ကန်တော်ကြီးပဲလေ့စ်ဟိုတယ်မီးကြောင့် ဂျပန်နိုင်ငံသားတစ်ဦးအပါအဝင် နှစ်ဦးသေ၊ နှစ်ဦးဒဏ်ရာရ

မီးလောင်မှုအကြောင်းရင်းနှင့် ဆုံးရှုံးမှုတန်ဖိုး စိစစ်နေဆဲ
ဟိုတယ်တစ်ခုလုံးနီးပါး မီးလောင်ကျွမ်းဆုံးရှုံးခဲ့သည်ကို အပေါ်စီးမှ တွေ့ရသောမြင်ကွင်း (ဓာတ်ပုံ− 7Day TV)

နာမည်ကျော်စီးပွားရေး လုပ်ငန်းရှင် ဦးတေဇပိုင် ရန်ကုန် မြို့ရှိ ကန်တော်ကြီးပဲလေ့စ်ဟို တယ်တွင် မီးလောင်ခဲ့ရာ ဟိုတယ်၏အဓိကအဆောက်အအုံတစ်ခု လုံးနီးပါး မီးလောင်ဆုံးရှုံးပြီး ဂျပန်နိုင်ငံသားတစ်ဦးအပါအဝင် နှစ်ဦးမီးလောင်သေဆုံးကာ နှစ်ဦး ဒဏ်ရာရရှိခဲ့သည်။

ယမန်နေ့ နံနက် ၃ နာရီခန့်တွင် မီးစတင်လောင်ကျွမ်းပြီး  မီးလောင်ချိန်သုံးနာရီကျော်အကြာတွင် မီးထိန်းနိုင်ခဲ့ကာ မီးကြွင်းမီးကျန်များကို ဆက်လက်၍ ငြှိမ်းသတ်ခဲ့ရသည်။ မီးလောင်မှုကြောင့် လေးလွှာတွင် တည်းခိုသည့် ဂျပန်နိုင်ငံသားတစ်ဦးသေဆုံးပြီး ပျက်စီးနေသည့် ကျား၊ မ မခွဲနိုင်သော အခြားရုပ်အလောင်းတစ်ခုကို ဟိုတယ်ငါးလွှာမှ ယမန်နေ့ မွန်းလွဲ ၂ နာရီခွဲခန့်၌ ရှာဖွေတွေ့ရှိခဲ့ကြောင်း နိုင်ငံပိုင် ရုပ်သံက  သတင်းထုတ်ပြန်ခဲ့သည်။


ဓာတ်ပုံ − လင်းဘိုဘို/အီးပီအေ

‘‘နေ့လယ် ၂ နာရီခွဲကျော်  ကျော်လောက်မှာ တွေ့တာ။ အ ပေါ်ဆုံးထပ်ပဲ။ အမိုးသွပ်ပြားတွေ ဖယ်ရင်း တွေ့တာ။ ရုပ်ပျက်ဆင်း ပျက်ပဲ။ ဘာမှ မသိရဘူး’’ဟု ရုပ် အလောင်းရှာဖွေတွေ့ရှိမှုနှင့် ပတ်သက်၍ မီးသတ်တပ်ဖွဲ့မှ အရာရှိက ပြောသည်။

ထို့ပြင်မကာအိုမှ အမျိုးသမီး တစ်ဦးမှာ မီးလောင်ချိန်၌ ဟိုတယ်သုံးထပ်မှ ခုန်ချခဲ့ရာ ခါးတွင် ထိခိုက်ဒဏ်ရာရရှိခဲ့ပြီး ရွှေ ပြည်သာမြို့နယ် မီးသတ်တပ်ဖွဲ့မှူး ဦးကျော်စွာလင်းမှာလည်း ဦး ခေါင်းတွင် ထိခိုက်ဒဏ်ရာရရှိပြီး သတိမေ့နေ၍ ၎င်းတို့နှစ်ဦးကိုရန်ကုန်ပြည်သူ့ဆေးရုံကြီးသို့ ပို့ဆောင်ကုသထားကြောင်း မကာအိုမှ အမျိုးသမီးသည် ဆေးကုသမှုခံယူပြီးနောက် ဆေးရုံမှ ဆင်းသွားပြီဖြစ်ကြောင်း ပြည်ထဲရေးဝန်ကြီးဌာနက သတင်းထုတ်ပြန်သည်။


ဓာတ်ပုံ − လင်းဘိုဘို/အီးပီအေ

ဧည့်သည်များ အသက်ကယ်ဆယ်ရေး ဦးစားပေးခဲ့

မီးလောင်မှုဖြစ်ပွားချိန် တွင် ဟိုတယ်၌ ပြည်တွင်း၊ ပြည်ပမှ လာရောက်တည်းခိုသူ ၁၄၁ ဦးရှိခဲ့ပြီး ၎င်းအနက် လူ ၁၂၀ ကျော်သည် ပြည်ပ နိုင်ငံသားများဖြစ်ကြောင်း ထူးကုမ္ပဏီဥက္ကဋ္ဌရုံး တာဝန်ခံ ဦးဌေးလွင်က ပြောသည်။ မီးလောင်မှုဖြစ်ပွားမည့်ညတွင် ဟိုတယ်၌ရှိသည့် အခန်း ၁၈၅ ခန်းအနက် ၉၆ ခန်းတွင် တည်းခို သူများရှိခဲ့ပြီး အောက်တိုဘာ ၁၈ ရက် ညသည် ဒီပါဝလီနေ့ ဖြစ် သောကြောင့် မီးနှင့်ပတ်သက်၍ ယခင်ရက်များထက် ပိုမို သတိ ထားခဲ့သည်ဟု ၎င်းက ဆိုသည်။

ဟိုတယ်တာဝန်ခံများ  အနေဖြင့် မီးလောင်သည်ကို သိရှိ ချိန်တွင် မီးသတ်ဆေးဘူးများ ကို အသုံးပြု၍ ငြှိမ်းသတ်ခဲ့သေး ကြောင်းလည်း ဦးဌေးလွင်က ပြော သည်။


ဓာတ်ပုံ − လင်းဘိုဘို/အီးပီအေ

‘‘မီးလောင်တဲ့အချိန်မှာ နှစ်ခုလုပ်လို့ရပါတယ်။ မီးကို ငြှိမ်းမ လား၊ ဧည့်သည်တွေကို ဦးစား ပေးမလား။ အဲဒီမှာ ဝန်ထမ်းတွေ နဲ့ ဧည့်သည်တွေကို ဦးစားပေး လိုက်တဲ့အတွက် မီးဘက်မှာ အားနည်းတာဖြစ်သွားတာပေါ့။ မနက် ၃ နာရီဖြစ်တဲ့အတွက် နှစ်ခုတည်း မှာ တစ်ခုပဲ လုပ်ဆောင်လို့ရပါတယ်။ အဲဒါကြောင့် ဧည့်သည်တေနဲ့ ဝန်ထမ်းတွေသက်သာအောင်မီးကိုထားပြီး အသက်အန္တရာယ်ကို ကယ်လိုက်တဲ့သဘောပါ’’ ဟု ကန်တော်ကြီး ပဲလေ့စ် ဟိုတယ်အမှုဆောင်အရာရှိချုပ် Mr Raymond J.Bragg က မီးလောင်မှုဖြစ်ပွား ပြီးနောက် အောက်တိုဘာ ၁၉ ရက်နံနက်က ပြုလုပ်သည့် သတင်းစာရှင်းလင်းပွဲတွင် ပြောသည်။

ထို့အပြင် ဟိုတယ်ညဆိုင်းတာဝန်ခံ ကိုသီဟကလည်း မီးလောင်သည်ကို သိသည်နှင့် mas-ter key များကိုအသုံးပြု၍ ဧည့်သည်များကို လိုက်လံနှိုးခဲ့ကြောင်း ပြောသည်။

ဟိုတယ်အနေဖြင့် မီးဘေး ကြိုတင်ပြင်ဆင်သည့်အနေဖြင့် အစမ်းလေ့ကျင့်မှုများကို သုံးလ တစ်ကြိမ်ပြုလုပ်ဖြစ်ပြီး ဟိုတယ် တွင် မီးလောင်ပါက အလိုအလျောက် ရေဖျန်းသည့်စနစ်၊ Fire Alarm နှင့် မီးလောင်ပါက သိရှိနိုင်သည့် Sensor (အာရုံခံစနစ်)များကို ဟိုတယ် တစ်ခုလုံးတွင် တပ်ဆင်ထားကြောင်း၎င်းက ပြော သည်။


ဓာတ်ပုံ − ရဲအောင်သူ/အေအက်ဖ်ပီ

 မီးလောင်ချိန်တွင်  Fire Alarm  များ မြည်ခဲ့သည်ဟု ကန်တော်ကြီးပဲလေ့စ်ဟိုတယ်၌ ပင် နေထိုင်သည့် မစ္စတာရေမွန်က သတင်းစာရှင်းလင်းပွဲတွင် ပြောကြားခဲ့သော်လည်း ယင်းဟိုတယ်တွင် တည်းခိုခဲ့သူ အချို့က မီးလောင်ချိန်၌ Fire Alarm မမြည်ခဲ့ဟု မီဒီယာအချို့အား ဖြေကြားထားသည်။

 အဆိုပါ ဟိုတယ်ရှိ Club House ပွဲမှအပြန် အောက်တိုဘာ ၁၉ ရက် နံနက် ၂ နာရီ ၄၅ မိနစ်က ယင်းကလပ်မှ လုံခြုံရေးကို ညှော်နံ့ရသောကြောင့် စစ်ဆေးရန် ပြောခဲ့သော်လည်း ဆေးလိပ်နံ့များကြောင့်ဖြစ်နိုင်သည်ဟု ပြောကြားခဲ့ကြောင်း  မီးလောင်သည်ကို  မျက်မြင်တွေ့ရှိခဲ့သူ ကိုကောင်းထွဋ်က သူ့အတွေ့အကြုံကို ပြောသည်။ ဟိုတယ်ထဲမှ အပြန်ကားပါကင်ကိုရောက်သည့် အချိန်တွင်လည်း မီးခိုးများမြင်သောကြောင့် ကားပါကင်မှလုံခြုံရေး ဝန်ထမ်းကို မီးခိုးများထွက်နေသည်ကို ခေါ်၍ပြခဲ့ရာ လုံခြုံရေးက Boiler မှ အပူများသောကြောင့်ဖြစ်သည်ဟု ပြောကြားခဲ့ကြောင်း ကိုကောင်းထက်က မီးခိုးများထွက်နေသည့် ဗီဒီယိုဖိုင်ကိုဖေ့စ်ဘွတ်ခ်တွင် အောက်တိုဘာ ၁၉ ရက်  ည ၈  နာရီခွဲ၌တင်ကာ သူ၏အတွေ့အကြုံကို မျှဝေသည်။

ဟိုတယ်အနေဖြင့် မီးလောင် ချိန်၌ မီးသတ်ဦးစီးဌာနသို့ ဆက်သွယ်အကြောင်းကြားခဲ့သည်ဟု မစ္စတာရေမွန်က ပြောသည်။


ဓာတ်ပုံ − စိုးဇေယျာထွန်း/ရိုက်တာ

သို့သော် ဟိုတယ်တာဝန်ရှိ သူများက မီးသတ်တပ်ဖွဲ့သို့ ဆက် သွယ်အကြောင်းကြားခြင်းမရှိဘဲ တက္ကစီသမားများ၏ အကြောင်း ကြားမှုကြောင့် မီးလောင်နေသည့်အကြောင်း သိရှိခဲ့ကာ မီးငြှိမ်းသတ်ရန် ထွက်ခွာခဲ့ခြင်းဖြစ်ကြောင်း ရန်ကုန်တိုင်းမီးသတ်ဦးစီးမှူး ညွှန်ကြားရေးမှူး ဦးကြည်ဝင်းကပြောသည်။

ယင်းဖြစ်စဉ်ကြောင့် တည်းခို သူများကို ချက်ထရီယမ်ဟိုတယ် အပါအဝင် အခြားဟိုတယ်များ သို့ ရွှေ့ပြောင်းပေးခဲ့ပြီး ၎င်းတို့ ဟိုတယ်တွင် တည်းခိုသူများ အ  ဆင်ပြေစေရန် ဦးစားပေးဆောင် ရွက်ခဲ့သည်ဟု ဦးဌေးလွင်က ပြောသည်။ ထို့ပြင် မီးလောင်မှုကြောင့် ဆုံးရှုံးမှုကြုံခဲ့ရသူများကိုလည်း ၎င်းတို့ဘက်မှ တာဝန်အပြည့်အဝ ယူ၍ ဆောင်ရွက်ပေးရန် ၎င်းတို့၏ဥက္ကဋ္ဌ ဦးတေဇက ညွှန်ကြားထားသည်ဟု ဆိုသည်။


ဓာတ်ပုံ − လင်းဘိုဘို/အီးပီအေ

မီးလောင်မှု အကြောင်းရင်းနှင့် ဆုံးရှုံးမှုတန်ဖိုး စိစစ်နေဆဲ

ဟိုတယ်ငါးလွှာတွင် စတင်မီးလောင်ခဲ့ခြင်းဖြစ်ပြီး မီးလောင်မှုအကြောင်းရင်းနှင့် မီးလောင်ဆုံးရှုံးမှုတန်ဖိုးကိုမူ မီးသတ်ဦးစီးဌာန အပါအဝင် သက်ဆိုင်ရာဌာနများက စိစစ်နေ၍အောက်တိုဘာ ၁၉ ရက် ည ၉ နာရီခွဲအထိ မသိရှိရသေးပေ။

‘‘နည်းနည်းကြီးမားတဲ့တန် ဖိုးရှိတဲ့အတွက် ချက်ချင်းကြီးပြော ဖို့ သေချာစိစစ်နေဆဲဖြစ်နေလို့ပါ’’ ဟု ၎င်းတို့ဘက်မှ မီးလောင်ဆုံးရှုံး မှုပမာဏနှင့်ပတ်သက်၍ ဦးဌေး လွင်က ပြောကြားသည်။

မီးလောင်မှုကြောင့် ကန် တော်ကြီးပဲလေ့စ်ဟိုတယ်၏အဓိ ကအဆောက်အအုံ တစ်ခုလုံးနီးပါး မီးလောင်ဆုံးရှုံးခဲ့ပြီး ယင်းနေရာအနီးရှိ သက်တမ်းနှစ်တစ်ရာကျော်ကြာ အဆောက်အအုံနှင့် ဂျပန်စားသောက်ဆိုင်တို့ မီးဘေးလွတ်ခဲ့ကြောင်း ဦးဌေးလွင်က ပြောသည်။

‘‘အဓိကက သစ်သားထည်နဲ့ ဆောက်ထားတဲ့ အဆောက်အအုံ တွေများတဲ့အတွက် မီးလောင်မှု က များသွားတယ်လို့ ပြောလို့ရပါ တယ်’’ဟု ၎င်းက ပြောသည်။

မီးလောင်မှုနှင့်ပတ်သက်၍ ဟိုတယ်ရှိ ညပိုင်းတာဝန်ခံနှင့် ကြီးကြပ်သူနှစ်ဦးကို မင်္ဂလာတောင် ညွန့်ရဲစခန်းတွင် ခေါ်ယူစစ်ဆေး နေသည်။


ဓာတ်ပုံ − ရဲအောင်သူ/အေအက်ဖ်ပီ

ဟိုတယ်ကို အာမခံထားရှိ

မီးလောင်ဆုံးရှုံးခဲ့သည့် အဓိ ကအဆောက်အအုံကို မီးဘေးနှင့် အခြားသော အရာများအတွက် အာမခံအနေဖြင့် ငွေကျပ်သန်း ၇၀၀ ဖြင့် အာမခံထားရှိကြောင်း မြန်မာ့အာမခံလုပ်ငန်းမှ တာဝန် ရှိသူတစ်ဦးက ပြောသည်။

ကန်တော်ကြီးပဲလေ့စ် ဟို တယ်အနေဖြင့် ၎င်းတို့၏ဟိုတယ် ကို မြန်မာ့အာမခံလုပ်ငန်းတွင် ငွေကျပ် ၈၅၅ သန်းဖြင့် အာမခံ ထားသလို အောင်သစ္စာဦး အာမခံလုပ်ငန်းတွင်လည်း ငွေကျပ် သန်း ၅၀၀ ဖြင့် အာမခံထားခဲ့ ကြောင်း အာမခံလုပ်ငန်းများက ပြောသည်။

‘‘ဟိုတယ် အပိုင်းကိုတော့ ကျွန်တော်တို့ မပါပါဘူး။ အဲဒါကို တော့ မြန်မာ့အာမခံလုပ်ငန်းကပဲ တာဝန်ယူ လက်ခံထားတယ်လို့ သိရပါတယ်။ ကျွန်တော်တို့က တော့ သူတို့နဲ့တစ်ဝင်းတည်း ဘေးမှာ ကျန်ခဲ့တဲ့စားသောက်ဆိုင်နဲ့ အားကစားခန်းမ။ အဲဒါကိုလက်ခံထားတာပါ။ ကျွန်တော်တို့အပိုင်းကတော့ ဟိုတယ်နဲ့နီးတဲ့အခြမ်းက မီးဟပ်ခံရတာလောက်ပဲ ဖြစ်သွား ပါတယ်’’ ဟု အောင်သစ္စာဦးအာ မခံလုပ်ငန်းမှ တာဝန်ရှိသူကပြော သည်။


ဓာတ်ပုံ − စိုးဇေယျာထွန်း/ရိုက်တာ

ကန်တော်ကြီးပဲလေ့စ် ဟို တယ်ကို ရန်ကုန်လှေလှော်ကလပ် (Rangoon Rowing Club) အဖြစ် ၁၉၃၄ ကတည်းက စတင်တည် ထောင်ခဲ့ပြီး ဒုတိယကမ္ဘာစစ်အ တွင်း၌ ဂျပန်များက သက်သာ ချောင်ချိရေး ဌာနအဖြစ် အသုံး ပြုခဲ့သည်။ ၁၉၄၈ တွင် အမျိုးသား ဇီဝဗေဒဆိုင်ရာ ပြတိုက်အဖြစ် ပြု ပြင်ဖွင့်လှစ်ခဲ့ပြီး ၁၉၇၉ တွင် ဟို တယ်နှင့် ခရီးသွားလာရေးလုပ် ငန်းက လွှဲပြောင်းရယူကာ ဟို တယ်အဖြစ် ဖွင့်လှစ်ခဲ့သည်။ ထို့ နောက် ၁၉၉၃ တွင် ထိုင်းကုမ္ပဏီ Baiyoke Group of Hotels နှင့် ပူးပေါင်း၍ အဆင့်မြှင့်တင်ခဲ့သည်။

ထို့နောက် ဟိုတယ်ကို စီးပွားရေးလုပ်ငန်းရှင်ဦးတေဇက ထိုင်းကုမ္ပဏီ Baiyoke Group of Hotels ထံမှ ၂၀၁၂ တွင် အမေရိကန်ဒေါ်လာ ၂၉ သန်းဖြင့် ဝယ်ယူခဲ့ပြီး ကြယ်ငါးပွင့်အဆင့်ရှိ ဟိုတယ်ဖြစ်သည်။