ဧရာဝတီလင်းပိုင်နှင့် ပင်လယ်ပြင် ထိန်းသိမ်းရေး ငါးနှစ်စီမံကိန်း ငါးလုပ်ငန်းနှင့် သားငှက် ထိန်းသိမ်းရေးအဖွဲ့တို့ ပူးပေါင်းဆောင်ရွက်မည်

ဧရာဝတီမြစ်အတွင်း မြူးနေသော လင်းပိုင်တစ်ကောင် ဓာတ်ပုံ − WCS

ငါးလုပ်ငန်းဦးစီးဌာနနှင့် သားငှက် ထိန်းသိမ်းရေးအဖွဲ့ (WCS) တို့ ပူးပေါင်း၍ ဧရာဝတီလင်းပိုင် ထိန်းသိမ်းရေးနှင့် အဏ္ဏဝါပင်လယ်ပြင် ထိန်းသိမ်းရေး အစီအစဉ်ကို ငါးနှစ်စီမံကိန်းဖြင့် ဆောင်ရွက်မည်ဟု WCS (မြန်မာ) မှ Senior Strategy Marine Manager ဦးကျော် သင်းလတ်က ပြောသည်။


ငါးလုပ်ငန်းဦးစီးဌာနသည် ဧရာဝတီ လင်းပိုင်ထိန်းသိမ်းရေး ကို ၂၀၀၂ ကတည်းက လုပ်ဆောင် ခဲ့သော်လည်း ယခုနှစ်ကစ၍ အဏ္ဏဝါပင်လယ်ပြင် ထိန်းသိမ်းရေးလုပ် ငန်း တိုးချဲ့လုပ်ဆောင်မည် ဖြစ် သည်။

 အဏ္ဏဝါ ပင်လယ်ပြင် ထိန်း သိမ်းရေး အစီအစဉ်တွင် အဏ္ဏဝါ ဒေသအပိုင်းအခြားအလိုက် နေရာ သတ်မှတ်ခြင်း (Marine Spatial Planning)၊ ငါးသယံဇာတ ပြန် လည်တိုးပွားစေရေး စီမံကိန်း၊ ငါးမန်း၊ ဝေလငါး၊ လိပ်စသည့် မျိုးတုံးရန် အန္တရာယ်ရှိ ပင်လယ် သတ္တဝါများ ထိန်းသိမ်းကာကွယ် ရေး (Marine Species Conservation) နှင့် ပင်လယ်ပြင် ပတ်ဝန်းကျင်ထိန်းသိမ်းရေးတို့ကို ငါးလုပ်ငန်းနှင့် ပူးပေါင်းလုပ် ဆောင်မည်ဟု ဦးကျော်သင်းလတ် ကပြောသည်။

ဧရာဝတီလင်းပိုင်ထိန်းသိမ်း ရေးတွင် လင်းပိုင်ကောင်ရေစာ ရင်း ကောက်ယူခြင်း၊ ပညာပေးနှင့် သုတေသနများ လုပ်ဆောင်ခြင်း၊ တတိယမြစ်ကျဉ်း ထိပ်ဖြစ်သော စစ်ကိုင်းတိုင်းဒေသကြီး ကန့်ဘလူ မြို့နယ်မလယ်ရွာမှ ဒုတိယမြစ် ကျဉ်းထိပ်ဖြစ်သော ကချင်ပြည် နယ် ရွှေကူမြို့အထိဧရာဝတီလင်း ပိုင်ထိန်းသိမ်းရေး ဧရိယာတိုးချဲ့ နိုင်ရေးတို့ကို လုပ်ဆောင်မည်ဖြစ် သည်။

ထို့အပြင် ငါးမန်း၊ ဝေလငါး၊ လိပ်စသည့် မျိုးတုံးရန်အန္တရာယ် ရှိ ပင်လယ်သတ္တဝါများ ထိန်းသိမ်း ကာကွယ်ရေး အစီအစဉ်လုပ် ဆောင်ရန် ရခိုင်ကမ်းရိုးတန်းတွင် စစ်တမ်းကောက်ယူနေပြီး သတင်း အချက်အလက်ပေါ် မူတည်၍ လုပ်ငန်းများ လုပ်ဆောင်မည်ဖြစ် သည်။

ဧရာဝတီလင်းပိုင် ထိန်းသိမ်း ရေးနှင့် အဏ္ဏဝါပင်လယ်ပြင်ထိန်း သိမ်းရေးကို ၂၀၁၇ အောက်တိုဘာမှ ၂၀၂၂ စက်တင်ဘာအထိ ငါး နှစ်သက်တမ်းဖြင့် လုပ်ဆောင်ရန် သဘောတူ လက်မှတ်ရေးထိုးခဲ့ သည်။

More in Tourism Section

Top News