မီးခိုးမထွက်သည့် စက်ရုံများဆီ

ဓာတ်ပုံ−ညီညီဇော်

အောက်တိုဘာ၏ နောက်ဆုံး ရက်တွေက မုန်တိုင်းရှိခဲ့သောကြောင့် အုံ့ ဆိုင်းဆိုင်းလေးဖြစ်နေသည်။ မိုးအုံ့နေသဖြင့်   သွားလို့လာလို့က တော့   အင်မတန်မှ  ကောင်းလှ သည်။  မဟုတ်လျှင်  ဆိုင်ကယ်တစ်စီးဖြင့် အညာမြေနေပူပူဖြင့် ချွေးဒီး ဒီးကျကာ အသားတွေနေလောင် ညိုမည်းကုန်ရော့မည်။ နေရောင် ကောင်းစွာ    မထွက်လာသော် လည်း ရာသီဥတုဆိုးရွားသည့် အ ဆင့်ထိတော့မရောက်၊   ပတ်ဝန်း ကျင်က မှိုင်းတိုင်းတိုင်းလေးဖြစ် နေသည်မှလွဲ၍ ယခင်ရက်ပိုင်းက မိုးရွာ သွန်းခဲ့သောကြောင့် စိမ်း စိုလတ်ဆတ်နေသည်။ စစ်ကိုင်း မြို့ကနေ ဖြာထွက်ခဲ့သည့် ခရိုင် ချင်းဆက် လမ်းမကြီးကတော့ ကျွန်တော်စီးလာသည့် ဆိုင်ကယ် မှလွဲ၍ လူသူကင်းရှင်းတိတ် ဆိတ်နေသည်။ လမ်းအရှေ့ဘက် မင်းဝံတောင်ရိုး ကြီးကတော့ ကျွန် တော်နှင့်အတူ မြောက်စူးစူးဆီ ပြေးလျက်လိုက်လာနေသလိုပင်။

ကျွန်တော်က  ရွှေဘိုခရိုင်၊ ဝက်လက်မြို့နယ်ရှိ ရှိမ်းမကားဒေ သသို့ သွားနေခြင်းဖြစ်သည်။ ရှိမ်း မကားကို ယခင်ကလည်း နှစ် ခေါက်ခန့်ရောက်ဖူးပါသည်။ သို့ သော် ရှိမ်းမကားတောရကြီး ကျောင်းသို့သာ ဦးစားပေးသွားခဲ့ ပြီး နာမည်ကျာ်လှသော ရှိမ်းမကားရွာကြီးသို့ကား ခဏတစ်ဖြုတ်နားရုံလောက်သာ   အချိန်ပေးဖြစ်ခဲ့ သည်။ ဒီတစ်ခေါက်တော့ ရှိမ်းမ ကားရွာကြီးအတွင်း အချိန်ခဏ တော့ ပိုယူဖြစ်မည်ဟု အားခဲထား ခဲ့သည်။ ကျွန်တော်နှင့်အတူ နည်း ပညာတက္ကသိုလ် (စစ်ကိုင်း) မှ ညီ ငယ်တစ်ယောက်လည်း အဖော်အဖြစ် ပါလာခဲ့သည်။ သူကရှိမ်း မကားတစ်ခါမှ မရောက်ဖူးသူ။

ကျွန်တော်ကတော့ ရှိမ်းမ ကားဒေသကို အတော်လေးသ ဘောကျသည်။ ရှိမ်းမကားသွား သည့်အခေါက်တိုင်း စိတ်ပေါ့ပါး လွတ်လပ်သလို ခံစားရသည်။ ကြည့်လေ။ တိတ်ဆိတ်နေသည့် ခရိုင်ချင်းဆက်လမ်းကလေးနှင့် အတူ လမ်းဘေးရှိ စိမ်းစိုနေသည့် လယ်ကွင်းများ၊ နုပျိုလတ်ဆတ် လွန်းလှသည့် လေအေးအေးများ၊ ဟိုးခပ်ဝေးဝေးထိ လမ်းကလေး နှင့် အပြိုင် လိုက်ပါလာသော လွမ်းမောဖွယ် မင်းဝံတောင်ရိုးကြီး စ သည့်စသည့် သဘာဝဝန်းကျင်ရှု ခင်းတွေက ရှိမ်းမကားသွားတိုင်း ကြည်နူးနှစ်သက်မှုကို ခံစားရစေ သည်။ ထို့ကြောင့် ရောက်ဖူးသည့် ဒေသဖြစ်သော်လည်း သွားလို့ရယ် ဘယ်တော့မှမရိုးနိုင်ခဲ့။

ရှိမ်းမကားရှိ တောရကြီး ကျောင်းတိုက်သည် ပထမရွှေ ကျင်သာသနာပိုင် ဆရာတော် အ ရှင်ဇာဂရမထေရ် သီတင်းသုံးခဲ့ပြီး ဆရာတော်သည် မင်းတုန်းမင်း ကြီး၏ ဘွဲ့တံဆိပ်တော် ဆက်ကပ်ခြင်းခံခဲ့ရသည်။ ရှိမ်းမကားတော ကြီးကိုလည်း ဘေးမဲ့တောအဖြစ် စာချွန်တော်ထုတ်ကာ သတ်မှတ် ပေးခဲ့သည်။ ဆရာတော်အတွက် လိုအပ်သည့် ကျောင်းများကို လည်း မင်းတုန်းမင်းကြီးက ဆောက်လုပ်လှူဒါန်းခဲ့သည်။ ထို့ ကြောင့် မင်းတစ်ပါး၏ အလေးအ မြတ်ထားခြင်းကို ခံခဲ့ရဖူးသည့် ရှိမ်းမကားတောရကြီး ကျောင်းအ တွင်းမှာ ရှေးဟောင်းအမွေအနှစ် လက်ရာတွေက တစ်ပုံတစ်ပင်။တန်ဖိုးသိသူ၊ တန်ဖိုးထားသူတွေ အဖို့တော့ လေ့လာလို့ကောင်း မည်ဖြစ်သည်။

ရှိမ်းမကားက ရှေးဟောင်း သမိုင်းဝင်ရုံတင်မက စိတ်ဝင်စား စရာတွေ ရှိနေသေးသည်။ ရှိမ်းမ ကားက စာရေးဆရာကြီး ဦးစံရှား၏  စုံထောက်ဇာတ်လမ်းတွေမှာ လည်း ပါဝင်ဖူးသည်။ နောက်ပြီး ရှိမ်းမကားမလိုင်ပေါက်စီတို့၊ ရှိမ်း မကားမုန့်တီတို့ကလည်း နာမည် ကြီးလှသည်။ မလိုင်ပေါက်စီဆို လျှင် ပေါက်စီအလွတ်ကိုဖဲ့ပြီး မုန့်ကြွပ်၊ သကြား၊ ထောပတ်၊ ကျောက်ကျော၊ ဖရုံယိုတို့ဖြင့်ရော ကာ နို့စိမ်းပေါက်၊ နို့ဆီဆမ်း၊ နွား နို့လောင်းပြီး ပြင်ဆင်ပေးသည်မှာ စား၍ အင်မတန်ကောင်းလှ သည်။

စစ်ကိုင်းမြို့ကနေ တစ်နာရီ ခွဲခန့် ဖြည်းဖြည်းသက်သာမောင်း ပြီးတော့ ရှိမ်းမကားသို့ ရောက်ပါ သည်။ ရှိမ်းမကားသို့ရောက်လျှင် ရောက်ချင်း ရွာတွင်းမှတစ်ဆင့် ရှိမ်းမကား တောရကြီးကျောင်း ဘေးမဲ့တောဆီအရင်သွားလိုက် သည်။ ရှိမ်းမကားဆရာတော်ဆီ အရင်ဝင်ဖူးရန်ဖြစ်သည်။ တောရ ကြီးကျောင်းအဝင်ရောက်တော့ အနည်းငယ်အံ့သြသွားမိသည်။ အခြားကြောင့်မဟုတ်။ ဟိုးအရင် နှစ်ခေါက်လာခဲ့စဉ်က လူသူကင်း ရှင်းတိတ်ဆိတ်ခဲ့သည့် တောရ ကြီးကျောင်းသည် ယခုတော့ အ ဝင်အုတ်လမ်းကလေးနားတွင်ပင် ဆိုင်ကယ်တွေ တန်းစီရပ်ထား သည်ကို တွေ့ခဲ့ရသည်။ ဆိုင်ကယ်တွေတင်မကသေး။ ဈေးဆိုင်လေးနှစ်ဆိုင် ဖွင့်ထားသည်ကိုလည်း မြင်ရသည်။

ရှိမ်းမကားဒေသသို့ သွား ရောက်လည်ပတ်စေချင်သော ကြောင့် သတင်းစာတွင် ခရီးသွား လမ်းညွှန်များ၊ ရုပ်သံအစီအစဉ် များ တင်ဆက်ပေးခဲ့ဖူး၍ ယခု ဧည့်သည်များလာနေပြီဆိုတော့ ဝမ်းသာခဲ့ရသည်။ သို့သော် ထိုဝမ်း သာမှုက ကြာရှည်မခံ။ ရှိမ်းမကား တောရကြီးကျောင်း ဆရာတော် ဆီရောက်တော့ အကြောင်းစုံသိရ သည်။

ဆရာတော်က မိမိတို့ဒေသ ဧည့်သည်များ လာရောက်လည် ပတ်၍ ဝမ်းသာပါကြောင်း၊ သို့ သော် အချို့လူငယ်တွေကတော့ လူငယ်သဘာဝမို့ အပျော်သ ဘော အလည်သက်သက် လာ ရောက်ကြသည့်အတွက် စည်း ကမ်းမဲ့အမှိုက်စွန့်တာတွေ၊ ဘုန်း ကြီးကျောင်းထဲ တဝါးဝါးတဟား ဟား နေကြတာတွေ၊ ရှေးဟောင်း ပစ္စည်းတွေတန်ဖိုး နားမလည်တာ တွေ ရှိလာခဲ့သည်ဟု ဆရာတော် က မိန့်သည်။ ထို့အတွက် စိတ်မ ကောင်းဖြစ်ရသည်ဟု ဆရာတော်က မိန့်ဆိုပါသည်။ ထို့အတွက် စည်းကမ်းချက်တွေကိုလည်း ဆိုင်းဘုတ်မှာ ရေးထားရပြီး အ မှိုက်ပုံးတွေလည်း ဝယ်ကာချထား ရသည်ဟု မိန့်သည်။

ခရီးသွားစရာနေရာ တစ်ခု ပေါ်ပေါက်လာတိုင်း၊ ပေါ်ပေါက် လာတိုင်း ဒေသခံများအတွက် အ နည်းဆုံး     ဈေးလေးဘာလေး ရောင်းရ ရောင်းရ ဝင်ငွေတိုးတော့ မည်ဟုတွေးကာ ဝမ်းသာရသည်။ သို့သော် သက်ဆိုင်ရာတာဝန်ရှိသူ များ၏ ကောင်းမွန်သည့်အစီအမံ များ ဆောင်ရွက်ပေးမှု အားနည်း သောကြောင့် သွားလည်သူအ တွက်လည်း အဆင်မပြေ၊ ဒေသခံ အတွက်လည်း ကောင်းစွာအကျိုး ကျေးဇူး မခံစားရသည့် သာဓက တွေက ရှေ့မှာ ခပ်များများပင်။

ဆရာတော်အား နှုတ်ဆက် ကန်တော့ရင်း တောရကြီး ကျောင်းထဲ ခေတ္တခဏလည်ပတ် ဖြစ်သည်။ တောရကြီးကျောင်း၏ အရှေ့ဘက်တွင်တော့ ဧရာဝတီ မြစ်ပြင်ကျယ်ကို လှမ်းမြင်နေရ သည်။ လူငယ်တစ်သိုက်ကတော့ မြစ်ဘက်ကို တပျော်တပါးကြီး ပြေးဆင်းသွားကြသည်။ ကျောင်း ထဲ ခဏပတ်ကြည့်ပြီးတော့ ရှိမ်းမ ကားရွာဘက် ပြန်ဆင်းခဲ့ကြ သည်။

ရွာထဲရောက်တော့ မြစ်ဆိပ် ဆီ အရင်ဆင်းကြသည်။ မြစ်ဆိပ် မှာ မော်တော်တချို့ ဆိုက်ကပ် ထားသော်လည်း လူသူဟူ၍ သိပ် မတွေ့ရ။ ယခင်ကတော့ ရှိမ်းမ ကားမြစ်ဆိပ်သည် မော်တော်များ တင်သာမက သင်္ဘောများအထိ ပင် ဆိုက်ကပ်ခဲ့ဖူးသည်ဟု သိရ သည်။ ရှိမ်းမကားဝန်းကျင်ရွာတွေ က ရှိမ်းမကားကနေတစ်ဆင့် အ ထက်ဆို ဗန်းမော်၊ ကသာ၊ အောက်ဆို မန္တလေး၊ မြင်းခြံ၊ ပခုက္ကူစသဖြင့် ကုန်စည်ကူးလူး ရောင်းဝယ်နိုင်ခဲ့ကြသည်။

ရှိမ်းမကားက မြစ်နားကပ် ကာတည်ရှိတာမို့ အင်္ဂလိပ်အစိုးရ လက်ထက်က ခရိုင်ရုံးတွေ ရုံးစိုက်ခဲ့ကြသည်။ ပွဲရုံ လေး၊ ငါး၊ ခြောက်ခုလည်း ရှိခဲ့သည်။ ထို့အပြင် ကို လိုနီခေတ်က တည်ဆောက်ခဲ့ သည့် ဈေးကြီးလည်းရှိသည့်အ တွက် အနီးအနားပတ်ဝန်းကျင် ကျေးရွာများကတော့ ရှိမ်းမကား ကို မရောက်မဖြစ် သွားရောက်ရ သည်။ ရုံးတွေစိုက်ခဲ့ဖူးသဖြင့် ရှိမ်း မကားက ရွာဆိုပေသိ ပေ ၄၀၊ ပေ ၆၀ အကွက်ကလေးတွေ စနစ်တ ကျပိုင်းထားသည်။ လမ်းတွေက လည်း စနစ်တကျ သူ့အကွက်နှင့် သူ အကောင်အထည်ဖော်ထားခဲ့ သည်ဟု ရှိမ်းမကားဒေသခံ ဦးသန်းထွန်းက ပြောပြသည်။

ထိုအချိန်ကတော့ ရှိမ်းမ ကားက အချက်အချာကျသဖြင့် ရွာကလူငယ်လူရွယ်တွေလည်း ရွာတင်လုပ်ငန်းကိုင်ငန်း အဆင် ပြေ၍ တခြားဒေသသို့ သွား ရောက်အလုပ်လုပ်ကိုင်ရန် မလို။ မျက်စီနှစ်လုံးဖွင့်လိုက်လျှင် လုပ် စရာ၊ ကိုင်စရာ ဝင်ငွေရပေါက်ရ လမ်းတွေက ရှိမ်းမကားသို့ မြစ်ရေ နှင့်အတူ ဆိုက်ရောက်လာခဲ့ဖူး သည်။ ယခုတော့မြစ်ကြောင်း ပြောင်းသွား၍ သင်္ဘောတွေလာမ ဆိုက်နိုင်တော့။ ထို့အပြင် လမ်း ပန်းဆက်သွယ်ရေးတွေ ကောင်း လာတော့ ရေကြောင်းအပေါ် သိပ်မအားကိုးကြတော့။ ထို့အတွက် ရှိမ်းမကားက လူငယ်လူရွယ်အ ချို့လည်း တခြားရွာများက လူ ငယ်များအတိုင်း ရေကြည်ရာမြတ်နုရာ ရွှေ့ပြောင်းသွားလာ ဝမ်းစာ ရှာရသည်။ ရှိမ်းမကားမြစ်ဆိပ်က တော့ တိတ်တိတ်ဆိတ်ဆိတ်ပင် ကျန်ရစ်ခဲ့သည်။

သို့သော် လုံးဝအလုပ်မဖြစ် အောင် ဖြစ်သွားတာမျိုးတော့ မ ဟုတ်။ ယာလုပ်သူတွေရှိသည်။ မိရိုးဖလာ ရှိမ်းမကားမြေအိုးလုပ် ငန်းလုပ်သူကလည်း လုပ်ကြ သည်။ ဈေးရောင်းဈေးဝယ်လည်း လုပ်သည်။ ထို့အတွက် ရွာရဲ့စီး ပွားရေးအခြေအနေက ဟိုးယခင် တုန်းကလောက် မဟုတ်ပေသိ အ ဆိုးကြီးတော့မဟုတ်။ လူဦးရေ သုံး ထောင်ကျော်၊ အိမ်ခြေ ၇၀၀ ခန့် ရှိသည့် ရှိမ်းမကားသည် မြို့ငယ် လေးတစ်ခုပမာ စည်းကားဆဲဖြစ် သည်။ ကျေးရွာတွေမှာ မြင်ရခဲ သည့် ဖုန်းဆိုင်တွေလည်း ရှိမ်းမ ကားမှာရှိသည်။ လက်ဖက်ရည် ဆိုင်ပေါင်းကလည်း ၂၀ ကျော် တောင် ရှိသတဲ့။ ရှိမ်းမကားကနေ စစ်ကိုင်း၊ မန္တလေး သွားနိုင်ဖို့လိုင်း ကားတွေကလည်း နေ့တိုင်းသူ့အ ချိန်နှင့်သူထွက်နေသည်။ ထို့အ တွက် ရှိမ်းမကားသည် ခေတ်နှင့် မျက်ခြည်မပြတ်ခဲ့။

ယခုတော့ရှိမ်းမကားကို လူ မှုကွန်ရက် မီဒီယာတွေကတစ် ဆင့် လူသိများလာတာကြောင့် လူသူအရောက်အပေါက် များလာခဲ့သည်။ အခါကြီးရက်ကြီးများဆို လျှင် ကားအစီးရေရာကျော်၊ လူဦးရေထောင်ချီသည်အထိ လာ ရောက်လည်ပတ်ကြသည်။ သို့ သော် ဧည့်သည်လာလျှင် ဘယ်လို ဝန်ဆောင်မှုတွေပေးပြီး ထိုက်တန်သည့် အခကြေးငွေရရှိအောင်ကြံ ဆောင်ရမည်ကို ဒေသခံများအဖို့ မတွေးတောမိကြ။ ကျေးလက်နေ တောသူတောင်သားများ ကိုယ့် နယ်ကိုယ့်ဒေသ ဧည်သည်လာ လျှင်ကို ကျေနပ်နေကြပြီမို့ ရပ်ရွာ အခြေပြု စီးပွားရေးလုပ်ဖို့လောက် အထိ မစဉ်းစားဖြစ်ကြ။ ဒေသ ခံတချို့ တလေက ထမင်းတို့၊ အချို ရည်တို့၊ ရေသန့်ဘူးတို့လောက် သာ ရောင်းချခဲ့ကြသည်။

ရှိမ်းမကားကနေ ညနေမ စောင်းခင် ပြန်လာခဲ့ကြသည်။ ဆိုင်ကယ်စီးရင်း ခရီးသွားခြင်းနှင့် ပတ်သက်သည့်အတွေးတွေ တွေး တောနေမိခဲ့သည်။ ခရီးသွားလုပ် ငန်းကို မီးခိုးမထွက်သည့်စက်ရုံဟု တင်စားကြသည်။ မှန်လည်းမှန်ပါ သည်။ ထိုမီးခိုးမထွက်သည့် စက်ရုံ များမှတစ်ဆင့် ဒေသခံများအ တွက် အလုပ်အကိုင်အခွင့်အ လမ်းတွေ ဖန်တီးပေးနိုင်ပါလိမ့် မည်။ မြန်မာပြည်တစ်နံတစ်လျား တွင် ‘ပြ’ စား၍ကောင်းသော၊ တစ် နည်းအားဖြင့် မီးခိုးမထွက်သည့် စက်ရုံများ တည်ဆောက်၍ရနိုင် သော သမိုင်းတန်ဖိုးကြီးမားသည့်၊ စိတ်ဝင်စားဖွယ် ကောင်းသည့်၊ ကြည်နူးနှစ်သက်ဖွယ် ဖြစ်စေ သည့် နေရာဒေသတွေက အများ ကြီးကျန်နေပါသေးသည်။ ထိုစက်ရုံများ တစ်နေ့တော့ လည်ပတ် လာနိုင်မှာပါလေဟု မျှော်လင့်ကြ ရုံသာ။ နံနက်ခင်းထွက်လာချိန်က နေရောင်ကောင်းစွာ မရခဲ့သော် လည်း အပြန်မှာတော့ တိမ်တွေ ကြားမှတစ်ဆင့် နေရောင်အနည်း ငယ် ထိုးထွက်လာခဲ့သည်။ နေ ကျချိန်ဖြစ်သော်လည်း ကျနေနှင့် အတူ အညာဒေသတစ်ခုလုံး ရွှေ ရောင်တလက်လက် ထလျက် ပင်။

Top News