ပြင်ဦးလွင်မြို့နယ်တွင် သစ်တောမြေကျူးကျော်သည်ဆိုပြီး ခြံစည်းရိုးနှင့် စိုက်ခင်းများကို ရဲအင်အားဖြင့် ဖျက်ဆီး

 ပြင်ဦးလွင်မြို့နယ် ညောင်နီကျေးရွာအနီး မြို့ရှောင် လမ်းဘေးရှိ မြေရှစ်ဧကပေါ်တွင် စိုက်ပျိုးထားသော စိုက်ခင်းများ နှင့် ခြံစည်းရိုးများကိုသစ်တောမြေကျူးကျော်သည်ဆိုကာ အောက်တိုဘာ ၂၁ ရက်က ရဲအင်အား ၁၀၀ ခန့်ဖြင့် လာရောက်ဖျက်ဆီး ခဲ့ကြောင်း စိုက်ခင်းများဖျက်ဆီး ခံရသူ ဦးထွန်းအောင်လင်းက ပြောသည်။

ငှက်ပျော၊ သရက်၊ ထော ပတ်စသည့်နှစ်ရှည်သီးနှံစိုက်ခင်း များကို ဘူဒိုဇာသုံးစီးဖြင့်လာ ရောက် ဖျက်ဆီးခြင်းဖြစ်သည်ဟု ၎င်းက ပြောသည်။

၎င်းတို့စိုက်ပျိုးလုပ်ကိုင်နေ သော မြေနေရာကို သစ်တောကြိုး ၀ိုင်းအတွင်းပါဝင်သည်ဟု အစိုးရ ကသတ်မှတ်ကာ ဇူလိုင်အတွင်း ကအပြီးဖယ်ရှားပေးရန် အ ကြောင်းကြားထားပြီး မြေယာ အငြင်းပွားမှု ဖြစ်ပေါ်နေကြောင်း ပြောသည်။

၎င်းအနေဖြင့် ၂၀၁၀ ကစ တင်ကာ မြေရှစ်ဧက၀ယ်ယူစိုက် ပျိုးခဲ့ပြီး သစ်တောကြိုးဝိုင်းနှင့် ကင်းလွှတ်ကြောင်း ၁၉၉၉ တွင် သစ်တောဦးစီးဌာနမှ မြေစာရင်း ဌာနကို ထောက်ခံထားသော စာရှိကြောင်းနှင့် ရေခွန်၊ မြေခွန် ပေးဆောင်ခဲ့ကာ ပုံစံ(၁၀၅)ဖြင့် စိုက်ပျိုးခြင်းဖြစ်ကြောင်း ဦး ထွန်းအောင်လင်းက ပြောသည်။

‘‘ပုံစံ(၁၀၅)ဆိုတာက တစ် ယောက်တည်းလက်မှတ်ထိုးနဲ့ ထွက်လာတာမဟုတ်ပါဘူး။ သစ် တောဦးစီးရဲ့ ထောက်ခံချက်နဲ့ မြေစာရင်းက ပုံစံ(၁၀၅)ပေးထား တာပါ။ အခုအဲဒီကိစ္စနဲ့ပတ်သက် ပြီး ကျွန်တော့်ကိုသစ်တောကြိုး ၀ိုင်းအတွင်း ကျူးကျော်တယ်ဆို ပြီး မြို့နယ်တောအုပ်က တရားစွဲ တယ်။ အခုတရားရုံးကတောင် အမိန့်မချသေးဘူး။ စိုက်ခင်းတွေ နဲ့ ခြံစည်းရိုးတွေဝင်ဖျက်တယ်။ ဖျက်ဆီးဖို့ ထွက်တဲ့စာပြဆိုတော့ လည်း မပြဘူး။ ကျွန်တော်က တော့ ကျေနပ်မှုမရှိဘူး။ မြေသိမ်း အဖွဲ့ရဲ့ခေါင်းဆောင်တွေကိုပြည် ထောင်စုတရားလွှတ်တော်ချုပ် တင်ပြပြီး တရားစွဲမယ်’’ ဟု ဦး ထွန်းအောင်လင်းက ပြောသည်။

ဖယ်ရှားခြင်းမရှိဘဲ သစ် တောကြိုးဝိုင်းအတွင်း ကျူးကျော် စိုက်ပျိုးလုပ်ကိုင်နေသည့်အပေါ် မြို့နယ်တောအုပ်က မေလက စတင်ကာ တရားစွဲဆိုထားသည် ဟု ဌာနဆိုင်ရာတာဝန်ရှိသူများက ပြောသည်။

‘‘၁၉၉၇ ခုနှစ်မှာသစ်တော ကနေ ဒေါ်စက်ကြည်ကို ဧကငါး ရာ လုပ်ပိုင်ခွင့်ပေးခဲ့တယ်။ သူက မလုပ်လို့ ၂၀၁၂ မှာသိမ်းခဲ့တယ်။ ဒေါ်စက်ကြည်က အဲဒါကိုခွဲစိတ် ပြီး ရောင်းချခဲ့တယ်။ ကျွန်တော် တို့ ကွင်းဆင်းစစ်ဆေးတော့ ဒီ မြေကို ဆက်မလုပ်ပါနဲ့၊ ဒါက သစ်တောမြေပါဆိုတာ ပြောပါ တယ်။ ပုံစံ(၁၀၅) ဆိုတာလည်း တကယ်တော့ ကောက်ပဲသီးနှံ ထွက်တဲ့အပေါ်မှာ မြေပုံကြမ်းဆွဲ ထားတဲ့သဘောပါ။ အဲဒီအခါ တုန်းက ကောက်ပဲသီးနှံအထွက် တိုးရေးကို အဓိကထားတော့ သစ် တောမြေထဲမှာ စိုက်လည်းပေးခဲ့ တာပါ’’ ဟု ပြင်ဦးလွင်မြို့နယ် တိုင်းဒေသကြီးလွှတ်တော်ကိုယ် စားလှယ်ဦးအောင်မင်းက ပြော သည်။အဆိုပါ အငြင်းပွားမှုဖြစ်ပွားနေသော မြေရှစ်ဧကနှင့် အခြားမြေ ၁၀ ဧကကျော်ကို သစ် တောမြေမှ စွန့်လွှတ်ခွင့်တောင်းခံ ထားပြီး ညောင်နီကျေးရွာအတွင်း ရှိ သိမ်းဆည်းခံတောင်သူ ၃၈ ဦး အား ပြန်လည်အစားထိုးပေးအပ် ရန် စီစဉ်နေကြောင်း ဦးအောင် မင်းက ပြောသည်။

ပြင်ဦးလွင်မြို့နယ်သည် မန္တ လေးတိုင်းဒေသကြီးအတွင်း မြေ ယာအငြင်းပွားမှုအများဆုံးဖြစ် ပွားနေသော မြို့နယ်ဖြစ်ပြီး အစိုး ရသစ်လက်ထက် တစ်နှစ်ကျော် အတွင်း မြေယာအရေးနှင့်ပတ် သက်သည့် တိုင်ကြားစာ ၆၀၀ ကျော်ရှိကြောင်း ဦးအောင်မင်းက ပြောသည်။