှစ်လကျော်ကျော်လောက် ရှိနေသေးတယ်။ ဒီကြားမှာ လက် ကျန်ဆားကမရှိ ဈေးကွက်လိုအပ် ချက်ကရှိတော့ ဈေးတွေတက် သွားတာ’’ ဟု ဦးခင်စိုးက ပြော ကြားသည်။

ဆားကြမ်းဈေးသည် သင်္ကြန်မတိုင်မီတွင် တစ်ပိဿာ လျှင် ၁၀၀ ကျပ်အောက်ရှိရာမှ သင်္ကြန်ကာလနောက်ပိုင်း ဆက်တိုက်ဈေးတက်လာကြောင်း သံဖြူဇရပ်မြို့နယ်မှ ဆားကုန်သည် နိုင်ဟုက ပြောသည်။

ရာသီဥတုကြောင့် ဆားကွင်းပျက်၍ ဆားအထွက်နည်းပြီး ဈေး တက်ခြင်းသည် ဖြစ်လေ့ဖြစ်ထရှိ သော်လည်း ယခုနှစ်တွင် အမြင့် ဆုံးဈေးတက်ခြင်း ဖြစ်ကြောင်း ဆားရောင်းဝယ်သူများက  ဆိုသည်။ မွန်ပြည်နယ်တွင် ၂၀၁၆-၁၇ ဆားထုတ်လုပ်ရာသီ၌ ဆား ကွင်းဧက ၂,၆၀၀ ခန့်လုပ်ကိုင်ခဲ့ ပြီး တစ်ရာသီလုံးတွင် ဆားတန် ချိန် ၂၆,၀၀၀ ခန့် ထုတ်လုပ်ရန်မှန်းထားသော်လည်း ရာသီဥတု ကြောင့် ဆားအထွက် ၂၅ ရာခိုင် နှုန်းခန့်လျော့ကျကြောင်း ဦးခင်စိုးက ပြောသည်။

နှစ်စဉ်မိုးအကုန် စက်တင် ဘာလလယ်ခန့်ကစပြီး ဆားကွင်း စတင်ပြင်ဆင်ကာ  နိုဝင်ဘာလဆန်းတွင် ပင်လယ်ရေတင်ပြီး ရာသီဥတုအခြေအနေပေါ်မူ တည်၍ ဆားထုတ်လုပ်မှု စတင်လုပ် ကိုင်သည်။ မေလကုန်ထိ ဆားထုတ်လုပ်သည်။

မွန်ပြည်နယ် သံဖြူဇရပ်မြို့နယ်ရှိ ပငရွာ၊ ကရုပ္ပိရွာ၊ ကျိုက်ခမီမြို့နှင့် စက်စဲ၊ ပေါင်မြို့နယ် ထန်းပင်ချောင်းရွာနှင့် ရေးမြို့နယ်ပလိုင်ကီး ကျေးရွာတို့သည် နေ လှန်းဆားအများအပြားထုတ်လုပ် ရာဒေသများဖြစ်သည်။ ယင်းဒေ သများမှ ထွက်သည့် ဆားများကို ပြည်နယ်အတွင်းအသုံးပြုပြီး ပိုလျှံသည့် ဆားများကို အထက်မြန် မာပြည် မန္တလေး ဈေးကွက်နှင့် တနင်္သာရီတိုင်းဒေသကြီးရှိ ငါး လုပ်ငန်းဈေးကွက်များသို့ အဓိက တင်ပို့ရောင်းချကြောင်း ပြည်နယ်ဆားလုပ်ငန်းရှင်အသင်း အချက်အလက်များ၌ ဖော်ပြထားသည်။