ရန်ကုန်ရာဇ၀င်သမိုင်း (သတင်းစာဆရာ ဦးသိမ်းမောင်)

သတင်းစာဆရာဦးသိမ်းမောင် ပြုစုရေးသား သော ရန်ကုန်ရာဇ၀င်သမိုင်း စာအုပ်တတိယအ ကြိမ် ပြန်လည်ထွက်လာသည်။ စာအုပ်ဈေးကွက် အတွင်း ရှားပါးနေချိန်တွင် ပြန်လည်ထုတ်ဝေခြင်းဖြစ်၍ မဖတ်ရသေးသူများနှင့် စာကြည့်အသင်းများ၊ စာကြည့်တိုက်များ ၀ယ်ယူစုဆောင်းသင့်သော စာ အုပ်ဖြစ်သည်။


သတင်းစာဆရာဦးသိမ်းမောင်သည် ယခုစာ အုပ်ကို ပြုစုရာ၌ သမိုင်းအဖြစ်အပျက် မြောက်မြား စွာ၊ အချက်အလက်အများအပြားကို စုစည်း၍ သတင်းဆရာပီပီ ပြေပြစ်ရှင်းလင်းသော စကားပြေ ဖြင့် ရေးသားခဲ့သည်။ နိုင်ငံခြားပညာရှင်များရေးသား သော အင်္ဂလိပ်ဘာသာဖြင့် ထုတ်ဝေခဲ့သည့် စာအုပ် စာတမ်း ၂၅ ခုနှင့် မြန်မာဘာသာဖြင့် ထုတ်ဝေခဲ့ သည့် စာအုပ်ပေါင်း ၇၀ ကျော်တို့မှတစ်ဆင့် အချက် အလက်များရယူကာ ရန်ကုန်ရာဇ၀င်သမိုင်း ကို ပြုစု ထားသည်ဖြစ်၍ ရန်ကုန်မြို့နှင့်ပတ်သက်လျှင် အစုံ လင်ဆုံးစာအုပ်ဟု ဆိုနိုင်သည်။ ထို့ပြင် သတင်းစာ များနှင့် မဂ္ဂဇင်းများမှရရှိသော အချက်အလက်တို့ပါ ပေါင်းစပ်ရေးထားရာ ရန်ကုန်ရာဇ၀င်သမိုင်းဟုဆို ငြား တစ်ပိုင်းတစ်စ မြန်မာပြည်သမိုင်းဟုပင် ယူဆ နိုင်သည်။

စာအုပ်တွင် ဒဏ္ဍာရီဆန်သော ဥက္ကလာပမင်း ကြီးလက်ထက်ကစ၍ အိန္ဒိယက မြန်မာပြည်အောက် ပိုင်းသို့ လာရောက်၍ မြို့ရွာတည်ဆောက်ခြင်း၊ ရွှေ တိဂုံစေတီတွင် ဆံတော်မြတ်အစစ် ရှိ၊ မရှိ၊ မွန်တို့ ကြီးစိုးစဉ်ကာလ မွန်မင်းသမီးရှင်စောပု လက်ထက် တွင် ရွှေတိဂုံကို အပြီးတည်ဆောက်ခြင်း၊ ရွှေစည်းခုံ နှင့် ရွှေတိဂုံတည်ရာတွင် အသုံးပြုခဲ့သော အင်္ဂတေဖော်စပ်နည်းကစ၍ ရုပ်လုံးပေါ်လာသော ဒဂုံမြို့ကြီးအကြောင်း အစချီထားသည်။

ယင်းနောက် အလောင်းဘုရားလက်ထက်တွင် ရန်ကုန်မြို့တည်ပြီးနောက် မွန်-မြန်မာ အာဏာလုပွဲ များ၊ ပြည်ထဲရေးဝင်ရှုပ်လာသော အင်္ဂလိပ်များနှင့် အလောင်းဘုရား ယိုးဒယား(ထိုင်း)သို့ စစ်မချီမီ ရန်ကုန်မြို့နေသူများ စိတ်လှုပ်ရှားနေပုံများ ဖတ်ရပါ မည်။ တစ်ဖန် ကုန်းဘောင်ခေတ် ပထမရန်ကုန်အ ခန်း၌ အကျယ်အ၀န်းနှင့်လူဦးရေ၊ အင်္ဂလိပ်-မြန်မာ ပထမစစ်နှင့် ရန်ကုန်၊ နိုင်ငံခြားသင်္ဘောများ ၀င်ထွက် သွားလာရာဖြစ်လာသော ရန်ကုန်ဆိပ်ကမ်း၊ ဘုရင့် သင်္ဘော အပိုင်စီးလိုသော မျက်နှာဖြူများဟူ၍ နယ်ချဲ့တို့နှင့် ပတ်သက်သမျှအ၀၀ကို ရေးထားသည်။ ကုန်းဘောင်မင်းများ၏ ဒုတိယရန်ကုန်တွင် ရန်ကုန်မြို့ကို မြန်မာလက်ပြန်အပ်ခြင်း၊ မွန်ပြည်ထောင်ရန် လုံးပန်းခြင်း၊ ရန်ကုန်မြို့ကို အင်္ဂလိပ်တို့ ပိုင်ဆိုင်သွားသော အကြောင်းရင်းများကို အသေးစိတ်ရေးထား သည်။

အင်္ဂလိပ်တို့လက်အောက် ကျရောက်သည့် အ ချိန်ကစ၍ မြို့အုပ်ချုပ်ရေးနှင့် စည်ပင်သာယာ(မြူနီ စီပယ်)အဖွဲ့များ ဖွဲ့စည်းတည်ထောင်ခြင်း၊ အင်္ဂလိပ် တို့က အိန္ဒိယလူမျိုးများကို ခေါ်ယူခြင်း၊ ကူးသန်း ရောင်းဝယ်ရေးလုပ်ငန်းများ ချဲ့ထွင်ခြင်းတို့ကို ယခု စာအုပ်၌ အသေးစိတ်ဖတ်ရပါမည်။ ထိုမှတစ်ဆင့် မြန်မာလူငယ်များကြား ၀ံသာနုစိတ်နိုးကြားလာပြီး ၀ိုင်အမ်ဘီအေအသင်း တည်ထောင်ခြင်း၊ ၁၉၂၀ ပထမတက္ကသိုလ်ကျောင်းသားသပိတ်ကြီး ပေါ်ပေါက်လာပုံ၊ သခင်လူငယ်များက လွတ်လပ်ရေးကြိုးပမ်းပုံတို့အကြောင်း မြို့ကိုဗဟိုပြု၍ ရေးထား သည်။ ပြဿနာအစုံစုံ ရွှေတိဂုံအခန်းတွင် ရွှေတိဂုံစေတီနှင့်ပတ်သက်သော အကြောင်းအရာများကို ပြည့်ပြည့်စုံစုံဖော်ပြထားသလို ဂျပန်ခေတ် ရန်ကုန်၊ စစ်ပြီးခေတ်ရန်ကုန်တို့၌ ရန်ကုန်မြို့ကြီး ဒုတိယကမ္ဘာစစ်မီးအတွင်း မည်သို့မည်နှယ် ဖြတ်သန်းခဲ့ရ ကြောင်း စီကာပတ်ကုံး ရေးထားသည်။ ထို့နောက် လွတ်လပ်ရေးမရမီ ပေါ်ပေါက်ခဲ့သော နိုင်ငံတော်လုပ်ကြံမှုကြီးအကြောင်း အကျယ်ဖွင့်ဆိုရေးထား သည်။ လွတ်လပ်ရေးရပြီး ပါလီမန်ဒီမိုကရေစီခေတ် တွင် ပဉ္စမသင်္ဂါယနာတင်သည့်အကြောင်းကိုလည်း ပြည့်ပြည့်စုံစုံဖော်ပြထားပါသည်။ ဦးသိမ်းမောင်သည် ထိုသို့သော အဖြစ်အပျက်ကြီးများကိုသာ မှတ်တမ်းတင်ရုံမက မြို့တည်ရာတွင် ပါလာမြဲဖြစ်သော ပြည့်တန်ဆာလုပ်ငန်း၊ သယ်ယူပို့ဆောင်ရေးလုပ်ငန်းများအထိပါ ဖြန့်ကြက်ပြုစုထား၍ နှောင်းလူတို့ သိစေအပ်သော စေတနာပေါ်လွင်နေပါ၏။ ယခုစာအုပ်ကို စိတ်ကူးချိုချိုစာပေက တန်ဖိုး ၆,၀၀၀ ကျပ်ဖြင့် ထုတ် ဝေပါသည်။

Top News