လှသောပန်းများ မနွမ်းစေဖို့ ဂျပန်ဦးနှောက်ရောင် ကာကွယ်ဆေး မပျက်ထိုးနှံပါ

ငါးနှစ်အောက် ကလေးငယ်များ သေဆုံးမှု၏ တတိယမြောက် အကြောင်းရင်းခံဖြစ်သည့် ဂျပန်ဦးနှောက်ရောင်ရောဂါကို ကာကွယ်နိုင်ရန် လာမည့်နိုဝင်ဘာက စတင်ကာ တစ်နိုင်ငံလုံး အတိုင်းအတာဖြင့် အခမဲ့ကာကွယ်ဆေးထိုးနှံမှု စတင်တော့မည်ဖြစ်သည်။

ရင်သွေးရှိသော မိဘများအနေဖြင့် ဂျပန်ဦးနှောက်ရောင် ရောဂါကာကွယ်ဆေးကို မဖြစ်မနေ ထိုးနှံရန်လိုအပ်ပေသည်။ အဘယ်ကြောင့်ဆိုသော် ရောဂါပိုးကြောင့် ဦးနှောက်ရောင်ပြီဆို ပါက အသက်သေဆုံးနိုင်ပြီး ထိုသို့ အသက်မသေဆုံးလျှင်လည်း ဦး နှောက်နှင့် ခန္ဓာကိုယ်ချွတ်ယွင်းမှုများ ဖြစ်ပေါ်နိုင်သည်။ ရောဂါ ပျောက်ကင်းအောင်ကုသရန် ထိရောက်သော ဆေးမရှိခြင်း ကြောင့် ကာကွယ်ဆေးထိုးရန် လွန်စွာအရေးကြီးလှသည်။

‘‘ကလေးတွေ သေဆုံးမှုလည်းများတယ်။ ဒုက္ခိတဘဝကို ရောက်စေတဲ့ ရောဂါဆိုးကြီးတစ်ခုပေါ့။ ဂျပန်ဦးနှောက်ရောင်က သုံးပုံတစ်ပုံက အသက်သေဆုံးတယ်။ ဦးနှောက်အာရုံကြောတွေ၊ ကိုယ် လက်အင်္ဂါ မသန်စွမ်းတာတွေ လည်း ဖြစ်ပွားနိုင်တယ်။ ဒါကြောင့် ဖြစ်မှကုတာထက် ကြို တင်ကာကွယ်ပေးတာ အကောင်းဆုံးပဲ’’ဟု ပြည်သူ့ကျန်းမာရေးဦးစီးဌာန သဘာဝဘေးနှင့် ကူးစက် ရောဂါကာကွယ်တိုက်ဖျက်ရေးမှ ဒုတိယညွှန်ကြားရေးမှူးချုပ် ဒေါက်တာသန်းထွန်းအောင်က ရှင်းပြသည်။

အဆိုပါ ရောဂါသည် တစ်နှစ်ပတ်လုံး ကူးစက်ဖြစ်ပွားလေ့ရှိပြီး ကူးစက်ခံရပါက ၂၀ ရာခိုင်နှုန်းမှ ၃၀ ရာခိုင်နှုန်းအထိ သေဆုံးနိုင်ကာ အသက်ရှင်ကျန်ရစ်သူများ အနက် ၃၀ ရာခိုင်နှုန်း ကိုယ်လက် အင်္ဂါ မသန်စွမ်းခြင်း၊ နားလေးခြင်း၊ မကြာခဏတက်ခြင်းနှင့် စကား မပြောနိုင်ခြင်းအပြင် အခြားစိတ်ပိုင်းဆိုင်ရာနှင့် အပြုအမူဆိုင်ရာ ချို့ယွင်းမှုများ ဖြစ်ပွားနိုင်သည်။

ကမ္ဘာ့ကျန်းမာရေးအဖွဲ့၏ ခန့်မှန်းချက်အရ ဂျပန်ဦးနှောက်ရောင်ရောဂါ ဖြစ်ပွားလေ့ရှိသော အရှေ့တောင်အာရှနှင့် အနောက်ပစိဖိတ်ဒေသရှိ နိုင်ငံများတွင် ရောဂါဖြစ်ပွားမှုနှုန်းသည် လူဦးရေ တစ်သိန်းလျှင် နှစ်ဦးခန့်ဖြစ်ပြီး နှစ် စဉ် ရောဂါဖြစ်ပွားသူ၆၈,၀၀၀ ခန့်နှင့် သေဆုံးသူ ၁၃,၆၀၀ မှ ၂၀,၄၀၀ ဦးခန့်ရှိသည်။

 မြန်မာနိုင်ငံ၌ ဂျပန်ဦး နှောက်ရောင်ရောဂါ ဖြစ်ပွားမှုသည် ၂၀၁၆ တွင် ၃၉၃ ဦးဖြစ်ပွားပြီး ၁၁၇ ဦး သေဆုံးခဲ့သည်။ ထို့ပြင် ရောဂါကူးစက်ခံရသူများအနက် နောက်ဆက်တွဲ ဆိုးကျိုးအဖြစ် ကိုယ်လက်အင်္ဂါ မသန်စွမ်း ဖြစ် ပွားမှု ၁၃၁ ဦးအထိ ရှိခဲ့သည်။ ထို့ပြင် ယခုနှစ် ၂၀၁၇ ဇန်နဝါရီမှ ဇွန်လအထိ ဖြစ်ပွားသူဦးရေ တစ် နိုင်ငံလုံး အတိုင်းအတာဖြင့် ၁၄၆ ဦးရှိပြီး သေဆုံးသူ ၄၂ ဦးရှိကာ ကိုယ်အင်္ဂါ မသန်စွမ်းသူ ၃၁ ဦးရှိခဲ့ကြောင်း ကျန်းမာရေးနှင့် အားကစားဝန်ကြီးဌာနက ထုတ် ပြန်ထားသည်။

အဆိုပါနေရာများအနက် ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ပဲခူးတိုင်းဒေသကြီးတို့တွင် ဖြစ်ပွားနှုန်းနှင့် သေဆုံးနှုန်း အမြင့်မားဆုံးဖြစ်ကြောင်း ဝန်ကြီးဌာနက ထုတ်ပြန်ထားသော စာရင်းများ၌ ဖော်ပြထား သည်။

ယင်းရောဂါသည် ကပ်အသွင် ဖြစ်ပွားနိုင်သဖြင့် မြန်မာ နိုင်ငံအပါအဝင် အခြားဖွံ့ဖြိုးဆဲ နိုင်ငံများပါ ဂျပန်ဦးနှောက်ရောင်ကာကွယ်ဆေးကို ထိုးနှံရန် ကမ္ဘာ့ကျန်းမာရေးအဖွဲ့ကြီးက ၂၀၁၅ ကတည်းက လမ်းညွှန်ထားသော် လည်း ငွေကြေး အခက်အခဲကြောင့် ယခုမှ စတင်ထိုးနှံရန်စီစဉ် ရကြောင်း ဒေါက်တာသန်းထွန်း အောင်က ရှင်းပြသည်။

ဂျပန်ဦးနှောက်ရောင်ရောဂါ ဘာကြောင့်ဖြစ်တာလဲ

ဂျပန်ဦးနှောက်ရောင် (JE) ဗိုင်းရပ်စ်ပိုး သယ်ဆောင်ထားသော ကျူးလပ် (Culex Tritaeni- orhynchus) ခြင်ကိုက်ခံရခြင်းကြောင့် ဖြစ်ပွားကာ ကူးစက်ပြန့် ပွားတတ်သည့် ရောဂါတစ်မျိုးဖြစ်သည်။ ယင်းဗိုင်းရပ်စ်ပိုးသည် ဝက်များ၊ ရေစပ်တွင်နေသော ငှက်များ၏ ခန္ဓာကိုယ်အတွင်း လှည့်ပတ်ကူးစက်ပွားများလေ့ရှိ ပြီး အဆိုပါတိရစ္ဆာန်ကို ကိုက်သည့်ခြင်မှတစ်ဆင့် လူနှင့်အခြား တိရစ္ဆာန်များကို ကူးစက်လေ့ရှိသည်။ သို့သော် ယင်းရောဂါပိုး သည် လူတစ်ဦးမှတစ်ဦးသို့ မကူးစက်နိုင်ပေ။ ရောဂါပျိုးရက်သည် ၅ ရက်မှ ၁၅ ရက်အထိဖြစ်သည်။ ရောဂါကူးစက်ခံရသူ ၂၅၀ ဦးတွင် တစ်ဦးသာ ရောဂါလက္ခဏာ ပြတတ်ပြီး ကျန်သူများတွင် သာမန်တုပ်ကွေးကဲ့သို့ လက္ခဏာပြတတ် သည်။

 ရောဂါလက္ခဏာများသည် ရုတ်တရက်ဖျားခြင်း၊ ချမ်းတုန် ခြင်း၊ ခေါင်းကိုက်ခြင်း၊ မောပန်း နွမ်းနယ်ခြင်း၊ ပျို့ခြင်း၊ အော့အန် ခြင်းတို့ကို ခံစားရနိုင်သည်။ ရောဂါအခြေအနေ ဆိုးရွားလာသည့်အခါ ဦးနှောက်ရောင်ရမ်းခြင်း၊ စိတ်ရှုပ်ထွေးတွေဝေခြင်း၊ တက် ခြင်း၊ အကြောဆွဲခြင်းများ ဖြစ်ပွား နိုင်ပြီး အချို့လူနာများတွင်မူ သတိလစ်မေ့မြောခြင်း၊ အကြော သေခြင်းနှင့် အသက်ဆုံးရှုံးနိုင်ခြေ ရှိသည်။

‘‘အမှန်က ဒီရောဂါရဲ့သဘာဝက သူ့ရဲ့ဗိုင်းရပ်စ်ပိုးက ဝက်တို့၊  ကျွဲတို့၊ နွားတွေကို ခြင်ကကိုက် တယ်။ အဲဒီခြင်ကို ရောဂါပိုးကူးပြီးတော့ လူကို ထပ်ကိုက်ရာကတစ်ဆင့်ကူးတာပါ ’’ဟု ဒေါက်တာသန်းထွန်းအောင်က သုံးသပ်သည်။

ရောဂါကူးစက်ခံရပါက သေဆုံးနိုင်ခြေ မြင့်မားပြီး အသက်မသေဘဲ ကျန်ရစ်သူများတွင် ကိုယ်လက်အင်္ဂါမသန်စွမ်းဖြစ်ပွား နိုင်ကာ ယင်းရောဂါဖြစ်ပွားလျှင် ပျောက်ကင်းအောင် ကုသနိုင်သည့် ထိရောက်သောဆေးဝါး မရှိသေးပေ။

ဘယ်အရွယ်တွေ ကာကွယ်ဆေး ထိုးသင့်လဲ

အဆိုပါ ရောဂါသည် အသက်အရွယ်မရွေး ဖြစ်ပွားနိုင်သော်လည်း အဓိကအားဖြင့် ကလေးများ၌ ပိုမိုဖြစ်ပွားလေ့ရှိပြီး မြန်မာနိုင်ငံတွင် အသက် (၁၅)နှစ် အောက်ကလေးများတွင် အများဆုံးဖြစ်ပွားသည်။ ထို့ကြောင့် ကျန်းမာရေးနှင့် အားကစားဝန်ကြီး ဌာနက ယခုကာကွယ်ဆေးထိုးနှံ အစီအစဉ်တွင် အသက်ကိုးလမှ (၁၅)နှစ်အရွယ်များကို အဓိက ထိုးနှံပေးမည်ဖြစ်သည်။

ထိုသို့ ထိုးနှံပေးရာတွင် ကျန်းမာရေးနှင့် အားကစားဝန်ကြီးဌာနအပြင် ယူနီဆက်၊ ကာကွယ်ဆေးထောက်ပံ့သော နိုင်ငံတကာအဖွဲ့အစည်း Gavi နှင့် ကမ္ဘာ့ကျန်းမာရေးအဖွဲ့တို့၏ ပူးပေါင်းထည့်ဝင်ငွေ ဒေါ်လာ ၁၅ သန်း အသုံးပြုကာ တစ်နိုင်ငံလုံးရှိ အသက်ကိုးလမှ (၁၅)နှစ်အတွင်း ရှိ ကလေးငယ် ၁၄ သန်းကို အခမဲ့ကာကွယ်ဆေး ထိုးနှံပေးရန် စီစဉ်ထားသည်။ ပြည်သူလူထုအခြေပြု နှင့် ကျောင်းအခြေပြုဟူ၍ ခွဲခြား သတ်မှတ်ကာ ကာကွယ်ဆေးထိုး စုရပ်များ၌ ထိုးနှံပေးမည်ဖြစ် သည်။

ကျောင်းအခြေပြုအဖြစ် နိုဝင်ဘာ ၁၅ ရက်မှ ၂၃ ရက်အထိ ကျောင်းနေအရွယ်ကလေးများ အားလုံးနှင့် စာသင်ကျောင်း၊ ဘုန်းတော်ကြီးသင် ပညာရေး ကျောင်း၊  ပုဂ္ဂလိကကျောင်း၊ နိုင် ငံတကာကျောင်းများနှင့် မိဘမဲ့ ကလေးကျောင်းများ၌ ပြည်သူလူထုအခြေပြုအဖြစ် ဒီဇင်ဘာ ၁၁ ရက်မှ ၂၀ ရက် အထိ အသက်ကိုးလမှ (၁၅)နှစ်အရွယ်အထိ ကလေးများကို မြို့နယ်ဆေးရုံ၊ မိခင်နှင့်ကလေး ကျန်းမာရေးဌာန၊ ဒေသန္တရ ကျန်းမာရေးဌာန၊ တိုက် နယ်ဆေးရုံ၊ ကျေးလက်ကျန်းမာ ရေးဌာန၊ အုပ်ချုပ်ရေးရုံး၊ ဓမ္မာရုံ များ၊ ဘုန်းကြီးကျောင်းများစသည့် ကာကွယ်ဆေးထိုး စုရပ်များတွင် ထိုးနှံပေးမည်ဖြစ်သည်။

ထို့အပြင် ကျောင်းအခြေပြု ကာကွယ်ဆေးထိုး အစီအစဉ်တွင် ကာကွယ်ဆေးထိုးရန် ကျန်ခဲ့သည့် (၁၅)နှစ်အရွယ်ကလေးများနှင့် ကျောင်းမနေသော ကလေးငယ်များကိုပါ ထည့်သွင်း ထိုးနှံပေးမည် ဖြစ်သည်။

‘‘ကာကွယ်ဆေးထိုးရမယ့် စာရင်းကိုလည်း ရပ်ကွက်၊ ကျေးရွာအုပ်ချုပ်ရေးမှူးတွေဆီကတစ်ဆင့် ကောက်ထားပြီးပါပြီ။ ကာကွယ်ဆေးထိုးဖို့အတွက် ဖိတ်စာလည်းပေးမှာပါ။ တချို့က ဖိတ် စာမရတဲ့သူတွေလည်း ရှိနိုင်တယ်။ ဖိတ်စာမရပေမယ့်လည်း အသက် ကိုးလကနေ (၁၅)နှစ်အတွင်းရှိတဲ့ ကလေးတွေအားလုံး လာရောက်ထိုးနှံနိုင်ပါတယ်’’ဟု ဗဟိုတိုးချဲ့ကာကွယ်ဆေးထိုးလုပ်ငန်းမှ လက်ထောက်ညွှန်ကြားရေးမှူး ဒေါက် တာ ထားထားလင်းကဆိုသည်။

ထို့အပြင် လက်နက်ကိုင် ဒေသများနှင့် ကိုယ်ပိုင်အုပ်ချုပ်ခွင့် ရဒေသများတွင်လည်း ယင်းကာကွယ်ဆေးကို တတ်နိုင်သလောက် ထိုးနှံပေးရန် ကြိုးစားမည်ဖြစ်သည်။

‘‘လက်နက်ကိုင်ဒေသတွေ မှာတော့ တတ်နိုင်သလောက် ထိုးသွားမယ်။ ရခိုင်ပြည်နယ်မှာတော့ တစ်ဖက်နိုင်ငံက ပြန်လာတဲ့ ကလေးတွေကိုလည်း ထိုးနှံပေးမယ်။ သူတို့မှာလည်း ကာကွယ် ဆေးထိုးနှံဖို့အတွက် အခွင့်အရေး ရှိတယ်။ တိုင်းရင်းသားတွေကတော့ ထိုးပေးရလွယ်ပါတယ်။ ပြဿနာရှိတာက တစ်ဖက်နိုင်ငံက ကလေးတွေနဲ့ ဘင်္ဂါလီကလေး တွေကိုတော့ ကာကွယ်ဆေးထိုးပေးဖို့ အခက်အခဲရှိတယ်။ ဒါကို လည်း လုံခြုံရေးယူပြီးတော့ ထိုးနှံ ပေးသွားမှာပါ’’ဟု ဒေါက်တာ သန်းထွန်းအောင်က ဆိုသည်။

၎င်းက ဆက်လက်၍ ‘‘ဆက်သွယ်ရေးအော်ပရေတာတွေကနေတစ်ဆင့်လည်း တိုက်တွန်းနှိုးဆော်သွားမယ်။ မရှိတဲ့နေရာတွေမှာကျတော့ သက်ဆိုင်ရာဘာသာစကားနဲ့ ရခိုင်၊ ကချင်၊ ဘင်္ဂါလီ စတဲ့သူတွေအတွက်ဆိုရင် မေယုFM ကနေတစ်ဆင့် ကြေညာသွားမယ်။ သက်ဆိုင်ရာဘာသာရေးခေါင်းဆောင်တွေကနေ တစ်ဆင့်လည်း ကြေညာသွားမယ်’’ဟု ကာကွယ်ဆေးထိုး အစီအစဉ်နှင့်ပတ်သက်၍ ရှင်းပြသည်။

ကာကွယ်ဆေးကို ဘယ်နှကြိမ် ထိုးနှံသင့်လဲ

‘‘တစ်ကြိမ်ထိုးနှံပြီးရင် ၈၅ ရာခိုင်နှုန်းကနေ ၁၀၀ ရာခိုင်နှုန်းအထိ ကာကွယ်ပေးတယ်။ ငါးနှစ်လောက်ကျရင် တစ်ကြိမ်ထပ်ထိုး ဖို့လိုပေမယ့် တစ်ကြိမ်ထိုးရုံနဲ့ ၁၅ နှစ်လောက် ကာကွယ်နိုင်ပါတယ်။ နီပေါနိုင်ငံမှာဆို တစ်ကြိမ်ထိုးရုံနဲ့ တင် ၇၂ ရာခိုင်နှုန်း ကာကွယ်နိုင်တာကို တွေ့ရတယ်’’ဟု ဒေါက်တာသန်းထွန်းအောင်က ဆိုသည်။

ယခု ထိုးနှံပေးမည့် ကာကွယ်ဆေးကို တရုတ်နိုင်ငံကထုတ်လုပ်ပြီး ၂၀၁၃ အောက်တိုဘာတွင်ကမ္ဘာ့ကျန်းမာရေးအဖွဲ့က အရည်အသွေး ပြည့်မီကြောင်း အသိအမှတ်ပြုထားသော ဆေးဖြစ်သည်။ လက်ရှိတွင် နီပေါ၊မြောက်ကိုရီးယား၊ တောင်ကိုရီးယား၊ သီရိလင်္ကာ၊ အိန္ဒိယ၊ ထိုင်း၊လာအို၊ ကမ္ဘောဒီးယား၊ မလေးရှား၊ဗီယက်နမ်နိုင်ငံတို့၌  သုံးစွဲနေကြောင်း ၎င်းကဆိုသည်။

ကျန်းမာရေးနှင့် အားကစား ဝန်ကြီးဌာနအနေဖြင့် ၂၀၁၆က ဦးနှောက်အမြှေးရောင် ကာကွယ်ဆေးကို ပုံမှန်ကာကွယ်ဆေးထိုး အစီအစဉ်တွင် ၁၀ ခုမြောက် ကာကွယ်ဆေးအဖြစ် ထည့်သွင်းနိုင်ခဲ့ပြီး လာမည့် ၂၀၁၈ တွင် ဂျပန် ဦးနှောက်ရောင် ကာကွယ်ဆေးကို ပုံမှန်ကာကွယ်ဆေးထိုး အစီအစဉ် ၌ ၁၁ ခုမြောက် ကာကွယ်ဆေး အဖြစ် ထည့်သွင်းထိုးနှံပေးမည် ဖြစ်သည်။

ပြင်ပတွင် ဂျပန်ဦးနှောက် ရောင် ကာကွယ်ဆေးထိုးနှံမည်ဆိုပါက ဆေးတစ်လုံး၏ တန်ဖိုးသည် ကျပ်လေးသောင်းမှ ကျပ်ငါးသောင်းအထိ ကျသင့်မည်ဖြစ်သည်။

‘‘ကျွန်တော်တို့ စိုးရိမ်တာက အစိုးရက အခမဲ့ထိုးပေးရင် လူတွေက သိပ်ပြီး မထိုးချင်ကြဘူး။ နောက်တော့မှ ဆေးရုံတွေကိုလာပြီး ကာကွယ်ဆေးထိုးကြတယ်။ အခု ကာကွယ်ဆေးထိုးတဲ့အချိန် မှာ ပါဝင်နိုင်ဖို့လိုတယ်။ အခုဆို အပြင်မှာ ဂျပန်ဦးနှောက်ရောင် ကာကွယ်ဆေးက ပြတ်လပ်နေတယ်။ ထိုးမယ်ဆိုရင် စင်ကာပူနဲ့ ဘန်ကောက်မှာ သွားထိုးမှရနိုင် မယ်။ ဒါကြောင့် အခမဲ့ရတုန်း ထိုးနှံဖို့ အကြံပြုချင်တယ်’’ဟု ရန် ကုန်ကလေးဆေးရုံကြီးမှ ကလေး အထူးကုဆရာဝန်ကြီး ပါမောက္ခ ဒေါက်တာရဲမြင့်ကျော်က ဆိုသည်။

ပြင်ပပုဂ္ဂလိက ဆေးရုံ၊ ဆေး ခန်းများ၌ ဂျပန်ဦးနှောက်ရောင် ကာကွယ်ဆေးကို တစ်ကြိမ်၊ နှစ်ကြိမ် ထိုးနှံပြီးဖြစ်ပါက ကာ ကွယ်ရန်လုံလောက်ပြီး ယခုအစီ အစဉ်တွင် ထပ်မံထိုးနှံမည်ဆိုပါ ကလည်း ဆိုးကျိုးမရှိဘဲ ပိုမိုထိ ရောက်မှုရှိမည်ဖြစ်ကြောင်း ကာကွယ်ဆေးနောက်ဆုံးထိုးပြီးသည့် အချိန်နှင့် တစ်လခြား၍ ထိုးနှံနိုင် ကြောင်း ကလေးအထူးကုဆရာ ဝန်ကြီးများက ဆိုသည်။

ဘေးထွက်ဆိုးကျိုးဘာတွေဖြစ်နိုင်လဲ

ကာကွယ်ဆေးထိုးပြီးပါက နာကျင်ခြင်း၊ ရောင်ရမ်းခြင်း၊ အနည်းငယ်ဖျားခြင်း၊ ပျို့အန်မူး ဝေခြင်း စသည့် ပြင်းထန်ခြင်းမရှိ သော တုံ့ပြန်မှုများ ဖြစ်ပေါ်နိုင် ပြီး တစ်ရက်၊ နှစ်ရက်အတွင်း အလိုအလျောက် ပျောက်ကင်း မည်ဖြစ်ကြောင်း ကလေးအထူး ကု ဆရာဝန်ကြီး ဒေါက်တာ စောဝင်းက ပြောသည်။

‘‘ပျောက်ကင်းမှုမရှိဘူးဆိုရင် ကလေးငယ်က အခြားရောဂါတစ်ခု ဝင်ရောက်နေလို့ဆိုပြီး ယူဆနိုင်တဲ့အတွက် နီးစပ်ရာ ကျန်းမာရေးဌာနကို သွားရောက်ပြသဖို့လိုပါတယ်’’ဟု အဆိုပါဆရာဝန်ကြီးက ကာကွယ်ဆေးထိုးပြီးနောက် တုံ့ ပြန်မှုများ မပျောက်ကင်းပါက ကုသမှုခံယူရန် လမ်းညွှန်သည်။

သို့သော် ကာကွယ်ဆေးထိုး အစီအစဉ်တွင် ဖျားနာနေသည့် ကလေးများ၊ လွန်ခဲ့သည့်နှစ်လအတွင်း တီဘီရောဂါဆေး သောက်သုံးနေရသူများ၊ ခုခံအားကျဆင်း မှု ကူးစက်ရောဂါ ကာကွယ်ဆေး သောက်သုံးနေရသူများ၊ HIVရောဂါဝေဒနာရှင်များ၊ အတက်ရောဂါရှိသူများ၊ နာတာရှည် ရောဂါရှိသူများသည် ဆရာဝန် များနှင့်တိုင်ပင်ပြီးမှသာ ကာကွယ်ဆေးထိုးနှံရမည်ဟု ဆရာဝန်ကြီး များက အကြံပြုသည်။

ဂျပန်ဦးနှောက်ရောင်ရောဂါသည် အသက်တစ်နှစ်အောက် ကလေးငယ်များတွင် စတုတ္ထ မြောက် အသေအပျောက်အများ ဆုံးရောဂါဖြစ်ပြီး အသက်တစ်နှစ်မှ ငါးနှစ်အောက်ကလေးငယ်များတွင်မူ တတိယမြောက် အသေ အပျောက် အများဆုံးရောဂါဖြစ်သည်။ ဝမ်းပျက်ဝမ်းလျှောရောဂါ၊ အဆုတ်အအေးမိရောဂါများကဲ့သို့ အဖြစ်မများသော်လည်း သေဆုံးမှု နှုန်းသည် တတိယနေရာတွင် အမြဲရှိနေသည်။

ထို့ကြောင့် ပြည်သူလူထုက ဂျပန်ဦးနှောက်ရောင်ကာကွယ် ဆေးထိုးနှံရခြင်း၏ ရည်ရွယ်ချက်ကို သိရှိနားလည်၍ မိမိရင်သွေးအား ကာကွယ်ဆေးထိုးနှံရန် မပျက်မကွက် ခေါ်ဆောင်လာကြရန် လိုအပ်သည်။ ကာကွယ်ဆေး ထိုးနှံခြင်းသည် ဂျပန်ဦးနှောက် ရောင်ရောဂါ မဖြစ်ပွားစေရန် အကောင်းဆုံးကာကွယ်နိုင်သော နည်းလမ်းဖြစ်သည်။

 ဂျပန်ဦးနှောက်ရောင်ကာ ကွယ်ဆေးထိုးဖူးသည်ဖြစ်စေ၊ မထိုးဖူးသည်ဖြစ်စေ အသက် ကိုးလမှ (၁၅)နှစ်အတွင်း ကလေးသူငယ်အားလုံးကို မကြာမီထိုးနှံပေး တော့မည်ဖြစ်သည်။ ကာကွယ် ဆေးရရှိရန် ကလေးသူငယ်တိုင်း ၏ အခွင့်အရေးဖြစ်သောကြောင့် ယင်းအခွင့်အရေးကို အမိအရ ဆုပ်ကိုင်မိရန်သာ လိုအပ်သည်။

 မြောက်ဒဂုံမြို့နယ်နေ ကလေး နှစ်ဦး၏ မိခင် ဒေါ်ဌေးဌေးက ‘‘ဂျပန်ဦးနှောက်ရောင် ကာကွယ် ဆေးကို တစ်ခါမှတော့ ကလေးကို အပြင်မှာမထိုးပေးဖူးဘူး။ ဒီလို ကာကွယ်ဆေး ထိုးပေးတာ ကောင်းပါတယ်။ ကျွန်မကတော့ ကိုယ့်ကလေးတွေကို ကာကွယ်ဆေးထိုးပေးရမယ်လို့ ဆုံးဖြတ်ထားတယ်’’ဟု သူ့အမြင်ကိုပြောသည်။

Top News